އެސްޓީއޯގެ އެމްޑީ ޝަހީރު (މ) މިއަދު ނޫސްވެރިންނާ ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
04 އެޕްރީލް 2018 - 20:53
9 comments
ދުވާލު ގަޑީގައި މާލެ ތެރޭގައި މުދާ އުފުލުން މަނާކޮށްފައިވީ ނަމަވެސް އެސްޓީއޯ އިން ވިއްކާ އެއްވެސް މުދަލެއްގެ އަގުބޮޑު ނުވާނެ ކަމަށް އެ ކުންފުނިން މިއަދު ބުނެފި އެވެ.
ޓްރާންސްޕޯޓް އޮތޯރިޓީގެ އާ އުސޫލުގެ ދަށުން، މުދާ އުފުލޭނީ ރޭގަނޑު ކަމަށް ހަމަޖެއްސުމުން ބައެއް ވިޔަފާރިވެރިން ވަނީ އެކަމުގެ ކަންބޮޑުވުންފާޅުކޮށްފަ އެވެ. އެ ބަދަލުން ޚަރަދުތައް ބޮޑުވެ މުދަލުގެ ވެސް އަގު ބޮޑުވާނެ ކަމަށް ބައެއް ވިޔަފާރިވެރިން ވަނީ ބުނެފަ އެވެ.
އެކަމަކު، އެސްޓީއޯ އިން މިއަދު ބޭއްވި ޕްރެސް ކޮންފަރެންސްގައި އެ ކުންފުނީގެ މެނޭޖިން ޑިރެކްޓަރު އަހުމަދު ޝަހީރު ވަނީ ސަރުކާރުގެ އެ ނިންމުމަށް ވަރަށް ބޮޑަށް ތައުރީފްކުރައްވައިފަ އެވެ. އެއީ، ދުވާލު ސަރުކާރުން ނިންމި ވަރަށް ރަނގަޅު، އާންމުންނަށް ލުއި ފަސޭހަވެގެންދާނެ ބަދަލެއް ކަމަށް އޭނާ ވިދާޅުވި އެވެ.
ޝަހީރު ވިދާޅުވީ އެ ބަދަލުން، މާލެ އަމާންވެ، ވަރަށް ފަސޭހަކަމާއެކު ދަތުރުކުރުމުގެ ފުރުސަތު ލިބިފައިވާ ކަމަށެވެ. މި އުސޫލަށް އަމަލު ކުރުމުގެ ކުރިން، މާލޭގައި ދަތުރުފަތުރު ކުރުމަކީ ދަތި ހާލުގައި ކުރަމުން އައި ކަމެއް ކަމަށް ވެސް އޭނާ ވިދާޅުވި އެވެ.
"އެސްޓީއޯ އިން ވިއްކާ އެއްވެސް މުދަލަކަށް މިކަމާ ގުޅިގެން އަގަށް އެއްވެސް ބަދަލެއް ނާންނާނެ. ހުރި އަގުތަކުގައި އަޅުގަނޑުމެންގެ މުދާ ހުންނާނީ،" ޝަހީރު ވިދާޅުވި އެވެ.
ކުދި އަދި މެދުފަންތީގެ ވިޔަފާރިތަކަށް އެސްޓީއޯ އިން މުދާ ދޫކުރެ އެވެ. މުދާ އުފުލާ ގަޑިއަށް ގެނައި ބަދަލާ ގުޅިގެން އެއްވެސް މުދަލެއްގެ އަގު ބޮޑު ނުކުރުމަށް ޝަހީރު ވަނީ ވިޔަފާރިވެރިންނަށް ގޮވާލައްވައިފަ އެވެ.
އޭނާ ވިދާޅުވި ގޮތުގައި ސަރުކާރުން ގެނައި ބަދަލާ ގުޅިގެން މުސްތަގުބަލުގައި މުދަލުގެ އަގަށް ކޮންމެވެސް ވަރެއްގެ ހެޔޮ ބަދަލެއް އަންނާނެ ކަމަށް އުންމީދު ކުރައްވަ އެވެ.
ޝަހީރު ވިދާޅުވީ މަޖޫރީންގެ އަގުތައް ރަނގަޅު ނަމަ، އެސްޓީއޯ އިން އަމިއްލައަށް މުދާ ކްލިއާ ކުރުމުގެ ބަދަލުގައި މަޖޫރީންގެ އެހީގައި މުދާ ކްލިއާ ކުރުމުގެ ފުރުސަތު ދޭން އެ ކުންފުނިން ތައްޔާރު ކަމަށެވެ.
ދުވާލުގެ ވަގުތުގައި މުދާ އުފުލުން މަނާކުރުމުން ވިޔަފާރިތަކަށް އަސަރު ކުރި ކަމުގައި ވިޔަސް، އޮފީސް ގަޑިތަކުގަ އާއި ސްކޫލް ގަޑިތަކުގައި މާލޭގެ މަގުތައް ތޮއްޖެހުމުގެ މައްސަލަ އަށް މިހާރު ވަނީ ވަރަށް ބޮޑު ލުޔެއް ލިބިފަ އެވެ. އެކަމަކު، ސަރުކާރުން އަންނަނީ ވިޔަފާރިވެރިންނާ މަޝްވަރާކޮށްގެން، އެމީހުންނަށް ދިމާވާ ދަތިތަކާއި އުނދަގޫތައް އޮޅުން ފިލުވައި ހައްލު ހޯދައިދޭން މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލް
05 April 2018
ތިއީ އަދި ހައްލެއް ނޫން، ހުޅުމާލޭގައި ރަށްވެހިކަން ނެތް މީހުންނަށް ރަޖިސްޓްރީ ނުކުރެވޭ އައުސޫލު ގެންގުޅެންވީ އަދި ގިނަ ވެގެން ކޮންމެ މީހަކަށް ރްޖިސްޓްރީ ކުރެވޭނީ ވައްތަރަކުން އެއް އުޅަނދު ކަމުގައި ހަދަންވީ. މިހާރުން ފެށިގެން އެ އުސޫލުން ކަންކަން ނުކޮށްފިޔާ ވެހިކަލްތައް ވާނީ ހަމަ ގިން، މަގުތައް ކާރުބާރު ބޮޑު ކަމުން ކާރު ނުގަނެ އުޅޭ މީހުން،، އެކަމަކު މިހާރު ތިޔަ ލިބުނު ލިޔާ އެކު އިތުރު މީހުން ކާރު ގަނެގެން މާލެ މަގު ތަކަށް ނެރެފިއްޔާ އެޖެހުނީ ކޮންތާކުތޯ؟ އަދި މިހާރު މާލޭގައި ބޭނުންކުރާ ވެހިކަލް ތައްވެސް އަލުން ރީ ރަޖިސްޓްރީ ކުރަން ފަށަންވީ. މާލެ މީހުންނާށް މޮޅު ގޮތް ހަދަން ބޭނުން ކުރާނެ އުސޫލެއް ނޫން މީކީ، ހުޅުމާލޭގައި އެގޮތް ހިންގޭ ކަމަށް ވަންޏާ މާލޭގައި އަދި މާ މިހިއްމު. މާލެ ރަށްވެހިންނަށް އެކަނި އެކަން ކުރެވޭގޮތް ހަދަން މިބުނަނީ އެއި އެންމެ އިންސާފުވެރިކަމާއި އެކު މިންގަޑެއް ކަނޑައެޅެން އޮތް ގޮތް.
ޗޮމމ
05 April 2018
އެސްޓީއޯ ސުޕަރމާޓްގެ %95 މުދަލަކީ އެހެން ވިޔަފާރިވެރިން އަތުން ގަންނަ މުދަލަށް ވާއިރު، އެ ވިޔަފާރިވެރިން ހޯލްސޭލް އަގު ބޮޑުކުރުމުން އެސްޓީއޯ އަގު ހިފަހައްޓަން ޖެހޭނީ ގެއްލުމުގައެވެ.
ހާސަރު
05 April 2018
ހުސްދޮގު އެންމެފުރަތަމަ ވެސް ރޭގަނޑު 12 އަށް ތެޔޮވިއްކޭގޮތް ހެދުމާއެކު އަގުބޮޑުކޮށްލީ އެސްޓީއޯއިން. 2 ގަޑިއިރަށް މުއައްޒިފުން ނެރެންޖެހުނީމަ އެބައި ހޯދަން ނިންމި ސައިކަލް ތަކާ ކާރު ތަކަށް އަޅާ ޕެޓްރޯލުން.
އުމަރު
05 April 2018
ރައީސް ހަމަ ވިދާޅުވިގޮތެއް، ދެން އަތްޖަހާ
ރަދީފް އަމާ
04 April 2018
ބަދަލާއިއެކު އަގު މިހާރަށްވުރެ ހެޔޮކުރަންވީނު؟
ލާމަސީލު
04 April 2018
ބޭރުމީހުން ވައްދައިގެން މުދާކްލިއަރ ކުރާތާ ކޮންދުވަހެއް. އަމިއްލަ ޕްރައިވެޓް ލޮރީފަހަރުގަ މުދާ ބޭރުކުރަނީވެސް. ދެންވެސް ބުނާނެ ދިވެހިންނަށް ފައިދާއޭ.
ބީކޭކޭ
04 April 2018
މިވެސް ޙަބަރެއްތަ؟ އެސްޓީއޯއަކުން އަގުބޮޑުކުރާކައް ނުޖެހެ!
ޒިންދަގީ
04 April 2018
ތިއެއްކަލަ އެއްޗެކޭ ކިޔަނީއޭ.. އެންމެ ފުރަތަމަވެސް އެސްޓީއޯއިން ބޮޑުކޮށްލީ ތެލުގެ އަގު.. ކުޑަކުރަންވީއެއްނު ތެލުގެއަގު.. ތީ ކޮމިއުނިސްޓު ތަންތާނަވެސް ކުރެވޭކަމެއްނޫން.. ދެން ކިހިނެއް ގަދަކަމުން ތަކެތީގެ އަގު ކޮންޓްރޯލުކުރާނީ.. ރޯދަމަހު އަދި ފޯރިގަދަވާނީ.
މަހާރަދުން
04 April 2018
ސަހީރު އަށެ މުސާރަ ލިބޭނެ އެސްޓީ އޯއިން އެއްވެސް މަސައްކަތެއް ނުކުރިޔަސް، ނިދަންވެސް ދެވޭނެ ގަޑިން ގަޑިޔަށް، ތހިހެން ބުނެލއަިގެނބއެކަމަކު ދަށުފަނތީގެ މުވަޒަފުންގެ ހާލާ މެދު ވިސްނާލިން ތަ