ރޯދަ ވިއްލާ ގަޑިއަށް ސީހައުސް ކެފޭ ތައްޔާރުވެފައި.---ފައިލް ފޮޓޯ
20 މެއި 2018 - 13:39
17 comments
މިހާރުގެ ރޯދަ ސަގާފަތުގެ ތެރޭގައި ހިމެނޭ، ބޭރުން ރޯދަ ވީއްލުމުގެ ބައްދަލުވުންތަކުން މާލޭގެ ރެސްޓޯރެންޓްތައް ފުރެން ފަށައިފި އެވެ.
ބޭރުން ރޯދަ ވީއްލުން އާންމު ކަމަކަށް ވުމުން ކޮންމެ ރޯދަމަހަކަށް ވަރަށް ހާއްސަ މެނޫތައް ރެސްޓޯރެންޓްތަކުން ތައާރަފުކުރެ އެވެ. އެކަމަކު މި އަހަރުގެ އަގުތަކަށް ބަލާއިރު މިދިއަ އަހަރާ މާ ބޮޑު ތަފާތެއް ނެތެވެ.
މި އަހަރުގެ އަގުތައް އާންމުކޮށް އުޅެނީ ބޮލަކަށް 200ރ. އިން މަތީގަ އެވެ. މިދިޔަ އަހަރުގެ ރޯދަ މަހު ވެސް ރެސްޓޯރަންޓުތަކުގެ އަގު އުޅުނީ ގާތްގަނޑަކަށް އެ ވަރުގަ އެވެ.
މާލޭގެ މަޝްހޫރު ރެސްޓޯރަންޓްތަކަށް ބަލާއިރު ސީހައުސްގެ ރޯދަ ވީއްލުން ބޮލަކަށް 224ރ. އިން މަތީގައި އުޅޭއިރު، ޝެލް ބީންސްގެ އަގު ފެށެނީ 290ރ. އިންނެވެ.
ކާމް ހޮޓަލް އާއި މޫކައިގެ އަގުތައް އުޅެނީ 215ރ. ގަ އެވެ.
މާލޭގެ އެންމެ މަތީ ފެންވަރުގެ އެއް ރެސްޓޯރެންޓް ކަމަށްވާ ހޮޓެލް ޖެންގައި ރޯދަ ވީއްލުން އުޅެނީ ބޮލަކަށް 35 ޑޮލަރަށެވެ. ހުޅުލޭ އައިލެންޑް ހޮޓަލުގެ އުޑުވިލާ ރެސްޓޯރަންޓުގައި ރޯދަ ވީއްލުން 36 ޑޮލަރުގައި އުޅޭއިރު، އެތަނުގެ އެހެން ރެސްޓޯރެންޓެއް ކަމަށްވާ ފަރު ކޮފީހައުސްގައި އެ އަގު އުޅެނީ 27 ޑޮލަރުގަ އެވެ.
ދާދި ފަހުން މާލޭގައި ހުޅުވި މާގިރި ހޮޓަލުގައި ހުންނަ ރެސްޓޯރަންޓުގެ އަގުތައް އުޅެނީ 250-300ރ.ގެ ދެމެދުގަ އެވެ.
މަޝްހޫރު ސޯލްޓް ރެސްޓޯރަންޓުގައި ރޯދަ ވީއްލުމެއް ދެނީ 290ރ. އަށެވެ.
ހުޅުމާލޭގެ ރެސްޓޯރަންޓުގެ އަގުތައް ވެސް ހުރީ މާލޭގެ އަގުތަކާ ދާދި އެއްވަރެއްގަ އެވެ.
ބައެއް ރެސްޓޯރަންޓްތަކުން ބުނާ ގޮތުގައި އެހެން އަހަރުތަކާ ހިލާފަށް މި އަހަރުގެ ޑިމާންޑް އަދި ވަރަށް ބޮޑެވެ. އެގޮތުން ގިނަ ރެސްޓޯރެންޓްތައް ވަނީ ފުރިފަ އެވެ.
ހުޅުމާލޭ އޯޝަން ގްރޭންޑްގެ ރޯދަ ވީއްލުން: ރެސްޓޯރެންޓްތަކަށް ގިނަ ބަޔަކު ދޭ
މާލެއާ ކައިރި ރިސޯޓްތަކަށް ވެސް ގިނަ ބަޔަކު މިހާރު ރޯދަ ވީއްލަން ދެ އެވެ. އެކަމަކު ރިސޯޓްތަކުގެ ރޯދަ ވީއްލުމުގެ އަގު މި އަހަރު އެވްރެޖްކޮށް 10 ޑޮލަރު ވަރު ވަނީ ބޮޑުވެފަ އެވެ. އެގޮތުން ރިސޯޓްތަކުން ބޮލަކަށް 55 ޑޮލަރު ނަގަ އެވެ.
"ފުރަތަމަ ވީކުގައި އާންމުކޮށް ތަންކޮޅެއް މަދުވާނެ މީހުން އަންނަލެއް. ދުވަސްކޮޅެއް ފަހުން ދެން އުޅޭނީ 70-80 ގައި،" ރިސޯޓަކުން ވާހަކަ ދެއްކެވި އިސް ވެރިޔަކު ވިދާޅުވި އެވެ.
"ރޯދައިގެ ފަހުކޮޅަށް އައިސް ވީކެންޑުތަކުގައި 120 އަށް ވުރެ ގިނަ ވާނެ އަންނަ މީހުން."
މިހާރު ރޯދަ ވީއްލަން ރެސްޓޯރެންޓްތަކުން ދޭ އަގަށް ވުރެ ކުޑަ އަގެއްގައި، ބޭރުން ރޯދަ ވީއްލަން ބޭނުން ނަމަވެސް އެ ފުރުސަތު އެބަ އޮތެވެ. އެގޮތުން މާލޭގެ ކާނިވާ ސަރަހައްދުގެ ކެފޭތަކުގައި ބޮލަކަށް ނަގަނީ 100-150ރ. އާ ދެމެދުގެ އަގެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުލަރޯދަ
21 May 2018
"ކާނިވާ ސަރަހައްދުގެ ކެފޭތަކުގައި ބޮލަކަށް ނަގަނީ 100-150ރ. އާ ދެމެދުގެ އަގެކެވެ." ކާނިވާ ސަރަހައްދުގެ އަގުތައް އުޅެނީ 140ރ އިން. 200ރ ދެމެދުގަ
ބާއިމުޙައްމަދު
21 May 2018
ފައިސާއެއް ނެތް..ތި ތަންތާކަށް ދާކަށް
ކާފަބޭ
21 May 2018
ކަޓުލަސްކޮއްކޯ އެދުވާރުތައްމައްޗައް ކުނިތައްއަޅަނީ ސަރުކާރުންތޯ ނުވަތަ އަމިއްލަފަރުދުންތޯ ވިސްނާލެއްވިންތޯ އެއަޅާބަޔަކު ހަމައެތާކައިރިން ހިނގަނީވެސް ނުބައިވަސްދުވަނީވެސް ހަމަހިނގާ މީހުނަށް ވަކި ފިކުރެއްގެންގުޅުނަސް ނުބައިކަމެއް ހަމަވާނީ ނުބައިކަމަކަށް އަމިއްލައަށް އިސްލާޙު ވެގެންނޫނީ ރީތިޓޯކިޔޯއެއް ނުފެންނާނެ
ކުނިއުކުންކުށެއް
21 May 2018
އަމިއްލަޔަށް ކުނިއުކާލުމަކީ ކުށެއްނޫން ނަމަ މީހުންނެއްނާޅާނެ މަގުމައްޗަކަށް ކުންޏެއް.
ކާފަދަރީ
21 May 2018
ކާފާބުނައްތަ ވާހަކަޔެއް ތަހުޒީބުވެފަހުރި ގައުތަކުގަ ކަންކުރާގޮތަކީ އެކިބާވަތުގެ ކުނި ވަކިން އެޅޭ ގޮތައް ޑަސްޕިން ބަހައްޓާފަ ގަވައިދުން އެޑަސްޕިން ނަގަނީ ސަރުކަރުން! އެކަމަކު ލިޓިލު ޓޯކިއޯގަ ވާގޮތަކީ ޓެކުސްފައިސާ އާއި ފަޅުރައް ތަކުން ލިބޭ ކުލި ތިޖޫރީނގަ ހަރުނުލާތާ ވީތަނެއްވެސްނޭގެނީ ކުނިނާގާން ބޮޑުކުންޕުންޏެއް ހެދިއަސް ވައްކަންކުރުމަކީ ތޮބީކަމެއް ކަމައް ދެކެންޏާ ކިނެއްތޯ ވާނީ
ރަށްވެހި މީހާ
21 May 2018
"@ކުނިއުކުންކުށެއް " ގެ ނަމުގައި ރިޕްލައި ކުރެއްވި ފަރާތައް ދަންނަވަން މިހާރު ވެމްކޯއިން ހަމަ އެކަނި ކުނި އުކަނީކީ ނޫންކަން، ވެމްކޯ އިން ކުނި މެނޭޖް ވެސް ކުރޭ. އަމިއްލައަށް މިކަން ކުރިއިރު ކުނި އުކާލުމުން ނިމުނީ ދެން އެއަށް ވާގޮތެއް ބަލައިލުމެއް ނޯވޭ. ވެމްކޯގެ މަސައްކަތައް އައްސަރިބަހާ ސާބަސް.
ޙްމް
21 May 2018
ކާޑު އަގުބޮޑު ކޮށްގެން އަގުބޮޑު ކުރި ހެދިކާ ކާޑު އަގު ހެޔޮކުރީމަވެސް ކުޑަ ނުކުރި.
ޖަރީމާ ރައީސް
21 May 2018
މީގެން ދޭހަ ވަނީ އިގްތިސާދު އޮތީ ރޭޒަރު ތިލައެއް މަތީގަކަން.
ޅަބޭ
21 May 2018
ކޮންމެހެން ނޫސްތަކުގައި ރެސްޓޯރަންޓުތަކުގެ ބޮޑުއަގުތައް އެއީ ކުޑައަގެއް ކަމުގަ ދައްކައިގެން އިސްތިހާރު ކުރާނެކަމެއްނެތް. މަށެއް ތިޔައިން އެއްވެސް ތަނަކާ ވައިވެސް ނޭޅޭނަން. މަށަން މާރީތި، މާމަޖާ ގޭމީހުނާއެކީ ގޭގަ ރޯއްދަވިއްލުން.
Solah
20 May 2018
އަނގަޔާ އަތާ ދިމާނުވާތީޔޯ ރެސްޓޯރެންޓްތައް ފުރެނީ.
މޯ ޑު
20 May 2018
މިއީ ވަރަށް ހިތާމަ ހުރި ސަޤާފަތަކަށް ވެއްޖެކަމެއް. މިކަމުގައި ޝާމިލުވާ ގިނަބަޔަކު ޖަމާޢަތުގެ މަޢްރިބު ނަމާދު ދޫކޮއްލާކަމެއް. އަދި އެވަރަށް ކެއުމުގެ ސަބަބުން ތަރާވީސް ނަމާދުކުރާއިރު އިންތިހާއަށް ކަންނެތްކަމާއި ލޮޑުކަން އިހުސާސް ކުރުވާކަމެއް. ގިނަބަޔަކު މިވާހަކައަށް ކިތަންމެ އިންކާރުކުރިއަސް މިއީ ބޮޑުވެގެންވާ އިސްރާފެއް. އަދި ރޯދަމަހު ހާސިލް ކުރަންޖެހޭ މަޤަސަދު ތަކާއި މުޅިން ފުށޫއަރާކަމެއް.
ކައްޓިމަސް
20 May 2018
އެވްރެޖް 200ރ އޭ؟ ކިތައް ތަނުގެ ޖުމްލަ ހަދާފަތޯ އެވްރެޖް ތި ހެދީ.. މި މަޝްހޫރު ހުރިހާ ތަނެއްގަ 200ރ އިން މަތިން އަގުތައް އުޅޭ އިރު އެވްރެޖް 200ރ ވާނެ ގޮތެއް ނުވިސްނުނު.. އަގުތައް ހަމަ ބޮޑު... ވަރަށް ބޮޑު... އާއްމު މީހެއްގެ ވިސްނުމުން ވިސްނާލާފަ ހިސާބު ހައްދަވާ..
ކިޔާބަލަ
20 May 2018
ކިޔާފަ ވާނުވާ ބަލާފަ ކޮމެންޓް ކުރަން އާދަކޮށްބަލަ. 200 ރުފިޔާ އިން މަތީގައޭ އެއޮތީ ބުނެފަ.
އަޒީމް
20 May 2018
އަހަރެމެން ދިވެހިންނަކީ ވަރަށް ބޭކާރު ޚަރަދުކުރަން ދަންނަ ބައެއް! ގިނަ ފަހަރު ތިޔަ މެނޫތަކުގައި ހުންނަނީ ޞިއްޙަތަށް މާފައިދާޢެއް ނުވާ ތަކެތި! ތިޔަށްވުރެ ގޭގައި އަމިއްލައަށް ތައްޔާރުކޮށް އާއިލާ އެއްކޮށް ރޯދަ ވީއްލުމުން އަގުހެޔޮވެފައި ހަށިގަނޑަށް ރަނގަޅުވެފައި ލިބޭ ހިތްހަމަޖެހުން ބޮޑުވާނެ!
ލޮލާލޯ
20 May 2018
ބުރޯ ގިނަ 'ގެތަކުގަ' މީހުން އެއްވާނެ ޖާގައެއް ނޯވޭ، ބަދިގެ ސިޓިންގްރޫމް ބެޑްރޫމް ސޭމު ރޫމް. ޔޫސީ، ރަށުގެ އަރާމު އުފާވެރިކަން މާލޭގަ ނޮޓް ޕޮސިބަލް.
ކަޓުލަސް ދޮންބެ
20 May 2018
އައްދެ މަހީކުރީ ލިޓިލު ޓޮކިއޯގަ ހުރިހާކަމެއް ފުރިހަމަ ވާނެކަމައް! އެކަމަކު ކުނިއަޅާ ގޮންޑަކީވެސް މަގު ދެކައިރި ދުވާވަހުން ނޯންދަމާލައްނުކެރޭ އެކަމަކު އަގުތައް ޓޮކިއޯއެއްފެން ވަރެއް މިދަނީރަށައް ގުޑުބާއި
އަޒީމް
20 May 2018
ލޮލާލޯ! ރޯދަ ވީއްލުމަކީ ކޮންމެހެން މީހުން އެއްވާންޖެހޭ ކަމެއްތަ؟ އެގެއެއްގައި އުޅޭ ބަޔަކު އެއްވެ ރޯދަ ވީއްލީމާ ނިމުނީޢޭ!