ވަކީލުން ލިބުމުގެ ދަތިކަން އެބަހުރި، ވަކީލުންގެ އެހީތެރިކަން ބޭނުންވޭ: އުއްތަމަ ފަނޑިޔާރު

ގާނޫނީ އެހީތެރިކަން ފޯރުކޮށްދިނުމާ ބެހޭ މަހާސިންތާ ފަށަން ބަނޑޮސް އައިލެންޑް ރިސޯޓުގައި ބޭއްވި ރަސްމިއްޔާތުގައި އުއްތަމަ ފަނޑިޔާރު ވާހަކަ ދައްކަވަނީ -- ފޮޓޯ: ޔޫއެންޑީޕީ

މުހައްމަދު ޔާމީން، މިހާރު

20 ޖުލައި 2016 - 13:02

9 comments

ރާއްޖޭގެ ބައެއް ސަރަހައްދުތަކުގައި ގާނޫނީ ވަކީލުން ނުލިބުމުގެ މައްސަލަ އެބަ ހުރި ކަމަށާއި "ދެރަވަރު" މީހުންނަށް ގާނޫނީ ވަކީލުންގެ މުހިންމުކަން ބޮޑު ކަމަށް އުއްތަމަ ފަނޑިޔާރު އަބްދުﷲ ސައީދު މިއަދު ވިދާޅުވެއްޖެ އެވެ.

ގާނޫނީ އެހީތެރިކަން ފޯރުކޮށްދިނުމާ ބެހޭ ގައުމީ މަހާސިންތާ ފަށަން ބަނޑޮސް އައިލެންޑް ރިސޯޓުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން އުއްތަމަ ފަނޑިޔާރު ވިދާޅުވީ އިންސާފަށް ވާސިލްވެވޭނީ ކޯޓުތައް މެދުވެރިކޮށް މީހުންގެ ހައްގުތައް ހޯދަން ބޭނުންވާ މައުލޫމާތާއި ހޭލުންތެރިކަމާއި ވަސީލަތް ފަހިކޮށްދީގެން ކަމަށެވެ.

އެމަނިކުފާނު ވިދާޅުވި ގޮތުގައި ގާނޫނީ އެހީތެރިކަން ފޯރުކޮށްދިނުމަކީ މާލީ ތަނަވަސްކަން ހުރި މީހުންނާއި ތަނަވަސްކަން ނެތް މީހުންނަށް ވެސް ހަމަހަމަކަން ހޯދައިދޭ ނިޒާމެކެވެ. އަދި ޖިނާއީ ބޮޑެތި މައްސަލަތަކުގައި ތުހުމަތުކުރެވޭ މީހެއްގެ ގާނޫނުގެ އެހީތެރިކަން ލިބޭނެ ތަނަވަސްކަން ނެތް ނަމަ، އެ މީހަކަށް ގާނޫނީ ވަކީލަކު އައްޔަން ކޮށްދިނުމަކީ ދައުލަތުގެ ޒިންމާއެއް ކަން ވެސް އޭނާ ފާހަގަކުރެއްވި އެވެ.

"ވަކީލުންނަކީ ރައްޔިތުންނަށް ބޭނުންވާ އެންމެ މުހިންމު ވަސީލަތް. މި ވަސީލަތް ތަނަވަސްކަން ނެތް މީހުންނަށް ދައުލަތުގެ ފަރާތުން ފޯރުކޮށްދިނުމުން އެ މީހުންނަށް ގާނޫނުގެ ކުރިމަތީގައި ހަމަހަމަކަން ހޯދައިދެވޭ،" އުއްތަމަފަނޑިޔާރު ސައީދު ވިދާޅުވި އެވެ.

އެމަނިކުފާނު ވިދާޅުވީ އެއްވެސް ކުށެއްގެ ތުހުމަތުކުރެވޭ މީހަކަށް ވަކީލަކު އައްޔަން ނުކުރެވި ހުރުމަކީ ކަންބޮޑުވާން ޖެހޭ ކަމެއް ކަމަށެވެ. އޭގެ ސަބަބުން އަދުލު އިންސާފު ހޯދަން އިތުރު ދަތިތަކާއި ވޭނާއި ތަކުލީފްތައް އުފުލަން ޖެހޭނެ ކަމަށް ވެސް ވިދާޅުވި އެވެ.

އެހެންކަމުން ގާނޫނީ އެހީތެރިކަން ބޭނުންވާ މީހުންނަށް ދައުލަތުން އެ އެހީތެރިކަން ފޯރުކުރެވިދާނެ ނިޒާމެއް ގާއިމްކޮށް ދިނުމަކީ އެންމެންނަށް މަންފާ ލިބޭނެ ކަމެއް ކަން އުއްތަމަ ފަނޑިޔާރު ފާހަގަކުރެއްވި އެވެ.

ގާނޫނީ އެހީތެރިކަން ފޯރުކޮށްދިނުމާ ބެހޭ މަހާސިންތާ ފަށަން ބަނޑޮސް އައިލެންޑް ރިސޯޓުގައި ބޭއްވި ރަސްމިއްޔާތު - ފޮޓޯ: ޔޫއެންޑީޕީ

އުއްތަމަ ފަނޑިޔާރުގެ ވާހަކައިގައި އަދުލު އިންސާފަށް ވާސިލްވުމުގެ ކަންކަން ހަރުދަނާ ކުރުމަކީ ޝަރުއީ ދާއިރާއިން އެންމެ އިސްކަން ދޭ މަސައްކަތް ކަން ފާހަގަކުރެއްވި އެވެ. އެގޮތުން 2008 އިން ފެށިގެން ސުޕްރީމް ކޯޓުން ދަނީ އެ މަސައްކަތް ކުރަމުން ކަމަށާއި މިދިޔަ އަހަރު ޝަރުއީ ދާއިރާ ހަރުދަނާ ކުރުމަަށް މުހިންމު ފިޔަވަޅުތަކެއް އެޅިކަން ވެސް އެމަނިކުފާނު ވިދާޅުވި އެވެ.

މިއަދުގެ ނިޔަލަށް ބަނޑޮހުގައި ކުރިއަށްދާ މަހާސިންތާގެ ބޭނުމަކީ ގާނޫނީ އެހީތެރިކަން ބޭނުންވާ މީހުންނަށް ދައުލަތުން އެ އެހީތެރިކަން ފޯރުކޮށްދެވިދާނެ ގޮތްތަކާ ބެހޭ ގޮތުން ދިރާސާކުރުމެވެ. މި ކޮންފަރެންސް ކުރިއަށް ދަނީ ޔޫއެންޑީޕީ އާއި ފެމިލީ ޕްރޮޓެކްޝަން އޮތޯރިޓީ ގުޅިގެންނެވެ. މި މަހާސިންތާގައި ރާއްޖޭގައި މަސައްކަތް ކުރާ ގިނަ އަދަދެއްގެ ވަކީލުން ބައިވެރިވެ އެވެ.

ސުޕްރީމް ކޯޓް އެޓާނީ ޖެނެރަލް ވަކީލުން ފަނޑިޔާރު އަބްދުﷲ ސައީދު އެޓާނީ ޖެނެރަލްގެ އޮފީސް

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަންދޯކު

20 July 2016

ޢަޅެފަހެ ލަދެއް ނުގަނޭތަ ވަކީލުންގެ ވާހަކަ ދައްކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Maldives

20 July 2016

ކީއްކުރާ ވަކީލުންނެއް. ފަޓާސްބަރިއެއްހެން ޝަރީއަތްތަށްތިޔަނިންމާލަނީ ވަކީލުންތިބިގޮތަށްތިއްބާ.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު

20 July 2016

ޥަކީލުންގެ ބޭނުމެއް އެބައޮތްތޯ؟ ކިތަންމެ ވަރުގަދަޔަށް ވަކާލާތު ކުރިޔަސް ހުކުމް ކުރާމީހާ ހަދާނީ ހިތުހުރިގޮތެއް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާ

20 July 2016

ރާއްޖޭގަ ވަކީލުން މަދެއްނުވާނެ. އެކަމަކު ވަކީލުކަން ކުރުމުގައި ގޮންޖެހުންތަކެއްވެސް އެބަހުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމދު

20 July 2016

ކީއްކުރަން ވަކީލުން މިހާރު ތިބޭ ގާޒީންނަށް ވާނެ އެއްނު. ހިތަށްއެރިގޮތެއް ރާސްޓަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

inaz

20 July 2016

ވާހަކަ ވަރަށް މޮޅުވާނެ، އެކަމު ދުވާލަކު 2 ފަހަރު ޤަވާއިދު ހަދައިގެން އަލުން ރަޖިސްޓްރީވާން އަންގާނެ، ކިރިޔާކަމެއްވާއިރަށް ސަސްޕެންޑް ކުރާނެ. އެހާވަރަށް ފިއްތަންޏާ އެސޮރުމެން ވެސް ނުދާނެ ދޯ ރިސްކު ސަލާމަތްވާވަރަށް ލާރިކޮޅެއް ލިބޭކަހަލަ މައްސަލައަކަށް ނޫނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދީ

20 July 2016

އެހެންނު ވާނީ އެއްބައި މައްސަލަތަކުގަ ވަކީލަކަށް ވުމަކީ ވެސް ސަސްޕެންޑްކޮށް ފޯނު ކޯލު ރެކޯޑިންގ އަޑުއަހާ ދަތިކުރުމުގެ ފިޔަވަޅު އަޅާވަރުގެ ކުށަކަށް ވެފައި މި އޮންނަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީމް

20 July 2016

ވަކިބައެއްގެ ވަކީލުކަން ކޮށްފިނަމަ ސަސްޕެންޑް ކުރާއުސޫލު އޮތްހާދުވަހަކު ދަތިވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފާގު

20 July 2016

އަޅުގަޑަށް ހީވަނީ ދިވެހި ކޮންމެ އެއްހާސް ރައްޔިތަކަށް ސުޕްރީމްކޯޓުން ވަކީލަކު ހަމަޖައްސައިދީ އެފަރާތްތައް ސްޕްރީމްކޯޓުގެ ރިޓެއިނަރ ގައި ބޭތިއްބުމުން ރަނގަޅުވާނެހެން. މިގޮތުން ރިޓެއިނަރ އަކީ މަހަކު 7 ރުފިޔާކަމުގައި ހަމަޖައްސައި، އަދި ދާންޖެހޭ ކޮންމެ އަޑުއެހުމަކަށް އެއްހާސްރުފިޔާ ހަމަޖައްސައި، މަތީފެންވަރުގެ ހެލްތު އިންޝުއަރަންސް ޕެކެޖެއް ހަމަޖައްސައި ދޭންވީހެން. އަދި އިސްލާމިކް ޔުނިވަސިޓީއާއި ގުޅިގެން އަހަރަކު 100 ޒުވާނުންނަށް ލޯޔަރުކަން ދަސްކޮށްދީގެން ތިން އަހަރު ތެރޭ މިކަން ވަރަށް ރަނގަޅަށް ކުރެވިދާނެ. މިގޮތުން ރައްޔިތުންގެ ވަކީލުންގެ ގޮތުގައި ތިބޭމީހުންނަށް އަމިއްލައަށް ވަކީލުކަމެއް ނުކުރެވޭނެ. އެހެން ވިޔަފާރިއާއި ކޮންސަލްޓަންސީ ގެ މަސައްކަތް ކުރެވިދާނެ. މިއީ ދުނިޔެއިން ބަލައިގަންނަ ފެންވަރުގެ އާކަމަކަށް ވާނެ.