ކުނީގެ މައްސަލަ ހައްލުކުރަން ފުލުހުން ނުކުންނަނީ

މާލޭގެ މަގަކަށް ކުނި އުކާލާފައި: އެންވަޔަރަމަންޓް ޕޮލިހުންގެ ފުރަތަމަ މަސައްކަތް އަމާޒުކުރީ ކުންޏަށް -- މިހާރު ފޮޓޯ

އަހުމަދު ސާއިލް އަލީ، މިހާރު

22 މާޗް 2018 - 12:05

މާލެއަަށް ދިމާވެފައިވާ ކުނީގެ މައްސަލަ ހައްލުކުރަން ކުރިއަށް އޮތް މަހެއްހާ ދުވަހުގެ ތެރޭގައި "އެންވަޔަރަމެންޓް ޕޮލިސް" ހަރަކާތްތެރިވާން ފަށާނެ ކަމަށް ފުލުހުން މިއަދު ބުނެފި އެވެ.

އެންވަޔަރުމެންޓް ޕޮލިސްގެ ހިދުމަތް ފަށަން ތިމާވެއްޓާ ބެހޭ މިނިސްޓްރީ އާއި މޯލްޑިވްސް ޕޮލިސް ސާވިސް އަދި ވެމްކޯއާ ދެމެދު މިދިޔަ އާދިއްތަ ދުވަހު ވަނީ އެއްބަސްވުމެއްގައި ސޮއިކޮށްފަ އެވެ.

ގަވާއިދާ ހިލާފަށް ކުނި ޖަމާކުރުން ހުއްޓުވަން، އެ އެއްބަސްވުމުގެ ދަށުން، ރަށުތެރެ ޕެޓްރޯލްކޮށް ބެލެހެއްޓުމަށާއި ގަވާއިދާ ހިލާފަށް ކުނި އުފުލާ ފަރާތްތައް ހުއްޓުވައި ފިޔަވަޅު އެޅުމުގައި ހަރަކާތްތެރިވާނީ ފުލުހުންނެވެ.

Enviroment police ufahdhany

The most trusted news source in the Maldives

Mihaaru

އެންވަޔަރުމެންޓް ޕޮލިސް އުފައްދަން އެއްބަސްވުމުގައި ސޮއިކުރުން---

ޗީފް އިންސްޕެކްޓާ އޮފް ޕޮލިސް ފަރީދު އިސްމާއިލް "މިހާރު" އަށް މިއަދު ވިދާޅުވީ އެންވަޔަރުމެންޓްް ޕޮލިހުންގެ ގޮތުގައި މަސައްކަތްކުރާނީ ފުލުހުންގެ ސްޕެޝަލް ކޮންސްޓަބަލްގެ ފުލުހުން ކަމަށެވެ. އެ ފުލުހުން ތިބޭނީ ފުލުހުންގެ ޔުނީފޯމުގެ މަތިން އެންވަޔަރުމެންޓް ޕޮލިސް ލިއެފައިވާ ވެސްޓެއް ލައިގެން ކަމަށް އޭނާ ވިދާޅުވި އެވެ.

މަހެއްހާ ދުވަހުގެ ތެރޭގައި އެ ހިދުމަތް ފަށާއިރު ފުރަތަމަ އިސްކަން ދޭނީ ކުނި އަޅާފައި ހުންނަ ސަރަހައްދުތައް ދެނެގަނެ ކަމާ ބެހޭ އިދާރާތައް މެދުވެރިކޮށް އެތަންތަން ސާފުކުރުމަށާއި ކުނި އަޅާ ފަރާތްތައް ދެނެގަނެ އެކަން ހުއްޓުވަން ކަމަށް ފަރީދު ވިދާޅުވި އެވެ.

"ކުނި އަޅާ ފަރާތްތައް ދެނެގަނެ އެވެއާނަސް ކުރުމަށް ފުރަތަމަ އިސްކަން ދޭނީ. ކުނި އެޅުން ތަކުރާރުވާ ނަމަ ފިޔަވަޅު އަޅާނެ،" އޭނާ ވިދާޅުވި އެވެ.

ކުނި އުކާލަން ވެމްކޯގެ މުވައްޒަފުން މަސައްކަތް ކުރަނީ -- ފޮޓޯ މިހާރު

ފަރީދު ވިދާޅުވި ގޮތުގައި މިހާރު ނިންމާފައި ވަނީ ފުލުހުންގެ އެހެން ޑިޕާޓްމަންޓްތައް ފަދައިން އެންވަޔަރުމެންޓް ޕޮލިސް ޔުނިޓް ވެސް ޑިޕާޓްމަންޓެއްގެ ގޮތުގައި ހިންގާށެވެ.

އެންވަޔަރުމެންޓް ޕޮލިސް ޔުނިޓް އުފެއްދީ 2015 ގަ އެވެ. ނަމަވެސް މިހާތަނަށް އެ ޔުނިޓުގެ މަސައްކަތް އޮތީ ނުފަށަ އެވެ.

މާލޭގެ މަގުތަކަށާއި ގޯޅިތަކަށް ކުނި އުކުން މިހާރު އަނެއްކާ ވަނީ އާންމު ކަމަކަށް ވެފަ އެވެ. އޭގެ ސަބަބުން ނުބައި ވަސް ދުވުމާއި މެހި ފަދަ ތަކެތީގެ އުނދަގޫ ބޮޑެވެ.

ތިމާވެށި ފުލުހުން މާލެ ކުނި ވޭސްޓް މެނެޖްމެންޓް

51 ކޮމެންޓް, 73 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުރަކި

04 January 2019

ބުނަންތޯ ރަނގަޅު ވާހަކައެއް ފުލުހުން އެކުރާ ޕެޓްރޯލް ވެސް ދަނީ ނުކުރެވެމުން ކިތަންމެ ބައިވަރެއް ނެރުނަސް ފުލުހުން ކުރިއްޔާތާދޯ ތި މުއައްސަސާގައި އަމިއްލައަް ފެނިގެން ކަންކަން ކުރާތަނެއް ނުފެނެ..ކޮންމެވެސް މީހަކު ހަފަހަރު ގުޅައި އެއްގަޑިއުރުވަންދެން އިންތިޒާރު ކުރީމަ ބޮޑު ނަގައްނުފެތޭވަރުގެ ކާރެއްގައި އައިސް އެމީހާ ގެންގޮސްފާނެ އިސާހިތަކު އެމީހާ އައިސް އެއްކަލަ ރިpޯޓު ކުރިމީހާ އައް ގޯނާކުރަނީ މީ ދޮގެއްތޯ މީ މިކަން ހިނގަމުންދާގޮތް......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލު

23 March 2018

ކުނީގެ މައްސަލަ ހައްލުކުރަން ފުލުހުން ނުކުތުން އެއީ ފުލުހުންގެ އަގު ވައްޓާލަން ކުރުވާ ކަމެއްކަމަށް ދެކޭނަމަ އެއީ ގޯހެކެވެ. ފުލުހުންނަކީ ހަމައެކަނި ވައްކަމާއި ފޭރުމާއި މާރާމާރީ ފަދަ ކުށްތައް ހައްލުކުރަން ތިބޭ ބައެއްކަމަށް ދެކުނީ މާ ކުރީ ޒަމާނެއްގައެވެ. 21 ގަރުނައިގައި ޕޮލިސިންގ އަކީ ހަމަ އެކަނި ސީދާ ކުށް ހުއްޓުވުމަށް އޮންނަ ބަޔަކަށްވުރެ، އެއީ އެފަދަ ކުށްތަކަށް މަގުފަހިވާ ކުދި ކުދި އިޖުތިމާއި ކަންތައް ހައްލުކުރުމަށް ވަރަށް ބޮޑަށް ފޯކަސްކުރާ ބައެކެވެ. މަގުމައްޗަށް ކުނި އެޅުންފަދަ އެންޓިސޯޝަލް ބިހޭވިއަރ ތަކަކީ އޭގެ ސަބަބުން ބޮޑެތި ކުށަށް މަގުފަހިކުރުވައިދޭ ކަންތަކެއްކަން ފަހުގެ ކްރިމިނޮލޮޖިސްޓުން ފާހަގަކުރެއެވެ. އެހެންކަމުން ދިވެހި ފުލުހުން އަލަށް ފަށައިގަންނަ މި މަސައްކަތަށް ފާޑު ކިޔުމަށްވުރެ ބޮޑަށް ހިއްވަރު ދިނުމަކީ މުހިންމުކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުުމު

23 March 2018

އިޚްލާސްތެރިން ނެތް ތަނެއްގައި އެއްވެސްކަމެއް ހައްލެއްނުވާނެ... ސަރުކާރުގެ މަގްސަދަކީ ބަޔަކު ޖޫރިމަނާކޮށް ފައިސާނެގުން.. މާލޭގެ ރައްޔިތުން ބަލަންތިބޭތި ތިޔަކަން ވާނީ ޖަމަލު ފޮޑިއަށް..