ފާރިސް މައުމޫންގެ އާއިލީ ބައްދަލުވުމަށް މާފުށީ ޖަލަށް ވަޑައިގެންނެވުމަށްފަހު ރައީސް މައުމޫނާއި ނަސްރީނާ ޖަލު ބޭރުގައި--
06 މެއި 2018 - 12:32
85 comments
ކުރީގެ ރައީސް މައުމޫން އަބްދުލްގައްޔޫމްގެ ސިއްހީ ހާލުކޮޅު ގޯސްވެ އަމިއްލަފުޅަށް ކަންކަން ނުކުރެއްވޭތީ އެހީތެރިވުމަށް އަނބިކަނބަލުން ނަސްރީނާ އިބްރާހިމް ޖަލަށް ގެންދަވަން ފައްޓަވައިފި އެވެ.
މައުމޫންގެ އާއިލާ އިން ބުނީ، މިދިޔަ އަހަރުގެ ޑިސެމްބަރު މަހުން ފެށިގެން މައުމޫނަށް ވަނީ "ބިނައިން ޕެރޮކްސިމަލް ޕޮޒިޝަނަލް ވާޓިގޯ" ޖެހިފައި ކަމަށެވެ. އެ ބަލީގެ ސަބަބުން ވަރަށް ބޮޑަށް ބޯއެނބުރުމާއި ކުއްލިއަކަށް ވެއްޓުން ފަދަ ސިއްހީ މައްސަލަތައް ކުރިމަތިވެ އެވެ.
އަދި މިދިޔަ ބުދަ ދުވަހުން ފެށިގެން މައުމޫންގެ ހާލުކޮޅު ސީރިއަސް ކަމަށް އާއިލާ އިން ބުނެ އެވެ.
December in feshigen maumoon ulhuvvanee aburaiganna aalaaskanfulheggai: Aailaa
The most trusted news source in the Maldives
Mihaaru
ޑިސެމްބަރުން ފެށިގެން ރައީސް މައުމޫން އާލާސްކަންފުޅާ އުޅުއްވާ: އާއިލާ
މައުމޫންގެ އާއިލާއާ ގާތް ބޭފުޅަކު މިއަދު ވިދާޅުވީ ހުކުރު ދުވަހާއި އިއްޔެ ވެސް މައުމޫނަށް އެހީތެރިވުމަށް ނަސްރީނާ ދޫނިދު އަށް ގެންދެވި ކަމަށެވެ. އެގޮތުން ރޭ 7:45 އިން ފެށިގެން ދެ ގަޑިއިރު ވަންދެން ނަސްރީނާ ހޭދަކުރެއްވީ ފިރިކަލުން މައުމޫންގެ އަރިހުގަ އެވެ.
"ރައީސް މައުމޫން އެނދުން ތެދުވެވަޑައެއް ނުގަންނަވާ. ބެލެންސް ނުކުރެއްވޭ ކޮޅަށް ހުންނަވާކަށް. ނަސްރީނާ އިއްޔެ ވަޑައިގެން ރައީސްގެ ތުނބުޅިފުޅު ބާލައިދީ ކަންކަން ކުރައްވާފަ ވަޑައިގެންނެވީ،" އޭނާ ވިދާޅުވި އެވެ.
އެ މަނިކުފާނުގެ އަރިހުގައި އަބަދުވެސް މީހަކު ބަހައްޓަން ޑޮކްޓަރު ވަނީ ލަފާދީފަ އެވެ.
އެނގިފައިވާ ގޮތުގައި މިހާރު އަބަދުވެސް މައުމޫންގެ އަރިހުގައި ފުލުހަކު ހުރެ އެވެ. ނަމަވެސް އެ ފުލުހުން ގޮވައިގެން ފާޚާނާ އަށް ވަޑައިގަތުން ފަދަ ކަންކަން ކުރައްވަން މައުމޫން ދެކޮޅު ހައްދަވާ ކަމަށް، އާއިލާއާ ގުޅުން އޮންނަ ބޭފުޅާ ވިދާޅުވި އެވެ.
ސިޔާސީ އިދިކޮޅު ލީޑަރުންތަކެއް ހިމެނޭ ގޮތަށް ނުވަ ގައިދީއަކު މިނިވަން ކުރުމަށް ސުޕްރީމް ކޯޓުން ފެބްރުއަރީ 1 ގައި ނެރުނު އަމުރާ ގުޅިގެން، ފެބްރުއަރީ 5 ވަނަ ދުވަހުގެ ރޭ ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގައި، މައުމޫން ހައްޔަރުކުރީ ވެރިކަން ވައްޓާލަން އުޅުމުގެ ތުހުމަތުގަ އެވެ. އެ ތުހުމަތުގައި ހައްޔަރުކުރުމަށް ފަހު މައުމޫންގެ މައްޗަށް ޓެރަރިޒަމްގެ ދައުވާ އުފުލައި، ޝަރީއަތް ނިމެންދެން ޖަލުގައި ބަހައްޓަން ވަނީ ކްރިމިނަލް ކޯޓުން އަމުރުކޮށްފަ އެވެ.
މައުމޫން ގޭ ބަންދަށް ބަދަލު ކޮށްދިނުމަށް އާއިލާގެ ފަރާތުން ތަކުރާރުކޮށް އެދިފައިވީ ނަމަވެސް މިހާތަނަށް އަންގާފައިވަނީ އެކަން ކޮށްދެވެން ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެރެޓް
07 May 2018
ކަންތަށް ބޮޑުކުރާނެ ކަމެއްނެތް އެއްވެސް ބައްޔެއްނޫން ފޫހިވޭ މިހާރު ތިމޫނު ފެނުނަސް
ނަންނޭނގޭ
06 May 2018
މައުމޫން ގެއަށް ދޫކޮށްލުމަށް ގޮވާލަން.އެހާ ބަލި އިރު ޖަލު ގައި ހުރުމުން އިތުރަށް ބަލި ބޮޑު ވެދާނެ.
ސަބްނަމް
06 May 2018
ކުށް ސާބިތުނުވަނީސް މީހާ ހަލާކު ކޮށްލަން ބޭނުންވަނީ ދޯ
ނަސޭހަތް
06 May 2018
އަނިޔާ ލިބޭމީހާގެ ދުޢާ އިޖާބަ ކުރައްވާނެ
މީލާން
06 May 2018
ކަންކަމާ އެހާ ދަހިވެތިވެ އުޅުމީ މުސްލިމުންގެ ސިފައެއްނޫން
ބޮންނންބާ
06 May 2018
މައުމޫންގެމަރުގެޒިންމާ ބޮލުގައެޅުނީމަ ނުރޯތި.
މިނިވަން
06 May 2018
މިއަދާހަމައައް އެއްވެސްކޯޓެއްގަނޯންނާނެ ރައީސްމައުމޫންގެމައްޗައް ކުށެއްސާބިތުވެފަ އެހެންވީމާ ރައީސް މައުމޫންއަކީ މިއަދުވެސް ހަމަ މިނިވަނެއް މިޤައުމުގެބާނީ ލާއިންސާނީ އަނިޔާނުދެއްވާ އެމަނިކުފާނުދޫކޮއްދެއްވާ
ކަނުރު
06 May 2018
ޔާމީން ވަރަށް އަދަބު އިހުތިރާމާޢެކު ދަންނަވަން މައުމޫން ދޫކޮށްލައްވާ ތިޔަހެން ހަދާކަށް ނުވާނެ ބޭނުމެއްނޫން މާދަމާ މަނިކުފާނަށްް ވެސް މިހެން ވާކަށް އަނިޔާ ލިބިފައިވާ މީހުންގެ ދުއާޣެ އަސަރުކުރާނެ. އެއް ވެސް މީޙެއްގެ ބަދު ދުއާޢެއް މަނިކުފާނަށް ކުރާތަން ދެކޭ ހިތެއް ނުވޭ ބޭބެއަކީ ވަރަށް ގިނަ ހިދުމަތް ކުރެއްވި ރައީސެއް. ދެން މި ފެނުނީ މަނިކުފާނު އެފަދައިން ހިދުމަތްދެއްވާ ތަން. ހެޔޮ ނުވާނެ އާދޭސްކޮށްފައި ދަންނަވަން ބޭބެ ދޫކޮށްލައްވާ. ތިޔަ ގޮތަށް ހަދާކަށް ނުވާނެ. ބޭނުންފުޅިއްޔާ ބޭރުގައުމަކަށް އެދެމަފިރިކަނބަލުން ފޮނުއްވައިލައްވާ! ނަސްރީނާއަކީ ކުށެއް ނެތް ބޭފުޅެއް. މަނިކުފާނަށް ވެސް ދުވަހަކު ބުުރަބަރު ހިތެއް ނުބާއްވާ. ތިޔަހެން ނަހައްދަވާ މައުމޫނު ގެޔަށް ބަދަލުކޮށްލައްވާ. ކެތްތެރި ރައީސުގެ އަރިހުން ވަރަށް އާދޭހާއެކު ދަންނަވަން. މައުމޫން ދޫކޮށްލައްވާ ގެޔަށް. ހާލުކޮޅުބޮޑުވެގެން ގޮސް އަވަހާރަވެއްޖެއްޔާ އެއީ މަނިކުފާނުގެ އިސްތަށިފުޅުގައި އެޅޭނެ ވަރަށް ހުތުރު ބަދުނާމެއް.
ާާސިޔާސީދީ
06 May 2018
މައުމޫންވެސް ސްރީަލަންކާއިން ލަންޑަނުން ޖަރުމަނަ ދަތުރުކޮށްލާއިރަށް ތި ބަލި ރަނގަޅުވާނެ. ތިއީ ސިޔާސީ ބަލި. ސިޔާސީ މީހަކު ޖަލަށްލީ އޭނަގެ ހާލު ކްރިޓިކަލް ނޫނީ އައިސީޔޫ އަށް ބަދަލުކުރަންޖެހޭވަރު ވާނެ. ޖަލުން ނިކުތީ އެއް ޕެރެސް ކޮންފަރެންސުން، ޕޯޑިއަމްތަކުން އަޑުހަރުކޮށް ވާހަކަ ދެއްކޭނެ. ބަލިވެސް ދާއިމީކޮށް ރަނގަޅުވޭ. ޖަލުގެ އެހެން ގައިދީންނަށް މި ބަލި ނުޖެހޭ.
ފްލާވާރ ފޭސް
07 May 2018
ތެދުފުޅެއް
ފަޅުވެރިން
06 May 2018
މައުމޫން އޮންނަ އަށީގެ އަނެއް ފަރާތުގައި ނަސްރީނާ އޮތުމަކީ ހަމަ ވަރަށް ރަނގަޅު ކަމެއް! ގޭގައި ނިދާ އިރުވެސް ދެމީހުން ތިބޭނީ ހަމަ އެނދުގެ ދެފަރާތުގައެއްނުދޯ؟ މައްސަލައެއް ނޫން ތިޔައީކީ ހަމަ ރަނގަޅު ކަމެއް! ދުވަސްވީ ޤައިދީންގެ އަނބިންނަށްވެސް އެމީހުންނާ އެކުގައި ޖަލުގައި ތިބެވޭ ގޮތަށް ޤަވާޢިދު ބަދަލުކުރަން ފެނޭ!!