އެއްވުމެއްގެ ތެރެއިން މަހުލޫފް މާސްކެއް ހިފައިގެން-- މިހާރު ފޮޓޯ
30 މާޗް 2018 - 17:53
19 comments
އިދިކޮޅު ފަރާތްތަކުން ބޭއްވި މުޒާހަރާއެއްގައި މާސްކް ބެހުމުން، ފުލުހުންގެ ދައުރު އަދާކުރުމަށް ހުރަސްއެޅިކަމުގެ ތުހުމަތުކޮށް، ރައްޔިތުންގެ މަޖިލީހުގެެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފްގެ ބަންދަށް ކްރިމިނަލް ކޯޓުން ފަސް ދުވަސް މިއަދު ދީފި އެވެ.
އިދިކޮޅު ފަރާތްތަކުން ކުރި މުޒާހަރާއަކުން މިދިޔަ މަހުގެ 22 ގައި ހައްޔަރުކުރި މަހްލޫފްގެ ބަންދަށް މިމަހު 17 ވަނަ ދުވަހު 13 ދުވަސް ދިނުމާ ހަމައަށް އޭނާ ބަންދުގައި ހުރީ ކުއްލި ނުރައްކަލުގެ ހާލަތުގެ ދަށުންނެވެ.
މަހުލޫފްގެ ވަކީލުންގެ ޓީމުގައި ހިމެނިވަޑައިގަންނަވާ ނޫރުއްސަލާމް އަބޫބަކުރު ވިދާޅުވީ މަހުލޫފްގެ ބަންދަށް ފަސް ދުވަސް އިތުރު ކުރީ މަހުލޫފް، ހެއްކަށް ނުފޫޒު ފޯރުވަފާނެތީ އާއި މުޖުތަމައުގެ ސަލާމަތައް ނުރައްކާތެރި މީހެއް ކަމަށް ބުނެ ކަމަށެވެ. މީގެ ކުރިން ޝަރީއަތް ނިމެންދެން ބަންދުގައި ބެހެއްޓުމުގެ އަމުރަކަށް ދައުލަތުން އެދޭއިރު ވަކި މުއްދަތަކަށް ބަންދުކޮށްދިނުމަށް މިއަދު ދައުލަތުން އެދިފައިނުވާ ކަމަށް ވެސް ވަކީލް ވިދާޅުވި އެވެ.
"މާސްކް ބެހިބެހުން ފުލުހުން ބުނާގޮތުން އެއްވެއުޅުމުގެ ގާނޫނާ ހިލާފު. އަޅުގަނޑުމެން ޝަރީއަތުގައި ފާހަގަކުރިން އެއްވެ އުޅުމުގެ ގާނޫނަކީ ޖިނާއީ ކުށެއް ބަޔާން ކުރާ ގާނޫނެއް ނޫނޭ. އަނެއްކާ އެ ގާނޫނުގެ ދަށަކުން ނޫނޭ ދައުވާ ވެސް ކޮށްފައި އޮތީކީ،" ނޫރުއްސަލާމް ވިދާޅުވި އެވެ.
މާސްކު ބެހުމަކީ ފުލުހުންގެ ދައުރު އަދާކުރަން ހުރަސް އެޅުން ކަމަށް ފުލުހުން ބުނާއިރު، މާސްކް ބެހި ކަމަށާއި އެއީ ކުށެއް ނޫން ކަމަށް ޝަރީއަތުގެ މަޖިލީހުގައި މަހުލޫފް ވިދާޅުވެފައިވާ ކަމަށް ވަކީލް ވިދާޅުވި އެވެ.
އެ މައްސަލާގައި މިހާރު ދައުވާކޮށްފައިވާއިރު އެ ކުށް ސާބިތުވެއްޖެ ނަމަ ލިބޭނެ އަދަބަކީ ހަތަރު މަހާއި 24 ދުވަހުގެ ޖަލު ހުކުމެކެވެ.
މަހުލޫފް އެ އަދަބުގެ ހަތަރު ބައިކުޅަ އެއްބައި މިހާރުވެސް ޖަލުގައި ހޭދަކޮށްފައިވާތީ އޭނާ ދޫކޮށްލުމަށް އެދުނު ކަމަށް ވަކީލް ވިދާޅުވި އެވެ. އަދި އެފަދަ މައްސަލަތަކަކީ ޝަރީއަތް ކުރިއަށްދާއިރު ބަންދުގައި ބަހައްޓާ މައްސަލަތައް ނޫން ކަމަށް ވަކީލް ވިދާޅުވި އެވެ.
މަހުލޫފްގެ ވަކީލެއް ކަމަށްވާ ނާޒިމް ސައްތާރު ވިދާޅުވީ މަހުލޫފްގެ މައްޗަށް ދައުވާ ކުރަނީ ތިން މައްސަލައެއްގައި ކަމަށާއި އޭގެ ތެރެއިން ދެ މައްސަލައަކީ މަހުލޫފް ކުރައްވާފައިވާ ދެ ޓުވީޓަކާ ގުޅޭ މައްސަލަތަކެއް ކަމަށެވެ. އަނެއް މައްސަލައަކީ މާސްކް ބެހި މައްސަލަ އެވެ.
ފުލުހުންނަށް ހުރަސް އެޅުމުގެ ދެ ދައުވާއެއް ސާބިތުވެ، 2016 ވަނަ އަހަރު ވަނީ މަހުލޫފް 10 މަހާއި 24 ދުވަހަށް ޖަލަށްލައި ހުކުމް ތަންފީޒުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏަނނޖނ
01 April 2018
މާސްކް ބެހީމަމިވީ މުޖްތަމައުއަށް ނުރައްކާތެރި މީހަކަށް.. މިއީވާ ޤައުމެއް..
އަލީ!
31 March 2018
ހެލްމެޓް އެޅުމަކީވެސް ފުލުހުންގެ ވާޖިމަށް ހުރަސް އެޅުމަށް ވެދާނެތަ..؟!!
ބަލާބަލަ
31 March 2018
މިހާރު މިވީގޮތުން މަޚްލޫފު މީހަކަށް އެހީވުމަކީ ކުށެއް . އަދި ފުލުހުން ކުރާ އަނިޔާއިން ދިފާޢުވުމަކީވެސް ވާޖިބަށް ހުރަސްއެޅުން . އަނިޔާއިން ދިފާޢުވުމަށް ޤާނޫނީ ހައްޤު ދީފައިވަމާއްދާއެއް ޤާނޫނަކު ލިޔެފައެއްނެތް. ލަފާދެއްވާ މުޝީރު މިމާއްދާ ފުލުހުންނަށް ވަރަށްރަނގަޅަށް ކިޔައިދެއްވަން ވާނެ .
ތުނިޔަ
31 March 2018
ގާޒީންނަކީ ފުލުހުންގެ ރަބަރު ތައްގަނޑުތޯ؟ ބުނާ އިރަށް ބުނިވަރެއް ޖަހާދޭން..މަހޭ އެއް ނުގުޑާނެ ތިހެން ޖަހާލާ މުއްދަތަކަށް!
މުރަކަ
31 March 2018
އާނ. ނުގުޑާނެ. އޭނަ އަށް ސަނާ ކިޔާ އޭނަ މޮޔަ ހައްދާފަ މުޒާހަރާއަށް ފޮނުވީމަ ތި ވަރަށް ސަޅިގޮތެއް. ކަލޭމެން ތިބޭތި މަހޭ މަހޭ ކިޔާ ސަޕޯޓް ދޭން. އޭރުން އޭނަ ހިތަށް އަރާނެ ހާދަ ސަޕޯޓެކޭ ތިމަންނައަށް މިއޮތީ. ބަލަ ކަލޭމެން އޭނަ ގުނބޯ ހައްދައިގެން ނެރުނީމަ އޭނައޭ ބަަންދުކުރަނީ. އެކަމުން އޭނަގެ އާއިލާއަށޭ ދެރަ ލިބެނީ. ދަރިފުޅުވެސް އަނބިމީހާވެސް މަހޭ ނެތީމަ ހާދަ ދެރަވާނެއޭ
އީމަން
30 March 2018
އެހެން މީހުން މާސްކު އެޅިމާ ގާނޫނީ ކުށަކަށްވެފާ ފުލުހުން މޫނު ނުފެންނަގޮތަ މާސްކު އެޅީމަ ގާނޫނީ ކުށަކަށް ނުވާސަބުވެސް ކިޔާދީ ބަލަ.
ހުސޭނުބެ+
30 March 2018
ޔާ ﷲ މިއަނިޔާވެރިކަމުން ދިވެހިން މިންޖުކުރައްވާދޭވެ. އާމީން.
ޔެސް
30 March 2018
މަހުލޫފް ބެހީ ދަގަނޑު ދަހަނާ މާސްކެއްތަ؟ ނޫނީ ވިހަގަދަ ކެމިކަލްއެއް ހިމެނޭ މާސްކެއްތަ؟ އާދައިގެ މާސްކެއް ބަހައިގެން ފިޔަވަޅެއް ނާޅާނެ.
ކާޖާ
30 March 2018
ފަޑިޔާރުންވެސް ވެއްޖެ ދެން މިއަށްވުރެ ބުއްދި އިސްކުރަން ހޭލުންތެރިވާން ވިސްނުން ތެރިވާން.
ޖެކް ސްޕެރޯ
30 March 2018
"ފުލުހުންގެ ދައުރު އަދާކުރަން ހުރަސް އެޅުން" މިދެން އަރަތެއް ކަހަލަ ކަމެއް. މީހަކު މާސްކު ބެހީމަ ފުލުހުންގެ ދައުރަށް ހުރަސް އެޅުނީ ކިހިނެތް؟ ޕެޕާރ ސްޕްރޭ ގެ ޝިކާރަޔަށް ވާ މީހުން މޫނު ދޮވެގެންވެސް ނުވާނެ ތިވީ ގޮތުން. ސަބަބަކީ އޭގެ ދިލަ ކެނޑިދާނެތީ. ބޮޑު ޚަރަދުކޮށްގެން ގެންނަ ސްޕްރޭގެ ފޮނި މީރުކަން ގެއްލިދާނެތީ
ޒިންދަގީ
30 March 2018
މީހުންތައް ޖަލަށްލައިގެން ކިހާދުވަހަކު ހިގެހެއްޓޭނެބާ؟؟