ޚަބަރު / މެމްބަރު އަބްދުﷲ ރިޔާޒް (ތިމަރަފުށި)

ރިޔާޒަށް ކުރާ ތުހުމަތަކީ ރާވައިގެން ސަރުކާރު ވައްޓާލަން އުޅުން

މާލެ: އޯގަސްޓް 15، 2017- އިދިކޮޅު އިއްތިހާދުން މ. ކުނޫޒްގައި ބޭއްވި ޖަލްސާގައި އަބްދުﷲ ރިޔާޒް ވާހަކަދައްކަވަނީ.---މިހާރު ފޮޓޯ: ހުސެއިން ވަހީދު

ފަޒީނާ އަހުމަދު، މިހާރު

13 މާޗް 2018 - 10:56

11 comments

އިދިކޮޅު އެއްވުމުގެ ތެރެއިން ހައްޔަރުކުރި ކުރީގެ ޕޮލިސް ކޮމިޝަނަރު އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒުގެ މައްޗަށް ވެސް ކުރަނީ ދުރާލައި ރާވައިގެން ސަރުކާރު ވައްޓާލުމުގެ ތުހުމަތު ކަމަށް އޭނާގެ ވަކީލު ނޫރުއްސަލާމް މިއަދު ވިދާޅުވެއްޖެ އެވެ.

ރިޔާޒް ހައްޔަރުކުރީ، އިދިކޮޅު ލީޑަރުން ދޫކޮށްލަން ގޮވާލައި މާލޭގައި ކުރި މުޒާހަރާއެއްްގެ ތެރެއިންނެވެ. އެ މުޒާހަރާ އަށް މީހުން މަގުތަކަށް ނެރުމުގައި ވެސް އިސްކޮށް ހަރަކާތްތެރިވެވަޑައިގަތީ ރިޔާޒު ކަމަށް ފުލުހުން ތުހުމަތުކުރާ ކަމަށް އޭނާގެ ވަކީލު ވިދާޅުވި އެވެ.

ނޫރުއްސަލާމް ވިދާޅުވީ ރިޔާޒް ހައްޔަރުކުރިތާ 12 ދުވަސް ފަހުން، އޭނާގެ މައްޗަށް ކުރާ ތުހުމަތު ކިޔައިދީ، ތަހުގީގަށް ފުލުހުން ސުވާލު ކޮށްފައިވާ ކަމަށެވެ.

"ފުލުހުން ކުރާ ތުހުމަތުތަކަށް ރިޔާޒް ވަނީ އިންކާރު ކުރައްވާފައި. އެ ދުވަހު ބައިވެރިވެވަޑައިގަތީ ސުލްހަވެރި އެއްވުމެއްގައި ކަމަށް،" ނޫރުއްސަލާމް ވިދާޅުވި އެވެ.

އޭނާ ވިދާޅުވި ގޮތުގައި އެ ދުވަހުގެ އެއްވުމަކީ ރައީސް އަބްދުﷲ ޔާމީންގެ ޣައިރު ގާނޫނީ އަމަލުތަކާ ދެކޮޅަށް ބޭއްވި އެއްވުމެކެވެ. އެ އެއްވުމުގައި ބައިވެރިވުމަކީ ގާނޫނުއަސާސީން ލިބިދޭ ހައްގެއް ކަމަށް ވެސް ރިޔާޒް ވިދާޅުވި ކަމަށް އޭނާގެ ވަކީލު ވިދާޅުވި އެވެ.

ރިޔާޒްއާ އެކު، އެ އެއްވުމުގެ ތެރެއިން، ދިއްދޫ ދާއިރާގެ މެމްބަރު އަބްދުއްލަތީފާއި ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ވެސް ހައްޔަރުކުރި އެވެ. އެކަމަކު އެ ދެ މެމްބަރުން ވަނީ ދޫކޮށްލައިފަ އެވެ.

އިދިކޮޅު ލީޑަރުން ހިމެނޭ ގޮތަށް ނުވަ ގައިދީއަކު ދޫކޮށްލަން ސުޕްރީމް ކޯޓުން މިދިޔަ މަހު އެކެއްގައި ކުރި ހުކުމާ ގުޅިގެން ކުއްލި ނުރައްކަލުގެ ހާލަތު އިއުލާންކޮށް ގިނަ ބަޔަކު ވަނީ ހައްޔަރުކޮށްފަ އެވެ. އޭގެ ތެރެއިން ގިނަ ބަޔަކަށް ކުރަނީ ސަރުކާރު ވައްޓާލަން އުޅުމުގެ ތުހުމަތެވެ.

މި ތުހުމަތަށް ހައްޔަރުކުރި މީހުންގެ ތެރޭގައި، އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދާއި ކުރީގެ ރައީސް މައުމޫން އަބްދުލްގައްޔޫމާއި ރައްޔިތުންގެ މަޖިލީހުގެ މެމްބަރުންތަކެއްގެ އިތުރުން ފުލުހުންނާއި ސިފައިންގެ ބަޔަކު ވެސް ހިމެނެ އެވެ.

ކުށްކުރުން ފުލުހުން އިދިކޮޅު ފަރާތްތައް މެމްބަރު އަބްދުﷲ ރިޔާޒް (ތިމަރަފުށި) ކުއްލި ނުރައްކަލުގެ ހާލަތު

11 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަލާ މީހެއް

13 March 2018

މަގުމައްޗަށް ނުކުންނަ ކޮންމެ މީހެއް އެގޮވަނީ ފައިބާށޭ . ނުފޭބީވިއްޔާ ވައްޓާލާނަމޭ . ކޮންމެރެޔަކު އެގޮވަނީ އެހެން . އެއެންމެން ހިފާހައްޔަރު ނުކުރަނީ ކީއްވެގެން . ވައްޓާލާ ވައްޓާލާ އެގޮވަނީ ހަމަ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރަޝް

13 March 2018

މިރާއްޖޭގެ %80 މީހުން ޖަލަށް ލާންވީނު. ހަމަ ގައިމުވެސް މިވެރިކަން ވެއްޓުމަށް އެދޭ މީހުން ގިނައިީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުކި

13 March 2018

މީނަ ޖަލަށް ލާން މާބޮޑަށްވެސް ލަސްވެއްޖެ. ކޮބާ އުމަރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނުމުގައި

13 March 2018

އެމްޑީޕީގެ ވެރިކަން ވެއްޓުމުގަ އިސްކޮށް އުޅުނު އެންމެންހެން ހައްޔަރުކޮށް ޖަލަށްލައިދީ އެއްބަޔަކު ގައުމުން ބޭރުކޮށް އެ ނިންމަދެނީ ޔާމީން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދީބު

13 March 2018

މީހުން ހުސްވެގެން ގޮސް އެންމެ ފަހުން ޔާމީނަށް ވެސް މި ސަރުކާރު ވައްޓާލަން އުޅޭ ކަމުގެ ދަޢުވާ ކުރެވޭނެ އޮޅިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ބެއްޔާ

13 March 2018

ތިޔަށްވުރެ ސަރުކާރަށް ތާއިދު ކުރާ އަދި ނުކުރާ މީހުންގެ ސަޕޯޓް ޔާމީން ސަރުކާރަށް ލިބޭނެ، 7 ފެބްރުއަރީގައި ސަރުކާރު ވައްޓާލަން މަސައްކަތް ކުރުމާ، ރައީސް ނަޝީދުގެ ސިޓީ ހިފައިގެން ހައިސިއްޔަތެއް ނެތި ދިޔަ މައްސަލަ އާއި، 8 ފެބްރުއަރީގައި ރާއްޖޭގެ ތާރީޚް ގައި ތިނަދޫ އިން މީހުން ބޭލިދުވަހަށްފަހު ފެނުނު އެންމެ ބޮޑު އަނިޔާ ރައްޔިތުންނަށް ދިން ކޮމާންޑަރ ގެ ގޮތުން ދައުވާ ކުރިނަމަ. ހަމަ ގައިމު އެމައްސަލަތުކުގައި ރިޔާޒް ޖަލުގެ ތޭރިތަކުގެ ފަހަތަށް ވަނުން އެދޭ މީހުން މިޤައުމުގައި އެތަކެއް ހާހުން ގުނާލެވޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާރމާ

13 March 2018

ތަންކޮޅެއް ކުރިން ސިޓީއެއް ހިފައިގެން މަގުމަތީ ދުވުނު ހަނދާނެއް ވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަށްޕިތާނުގެ ބަސް

13 March 2018

ކުރިން "ޓެރަރިޒަމް" ބޭނުންކޮށްގެން މީހުން ޖަލަށްލީ...މިހާރު "ސަރުކާރު ވައްޓާލަން އުޅުން"...."ޓެރަރިޒަމް" ބާވީ ދޮށްތޯ؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

13 March 2018

ވަރަށް އާދައިގެ ކަންކަމާއި ސާބިތު ކަމާއި އެކު ފެންނާންހުރި އަދި ސީދާ ޔާމިން އަބުދުލް ޤައްޔޫމްގެ އިއުތިރާފުން އެއްބަސްވެ ވަޑައިގެންފައިވާ “މިސަރުކާރުގެ ވައްކަން ތަކާއި ބެހޭގޮތުންވެސް ވާހަކަ ދެއްކުމުން” އެވާހަކަ ދައްކާ މީހާ އަށް ވެސް “ސަރުކާރު ވައްޓާލަން އުޅުނު ކަމުގެ ނުވަތަ ޓެރަރިޒަމްގެ ދައުވާ” ކުރަމުންދޭ. . . . ދުނިޔޭގެ ތާރީހަށް ބަލާއިރު “ހުދުމުހުތާރު ވެރިން ދުނިޔޭގެ ސަމާލު ކަން ހޯދުމަށް” ކަންކަންކޮށްފައި އެބަހުރި. . . . . އަދި ބައެއް ހާލަތުގައި “އެނަމީ އިތުރު ކޮށްގެން” ރައްކާތެރިކަން ކަށަވަރު ކުރުމަށްވެސް މަސައްކަތްކުރޭ. . . ދާދިފަހުން ޒިމްބާބްވޭ ގެ ހުދުމުހުތާރު ވެރިޔާ ވެސް “ފަހުވަގުތުގައި ގަދަދައްކާ ފޯރި ހިއްޕާލީވެސް އޭނާގެ ރައްކާތެރިކަން ކަށަވަރު ކުރުމުގެ ބޭނުމުގައި” ކަމަށް ބައެއްމީހުން ބުނި. . . . އަނެއްކާ މިއީވެސް ސިޔާސީ ހިމާޔަތް ބޭރު ޤައުމަކުން ހޯދާ “ހަށިރައްކާތެރިކަން ހޯދުމުގެ ބޭނުމުގައި” ކުރާކަމެއްކަމަށް ވެދާނެބާ؟؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނޭތޭ

13 March 2018

ޔާމީނާއި ދެކޮޅު ކޮންމެ މީހެއް އެއީ ''ވަރަށް ދުރާލައި ސަރުކާރު ވައްޓާލަން ނިޔަތްގަނެގެން ތިބި ބައެއް.އެމީހުން އުފަންވީ ވެސް އެގޮތަސް ނިޔަތް ގަނެގެން ތިބެ.'' . ގެޓް މައި ޕޮއިންޓް.