ޚަބަރު / ރޯދަ މަސް 2018

މި މަހުގެ 10 ގެ ކުރިން ރޯދަ އިނާޔަތް ދިނުމަށް ފިނޭންސުން އަންގައިފި

ސަރުކާރު ގިނަ އޮފީސްތަކެއް ހިންގާ ވެލާނާގެއަށް މުވައްޒަފުންތަކެއް ވަދެ، ނުކުންނަނީ-- ފޮޓޯ: މިހާރު

އަހުމަދު ސާއިލް އަލީ، މިހާރު

03 މެއި 2018 - 20:47

10 comments

މި އަހަރުގެ ރޯދަ އިނާޔަތް މި މަހުގެ 10 ގެ ކުރިން މުވައްޒަފުންނަށް ދިނުމަށް ފިނޭންސް މިނިސްޓްރީން އަންގައިފި އެވެ.

އެ މިނިސްޓްރީން ނެރެފައިވާ "މާލިއްޔަތާ ބެހޭ ސާކިއުލާ" ގައި ބުނެފައި ވަނީ މި އަހަރުގެ ރޯދަ އިނާޔަތުގެ ފައިސާ މުވައްޒަފުންނަށް ދިނުމަށް ހަމަޖެހިފައިވާ އެންމެ ފަހު ތާރީޚަކީ މި މަހުގެ 10 ކަމަށެވެ.

ކަލަންޑަރުގައިވާ ގޮތުން މި އަހަރުގެ ރޯދަމަސް ފެށެނީ މި މަހުގެ 16 ވަނަ ދުވަހު އެވެ.

ރޯދަ މަހުގެ އިނާޔަތުގެ ގޮތުގައި 3،000ރ. ރޯދަމަސް ފެށުމުގެ ކުރިން ދިވެހި ކޮންމެ މުވައްޒަފަކަށް ދިނުމަކީ ވަޒީފާ ދޭ ފަރާތްތަކަށް ގާނޫނުން ލާޒިމްކުރާ ކަމެކެވެ. ގާނޫނުގައިވާ ގޮތުން، ރޯދަ އިނާޔަތް ދިނުން ވަޒީފާ ދޭ ފަރާތުގެ އިހްތިޔާރީ ކަމަކަށް އޮންނަނީ ބިދޭސީ މުވައްޒަފުންނަށް ދިނުމާއި ނުދިނުމާ މެދު އެވެ.

ފިނޭންސް މިނިސްޓްރީން ބުނީ މުސާރަ ލިބޭ ގޮތަށް އެއް ވަޒީފާ އަށް ވުރެ ގިނަ ވަޒީފާ އަދާކުރާ މުވައްޒަފުންނަށް ރޯދަ އިނާޔަތް ދޭން ޖެހޭނީ އަސާސީ ވަޒީފާ އޮންނަ އޮފީހަކުން އެކަނި ކަމަށެވެ. އިނާޔަތުގެ ފައިސާ ދޭ ފަހުން، ރޯދަމަހުގެ ތިން ބައިކުޅަ އެއްބައި ފާއިތު ނުވަނީސް އެ މީހަކު ވަޒީފާ އިން ވަކިވެއްޖެ ނަމަ، އިނާޔަތުގެ ބާކީ ބައި އެ މީހެއްގެ އަތުން ހޯދައި ޖަމާކުރަން ޖެހޭނެ ކަމަށް ފިނޭންސް މިނިސްޓްރީގެ ސާކިއުލާގައި ވެ އެވެ. ރޯދަމަހުގެ ތެރޭގައި ވަޒީފާއާ ގުޅޭ މުވައްޒަފެއް ނަމަ، އެ މީހާ މަސައްކަތްކުރާ ދުވަހުން ފެށިގެން ރޯދަމަހުގެ ނިޔަލަށް އިނާޔަތުގެ ގޮތުގައި ޖެހޭ މިންވަރެއް ދޭން ޖެހޭނެ ކަމަށް ވެސް ފިނޭންސުން ވަނީ އަންގައިފަ އެވެ. އެއީ ދުވާލެއްގެ މައްޗަށް 30ރ. ގެ މަގުންނެވެ.

ފިނޭންސުން ހަމަޖައްސާފައިވާ އުސޫލުގައިވާ ގޮތުން، "ޕޭ ލީވް" އަދި "ނޯޕޭ ލީވް" ގައި ތިބޭ މީހުންނަށް ރޯދަ އިނާޔަތް ދޭކަށް ނުޖެހެ އެވެ.

ބައެއް އަމިއްލަ ފަރާތްތަކުން ރޯދަ އިނާޔަތް ނުދޭތީ، ލޭބާ ރިލޭޝަން އޮތޯރިޓީން ވަނީ ރޯދަމަސް ފެށުމުގެ ކުރިން ހުރިހާ ދިވެހި މުވައްޒަފުންނަށް 3،000ރ. ގެ އެލަވަންސް ދިނުމަށް މިއަދު އަންގައިފަ އެވެ.

ދިވެހި ސަރުކާރު ރޯދަމަހުގެ އިނާޔަތް ރޯދަ މަސް 2018 ވަޒީފާ ފިނޭންސް މިނިސްޓްރީ

10 ކޮމެންޓް, 48 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސްޓާފުން

06 May 2018

އައި ޖީ އެމް ހޮސްޕިޓަލުން ހަ ޔަގީ ނުން ވެސް ނުދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެކަނިވެރިމައިން

05 May 2018

ޢަހަރެން ހިންގާ ކުންފުނިން މިމަހު މުސާރަދީފަ ބާކީ 1500 ރ 6 މީހުންނަ 3000 ރ ދޭންޖެހޭނީ ލުއިލޯނު ނަގައިގެން. ކުދިވިޔަފަރިތަކަށްދޭ އެއްވެސް ސަމާކަމެއްނުދީ އަދި އެހިތެރީކަމެއް ފޯރުނުކޮށްދީ ޓެކުސް ގަދަކަމުން ނަގާ އަދި ކުދވިޔަފާރިވެރިޔާ ބޮލަށް ތިޔަ ޗިޕްޖަހަނީ ބަަލަގަ ދޭކަށް ނުޖެހޭ އަހަރެެން ކަރަށް ފައިންއަރާފަ. ރޯދަމަހުގަ ކަނީ މަދުން މަސައްކަތްކުރަނީ 24 ގަޑިއިރުން 3 ނުވަތަ 4 ގަޑިއިރު ފޯނަށް ފޭސްބުކަށް ލަވަޔަށް ކަސޯޓީއަށްކަޑާފަ 1 ނުވަތަ 2 ގަޑިއިރުގެ އެފިސެންސީ ނުދެއްކޭތާ ކުދިވިޔަފާރިވެރިޔާ ބޮލަށް ފައިންތިޔަ އަރަނީ ހަމަހިލާ ހިތެއްނެތީމަތަ؟