ރ. ފައިނު ތަރައްގީ ކުރާ ގޮތުގެ ކުރެހުމެއް.
19 އެޕްރީލް 2018 - 15:19
32 comments
ރ. ފައިނުގައި އެއާޕޯޓަކާއި ސިޓީ ހޮޓަލަކާ އެކު ތަރައްގީގެ ބޮޑު މަޝްރޫއެއް ހިންގަން ސަރުކާރުން ނިންމައިފި އެވެ.
މި މަޝްރޫއުގައި، ގިނަ ކަންކަން ހިމަނައި، އެކަންކަން ކުރިއަށް ގެންދަން ރައީސް އޮފީހުން ވަނީ ޓޫރިޒަމް މިނިސްޓްރީ އަށް އަންގައިފަ އެވެ. އާބާދީގައި 500 މީހުން ހިމެނޭ ފައިނަކީ ޑިފެންސް މިނިސްޓަރު އާދަމް ޝަރީފްގެ އުފަން ރަށެވެ.
ޓޫރިޒަމް މިނިސްޓަރު މޫސާ ޒަމީރު މިއަދު "މިހާރު" އަށް ވިދާޅުވީ ފައިނުގައި އެއާޕޯޓަކާއި ސިޓީ ހޮޓަލެއް ހިންގުން ހަވާލުކުރާ ގޮތަށް ހަމަޖައްސާފައި ވަނީ ގައުމީ އެއާލައިން ހިންގާ، އައިލެންޑް އޭވިއޭޝަން ސާވިސަސްއާ ކަމަށެވެ. ޓޫރިޒަމް މިނިސްޓްރީން އެ ކުންފުންޏާ އެކު ވާހަކަ ދައްކައި، އެއާޕޯޓާއި ސިޓީ ހޮޓަލުގެ ކުރެހުންތައް އަންނަ ހަފުތާގައި ފައިނަލް ކުރާނެ ކަމަށް ވިދާޅުވި އެވެ.
އެއާއެކު، މިނިސްޓަރު ވިދާޅުވީ، އެ މަޝްރޫއުގެ އެއްބަސްވުމުގައި ވަރަށް އަވަހަށް ސޮއި ކުރާނެ ކަމަށެވެ.
ޒަމީރު ވިދާޅުވި ގޮތުގައި ފައިނުގައި އެހާ ބޮޑު މަޝްރޫއެއް ހިންގަން ނިންމީ، އެއީ ރިސޯޓުތައް ހިންގާ ސަރަހައްދަކަށް ވުމުގެ އިތުރުން ރ. އަތޮޅަކީ ބޮޑު އާބާދީއެއް އޮންނަ އަތޮޅަކަށް ވާތީ އެވެ. ރ. އަތޮޅުގެ އާބާދީ އަކީ 24،000 އެވެ.
ރ. ފައިނު: އެ ރަށުގައި އެއާޕޯޓަކާއި ސިޓީ ހޮޓާ ހިންގުމުގެ މަޝްރޫއު ހަވާލުކުރާ ގޮތަށް އޮތީ އައިލެންޑް އޭވިއޭޝަނާ.
އެއާޕޯޓު އަޅަން ފައިނުން ހަތަރު ހެކްޓަރުގެ ސަރަހައްދެއް ހިއްކަން ނިންމާފައިވެ އެވެ. އޭގެ އިތުރުން، އައިލެންޑް އޭވިއޭޝަންގެ ޓްރެއިނިން ސެންޓަރަކާއި ކާގޯ ވިލެޖެއް ވެސް ތަރައްގީ ކުރާނެ އެވެ.
މިނިސްޓަރު ވިދާޅުވީ ފައިނުގައި ސިޓީ ހޮޓާ ވެސް ތަރައްގީ ކުރާނީ، މުޅިން ތަފާތު، ޓޫރިސްޓުންނާ ގުޅޭ ކޮންސެޕްޓަކަށް ކަމަށެވެ. އެގޮތުން، އެ ހޮޓަލުގެ ބައެއް އަޔުރުވެދިކް ޓްރީޓްމެންޓަށް ޚާއްސަ ކުރަން ނިންމާފައިވާ ކަމަށް ވެސް ވިދާޅުވި އެވެ.
"ޒަމާނީ ގިނަ ފެސިލިޓީސްތައް އެ ހޮޓަލުގައި ހުންނާނެ. އޭގެ ތެރޭގައި އަޔުރެދިކް ޓްރީޓްމެންޓާއި ރިހެބިލިޓޭޓިވް ޓްރީޓްމެންޓް ވެސް ހިމެނޭނެ. މިސާލަކަށް، ތަފާތު ސާޖަރީތައް ހަދައިގެން ރީހެބިލިޓޭޓް ވުމަށް އަންނަ މީހުންނަށް ވެސް ޓްރީޓް ކުރެވޭ ގޮތަށް އެ ހޮޓާ ތަރައްގީ ކުރާނީ،" ޒަމީރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯރަ
20 April 2018
މާފިނޮޅު އެއާރފޯޓް ބިލާހަކަށް ވީބާ?
އަނދިރި އަނދިރި
19 April 2018
ކޮބާތަ އެއްކަލަ ޙަލީލުކަލޭގެ ފ.ނިލަންދޫގެ އެއާޕޯޓް ނޭޅުބަޔަކަށް ދެން ކޮންތަނެއްގަތޯ އެއާޕޯޓް އެޅޭނީ !
ހޯރަފުށީ ދާއިރާ
19 April 2018
ކުރިމަތީ މިއޮށް ތިލަ ހިކިގެން ދާއިރު މިރަށަަށް 2018 ނިމޭއިރު އުދުންސައިފަ ޖަންސާނި ހޯރައެއް ނޫން މަތިންދާބޯޓް ޖަންސާނި. މީ ރައީސް ޔާމީނު ހޯރަފުށީ ރަށްއިތުން ނާއި މުހާތަބު ކޮށް ހޯރަފުށީ ގައި އެއާރފޯޓެއް އަޅާދޭން ވީ ވައުދު ގެ ބަސްކޮޅެއް.
ޗިކުސް
19 April 2018
އަވަހަށް ފައިނު ކާރި ރަތްތަކުގެ ދިރިއުޅޭ މީހުން އެރަށަށް ހިޖުރަކުރަން ފެނޭ. މި ރަށަކީ ބިން ތިޔާގި ރަށެއް.
މަ މިއު މަ
30 May 2018
ފައިނަކީ ބިން ތިޔާގި ރަށެއް ނޫން. ކުޑަ ކުޑަ ރަށެެއްގަ އެހާ މަދު މީހުން ކޮޅެއް އުޅުނީމަ ހީވެދާނެ ރަށް ބޮޑޭ. އެކަމަކު މީހުން އަންނަން ފެށާފިއްޔާ ތަނެއް ނޯންނާނެ.
ކަލޯގަޔާ
19 April 2018
އޮހޮ އޮހޮ އޮހޮ! މިހާރު ތިވާން އުޅޭ ގޮތަކީ ރ.ފައިނުގަ އެއާޕޯޓެއް އޭޅޭކަށް ނޫން! ރަށަށްވުރެ އެއާޕޯޓު ބޮޑުވީމަ، ތިތަން ނިމޭއިރު ފައިނުގެ ރައްޔިތުން ވާނީ އެއާޕޯޓެއްގަ އުޅޭ އަވަށަކަށް! ގިރާވަރުމީހުން ވެސް ހުޅުލޭގަ ދުވަސް ކޮޅަކު ތިބިހެން! މަކަރު!
މީހާން
19 April 2018
ތީ ޑިފެންސް މިނިސްޓަރ ގެ އުފަން ރަށް. ސަރުކާރުން ޑިފެންސް މިނިސްޓަރއަށް ދޭ ހަދިޔާއެއް.
ތިމާވެށި
19 April 2018
އާބާދީ ކުޑައެއް ކަމަކު ގޫގުލް އިން މަތިން ބަލާލާއިރު ޜ.ފައިނު އަކީ ރީތި ރަށެއް. ތިރަށުގަ އޮތް ހުރިހާ ގަހެއްހެން ކަޑާފަ އެއަރޕޯޓު އެޅީމަ އެއީ ތަރައްގީބާ؟ ކޮންކްރިޓް ޖަންގަލި އަކީ ތަރައްގީއެއް ނޫން. ކޮންމެ 3 ރަށެއްގެ މެދުގަ އެއާޕޯޓު އެޅުމަކީ ބޭނުން ކަމެއްނޫން.
އަތޮޅޭ.
19 April 2018
ޑިފެންސް މިނިސްޓަރމެން ގަދައެއްނު ރަށުގަ 500 މީހުން ނޫޅޭ ބިން ހިއްކެން އެއްފަސްކުރެވެން ނއތް ރަށެއްގަ އެއަރޕޯޓެއް.. މަމެންގެ ތިބޭނެ ބޭކާރު 2 ބޯ ކެބިނެޓްގަ މާލޭ ފެން ބޮވުނީމަ އަތޮޅުމަތިން ހަނދާން ނެތިގެން އުޅޭ.. އެކަކު އުޅެނީ މާލޭ ޓޯކިޔޯއަށް ނުހެދިގެން ދެންހުރި ފިނިފެންމަލެއްފަދަ ނާޒުކު ވަޒީރު އުޅެނީ މާލެ ސުވިޒަލޭންޑަށް ނުހެދިގެން..މަމެންނަށް ހިޔާލީ ފޮލާ ދައްކާފަ ހިލަމެއްވެސް ނުވޭ ފަހުން. ބަލަ މިތާނގަވެސް ބިޔަ އާބާދީއަކާ ވޯޓުލެވޭ 20 ހާސް މީހުން އެބަތިބި..އެއްކަމެއް ނުކޮށްދީ ތިޔަ ހެން އުޅުނީމަ ވާގޮތް ފެންނާނެ.. ކުރިން ދައްކާފަ އޮންނާނީވެސް. މަޖިލީހުގެ ހުރިހާ ގޮނޑިއެއް ދިނިން ކަމެއް ނުކޮށްދިނީމަ ކައުންސިލްތަކުގެ މެޖީރިޓީ ގެއްލެންޖެހުނީ..އެކަން ދެން ތަކުރާރު ކުރުވަން ތިޔަ އުޅެނީ
ޖެނެރަލް އަންދަރޭ
19 April 2018
ހެޔޮކޮށް ތިބުނީ. ތުރާކުނު ސައީދު އާއި ވަށަފަރު މުއިއްޒު ބޮޑުތިލަދުންމައްޗަށް ކިއެއްކޮށްދިނީ.
އަސްލުހާލަތު
19 April 2018
ހަމަހަމަ އުސޫލު ކޮބާހޭ ބައެއް އަތޮޅުތަކަށް 3 އެއަރޕޯޓް އިން 4 އެއަރޕޯޓުން އަޅާއިރު ބިޔަ އާބާދީ އިތް އަތޮޅުތަކުގަ އަޅަން ބުނި އެއަރޕޯޓުތަކުގެ ހިލަމެއް ވެސް ނެތް.. އެހެންވީމަ އަމާޒު ލާހޫރޭ ކިޔަންޖެހެނީ
އިބޫ ހުޅުމާލެ
19 April 2018
އަޅުގަނޑު ޤަބޫލެއް ނުކުރަން ފަޅުގެ މުއްސަނދިކަން ނެތް ކުދި ކުދި އާބާދީތަކުގައި އެއާރޕޯޓެއް އަޅައިގެން މުސްތަޤުބަލުގައި މީހުން ދިރި އުޅޭނެ ގޮތެއް އޮންނާނެކަމަށް ތި ކޮންސެޕްޓް އެއްގޮތަކަށްވެސް ކަމަކުނުދޭ، ރ އަތޮޅުން ދެން އެއަރ ޕޯޓެއް ހަދަންޏާމު ހަދަންވީ ރ އަލިފުށީގައި އެއީ ބޮޑު ފަޅެއްވެސްއޮތް ރަށެއް
ރިއަލިޓީ.
19 April 2018
ވަރަށް މޮޅު ވާހަކައެއް..އެއްފަސްކުރެވެން ނެތް ބިން ބޮޑު ނުކުރެވޭ ތަންތަނާގަ މިފަދަ މަޝްރޫތައް ހިންގުމަކީ ކުރިމަގަށް ނުވިސްނާ ނޭފަތު ކުރީގަ ސިޔާސަތު ހުންނަ ކަމުގެ ހެއްކެއް