ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު-- މިހާރު ފޮޓޯ
15 ޖޫން 2018 - 21:50
58 comments
ރޯދަ ހިފަން ފެށުމާއި އީދުކުރުމުގައި އަމަލުކުރަން ޖެހޭނީ އެމީހަކު ހުރި ގައުމެއްގައި ކަމާބެހޭ އިދާރާތަކުން ނިންމާ ގޮތަކަށް ކަމަށާއި 28 ރޯދަ ހިފުމަށް ފަހު އީދުކުރުން ހުއްދަ ނުވާނެ ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވި އެވެ.
ޝަހީމް މިހެން ވިދާޅުވީ އެހެން ގައުމުތަކަށްވުރެ ފަހުން ރޯދަ ހިފަން ފެށި ސްރީ ލަންކާ އަށް އިއްޔެ އަކީ ރޯދަ މަހުގެ 28 ވަނަ ދުވަސް ކަމަށް ވިޔަސް އެ ގައުމުގައި އުޅޭ ދިވެހިން މިއަދު އީދު ކުރުމަށާއި މި މަހު ތެރޭ އެއް ރޯދަ ގަޟާކުރުމަށް އިސްލާމިކް މިނިސްޓްރީން އަންގާފައި ވަނިކޮށެވެ.
އިސްލާމިކް ޔުނިވާސިޓީގެ ޗާންސެލާ ޝަހީމް ފޭސްބުކްގައި ލިޔުއްވާފައިވަނީ ހަނދު މަހެއްގައި އޮންނާނީ 29 ނުވަތަ 30 ދުވަސް ކަމަށް ވާއިރު 28 ރޯދަ ހިފާފައި އީދު ކުރުން ހުއްދަ ނުވާނެ ކަމަށެވެ.
"ރޯދައިގައި އަމަލު ކުރަން ޖެހޭނީ އެބަޔަކު ތިބި ތަނެއްގައި ނުވަތަ ބައްރެއްގައި އެ ބަޔަކު ރޯދަ ހިފަން ފަށައި އެ ގައުމަކާ އެކު. އަދި އެބަޔަކު ތިބި ގައުމެއްގެ އޮތޯރިޓީތަކުން ނިންމުމާ އެއްގޮތަށް،" ޑރ. ޝަހީމް ލިޔުއްވާފައިވެ އެވެ.
އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު ވިދާޅުވެފައި ވަނީ އިސްލާމީ ގައުމުތަކަށް މިއަދު މިއީ އީދު ދުވަސްކަމަށް ވުމާ އެކު، ރާއްޖެއިން ބޭރުގައި އުޅޭ ދިވެހިން ވެސް ރާއްޖެއެކޭ އެއްގޮތަށް އީދު ދުވަސް ފާހަގަކުރަމުން އަންނަ ކަމަށެވެ. ރާއްޖޭގައި މި އަހަރު ރޯދަ ހިފަން ފެށީ، ހަމަ ލޮލަށް ހަނދު ނުފެނު ނަމަވެސް، އިތުބާރު ހުރި ފަލަކީ ހިސާބަށް ބިނާކޮށެވެ. ސައޫދީ އަރަބިއްޔާ އާއި އިސްލާމީ ގިނަ ގައުމުތަކަށް ވެސް އެ ދުވަހުގެ އިރު އޮއްސުމަށް ފަހު ވެސް ހަނދު ފެންމަތީގައި ހުންނާނެކަން ފަލަކީ ހިސާބުން ކަށަވަރު ވިޔަސް، އެ ދުވަހުގެ އިރު އޮއްސުމަށް ފަހު ހަމަ ލޮލަށް ހަނދު ފެނިފައިނުވާތީ، އެ ގައުމުތަކުން ރޯދަ ހިފަން ފެށީ ފަހުންނެވެ. ލަންކާގައި ރޯދަ ހިފަން ފެށީ ރާއްޖެއަށް ވުރެ ދެ ދުވަސް ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ.އާއިޝަތު
17 June 2018
ތިޔައީ ތޯ ހުއްދަ އަދި ހުއްދަ ނޫންކަންތައް އެނގިވަޑައިގެންފައިވާ ފަރާތަކީ... ތިބޭފުޅުން އެކި އެކި ބޭނުންތަކަށް ނެރެމުންގެންގޮސްފައިވާ އޭތި މީތި މިއަދުވެސް އެހުރި ހަމަލޮލަށް ފެންނަން....
އަދީބު
17 June 2018
ލަންކާގައި އުޅޭ ދިވެހިންނަށް ހުއްދައެވެ.
ވާނުވާ
17 June 2018
މިސާލަކަށް ރޯދަމަހުގެ ފުރަތަމަދުވަހު ހަނދު ނުފެނިގެންނޭކިޔާފަ (ވިއްސާރަ.ވުމުގެ ސަބަބުން) އެކަމަކު ފަލަކީހިސާބުން ހަނދު ފެންނާނެކަން ޔަގިވެފަ އެކަމުވެސް އެދުވަސް ދޫކޮށްފަ އަނެއްދުވަހު ރޯދަ ހިފަން ފަށްޓުމަކީ ކޮންކަހަލަ.ކަމެއްތޯވެ.
ލަކުޑި ހަމީދު
16 June 2018
ތިބޭފުޅާ މޮޅެތި ވާހަކަ ނުދައްކާ! އިސްލާމިކް މިނިސްޓަރަށް ވުރެން ތިބޭފުޅާއަކަށް ނޭގޭނެ!
ކައުންސެލަރު
16 June 2018
އީދުކަޅުބެ ހަމަ ހުރެފައެއްޗެއް ބުނެލީދޯ. ދީނަށްޓަކާ ގައުމަށްޓަކާއޭ ކިޔާނެކަމެއްނެތް. އެއީކީ މިސަރުކާރުގެ މީހަކު ކީއެއްޗެއް ނޫން. އެއީ ތިޔަބުނާ އެމްއޯޔޫގެ ކަލޭމެންގެ އެކުވެރިންކީ އެއްޗެއް. ހަޖަމުކުރޭ. ކަޑަނުވައްޗެ އިނގޭ. ހަމައެހެން ހިޖްރީ މަސްތަކުގެ އެއްވެސް މަހެއްގައި 28 ދުވަހެއް ނޯންނާނެ. އޮންނާނީ 29 ނޫނީ 30. މިނިސްޓަރަށް އެވަރު ނޭނގުމަކީ ވވވވވވ ދެރަވަރުކަމެއް. މަނަމަ ގައިމުވެސް ގޮނޑިން ފައިބައިގެން އައިސް ހުންނާނީގޭގަ އެކަހަލަ އެއްޗެއް ބުނެވިއްޖިއްޔާ. ގައިމުވެސް ޕީއެޗްޑީގެ ފެންވަރަކީ އެއީއެއްނޫން. އީދުކަޅުބެ ހަނދާން ކުރައްޗެ އަހުންނަށް އެނގޭނެ ކެރޭނެ ދެކޮޅަށްވެސް ވާހަކަ ދައްކަން. އިނގިއްޖި!!■
ބާގިރު ހުސޭނު
16 June 2018
މިނިސްޓރ ޒިޔާދުގެ ޕި އެޗް ޑީ އާ މެދު ސުވާލު އެބަ އުފެދޭ . ދެކޮލު ނުޖެހޭ ގޮފޮޅު ވާހަކަ ދައްކާ ގޮފޮޅު ކަންތައް އެބަ ކުރައްވާ.
އަމާނާތް
16 June 2018
ދީނީ ޢިލްމު ކިޔަވާއިގެން ތިބި މީހުން ވެރިމީހާއަށް ބިރުން، ހައްގު ބަސް ނުބުނެ ނުހުންނާށޭ. ކަލޭމެންގެ ޒިންމާ ވަރަށް ވެސް ބޮޑު.
ޒުލޭ
16 June 2018
ޝަހީމްގެ ވާހަކަ
ސާބި
16 June 2018
މައްކާ ގެ ނަމުގަ ކޮމެންޓުކުރާމީހާ ހާދަ މޮޅޭ ދޯ އެ ބުނަނީ ވިއްޔަ 28 ދުވަހު ރޯދަ ހިފާފަ ޝައުބާން މަހުގެ ހަނދު ފެނިއްޖެނަމަ އީދު ކުރެވޭނެކަމަށް . ރަމަޟާން މަހަށްފަހު އަންނަނީ ކޮން މަހެއްކަން ވެސް ނޭނގުނު. ރަޖަބުމަހުގެ ހަނދޭ ނުބުނިކަން ރަނގަޅެއް ނުން، ބަލަ 28 ކޮށްފަ ހަނދެއްނުބަލާނޭ ހަނދު ބަލާނީ އަބަދުވެސް 29 ކޮށްފައޭ.ހަނދުމަހުގަ އިންނާނީ29 އާއި 30 ދުވަހޭ
އަލީ!
16 June 2018
ދީން ހިމާޔަތް ކުރާ ސަރުކާރު އޮޅުން ބޮޅުން ގަނޑެއްގައި!