ދޫނިދޫގައި ބަނޑުހައިހޫނު ކަމުގެ ހަޅުތާލެއް ފަށައިފި

ދޫނިދޫ: މި ތަނުގައި ބައިތިއްބަނީ އެކި ކުށްތަކުގެ ތުހުމަތުގައި ހައްޔަރުކުރާ މީހުން.-- ފޮޓޯ: ޕެނޮރާމިއާ.ކޮމް

ފަޒީނާ އަހުމަދު، މިހާރު

15 މާޗް 2018 - 14:25

ކުއްލި ނުރައްކަލުގެ ހާލަތުގެ ދަށުން ދޫނިދޫގައި ބަންދުކޮށްފައިވާ ގިނަ ބަޔަކު ބަނޑުހައިހޫނު ކަމުގެ ހަޅުތާލެއް މިއަދު ފަށާފައިވާ ކަމަށް ބައެއް ވަކީލުންނާއި އިދިކޮޅު ޕާޓީތަކުން ބުނެފި އެވެ.

އެކަމަކު އޭގެ ތެރޭގައި، ހައްޔަރުކޮށްފައިވާ ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ހިމެނިވަޑައިގަންނަވާ ކަން އަދި ޔަގީނެއް ނޫނެވެ. ނަމަވެސް، ހައްޔަރުކޮށްފައިވާ ރައްޔިތުންގެ މަޖިލީހުގެ މެމްބަރުންނާއި އާއްމުން ހިމެނޭ ގޮތަށް ހަޅުތާލު ފެށީ މިއަދު މެންދުރުން ފެށިގެން ކަމަށް އިދިކޮޅު ހަރަކާތުގައި އުޅުއްވާ ބައެއް ވަކީލުން ވިދާޅުވި އެވެ.

ވަކީލުން ވިދާޅުވީ ބަންދުގައި ތިބި 50 އަށް ވުރެ ގިނަ މީހުން ހަޅުތާލެއް ފެށީ، އެކްޓިން ކޮމިޝަނަރު އަބްދުﷲ ނަވާޒާއި ބައްދަލުކުރަން އެދުމުން ވެސް މިހާތަނަށް ޖަވާބެއް ލިބިފައި ނުވާތީ އާއި ޖަލުގެ ހާލަތާ ގުޅިގެން ކަމަށެވެ. ގޮޅިތަކަކީ އިންސާނުން ތިބެން އެކަށީގެންވާ ތަންތަން ނޫން ކަމަށް ޝަކުވާ ހުށަހަޅާފައިވާއިރު ވެސް މިހާތަނަށް އަޅާލާފައި ނުވާތީ ކަމަށް ވެސް ވަކީލުން ވިދާޅުވެ އެވެ.

Acting CP Nawaz aa bahdhalukurumah edhumun mihaatanah ves javaabeh nulibeythee aa golheege haalathaa medhu kurevifaiva shakuvaatakah halleh aisfai nuvaatee miadhu mendhurun feshigen SoE ge dashun hayyaru kurevifaiva 50 ehhaa beyfulhun Banduhai hoonukamuge halhutaalu fashaifi.
— Mahfooz Saeed (@MahfuzSayd) March 15, 2018

ސިޔާސީ ލީޑަރުން ދޫކޮށްލަން ސުޕްރީމް ކޯޓުން މިދިޔަ މަހު އެކެއްގައި ނެރުނު އަމުރާ ގުޅިގެން ކުއްލި ނުރައްކަލުގެ ހާލަތު އިއުލާންކޮށް، 100 އަށް ވުރެ ގިނަ މީހުން ހައްޔަރު ކުރިއިރު ފުލުހުންގެ ބަންދުގައި 60 އަށް ވުރެ ގިނަ މީހުން އަދިވެސް އެބަތިބި ކަމަށް އިދިކޮޅު ޕާޓީތަކުން ބުނެ އެވެ.

އެކަމަކު ފުލުހުން މިކަން ކަށަވަރެއް ނުކޮށްދެ އެވެ. ސަރުކާރު ވައްޓާލަން އުޅުމުގެ ތުހުމަތުގައި ފުލުހުންނާއި ސިފައިން ހިމެނޭ ގޮތަށް މިހާތަނަށް ހައްޔަރުކުރީ ކިތައް މީހުން ކަމެއް ފުލުހުން ނުބުނެ އެވެ.

ފުލުހުން އިދިކޮޅު ފަރާތްތައް ވަކީލުން ކުއްލި ނުރައްކަލުގެ ހާލަތު ދޫނިދޫ

15 ކޮމެންޓް, 97 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާނީ

16 March 2018

ތިމާގެ ހަށިގަނޑަށް ގެއްލުންވާނެ އެއްވެސް ކަމެއް ކުުރުމަކީ އިސްލާމްދީނުގަ ހުއްދަ ކަމެއްނޫން ކުދީންނޭ ހޭއަރާ ހާލުގަ ތިއްބެއް ކަމަކު ދީނުގަ ހުއްދަ ނޫން ކަންތަކުން ދުރުގަ ތިބެވޭތޯ ބައްލަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

15 March 2018

އަނިޔާގެ އިންތިހާ، ފުލުހުންގެ ގޮތެއްނެތްކަން ހުރިހާ ދިމާލަކުންވެސް ފެންނަމުންދަނީ. ހަމަ އެއްވެސް ހެއްކެތް ނެތި ބޭނުންމީހަކު ބަންދުކޮށްފަ އެސްއޯއީ ބުނީމަ ބަލަ ފަރަކުނުޖެހޭނޭ! ގާނޫނާއި ޚިލާފުއަމަލްތައް ކުރާ ހުރިހާ ފުލުހުން އަދި ކުޑަގޮޅިއަށް ވަންނަންޖެހޭނެކަންޔަގީން. މާތް ﷲ ވާގިފުޅާއެކު އަނިޔާވެރިންބަލިކޮށް ހައްގަށް ނަސްރުލިބި މިގައުމު ހަމަމަގަށް އެޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

15 March 2018

މިވެސް ޙަބަރެއްތަ! 1 މިލިއަން ޑޮލަރުގެ ވާހަކަ އާއި ރޮހިންޖާ ފަންޑަށް ވީގޮތުގެ ތާޒާ ޙަބަރު ތައް ގެނެސް ދީބަލަ! ދެންވެސް މަމެން އެހީ ވީ ފަންޑު ފޮށި ތަކަށް ވީ ގޮތުގެ ޙަބަރު ތައް ގެނެސް ދީ ބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

15 March 2018

މިސަރުކާރު ނަމޫނާ އަކަށް ބަލަނީ ޗައިނާއެވެ. އެކަމު ރައްޔިތުންގެ ބާރު ގަދަވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫1234

15 March 2018

‫ރައިސް ނަޝީދު ކީއްވެބާ މިހާ ބިރުން މިޅެނީ މާލެއަރަން! އެހެން ހުރިހާ އެންމެން ޖަލުގަ އިހްތިޖާޖު ކުރާއިރު އެރައިސް އެހުންނެވީ ކައިގެން އަރާމު ފިނި ކޮޓަރީގަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

15 March 2018

ނޭނގޭތީތަ ތިއަހަނީ؟ ބަލަ ނަޝީދު އެހުރިތާކު ހުރެގެން ކުރާމަސައްކަތުން އަރާހޫނުން ނަޝީދު ނަޝީދުނޫން އެއްޗެތް ނުކިޔެއެއްނު! ޓީވީއެމް ބަލާކުދިންނަކަށް ނޭންގެނެ އައިޑޮލް ނޫންއެއްޗެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެހެ

15 March 2018

އެމަނިކުފާނަށް އަދިވެސް މިކުރާކަންތަކެއް ގެޓެއް ނުވޭ! 4 ކަނުން ބެދުނީމާ ވާނީ އެހެން. ހެހެހެެހެ. ރެއާ މިއަދަކީ ޚާއްސަ ދުވަހެއް ކުދިންނޭ. މިއަދަށް ބޭނުންވާ ހެޑް.ލައިންތައް އެބަ ލިބޭ. ޝުކުރިއްޔާ ރައީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤާދިރު

15 March 2018

ބަނޑުހައިވީމާ ނުކައި ނުހުރެވޭނެ. "ބޮޑުކަމު" ، "ކުޑަކަމު" ދާންވީމާ ނުގޮހެއް ނުހުރެވޭ. ބައިތިއްބާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންމަޑޭ

15 March 2018

އެބުނި ބަހުގެ މާނަ ނޭނގުނީ މަހިތާމަ ކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު ނަސީރު

15 March 2018

އަޅުގަނޑުވެސް 2008 ގައި ބަނޑުހައި ހޫނު ކަމުގެ ހަޅުތާލެއް ކުރިން. އެކަމަކު ބައެއްފަހަރު ސިއްރުން ޗޮކްލެޓް ކާ ހެދިން. އެހެންވީމާ، މިހާރު ޖަލުގައި ތިބި މީހުންވެސް އުޅޭނީ އެގޮތަށް، ސިއްރުން ކައިގެން އުޅޭނީ. ކޮބައިތަ ކުރިން ހަޅުތާލު ފެށި މިހާ؟ އޭނާ ފާޚާނާގެ ފެން ބޮއިގެން އުޅުނު ކަމަށް ނޫހެއްގައި އޮއްވާ ދުށިން. އޭނާ ބަނޑުހައިހޫނު ކަމުގެ ހަޅުތާލު ހުއްޓާލީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޖާ

15 March 2018

އަހަރެން ހުންނާނީ ކައިގެން. ބަނޑު ފުރާލައިގެން. ނުކާމީހަކު ނުކައި ހުރޭ. ކިތައްމެ ވަރަކަށް ބަނޑުހައި ވިޔަސް ކާންގެންދިޔަޢީމަ ނުކަންޏާ ފަހަކުން ނުގެންދެވޭނެ. އިރުއިރުކޮޅަށް ތަށިތަށް ދޮންނާކަށް ފަސޭހައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

15 March 2018

އަވަހަށް ބަނޑުހައި ހޫނުކަމުގެ ހަޅުތާލުކުރާ ފަރާތްކަތަށް ހިތްވަރުދިނުމަށްޓަކައި އަތްޖަހަމާ ހިނގާށެވެ. އޭރުން ގައިމު ދައުލަތުގެ ބަޖެޓުން އެމީހުނަށް ކާންދޭން ކުރަންޖެހޭ ހޭދަ ކުޑަވާނެއެވެ. ޖަލުގައި ތިބޭ އެންމެވެސް ބަނޑުހައި ހޫނުކަމުގެ ހަޅުތާލުކުރާނަމަ އަދި މާރަނގަޅެވެ. އޭރުން ދުވާލަކަށް އެތައް ހާސްރުފިޔާއެއް ދަޢުލަތުގެ ބަޖެޓުން ސަލާމަތްކުރެވޭނެއެވެ، އެގޮތަށް ސަލާމަތްކުރެވޭ ފައިސާއިން ގައިމުވެސް މިސަރުކާރުން ހަނދާނީ ކޮންމެވެސް ރަށެއްގެ ބަދަރެވެ.، ނުވަތަ ކުލާސްރޫމެކެވެ. ނޫނީ ކުރާނީ އެނޫންވެސް ރައްޔިތުންނަށް ލާބަ ހުރި ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހަލާކުންހަލާކު

15 March 2018

އެމީހުން ބަނޑުހައި ހޫނުކަމުގެ ހަޅުތާލު ކުރިއަސް، ކާން ތައްޔާުރު ކުރަނީ އެމީހުންނާއި ލައިގެން. ދެންކޮބާ ދައުލަތުގެ ޙަރަދު ކުޑަވެފައި. އިސްރާފް ދޯ އެގިނަވަނީ.