18 އެޕްރީލް 2018 - 15:46
108 comments
ގާސިމް އިބްރާހިމްގެ ވިލާ ކުންފުންޏަށް ސަރުކާރުން ދޫކުރި ފަސް ރަށެއް ސަރުކާރުން އަތުލީ ގާނޫނާ ޚިލާފަށް ކަމަށް ކަނޑައަޅައި، އެ ފަސް ރަށުގެ މައްސަލަ ވިލާ ކުންފުންޏާ އެއްކޮޅަށް ސުޕްރީމް ކޯޓުން މިއަދު ހުކުމްކޮށްފި އެވެ.
ވިލާގެ އެކި ކުންފުނިތަކަށް ސަރުކާރުން ދޫކޮށްފައިވާ ފަސް ރަށެއްގެ އެއްބަސްވުން ބާތިލްކޮށް، އެތަންތަން 2015 ގައި ސަރުކާރުން އަތުލި މައްސަލާގައި ވިލާއާ އެއްކޮޅަށް ސިވިލް ކޯޓުން ހުކުމް ކޮށްފައި ވަނިކޮށް، ހައި ކޯޓުން މިދިޔަ އަހަރު ވަނީ ސިވިލް ކޯޓުގެ ހުކުމްތައް ބާތިލްކޮށް، އެތަންތަން އަތުލީ ރަނގަޅަށް ކަމަށް ހުކުމްކޮށްފަ އެވެ. އެ މައްސަލަ ވިލާއިން އިސްތިއުނާފް ކުރުމުން ސުޕްރީމް ކޯޓުން މިއަދު ހައި ކޯޓުގެ ހުކުމްތައް ބާތިލްކޮށް، ސިވިލް ކޯޓުގެ ހުކުމް ރަނގަޅު ކަމަށް ނިންމައިފަ އެވެ.
މި ރަށްތަކަކީ ވިލާ އަތުން 188 މިލިއަން ޑޮލަރު (2.9 ބިލިއަން ރުފިޔާ) ހޯދަން މީރާއިން ސިވިލް ކޯޓުގައި ދައުވާކުރާ މައްސަލަތަކާ ގުޅުންހުރި ރަށްތަކެވެ. އެ މައްސަލަތައް ވިލާއާ އެއްކޮޅަށް ސުޕްރީމް ކޯޓުން ނިމިފައިވާތީ، އެ ފައިސާ ވިލާއިން ދައްކަން ޖެހޭނެ ކަން ނުވަތަ ނޫންކަން އަދި ސާފެއް ނުވެ އެވެ.
އެ ރަށްތަކުގެ އެއްބަސްވުން ބާތިލް ކުރި ކުރުން ދައުލަތުން ބިނާކުރާ އަސާސީ ވިލާގެ ހިއްސާ އޮންނަ ވޯލްޑް ލިންކް ޓްރެވަލްސް (ޑަބްލިއުއެލްޓީ) އިން ދައުލަތާ ދެކޮޅަށް 129 މިލިއަން ޑޮލަރުގެ ދައުވާއެއް ކޮށްފައި އޮތުމެވެ.
ދައުލަތާ ދެކޮޅަށް ދައުވާއެއް ނުކުރަން ވިލާ އާއި ސަރުކާރާ ދެމެދުގައި އޮތް ސެޓްލްމަންޓް އެގްރިމެންޓްގައި ޝަރުތު ކޮށްފައިވާއިރު، ވިލާއާ ގުޅުން އޮތް ޑަބްލިއުއެލްޓީން ދައުލަތާ ދެކޮޅަށް ދައުވާ ކުރި ކުރުމަކީ ސެޓްލްމަންޓް އެގްރިމެންޓާ ވިލާއިން ޚިލާފްވުން ކަމަށް ދައުލަތުން ބުނެ އެވެ. އެހެންވެ، އޭގެ ނަތީޖާއެއްގެ ގޮތުން ސެޓްލްމަންޓް އެގްރިމެންޓް ބާތިލްކޮށް، އެ އެގްރިމެންޓްގެ ދަށުން ރަށްތައް ދޫކުރުމާ ގުޅޭގޮތުން ހެދި އެމެންޑެޑް އެންޑް ރީ އިންސްޓޭޓެޑް ލީސް އެގްރިމެންޓް ވެސް ސަރުކާރުން އޭރު އޮތީ ބާތިލްކޮށްފަ އެވެ.
އެކަމަކު ވިލާގެ ވަކީލުން ބުނަމުން ދިޔައީ ޑަބްލިއުއެލްޓީއަކީ ސެޓްލްމަންޓް އެގްރިމެންޓްގެ ބައިވެރިއެއް ނޫން ކަމަށާއި އެހެންވެ ޑަބްލިއުއެލްޓީން ދައުވާ ކުރި ކުރުމަކީ ރަށްތަކުގެ އެއްބަސްވުން ބާތިލް ކުރެވޭނެ ކަމެއް ނޫން ކަމަށެވެ. އަދި ޑަބްލިއުއެލްޓީން ދައުވާކުރާ މައްސަލައަކީ ސެޓްލްމަންޓް އެގްރިމެންޓް ހެދިއިރު ވެސް ހިނގަމުން ދިޔަ މައްސަލައެއް ކަން ވެސް ވިލާގެ ވަކީލުން ގެންދިޔައީ ފާހަގަ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
19 April 2018
ޓޫރިޒަމް މިނިސްޓަރާއި، މީރާގެ ބޯޑު އެބަޖެހޭ މިހިސާބުން އިސްތިއުފާދޭން، ދެން ވިލާއިން ބަދަލު ހޯދުމަށް ކުރާ ދައުވާ ސަރުކާރާއި ދެކޮޅަށް ނިމިއްޖެއްޔާ ވަރަށް ބޮޑު ބަދަލެއް ސަރުކާރުން ވިލާއަށް ދޭންޖެހޭނެ، އެކަމަކު އެބަދަލު ދޭންޖެހުނީ ޓޫރިޒަމް މިނިސްޓަރާއި މީރާގެ ބޯޑު ގުޅިގެން ހިންގި ޤާނޫނާއި އަދި ހެދިފައިވާ ގަވަދުތަކާއި ހިލާފް އަމަލެއްގެ ސަބަބުން، އަދި ކޮބައިތޯ ވިލާ ކޮޓަލްސްގެ ރެޕިއުޓޭޝަން، މާކެޓުގައި އެމީހުންނަށްވި ގެއްލުން، އެމީހުންގެ ހުއްދަތަށް ހިފަހައްޓައިގެން ވި ގެއްލުން، އެމީހުންނަށް ރަލާއި އޫރުމަސް އެތެރެކުރުން މަނާކޮށް މުދާ އެތެރެކުރުން މަނާކޮށް އެކައުންޓްތަށް ފްރީޒްކޮށްގެން ހިންގި ކަންން، އެހެންވެ އަހަރުމެން ބުނަނީ އެކައުންޓް ފްރީޒްކުރާށޭ ހުރިހައި ކޯޓްތަކުގެ މަރުހަލާ ނިމުމުން، އެހެންކަމުން ދައުލަތުން މިމީހުންގެ މައްސަލަ މިހާރުން މިހާރަށް ބަލަންޖެހޭ
ކައުންސެލަރު
19 April 2018
އަނެއްކާ އަނެއްކަންތައް ތިޖެހުނީ.
އަސޮކު
19 April 2018
ސްޕްރީމް ކޯޓުގެ ހުކުމް ބާތިލް. އުއްތަމަ ފަނޑިޔާރާއި އަލީ ހަމީދު ބަންދުކޮށްގެން ނެރޭ ހުކުމެއް ބަލައެއް ނުގަނެވޭނެ... އިދިކޮޅު ފަރާތްތަކުން ތަކުރާރުކޮށް ގޮވަމުން ދިޔައީ މިގޮތައް. މިއަދު މިހުކުމް އޯކޭ ވިގޮތެއް ސާފު ކޮށް ދީބަލަ.
ޗަސްކޮ
19 April 2018
މި ހުކުމް ރަނގަޅުވާ ގޮތަކީ އިދިކޮޅު ފަރާތްތަކުން އުއްތަމަ ފަނޑިޔާރު ނެތި ސްޕްރީމް ކޯޓް ފުރިހަމަ ނުވާނެކަމަށް ހަރު ަޑުން ގޮވަމުންދާ އިރުވެސް އުއްތަމަ ފަނޑިޔާރާ ނުލާ ނެރޭ އަމުރުތަށް ސައްޙަކަމަށް ސަރުކާރުން ދެކި އެ ފަދަ އަމުރު ތަކަށް ޢަމަލު ކުރަމުން ދާތީ. ޢެއީ ސަބަބެއްކަމަށް ބަލާ މި ޙުކުމް ބާޠިލް ޙުކުމަކަށް ހެދުމަށްޓަކާ އަޅެފަހެ ކެރެންޏާ ނިކަން އެގޮތައް ނެރެފައިވާ ހުރިހާ ޙުކުމެއް ބާޠިލް ކޮށްލަބަލަ. ބިއްލޫރި ގޭގޭގަ ތިބެގެން އެހެން މީހުނާ ދިމާލަށް ގާ ނޫކަބަލަ.
ފަސީހު
19 April 2018
އިދިކޮޅުން މިބުނަނީ މިފަހަރު އެތިންފަނޑިޔާރުންވެސް ހައްޔަރުކުރާށޭ. ރިޝްވަތު ނެގިކަމަށް ނިންމަން މިފަހަރު މާއައުލާކަން ބޮޑޭ. ޔާމީނަށް ކެރޭނެތަ. މިބުނީ ނުކެރޭނެއޭ. އޭނަގެ ފިކުރު ހުރީ ހަމައެކަނީ ވެރިކަމަށް. ގައުމަށް ކޮންމެހެނެއްވިޔަސް އެންމެރަނގަޅު، ކީކޭކަލޯ ބުނަނީ
މޯޑު
19 April 2018
ލަފާކުރެވެނީޔޭ ކިޔާފަ ބުނެވޭނީ އިންތިހާބަށް ގާސިމު އަތުއަޅުވާލީ ކަމަށް.
މޯޑު
19 April 2018
ލަފާކުރެވެނީޔޭ ކިޔާފަ ބުނެވޭނީ އިންތިހާބަށް ގާސިމު އަތުއަޅުވާލީ ކަމަށް.
ހައްޖަ
19 April 2018
ތިޔަކަންތައް ތިޔަ ނިންމުނީ އެންމެ ރަނގަޅަށް ނޫންކަން އަދި ވިސްނޭ ދުވަހެއް އަންނާނެ. ތިކަމުން ރައްޔިތުންނަށްވީ އެންމެ ފައިދާއެއްވެސް ކުރިއެރުމެއްވެސް ނޯންނާނެ. ތިޔަތަންތަން ހޯދިގޮތްވެސް ރަނގަޅެއްނޫން.
ބޮޑުކަކުނި
19 April 2018
. އެ މައްސަލަތައް ވިލާއާ އެއްކޮޅަށް ސުޕްރީމް ކޯޓުން ނިމިފައިވާތީ، އެ ފައިސާ ވިލާއިން ދައްކަން ޖެހޭނެ ކަން ނުވަތަ ނޫންކަން އަދި ސާފެއް ނުވެ އެވެ.******އެހެންތާވާނީ . ތަންފީޛު ކުރުމުގެ ކުރިން މަޝްވަރާ ކުރަން ޖެހުމާއި ހުކުމް ކުރުމުގެ ކުރިން ލީގަލްގެ ލަފާ ނުލިބި ވެދާނެ ކމަށް ބިރުވެތިވެސް ވާން އެބަޖެހޭ. ޢަދި ފަނޑިޔާރުންނަށް ދެންވާނީ ކިހިނެއްބާ.
ކުޑަކަތީބް
18 April 2018
އަނެއްކާ ކުއްލި ނުރައްކާ . . . ކިހާ ދެރަކަމެއް! މި ފަހަރު ފޮށި ފެންނާނީ ކޮންކުލައަކުން ކިތައްމިލިއަނާއެކު ކަމެއްވެސް ނޭގޭ!
ބުލްބުލް
19 April 2018
މި ބުރު ގާސިމްގެ އެހެން ދަރިއެއް ތޯއްޗެ ހައްޔަރު ކުރާނީ. އަނެއްކާވެސް ރިޝްވަތު ދިންކަމަށް ވާނީ. މިބުރު ކޮން ފަނޑިޔާރެއްތޯ ދޫނިދޫއިން ޖާގަހޯދާނީ؟؟ ފޮށީގެ ކުލަ ފިޔާތޮއްޓަށް ނުވިއްޔާ ވެދާނެ!!!
މާޔޫސް
18 April 2018
މާދަމާ އެ ހުކުމް ކުރި ފަނޑިޔާރުން ބަންދުކުރާނެ. ހުކުރުދުވަހު އެހުކުމް ބާތިލްކޮއްފަ ރައްތައް އަތުލީ ރަނގަޅައް ކަމަށް ނިންމާނެ. ވ. ވެދުން
ސަޅި
19 April 2018
ތިޔަ ޕްރެޑިކްޓްކުރުމުގެ ގާބިލިއްޔަތަށް ބަލައި މިހިރީ ބަލަން ތިކަން ތިހެން ވޭތޯ.. ތިހެން ނުވެއްޖެނަމަ ކޮންފަދަ ކުށްހީތަކެއްގަބާ އެހެން ބަޔަކު ތިޔަ ޖެއްސީ.
ބޭބެ
18 April 2018
ފަންޑިޔާރުން މިނިވަން ވީބާ؟؟ މީ އަވާމެންދުރެއްބާ!