މިދިޔަ މަހުގެ ފަސް ވަނަ ދުވަހުގެ ކުއްލި ހާލަތު އިއުލާން ކުރުމާއެކު، ސުޕްރީމް ކޯޓު ހިމެނޭ ސަރަހައްދުގައި ފުލުހުން ޝީލްޑާއެކު ހަރަކާތްތެރިވަނީ: ކުއްލި ނުރައްކަލުގެ ހާލަތު އިއްޔެ ވަނީ އުވާލާފައި.--- ފޮޓޯ: ނިޝާން އަލީ /މިހާރު
23 މާޗް 2018 - 14:20
50 comments
ރާއްޖޭގެ ސިޔާސީ މަސްރަހުގައި އުޅެނީ ދިވެހިންގެ އެތެރޭގެ މައްސަލައެއް ކަމަށާއި އެކަން ހައްލު ކުރާނީ ވެސް އެތެރެ އިން ކަމަށް ދިވެހި ސަރުކާރުން މިއަދު ބުނެފި އެވެ.
މިދިޔަ މަހުގެ ފަސް ވަނަ ދުވަހުގެ ރެ އިން ފެށިފެން 45 ދުވަހުގެ މުއްދަތަށް ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތު އިއްޔެ އުވާލުމާ ގުޅިގެން، ދިވެހި ސަރުކާރުން ނެރުނު ބަޔާނުގައި ފޮރިން މިނިސްޓްރީން ބުނީ ކަންކަން ހައްލު ކުރުމަށް އޮތީ މަޝްވަރާ ކަމަށާއި އެކަމަށް އަދި ވެސް ބާރުއަޅާ ކަމަށެވެ. އަދި ސިޔާސީ ޕާޓީތަކުން މަޝްވަރާގެ މޭޒު ދޮށަށް އައުމަށް އެތައް ފަހަރަކު ސަރުކާރުން ދައުވަތު ދީފައިވާކަން ވެސް ފޮރިން މިނިސްޓްރީން ފާހަގަ ކޮށްފައި ވެ އެވެ.
ރާއްޖޭގެ ސިޔާސީ މަސްރަހު ފިނިކުރުމަށްޓަކައި ސިޔާސީ ލީޑަރުންނާ އެކު މަޝްވަރާތައް ފެށުމަށް އދ. އިން ނިންމައި އެކަން އިއުލާން ކޮށްފައިވާއިރު، ދިވެހި ސަރުކާރުން ވަނީ އެކަމަށް މަރުހަބާ ވެސް ކިޔައިފަ އެވެ. ނަމަވެސް ސަރުކާރާއި އިދިކޮޅު ފަރާތްތަކުގެ ހިޔާލު ތަފާތުވުންތަކާ ގުޅިގެން އެ މަޝްވަރާތައް އަދި ވެސް ނުފެށެ އެވެ.
ސަރުކާރުން ބުނިގޮތުގައި، އެއްވެސް އިޚުލާސްތެރިކަމެއް ނެތި އަދި ކަމުގެ ހަގީގަތް އޮޅޭ ގޮތަށް އެކި ފަރާތްތަކުން އާންމުކޮށް ނެރޭ ބަޔާންތަކުގެ ސަބަބުން ރާއްޖޭގެ މައްސަލަތަކާއި ދިވެހިން ބޭނުންވާ ކަންކަމަށް ހައްލެއް ނުލިބޭނެ އެވެ.
ދިވެހި ސަރުކާރުން އެހެން ބުނިއިރު، ކުއްލި ނުރައްކަލުގެ ހާލަތުގައި ހައްޔަރުކުރި މީހުން ދޫކުރުމަށާއި ގާނޫނުއަސާސީން ކަށަވަރު ކޮށްދީފައިވާ ހުރިހާ ހައްގުތަކެއް އަލުން ރުޖޫއަ ކޮށްދިނުމަށް ޔޫރަޕިއަން ޔޫނިއަން (އީޔޫ) އިން ނެރުނު ބަޔާނެއްގައި މިއަދު ވަނީ ގޮވާލައިފަ އެވެ.
ފޮރިން މިނިސްޓްރީން ބުނީ ކުއްލި ނުރައްކަލުގެ ހާލަތު އުވާލުމާ އެކު، ގާނޫނުއަސާސީގައި ބުނާ ހުރިހާ ހައްގުތަކެއް މިހާރު ރުޖޫއަ ކޮށްފައިވާ ކަމަށާއި ކަންކަން އާންމު ހާލަތަކަށް ބަދަލުވެފައިވާ ކަމަށެވެ.
"ދިވެހިންގެ މަސްލަހަތާ އެއްގޮތަށް ކަންކަން ކުރިއަށް ގެންދާނެ ކަމުގެ ޔަގީންކަން ދިވެހި ރައްޔިތުންނަށާއި ބައިނަލްއަގްވާމީ މުޖުތަމައަށް ދިވެހި ސަރުކާރުގެ ފަރާތުން ދެން،" ފޮރިން މިނިސްޓްރީގެ ބަޔާނުގައި ވެ އެވެ.
ދިވެހި ސަރުކާރުން މިއަދު ވެސް ބުނީ އިދިކޮޅު ސިޔާސީ ބޭފުޅުން ހިމެނޭ ގޮތަށް ނުވަ ގައިދީ އަކު ދޫކުރުމަށް އަންގައި މިދިޔަ މަހުގެ އެއްވަނަ ދުވަހު ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ނެރުނު އަމުރާ ގުޅިގެން، ކުއްލި ނުރައްކަލުގެ ހާލަތު އިއުލާން ކުރީ ދައުލަތް ހިންގުމުގެ ނިޒާމް އޮޅުންބޮޅުވެ، އެކަމުން ބޮޑު ގެއްލުމެއް ކުރިމަތިވެދާނެތީ ކަމަށެވެ.
ފޮރިން މިނިސްޓްރީން ބުނިގޮތުގައި، ނުވަ ގައިދީ އަކު ދޫކުރުމަށް އަންގައި ސުޕްރީމް ކޯޓުން ކުރިން ނެރުނު އަމުރުގެ އެ ބައި މިދިޔަ މަހުގެ ހަ ވަނަ ދުވަހު އެ ކޯޓުގެ ތިން ފަނޑިޔާރުންގެ އިއްތިފާގުން ބާތިލް ކުރުމުން، ކުރީގެ އަމުރު ތަންފީޒު ކުރުމުގެ ގާނޫނީ އެއްވެސް ބާރެއް ނެތެވެ.
އިދިކޮޅު ސިޔާސީ ބޭފުޅުން ވެސް ހިމެނޭ ގޮތަށް ނުވަ ގައިދީ އަކު ދޫކުރުމަށް ސުޕްރީމް ކޯޓުން ފުރަތަމަ ނެރުނު އަމުރުގެ އެ ބައި ބާތިލްކުރީ އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ކުއްލި ނުރައްކަލުގެ ހާލަތުގެ ދަށުން ބަންދު ކުރުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަަަަަަަަަަަަަަ
25 March 2018
1 ފެބްރުއަރީގެ އަމުރަކީ ގާނޫނުއަސާސީގެ 142 އާ ހިލާފު އަމުރަކަށް ވާނަމަ އެއަމުރު ތަނަފީޒު ނުކުރުމަށް ގާނޫނުއަސާސީގެ 133 ގެ ޅ ންވެސް ސަރުކާރަށް ބާރު ލިބިދީފާވޭ.
އެތެރެބޭރު
24 March 2018
އެތެރެގަ އުޅޭ ކަންކަން ހައްލުކުރާނީ އަމިއްލެއަށް ކަމަށްބުނެ މިހާރު 5 އަހަރު މިވަނީ އެއްވެސް ކަމެއް ހައްލެއް ނުކުރެވޭ ޔާމީން އަށް ވިސްނެނީ ހައްލަކީ އޭނައާ ދެކޮޅަށް ވާހަކަދެއްކުން ހުއްޓުވާލުންކަމަށް ހައްލަކީ އެހެން ހީކޮށް އިދިކޮޅު އެންމެން ޖަަލަށް މިލަނީ، ހައްލު ހޯދަން ހަމަ ނޭގެނީ
ޢީށަ
24 March 2018
ހައްލުކުރަން ޔާނަށް އެނގޭ. ރާއްޖޭގައި ވެރިކަންކުރެވޭނީ ޔާނުކަހަލަ މީހަކަށް. ބަރާބަރު ކަންތައްކުރާގޮތް. ކުރިޔަށްގެންދޭ. މަގުމަތި ހަލަބޮލިކުރާ މީހުން ހިފައި ހައްޔަރުކުރޭ،
މާހިރު
24 March 2018
ދިވެހިރާއްޖޭގެ ކަންކަން ރަނގަޅު ކުރަންތިބީ ދިވެހިންކަން އެއީ ޝައްކެއް އޮތްކަމެއްނޫނެވެ. މައްސަލައަކީ ސަރުކާރުން ބާރުގެ ބޭނުންކޮށްގެން ހިތުހުރިގޮތަކަށް ކަންކަން ކުރުމުގެ ސަބަބުން އެދޮރު ބަންދުވެފައި އޮތުމެވެ. ސަރުކާރުން އިދިކޮޅު ފަރާތްތަކުގެ ދުވަސްދުއްވާލުމަށް ކެނޑިނޭޅި މަސައްކަތްކުރަމުން ވާހަކަ ދައްކަން މޭޒުދޮށަށް އަންނާށޭ ބުންޏަކަސް ނުދާނެއެވެ. ރާއްޖެއަށް ހަމަޖެހުން އަންނަންއޮތީ ސަރުކާރަކަސް އިދިކޮޅަކަސް ވަކިފަރާތަކަށްނުޖެހި ޤާނޫނާ ޚިލާފް ޢަމަލުތައް ކުރާފަރާތްތަކާއިމެދު ސަލާމަތީ ޚިދުމަތްތަކުން ފިޔަވަޅުއަޅާ މިނިވަން މުއައްސަސާތައް މިނިވަންކަމާއެކު ހިންގުމުގެ ފުރުޞަތުދީ ކޯޓުތަކުން އިންސާފުވެރި ނިޔާތަކެއް ކަނޑައެޅި ދުވަހަކުންނެވެ.
އީކިއުން
23 March 2018
މައްސަލަ ހައްލުކުރަން ދިވެެއްސެއް އުޅެފިއްޔާ ވަންނަން ޖެހެނީ ޖަލަށް.
އީސާ
24 March 2018
ދިވެއްސެއްވިޔަސް ފަރަންޖީއަކަސް އަދަބާއި ޚިލާފް ކަމެއްކޮށްފިނަމަ ފިޔަވަޅުއެމުގައި މޫނަކަށް ކަނދުރާއަކަށް ނުބަލާނެއެވެ.
ހަސަން
23 March 2018
މާގަޓް ހުރި މީހަކަށް ވެގެން އުޅެނީ ... ބޮޑު ފިނޑިޔެއް. ފުލުހުންނާއި ސިފައިންނަށް ފްލެޓްދީ ، މުސާރައާއި އިނާޔަތްތަށް ބޮޑުކޮއްގެން އެދެބައި މީހުންގެ އެހީގައި ދަނޑިވިތްދައިގެން ކިރިޔާ ވެރިކަން ކުރެވެނީ.
ވީނަސް
23 March 2018
އެތެރޭން ހައްލު ކުރާވާހަކަ ސަރުކާރުން ދައްކާނަމަ ސަރުކާރުން އަމަލީ ގޮތުން ސަރުކާރުން ހެދި ގޯސް ރަންގަޅުކުރާށެވެ، މިހާރުން މިހާރަށް ރައްޔިތުންގެ މަޖިލީހުގެ މެމްބަރުންނާއި ، ސިޔާސީ ލީޑަރުންނާއި ، ފަންޑިޔާރުންނާއި ، ދެންވެސް ތިބި ސިޔާސީ މަޤުސަދެއްގައި ހައްޔަރުކޮށް ބަންދު ކުރެވި އަދި ވަޒީފާތައް ގެއްލުވާ ލެވުނު ހުރިހާ ބޭފުޅުން ދޫކޮށްލާ އެބޭފުޅުންގެ މަގާމުތައް ރުޖޫއަކޮށްދީ ލިބުނު ގެއްލުމުގެ ބަދަލު ދޭށެވެ. ހަމައެކަނި ވާހަކައިން ކެއްކޭނެ ރިހައެއް ނޯންނާނެއެވެ. ޤާނޫނުއަސާސީގެ އިމުގެތެރެޔަށް ސަރުކާރު ވަންނާށެވެ. ޤާނޫނުއަސާސީގައި ލިބިދީފާއިވާ ހުރިހާ އަސާސީ ހައްޤުތައް ރައްޔިތުންނަށް މިހާރުން މިހާރަށް ލިބިދީ ކަށަވަރު ކޮށްދޭށެވެ. އެހެން ނޫންނަމަ ހަމައެކަނި އެތެރެިން ހައްލު ނުވާނެއެވެ. ދެން ހައްލުކުރަންޖެހޭނީ މިގައުމުގެ ރައްޔިތުންނާއި މުޅި ދުނިޔެ ގުޅިގެންނެވެ. މިހާރު މިދަނީ އެމަގަށެވެ، އެއީ ސަރުކާރުގެ އިހްލާސްތެރިކަން ނެތުމުންނެވެ.
މަރޭމިތުރާ
23 March 2018
ހައްލެއް ގައުމަށް ވާންއޮތީ އެއްގޮތަކުންނޭ!!....ހައްލެއްގެ ގޮތުން އިސްތިއުފާ ދީގެންނޭ!
މަރޭމިތުރާ
23 March 2018
ޖަހާމުގުރުން ތަޅައިގެން ކަމެއް ހައްލެއް ވާނޭހޭ! މިހާލަތު ގައުމަށް ގެންނަން ހެޔޮވެސްވާނޭހޭ!
މަރޭމިތުރާ
23 March 2018
މެންބަރުންނާއި ލީޑަރުން ހައްޔަރުކޮށްގެން ކޮންކަމެއްތޯ ހައްލުވާނީ! އަންނަރުޅިގަނޑު ބާލަމުންދާ ވެރިޔަކަށް ކޮންކަމެއްތޯ ހައްލުވާނީ!
މަރޭމިތުރާ
23 March 2018
އިންސާސުންނޭ ދިވެހިންނީ އިންސާނިއްޔަތުކަން ނެރެދޭށޭ!! އިންސާފުގެ މަގުދޫކޮށް ބޭއިންސާފުން ކަންކަން ނުކުރާށޭ!