23 މާޗް 2018 - 00:12
32 comments
ސިޔާސީ އިދިކޮޅު ބޭފުޅުން ހިމެނޭ ގޮތަށް ނުވަ ގައިދީއަކު ދޫކޮށްލުމަށް ސުޕްރީމް ކޯޓުން މިދިޔަ މަހުގެ 1 ގައި ނެރުނު އަމުރާ ގުޅޭގޮތުން ޕީޕީއެމުން ދެއްކި ވާހަކަތައް ތެދުކަން، ޕްރޮސެކިއުޓާ ޖެނެރަލް (ޕީޖީ)އިން ނެރުއްވި ރިޕޯޓާއެކު ހާމަވެގެންގޮސްފައިވާ ކަމަށް އެޕާޓީން ބުނެފި އެވެ.
އިދިކޮޅު ސިޔާސީ ބޭފުޅުންނާއި ފަނޑިޔާރުންގެ މައްޗަށް ޓެރަރިޒަމްގެ ދައުވާކުރަން ނިންމިކަން ހާމަކޮށް ޕީޖީ އޮފީހުން ނެރުނު ބަޔާނެއްގައި ބުނެފައިވަނީ ފެބްރުއަރީ 1 ގައި ފަސް ފަނޑިޔާރުންގެ އިއްތިފާގުން ނެރުނު އަމުރަކީ ވަކި ބަޔަކު އެކުވެގެން، އެ މީހުންނަށް ލިބިފައިވާ، މަންފާއެއްގެ ބޭނުމުގައި ރިޝްވަތުގެ ފައިސާގެ މުގާބިލުގައި ނެރެފައިވާ އަމުރެއް ކަމަށެވެ.
ޕީޕީއެމުން މިރޭ ބޭއްވި ޖަލްސާގައި ވާހަކަ ދައްކަވަމުން އެޕާޓީގެ ނައިބު ރައީސް އަބްދުއްރަހީމް އަބްދުﷲ ވިދާޅުވީ ފެބުރުއަރީ ދެ ވަނަ ދުވަހުން ފެށިގެން މިއަދާ ހަމައަށް ޕީޕީއެމުން ދައްކަމުން އައީ ހަގީގީ ވާހަކަތައްކަން ޕީޖީގެ ރިޕޯޓުން ސާބިތުވާ ކަމަށެވެ.
Supreme courtun amuru nerunee verikan vattaalumuge beynumuga: PG
The most trusted news source in the Maldives
Mihaaru
އަމުރު ނެރުނީ ވެރިކަން ވައްޓާލަން ކަމަށް ޕީޖީން ބުނުން--
"އަޅުގަނޑުމެން ބުނަމުން އައީ މިގައުމަށް ބަޔަކު ގައްދާރުވެއްޖޭ. މިގައުމުގެ ވެރިކަން ވަށްޓާލުމަށްޓަކައި ބަޔަކު ނުކުމެއްޖޭ. މިގައުމުގެ ވެރިކަން ވައްޓާލުމަށް ބަޔަކު ރިޝްވަތު ބަހައިފިޔޭ." އަބްދުއްރަހީމް ވިދާޅުވި އެވެ.
ކުއްލި ނުރައްކަލުގެ ހާލަތުގެ ދުވަސްވަރު، ދައުލަތުގެ މުއައްސަސާތަކުން ހާމަކުރަން ޖެހޭ މައުލޫމާތުތައް އެމުއައްސަސާތަކުން އިއުލާން ކުރުމުގެ ކުރިން ޕީޕީއެމުން އިއުލާން ކުރާތީ ފާޑު ކިޔުންތައްވެސް އެޕާޓީއަށް އަމާޒުވި އެވެ.
ޕީޖީން ވަނީ އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދާއި ކުރީގެ ރައީސް މައުމޫން އަބްދުލް ގައްޔޫމާއި އެ މަނިކުފާނުގެ ދަރިކަލުން ފާރިސް މައުމޫނާއި މަޖިލީހުގެ މެންބަރުންތަކެއްގެ މައްޗަށް ޓެރަރިޒަމްގެ އަމަލެއް ކުރަން އުޅުމުގެ ދައުވާކުރަން ކޯޓަށް ފޮނުވައިފި އެވެ. އެދައުވާ ކުރަން ފޮނުވި އިތުރު ބޭފުޅުންގެ ތެރޭގައި ޔުމްނާ މައުމޫންގެ ފިރިކަލުން އަހުމަދު ނަދީމާއި ކުރީގެ ކޮމިޝަނާ އޮފް ޕޮލިސް އަހުމަދު އަރީފުވެސް ހިމެނެ އެވެ.
އެ ބޭފުޅުންނަކީ ބަގާވާތެއް ގެނެސް ވެރިކަން ވައްޓާލަން އުޅުނު ކަމަށް ޕީޕީއެމުން ތުހުމަތު ކުރި ބޭފުޅުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުނބޯ
24 March 2018
ޕީޖީގެ ވާހަކަ އެކަނިއެއް ނޫން، ތިޔަތަނުން ދައްކާހުރިހާ ވާހަކައެއްވެސް، ވަނީ ގާނޫނަށް، އެހެން ޏުނީ ގަވާއިދަށް، ވަރަށް ކުޑަ މިސާލެއް، ތިޔަ ޕާރޓީގެ އިވެންޓެއް ރޭގަނޑު 1030 ގެ ފަހުން ނުބާއްވާނެ ކަމަށް އަދި ފުލުހުން ވެސް އެކަހަލަ އިވެންޓް ތައް ހުއްޓުވަން ޖެހޭ ކަމަށް ބުނިތާ 3 ގަޑިއިރުފަހުން ފުލުހުން ނޫސްވެރިން ގެންގޮސް ބުނީ ދެން 1030ގެ ފަހުން އެއްވުން ނުބޭއްވޭނެކަމަށް، މީ ނޫންތޯ ހަގީގަތަކީ....އެހެން ވެ ޕޕ އޮފީހުން ބުނީމަ ޕީޖީން ތިހެން ބަޔާން ނެރުމުން ހައިރާނެއް ނުވޭ... މާތް ކަލާކޮއް ދިވެހިން މިތިބީ ކިހިނެއް ވެފަބާ!!!!!!!
މަޙުފޫޒު ސައީދު
23 March 2018
އަހަރެން ތާއީދު ކުރަން އަދުރޭގެ ވާހަކައަށް.
ޓިނު
23 March 2018
މިކާކުތަ؟ މާއގަބޮޑުވެގެން މިއުޅެނީ؟
އިބްރާހިމް ހ.
23 March 2018
ޕީޖީ ރިޕޯޓް އެއީ ކޯޓު ހުކުމެއްބާ ސާބިތު ވީތޯ ޕީޖީ ރިޕޯޓް ނުރުނީމަ އަދުރޭ އަށް ކިޔޭ ނުކިޔޭ ނޭގެނީތަ ނޫނީ އަދުރޭ އެބުނަނީ އަދުރޭ ނޫން އެއްމެނަކީ ގަމާރުންނޭތަ ؟
ނަސޭހަތް
23 March 2018
ޕީ ޕީ އެމް އަކީ އޭޖީ ޕީޖީ ޕޮލިސް ރައީސްއޮފީސް. ތަފާތު ނަން ނަންކިޔަސް މީ ހަމައެކައްޗެއް އަދިވެސް ހުރި މިނިވަންމުއައްސަސާ ތަކޭ ކިޔާގިނަތަންތަން. ވަރަށްސަލާމް
Salaam
23 March 2018
1 ފެބްރުއަރީ އަމުރު ތަންފީޒު ނުކުތެވޭ އެއްވެސް ހަމައެއް ހުއްޖަޔެއްނެތެވެ. އެކަން ނުކޮށް ކުރާ ކޮށްމެ ކަމަކީ ގޮށްމުށުގެ ނުވަތަ ކަނޑު ހުކުމެކޭ އެއްފަދައެވެ.
ރަބަރު
23 March 2018
ޕީޕީއެމް، ޕީޖީ، އޭޖީ، ރައީސު، އޭސީސީ، އެޗްއާސީއެމް، ޕޮލިސް، އެމްއެންޑީއެފް، މަޖިލީސް، ޢަދްލު، ގައުމު، ތަރައްޤީ، ޑިމޮކްރެސީ، ދީން، ތެދު، މިއީ އެކައްޗަކަށް ކިޔާ ތަފާތު ނަންތަކެވެ.
އަހުމަދު ސަލީމް
23 March 2018
ބަލަގަ އަދުރޭ، ކަލޭމެން ތިތިބީ ކިހިނެތްވެފަތަ؟ ޕީޖީ އޮފީހަކީ މިބާވަތުގެ ރިޕޯޓުނެގެން އުފައްދައިފައިވާ ތަނެއްނޫނޭ! މޮޔަ ނުވެބަލަ! ޕީޖީއަކީ ހުކުން އިއްވާ ފަރާތެއްވެސް ނޫނޭ! ހޭ އަރާބަލަ! ކަލޭމެން ރޯމާ ދުވާލު މިއަދު އިރެއްނާރައޭ ބުންޏަސް ޕީޖީ އޮފީހުން މިހާރު އެކަން ކަށަވަރުކޮށް ބަޔާން ނެރޭނެ... ރިޕޯޓުވެސް ނެރޭނެ... އަދި ސްޕްރީމް ކޯޓުންް އެކަން އޮތީ އެގޮތައްކަން ޔަގީންކޮށްދޭނެ.... ގާނޫނީ އިމުން ބޭރުން... ޕަކާސް.... ދެން މަ ހީނ ހީނ.... އަދުރޭމެން ހީކުރަނީ އަހަރުމެން ހަމަ ކަލޭމެންހާ ގަޅީކަމަށް އުތަ؟
ބޯހަލާކު
23 March 2018
ބަލަމަގޭބާރޭ މުޅިގައުމުގައޮތީ މަދައްކާވާހަކަ މަބުނާގޮތަށޭހުރިހާމީހުންވެސްދަކައްޖެހޭނީ އެނގިއްޖެތޭ.
އަޅުގަނޑު އާރިފް
23 March 2018
މިހާތަނަށް އަޅުގަނޑު ދުނިޔޭގައި ހުރެމެ ރާއްޖޭގެ ބިމުގައި ހޭދަކުރި ބައިގަރުނުގެ ހުރިހާ ދުވަހެއްގެ ތަޖުރިބާއަށް އެއްކޮށް، މަނިކުފާނުގެ ވިދާޅުބަސްފުޅަށް ނަޒަރު ހިންގާއިރު ސިފަވަނީ، މަނިކުފާނާ މަނިކުފާނުގެ އަރިސްކޮޅު ޢިއްޒަތްތެރީން ވެސް (އުނބަށް ނުޖެއްސެވިއެއް ކަމަކު) ރައީސް ނަޝީދު އަރިހުން ފެންނަ މަންޒަރު. އަދި ހަމަ އެހެންމެ މިހާރު އެމީހެއްގެ ފަހަތްޕުޅުގައި ތިއްބެވިކަމަށް އިޙުލާޞްތެރިކަން ދައްކަވަމުން ގެންދަވާ (މަނިކުފާނުމެން ފަދަ) ބޭފުޅުން، ފަހުގެ ތާރީޚެއްގައި އެބޭފުޅަކާ ދެކޮޅުވެމެ، ފޭއްސެވި ހުރިހާ އިލޮއްޓެއްމެ އަމިއްލަ ލޯފުޅަށް ހެރި، އޭގެ ވޭނާ ހޫނު ދިލަ ފިލާނުމެގޮސްގެން އުޅުއްވާ ތަންވެސް މަންޒަރުގެ ފަހަރުން ވަރަށް ބޮޑަށް ސިފަވޭ. ތިމާމެންގެ ވިސްނުމާ ތިމާމެންގެ މޮޅުކަމާ ތިމާމެންގެ އެދުން އެއީ ތިމާމެން ބޭނުންވާ ގޮތަށް ފަހިވާންޖެހޭ ކަންކަންކަމަށް ދެކޭމީހުންނަކަށް ދިވެހިބަހުން "އިޔަހޫދީން"ނެކޭ ދަންނަވާކަށް އަޅުގަނޑެއް ނެތިން. މާތް ﷲ ތިޔަ ބޭފުޅުނަށް އެފަދަ ދުވަހެއް ނުދައްކަވާށި.