ފިރިކަލުން މައުމޫން މިނިވަން ކުރުމަށް ގޮވާލާފައިވާ ޕޯސްޓަރެއް ނަސްރީނާ ހިއްޕަވައިގެން.---ފޮޓޯ: ހުސެއިން ވަހީދު/މިހާރު
06 މެއި 2018 - 22:08
26 comments
ކުރީގެ ރައީސް މައުމޫން އަބްދުލްގައްޔޫމްގެ ހާލުކޮޅު ރަނގަޅު ވަންދެން، އެމަނިކުފާނުގައި އަރިހުގައި ދޫނިދޫ ޖަލުގައި ހުންނެވޭނެ އިންތިޒާމް ހަމަޖައްސައި ދިނުމަށް މައުމޫންގެ އަނބިކަނބަލުން ނަސްރީނާ އިބްރާހިމް ފުލުހުންގެ ކިބައިން މިއަދު އެދިވަޑައިގެންފި އެވެ.
އެކްޓިން ޕޮލިސް ކޮމިޝަނަރު އަބްދުﷲ ނަވާޒަށް ފޮނުއްވި ސިޓީފުޅެއްގައި ނަސްރީނާ ވިދާޅުވީ، އާލާސްކަންފުޅާ އުޅުއްވާތީ މައުމޫނަށް އާއިލީ އެހީތެރިކަން ބޭނުންފުޅުވާ ކަމަށެވެ. އެހެންވެ އެމަނިކުފާނު ގެއަށް ބަދަލުކޮށްދިނުމަށް އެދިވަޑައިގަންނަވާ ކަމަށް ނަސްރީނާގެ ސިޓީގައި ވެ އެވެ.
އަދި ފުލުހުންނަށް އެކަން ނުކޮށްދެވޭ ނަމަ، އަމިއްލަފުޅަށް ދޫނިދު ޖަލަށް ވަޑައިގެން ފިރިކަލުން މައުމޫންގެ ޒަރޫރީ ބޭނުންތައް ފުއްދައި ދިނުމުގައި އެހީތެރިވެވޭނެ ގޮތް ހަމަޖައްސައި ދިނުމަށް ނަސްރީނާ އެދިވަޑައިގަތެވެ.
"...[މައުމޫން] ގޭބަންދަށް ބަދަލުކޮށްދެވެން ނެތްނަމަ، އަޅުގަނޑަށް މިއަދު ވެސް ދޫނިދޫ އަށް ގޮސް އަޅުގަނޑުގެ ފިރިކަލުންގެ ޒަރޫރީ ބޭނުންތައް ފުއްދައި ދިނުުމުގައި އެހީތެރިވެވޭނެ ފަދަ ގޮތަކަށް ކަންކަން ހަމަޖައްސަވައި ދެއްވުން އެދެމެވެ. އަދި ހަމައެއާ އެކު، އަޅުގަނޑުގެ ފިރިކަލުންގެ މިހާލަތު ރަނގަޅު ވަންދެން އެމަނިކުފާނަށް އެހީތެރިވެވޭނެ ފަދަ ގޮތަކަށް، އަޅުގަނޑަށް އެމަނިކުފާނުގެ އަރިހުގައި ދޫނިދޫގައި މަޑުކުރެވޭނެ އިންތިޒާމް ހަމަަޖައްސަވައި ދެެއްވުން އެދެމެވެ،" ރައީސް އަބްދުﷲ ޔާމީންގެ އެއްބަފާ ބޭބޭފުޅު މައުމޫންގެ އަނބިކަނބަލުން ނަސްރީނާގެ ސިޓީގައި ވެ އެވެ.
މައުމޫންގެ އަރިހުގައި މަޑުކުރެއްވޭނެ އިންތިޒާމް ހަމަޖައްސައި ދިނުމަށް ނަސްރީނާ އެދިވޑައިގެންނެވިއިރު، މައުމޫންގެ ސިއްހީ ހާލުކޮޅު ގޯސްވުމުގެ ސަބަބުން އެމަނިކުފާނަށް އެހީތެރިވުމަށް ނަސްރީނާ ޖަލަށް ގެންދަން ފުލުހުން ވަނީ ފަށައިފަ އެވެ. އެގޮތުން މިދިޔަ ހުކުރު ދުވަހާއި އިއްޔެ ވެސް އެކަމަނާ ޖަލަށް ވަޑައިގެން، ފިރިކަލުންގެ އަރިހުގައި މަޑުކުރައްވާފައި ވެ އެވެ.
މައުމޫންގެ އާއިލާއިން ބުނިގޮތުގައި، މިދިޔަ އަހަރުގެ ޑިސެމްބަރު މަހުން ފެށިގެން އެމަނިކުފާނު އުޅުއްވަނީ އަނބުރައިގަންނަ އާލާސްކަންފުޅެއްގަ އެވެ. އެހެންވެ އެއްވެސް ހާލެއްގައި ގިނިކަންޏާ ނުހުންނެވުމަށް ޑޮކްޓަރު އިރުޝާދު ދެއްވާފައިވާ ކަމަށް ވެސް އާއިލާ އިން ބުންޏެވެ.
ސިޔާސީ އިދިކޮޅު ލީޑަރުންތަކެއް ހިމެނޭ ގޮތަށް ނުވަ ގައިދީއަކު މިނިވަން ކުރުމަށް ސުޕްރީމް ކޯޓުން ފެބްރުއަރީ 1 ގައި ނެރުނު އަމުރާ ގުޅިގެން، ފެބްރުއަރީ 5 ވަނަ ދުވަހުގެ ރޭ ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގައި، މައުމޫން ހައްޔަރުކުރީ ގާނޫނާ ޚިލާފަށް ވެރިކަން ވައްޓާލަން އުޅުމުގެ ތުހުމަތުގަ އެވެ. މި ތުހުމަތުގައި ހައްޔަރުކުރުމަށް ފަހު އެ މަނިކުފާނުގެ މައްޗަށް ޓެރަރިޒަމް ދައުވާ އުފުލައި، ޝަރީއަތް ނިމެންދެން ޖަލުގައި ބަހައްޓަން ވަނީ ކްރިމިނަލް ކޯޓުން އަމުުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިކޮ
07 May 2018
ޔާމީނުގެ ނިމުން ވަރަށް ހިތިވާނެ. ޔާމީނު ނިމޭތަން ބަލަން ދިވެހިން މިތިބީ ކެތްމަދުވެފަ.
ާައާބިދާ އަހުމަދު
07 May 2018
މަރުހަބާ ނަސްރީނާ. މާތް މީހުންގެ ގޮތަކީ ތިޔައެވެ.
ފޠހި
07 May 2018
ނަސްރީނާ މިހާރުވެސް ޓީވީއަށްއަޜާ މިއުޅެނީ ވެރިކަން ވައްޓާލަންށޭ ބުނޭ ލ. އޭރުން ވަގުތުން ހަލަށްދެވޭނެ.
އައްޑޫ ބެއްޔާ
07 May 2018
ދަންނާތި މައުމޫނު ތިޔަ ޖަލުގައި އަވަހާރަވެއްޖެ ނަމަ، ދިވެހި ޤައުމުގައި ދެވަނަ އަމީނެއްގެ ނިމުންފެނިދާނެ. ރައްޔިތުން ކެތްތެރިވާނީ ވަކި ވަރަކަށް. މައުމޫނަށް ދުވަހަކު ތާއިދު ކުރިޔަސް ނުކުރިޔަސް، ޙަޤީގަތަކީ ދިވެހި ރާއްޖެ ޤައުމަކަށް ހަދައިދިނީ އިބްރާހިމް ނާސިރާއި މައުމޫނުގެ 40 އަހަރުތެރޭގައެވެ. ނާސިރު 10 އަހަރުގެ ވެރިކަމަށްފަހު ރައްޔިތުން ބޯވާރޭގައި އެމޫނު ދެކެލުމަށް ހާހުން ނިކުތް ތަން ފެނުނެވެ. މައުމޫނުގެ މޫނުދެކިލަން މުޅި ރާއްޖޭގެ ކަންކޮޅުތަކުން މީހުން ޖަމާވެ ލައްކައެއްހާ މީހުން އެމަނިކުފާނަށް ވަދާޢު ކިޔާނެއެވެ. ޔަމީނަކަށް އެހެން މީހަކަސް މައުމޫނަށް އަނިޔާކުރުމަކީ ހުތުރު ނޭއްގާނީ ކަމެކެވެ. އެއީ ޤައުމީ ބަޠަލެކެވެ. ޢިލްމާއި ތަރައްޤީގެ ބާނީއެކެވެ.
އަހަރެންން
07 May 2018
ތިޔަ ބުނީ ތެދެއް. އެކަމަކު ދެރައީ ޤައުމީ ބަތަލަކަށް ވެގެން ހުންނަވާކަށް އެމަނިކުފާނަކަށް ނޭގުނު. މުސްކުޅިވި ދުވަހުވެސް ދިމާކުރީ ވެރިކަން ވައްޓާލަން.
އަޅުގަނޑު ޢާއިޝާ
07 May 2018
ތިޔަ ބުނީ ތެދެއް އައްޑޫ ބެއްޔާ. އަޅުގަނޑުގެވެސް ހިތުގެ ބަސް ތި އިއްވައިދިނީ. ހަގީގަތުގަވެސް ތެދެއް.
ޕޮކަންޑިމޭން
07 May 2018
މައުމޫން ބުއްދި ފަސްވެފައި ހުރުމުގެ ސަބަބުން ނޭނގުނަސް މިރައީސް މިޤައުމުގެ ތާރީހާ ނުބައްދަލު ތަރައްގީ ގެނެސްދީފި. މައުމޫނާއި ނާޞިރު އެއީ ރައީސް ޔާމީންގެ ލީގެއް ނޫނެއްނު އަޅާކިޔަން.
އަޙްމަދް
07 May 2018
ޖަލަކި މީހުން އަމިއްލައަށް އެދިގެން ލާތަނެއް ނޫން!؟ ޖަލަކީ ކުއްވެރިން ނަށް އަދަބު ދިނުމަށްލާ ތަނެތް.! ޖަލުގައި ބަލިވެ އުޅުނީ މައުމޫނު އެކެނިތޯ؟؟؟؟؟
އަޙްމަދޫ ބުނަންތަ
07 May 2018
ރަނގަޅުވާހަކައެއް... މައްސަލައަކީ.. މައުމޫން ޖަލަށް ލައިގެން އުޅޭ ސަބަބެއް ނޭގެއޭ.. މުޅި އެޓާރނީ ޖެނެރަލް އޮފީހާއި ޕީޖީ އޮފީހުގެ ހުރިހާ ވަކީލުންނާ ، މުޅި ޑފެންސްފޯރސާ އަދި ނުވިތާކަށް ހުރިހާ ފުލުހުންނާ ނިކުމެގެންވެސް އެއްވެސް ހެއްކެއް ނެތި އޭ ތަޅުވާ ބާލަނީ...
ޕޮކަންޑިމޭން
07 May 2018
ހުރިހާ ގައިދީން ކައިރީގައި އެމީހުންގެ އަނބިދަރިން ބައިތިއްބާ
ފަޑުއްކަ
07 May 2018
ފްލުހުން ފްލެޓް ބޭނުން ވެއެވެ.
ވީއެޗްއެސްޓޭޕް
07 May 2018
- ހަނދާންވަނީ ވަރަށްކުޑައިރު ހުކުރު މިސްކިތު ހަރުގެއަށް ހުކުރަށް ދާއިރު ފާހަގަ ކުރެވޭހާ ރީތިކޮށް ހުކުރުކުރައްވާ ބޭފުޅެއް، ފަހުން އެގުނުގޮތުގައި އެއީ މައުމޫނު، އޭރު އެއީ ޓްރާންސްޕޯޓް މިނިސްޓަރ. - 78'-11-11 ގައި ރައީސްކަމުގެ ހުވާކުރެއްވިތަން ޓީވީން ފެނުނު. - ތަޢުލީމީ މީހުންތަކަކަށް ވަޒީރުކަމާ މަތީ މަޤާމްތައް ދެއްވި. - އޭރު ރާއްޖޭގެ 4 މެޑިކަލް ޑޮކްޓަރުން ޕީއެޗްޑީ ހަދާފައި ހުރި މީހަކު ހުރިކަމެއް ނޭގޭ، ބެޗުލަރސް ހަދާފައިވާ މީހުން 20 އަށް އަރާނެކަމެއްވެސް ނޭގޭ. - އޭދަފުށިގައި ހަމަ އެކަނި ޖަޕާނުން ހަދައިދިން ތަޢުލީމީ މަރުކަޒު. - 60 ފޫޓް ހަމަ ވާ ރާއްޖޭގައި ބަނތް ކަނޑުގެ އުޅަދެއް ހުރިކަމެއް ނޭގޭ - މާލޭގައި އެކަނި އެންމެ ހޮސްޕިޓަލެއް. - 79' ގައި އޭލެވަލްއަށް އެސްއީސީ ހުޅުވި. - 84' ގައި އިސްލާމީ މަރުކަޒު ހުޅުވި - ކޮންމެ އަތޮޅެއްގައި ތަޢުލީމީ މަރުކަޒު، ބޮޑެތި އަތޮޅުތަކުގައި ހޮސްޕިޓަލް - 08' ވެރިކަން ބަދަލުވީ އިރު އެތައް100 ބެޗުލަރސް މާސްޓަރސް ޑިގްރީ، އެތައް ޑޮކްޓަރުން، ހެޔޮ ނުވާނެ މައުމޫނު ދޫކުރޭ!
މަގްމޫން
07 May 2018
މަގްމޫން ގޮޅިއަށް ލެވިފައިވަނީ އޭނާ ކުރި ތަރައްގީ އަކަޢްނޫން. އޭނާ ލެވިފައިވަނީ ހުއްޓުމެއްނެތި ރައީސް ޔާމީން ވައްޓާލަން އުޅެ ފެއިލް ވުމުން. އޭނާ ސަކްސީޑް ވިނަމަ މިހެން ނުވާނެ. އެހެން ނަމަވެސް ދިރިއުޅުުގެ ހުރިހާކަމެކޭ އެއްފަދައިން ފެއިލް ވުމުން ކޮންސީކުއެންސް ވޭ
އަޅުގަނޑު ޢާއިޝާ
07 May 2018
"މަގްމޫން" އަށް. ތިޔަ ބުނުއްވަނީ މަޢާފަކީ ދުނިޔޭގައި ނުވާ އެއްޗަކީއޭތޯ؟ ތިބޭފުޅާ މުސްކުޅި ނުވާނެތޯ؟ ތިބޭފުޅާ ބަލިކަށި ނުވާނެތޯ؟ ހަމައެކަނި "ކޮންސިީކުއެންސް" އިން ދުނިޔެ ލަފާ ތަނަކަށް ހެދޭނެތޯ؟ ބައެއް ޙާލަތްތަކުގައި، އަނެކުންގެ މަޢާފް ލިބޭނެ ނަމައޭ އިންސާނުންގެ ހިތަކަށް ނާރާނެތޯ؟ ކުށް ކުރޭ އެންމެންވެސް. އެކަމަކު މުސްކުޅިވެ ބަލިކަށި ވީމަ މަޢާފް ކުރުމަކީ ނެތް ކަމެއްތޯ؟ ކުށްތަކަށް ޢަފޫ ކުރައްވާ ކަލާނގެވެސް، އަޅުގަނޑާ ތިބޭފުޅާއަށް ކިހިނެއްތޯ އެއަށްވުރެ މައްޗަށް އެރޭނީ؟
އަޅުގަނޑުގެ ފަރާތުންއާއިޝާއަށް
08 May 2018
މުސްކުޅިވި ދުވަހު ރީތިކޮށް އުޅެން ނޭންގުނީމަ ވާނީ އެހެން .. ވަރަށް ވާހަކަ މީ
އިބްރާހީމް އަޙްމަދު
07 May 2018
ގައުމަށް މިނިވަންކަން ހޯއްދަވައިދެއްވި ޒައީމު އިބްރާހީމް ނާޞިރަށް މައުމޫނު ބޭއިންޞާފުން ކުރެއްވި ކަންކަމުގެ ހިތި މައުމޫނަށް ފެންނާތީ އަހުރެން ހިތާމައެއް ނުކުރަމެވެ. ލަންކާއާއި އިންޑިޔާގެ ދަށަށް ނުގޮސް ރާއްޖެއަށް އަމިއްލަ މިނިވަންކަމެއް ލިބުނީ ނާޞިރު ކުރެއްވި ހިތްވަރުންނެވެ. އެކަމަށް ޓަކައި ވެސް ނާޞިރަށް އޯގާތެރިވާކަށް މައުމޫނަށް ނޭނގުނެވެ.
ކަނަމަނަ
07 May 2018
ތިޔައީ ރަނގަޅުވާހަކައެއް. ރާއްޖެއަށް މިނިވަންކަން ހޯދައިދެއްވި ނާޞިރަށް މައުމޫނުގެ ވެރިކަމުގެ ކުރީކޮޅު ކުރެވުނު ފުރައްސާރައާއި އެކަމުގައި ސަރުކާރުގެ ތާއީދު އޮވެގެން އެކިސިފަތަކުގައި ނާޞިރުގެ ސޫރަ ކުރަހައި މާލޭގެ އެކިހިސާބުތަކުގައި ބަހައްޓައި އެވަރުން ނުފުދިގެން ހުތުރުބަސްތައް ރައްދުވާގޮތަށް ލަވަތައް ހަދައި، އެލަވަތައްޖަހަމުން ގެންދިޔަ. މައުމޫނުގެ ސަރުކާރުން އެކަންކަމަށް ކިޔާފައިވަނީ މަރްޙަބާ. މިތަން ފެނިފައިވާ އެތައްބަޔަކު އަދިވެސް ދުނިޔޭގައި އެބަތިބި. މީ ޙަޤީޤީ މާޒީއޮތްގޮތަކީ.
މަޖުދާ
08 May 2018
ބަލަ ނާސިރު ދުނިޔޭގަ މައުމޫނުވެސް ކަންކަން ކޮށްފަ ހުރީ ހަމަ ޖާހިލުކަން މަތީގަ.. އެހެންވެ ބުނެއުޅެނީ އެމީހަކު ފޭހުނު އިލޮށިގަނޑެއް ހެރޭނީ އެމީހެއްގެ ލޮލަށޭ.. ކަރްމާ އިޒް އަ ބިޗް
ބޮޑުދައިތަ
07 May 2018
މީނަމޫނާ އަބިންނަކީ ފިރިމީހާގެ ހައްގުގަ ޖަލަވެސް ދާންވެސްތައްޔާރު ސެލިޔުޓު ޔޫ މެޑަމް ނަސްރީނާ ޔޫއާ އިންޑީޑު އޭން އިންސްޕިރޭޝަން ދެން މިއުޅޭނީ އެކިއެންގަލް ތަކުން ސެލްފީނެގޭތޯ އުޅޭ އަބިން