ޕާކިސްތާނުން ރާއްޖެ ކަނޑައަޅާފައި ހުންނަވާ ސަފީރު ވަސީމް (ވ)، ރާއްޖެއަށް ހަދިޔާކުރި 30 ލެޕްޓޮޕާއި، އެޑިއުކޭޝަންގެ ސްޓޭޓް މިނިސްޓަރު ޑރ. ނަޒީރު ހަވާލުވެވަޑައިގަންނަވަނީ-- ފޮޓޯ: އެޑިއުކޭޝަން މިނިސްޓްރީ
13 މެއި 2018 - 13:36
10 comments
ރާއްޖޭގެ ސްކޫލްތަކަށް ޕާކިސްތާނުގެ ސަރުކާރުން 30 ލެޕްޓޮޕް މިއަދު ހަދިޔާކޮށްފި އެވެ.
އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި، ޕާކިސްތާނުގެ އެމްބަސީގެ ފަރާތުން ލެޕްޓޮޕްތައް ހަދިޔާ ކުރެއްވީ، ރާއްޖޭގައި ހުންނަވާ އެ ގައުމުގެ ސަފީރު ވަސީމް އަކްރަމެވެ. އެޑިއުކޭޝަން މިނިސްޓްރީގެ ފަރާތުން ލެޕްޓޮޕްތަކާ ހަވާލުވެވަޑައިގަތީ ސްޓޭޓް މިނިސްޓަރު ޑރ. އަބްދުﷲ ނަޒީރެވެ.
ލެޕްޓޮޕްތައް ހަދިޔާކުރަން ބޭއްވި ރަސްމިއްޔާތުގައި ވާހަކަ ދައްކަވަމުން ޕާކިސްތާނުގެ ސަފީރު ވަސީމް ވިދާޅުވީ، ރާއްޖޭގެ ތައުލީމީ ދާއިރާ އަށް އެ ގައުމުން އަބަދު ވެސް އެހީތެރިކަން ދެމުން އަންނަ ކަމަށެވެ. ރާއްޖެ އަށް ޕާކިސްތާނުން ދެމުން އަންނަ ސްކޮލަޝިޕްތަކާއި އެހެނިހެން ފުރުސަތުތައް ވެސް، ކުރިއަށް އޮތް ތަނުގައި އިތުރު ކުރާނެ ކަމަށް އޭނާ ވިދާޅުވި އެވެ.
އަކްރަމް ވިދާޅުވި ގޮތުގައި ރާއްޖޭގެ ސްކޫލްތައް ޑިޖިޓައިޒް ކުރުމުގެ މަސައްކަތްތައް ސަރުކާރުން ކުރަމުން އަންނައިރު، މިއަދު ހަދިޔާކުރި ލެޕްޓޮޕްތަކުން އެކަމަށް ފައިދާ ކުރާނެ އެވެ.
"ޕާކިސްތާނުން ކުރިއަށް އޮތް ތަނުގައި ވެސް ރާއްޖެއަށް ލެޕްޓޮޕް ހަދިޔާ ކުރާނަން. އެގޮތުން އަންނަ އަހަރު ލެޕްޓޮޕްގެ އަދަދު 50 އަށް އިތުރުކޮށް، ފެންވަރު އަދި ކޮލިޓީ ރަނގަޅު ލެޕްޓޮޕް ހަދިޔާ ކުރާނަން" ވަސީމް ވިދާޅުވި އެވެ.
ޕާކިސްތާނުން ރާއް ޖެއަށް 30 ލެޕްޓޮޕް ހަދިޔާ ކުރަން އެޑިއުކޭޝަން މިނިސްޓްރީގައި މިއަދު ބޭއްވި ރަސްމިއްޔާތުގައި، ރާއްޖޭގައި ހުންނަވާ އެ ގައުމުގެ ސަފީރު ވަސީމް (ވ) ވާހަކަ ދައްކަވަނީ.-- ފޮޓޯ: އެޑިއުކޭޝަން މިނިސްޓްރީ
އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ނަޒީރު ވިދާޅުވީ މިދިޔަ އަހަރުތަކުގައި ތައުލީމީ އަދި ސިއްހީ ދާއިރާ އިން މީހުން ބިނާކުރަން ޕާކިސްތާންގެ ސަރުކާރުގެ އެހީތެރިކަން ލިބުނު ކަމަށެވެ. އެގޮތުން، ރާއްޖޭގައި ޑޮކްޓަރުކަން ކިޔަވައިދޭން ގާއިމްކުރާ މެޑިކަލް ކޮލެޖަށް ވެސް ޕާކިސްތާންގެ ސަރުކާރުގެ ބޮޑު އެހީތެރިކަމެއް ލިބުނު ކަަން ނަޒީރު ފާހަގަކުރެއްވި އެވެ.
މިިދިޔަ އަހަރު ވެސް ޕާކިސްތާން އެމްބަސީން ރާއްޖެ އަށް 15 ލެޕްޓޮޕް ހަދިޔާ ކުރި އެވެ. އެ ލެޕްޓޮޕްތައް ދީފައި ވަނީ މާލޭގައި ސަރުކާރުން ހިންގާ 14 ސްކޫލަށާއި އައްޑޫ ހައި ސްކޫލަށެވެ.
މިއަދު ހަދިޔާކުރި ލެޕްޓޮޕްތައް ދޭނީ ރަށްރަށުގެ ތެރެއިން، އޭ ލެވެލްގައި އެންމެ ރަނގަޅު ނަތީޖާއެއް ހޯދާ ސްކޫލްތަކަށެވެ. އެގޮތުން ސްކޫލްތަކުގެ އިނާމު ދިނުމުގެ ޖަލްސާގައި، ހުރިހާ ގޮތަކުން އެންމެ މޮޅު ދަރިވަރަކަށް އެ ލެޕްޓޮޕް ދޭނެ އެވެ.
ޕާކިސްތާނުގެ ސަރުކާރުން ރާއްޖެ އަށް ލެޕްޓޮޕް ހަދިޔާ ކުރަނީ "ޖިނާހު ޕެޕްޓޮޕް ސްކީމް" ގެ ތެރެއިންނެވެ. އެ ސްކީމް ނިސްބަތް ވަނީ ޕާކިސްތާނުގެ ފުރަތަމަ ގަވަރުނަރު ޖެނެރަލް މުހައްމަދު އަލީ ޖިނާހު އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަންޖަބީލު
13 May 2018
ދިވެހި ރައްޔިތެއްގެ ހައިސިއްޔަތުން ޕާކިސްތާނު ރައްޔިތުންނާއި ސަރުކާރަށް ޝުކުރު ދަންނަވަން. ލެޕްޓޮޕް ދޭނީ އިނާމު ދިނުމުގެ ޖަލްސާގައި އެންމެ ރަނގަޅު ނަތީޖާ ހޮވާ ދަރަވަރަކަށޭ ބުނީމަ ހިތަށް އަރަނީ ހުރިހާ ކުދިންނަށް ޓެބްލެޓް ދެންޏާ ކީއްކުރަންހޭ ލެޕްޓޮޕް ދެނީ.. ސްކޫލުގެ ޓީޗަރުންނަށް ދިނީމަ މާފައިދާ ބޮޑުވެފަ ގިނަ ކުދިންނަށް އޭގެ ފައިދާ ބެހިގެން ދާނެކަމަށް ފެނޭ
ހިތަދޫ ސީދި ބިޑާ
13 May 2018
(މިިދިޔަ އަހަރު ވެސް ޕާކިސްތާން އެމްބަސީން ރާއްޖެ އަށް 15 ލެޕްޓޮޕް ހަދިޔާ ކުރި އެވެ. އެ ލެޕްޓޮޕްތައް ދީފައި ވަނީ މާލޭގައި ސަރުކާރުން ހިންގާ 14 ސްކޫލަށާއި އައްޑޫ ހައި ސްކޫލަށެވެ.) މާލެއަށް 14 ލެޕްޓޮޕް އަދި އައްޑުއަށް 01 ލެޕްޓޮޕް.ކިހާ ސަޅި.
ފެނޭދޯދޯ
13 May 2018
ކޮބާ ރަންރީނދޫ ޓްވިޓަރޭ ތަމެންނަށް ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ގެޓް ދަ ޕޮއިންޓް. ގުޑް ގުޑް..
އާއާއާއާ
13 May 2018
ރާއްޖޭގެ ސްކޫލްތަކަށް ޕާކިސްތާނުން 30 ލެޕްޓޮޕް ހަދިޔާކޮށްފި ނަމަ އެއީ މަމެން އުފާ ކުރާ ކަމެކޭ މަމެން ޕާކިސްތާނާއި އެކު ގާތް ގުޅުމެއް ބާއްވަން ބޭނުމޭ އައި އޭމް ވޮންޑަރިންގް ޕާކިސްތާނުން 1 ބިލިއަން ޑޮލަރުގެ ލޯނެއް ލިބިދާނެ ކަމަށް މާލެ ސަރަހައްދުގައި ފްލެޓްސް ތައް އެޅުމަށް ޓަކައި ކޭން ޔޫ ގިވް އާއާ ކޭން ޔޫ ގިވް އާއާ ކޭން ޔޫ ގިވް އާއާއާއާ އާއާއާއާ އާއާއާއާ...
ޕާ ކިސް ތާނިއަން
13 May 2018
ބަލަގަ 30 ލެޕްޓޮޕް މަދުތަ؟.! އިސލާމީ މަރުކަޒާއި މަޖިލިސް މާލޭގެ އެންމެ އަގުބޮޑު 2 އިމާރާތް.! އަހަރަކަށް ކިތައް ސްކޮލާސިޕް.؟ ކަލޭމެން ދިވެހިން ތީ ހާދަ ހަދިޔާ ބޭނުން ވާ ބައެކޭ ދޯ.!
ބޮންނަންބާ
13 May 2018
ލެޕްޓޮޕްތައްވެސްވިއްކާލާ.
ޝާއްނާ
13 May 2018
އަޅުގަނޑު ހީއްކުރަނީ ކުރީގައި ޕާކިސްތާން ކީމައި އެއީ ވަރަށްބޮޑު މުއްސަނދި ގައުމެއްކަމަށް ، އަދިކިރިޔާ މިއެނގުނީ ޕާކިސްތާނަކީ ޕާރސަނަލް ކޮމްޕިއުޓަރސް ، މެކްސްކޮމް ، ފޯކަސްކޮމްޕިއުޓަރސް ކަހަލަ ކުންފުންޏެއްވާވަވަރުގެ ގައުމެއްކަން ، އެހެންނޫނީ މުޅިރާއްޖޭގެ ސުކޫލްތަކަށް އެންމެ 30 ލެޕްޓޮޕްއެއް ނުދޭނެތާ ، ލަދުންވެސް އެކަހަލަ ކަމެށް ނުކުރާނެތާ ، ނަމަވެސް ޕާކިސްތާނުގައި ކުޑަކަމާޢި ފަނގީރުކަމަށް ބަލާއިރު ތިޔަދެއްވި ހަދިޔާއަކީ ދުވަހަކުވެސް އަގުއަދާކުރެވޭނެ ހަދިޔާއެއްނޫން ،
ހަފުސް
22 May 2018
ޕާކިސްތާން ސަރުކާރުގެ މިއަހަރުގެ ބަޖެޓަކީ 41.07 ބިލިއަން ޔޫއެސް ޑޮލަރު. ރާއްޖެ ބަޖެޓުގަ 2 ބިލިއަން ޔޫއެސް ޑޮލަރުވެސް ހަމަނުވެ. ވިސްނާލާ.
ޢަހުމަދުބެ
13 May 2018
ސަލާންޖެހުން މެކުހަށް. ޢަފްއާނިސްތާނުން 30 ކީބޯޑުވެސް ހޯދާތި.
ލެޕްބޮއި
13 May 2018
އެންމެ 30 ލެޕްޓޮޕް؟ ތިޔައީ 100،000 ރުފިޔާ އަށް ވުރެވެސް އަގު ދައްވާނެ ހަދިޔާ ތަކެއް! މިވަރުގެ ކުޑަ ކަމަކަށް ބޮޑު ޖަލްސާއެއް ބާއްވާ، ކޮން ސަކަރާތެއް ޖަހާކަށް؟ ޕާކިސްތާން ސަރުކާރުން ހަގީގަތުގައި ދިވެހި ރާއްޖެ އަކަށް، މަޖިލިސް އިމާރާތް ފިޔަވާ ނެތް ބޮޑު ކަމެއް ކޮށްދީފައެއް! ބަލަ، ގަތަރު ކަހަލަ ގައުމުތަކުން ދީފައި ހުރި ހަދިޔާ؟ އެވަރުން ވެސް އެކަހަލަ ތަހުޒީބު ގައުމު ތަކާއި ގުޅުން ކަނޑާ، މި ސަރުކާރުން އެންމެ 30 ލެޕްޓޮފަށް ޓަކައި ޕާކިސްތާނާއި މިގުޅުން ބަދަހި ކުރަނީ! ލޮލް!