ރައީސް ޔާމީން ބައެއް ރަށްތަކަށް ދަތުރުފުޅު ފައްޓަވައިފި

ފެބުރުއަރީ، 2017 ގައި ރައީސް ޔާމީން ހިންމަފުއްޓަށް ވަޑައިގެން ކުޑަކުދިންތަކަކާ ސަލާމްކުރައްވަނީ. --ފޮޓޯ/ ރައީސް އޮފީސް

ފަޒީނާ އަހުމަދު، މިހާރު

24 ޖޫން 2018 - 10:06

އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގެ ކެމްޕޭން، ވެރިކަން ކުރާ ޕީޕީއެމުން ފަށާފައި ވަނިކޮށް ރައީސް އަބްދުﷲ ޔާމީން ބައެއް ރަށްތަކަށް މިއަދު ދަތުރުފުޅެއް ފައްޓަވައިފި އެވެ.

އެމަނިކުފާނުގެ ދަތުރުފުޅުގެ ފުރަތަމަ މަންޒިލެއްގެ ގޮތުގައި މިއަދު ވަޑައިގަތީ މާލެ އަތޮޅު ތުލުސްދު އަށެވެ. އެ ރަށުގެ ބަނދަރު ހުޅުއްވައިދެއްވުމަށް ފަހު، އެ އަތޮޅު މާފުއްޓާއި ގުރައިދު އަށް ވަޑައިގަންނަވާނެ އެވެ. މާފުށީގެ ގޮނޑުދޮށް ހިމާޔަތްކުރުމުގެ މަޝްރޫއުގެ ނިމުން ފާހަގަކުރުމުގެ ރަސްމިއްޔާތުގައި ބައިވެރިވެވަޑައިގަތުމަށް ފަހު، ގުރައިދޫގެ ވެސް ބަނދަރު ހުޅުއްވައިދެއްވާނެ އެވެ.

މި ދަތުރުފުޅަށް ފަހު މިއަދު ހަވީރު މާލެ ވަޑައިގަތުމަށް ފަހު، ޝެޑިއުލްގައި ދެން އޮތީ ށ. އަތޮޅެވެ. އެ އަތޮޅަށް ވަޑައިގަންނަވާނެ ދުވަހެއް ރައީސް އޮފީހުން އަދި ހާމައެއް ނުކުރެ އެވެ.

#LiveUpdate

Sh. Milandhoo ah Raees Yameen Vadaigan'navaatheeve E' Manikufaanah Marukhabaa Dhehnevumah Vaan Jehey Emme fahuge thayyaaree thah..#RY2018 pic.twitter.com/SKtn5xLJVB
— #RaeesYameen2018 (@RaeesYameen2O18) June 23, 2018

ރައީސް ޔާމީން 2018 ނަމުގައި ޕީޕީއެމުން މި ދަތުރުތައް ޕްރޮމޯޓްކުރަމުން އައި ނަމަވެސް ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ވިދާޅުވީ، ރައީސް ކުރައްވަނީ ކެމްޕޭން ދަތުރުފުޅުތަކެއް ނޫން ކަމަށެވެ. އެއީ، މި ސަރުކާރުން ރަށްތަކުގައި ކުރިއަށް ގެންދާ މަޝްރޫއުތަކުގެ ނިމުން ފާހަގަ ކުރެއްވުމަށް ކުރައްވާ ރަސްމީ ދަތުރުފުޅުތަކެއް ކަމަށް ވެސް އޭނާ ވިދާޅުވި އެވެ.

އޭނާ ވިދާޅުވި ގޮތުގައި ބައެއް ރަށްތަކުގައި ސަރުކާރުން ހިންގާފައިވާ މަޝްރޫއުތަކުގެ ނިމުން ފާހަގަކުރާ ރަސްމިއްޔާތުގައި ރައީސް ޔާމީން ބައިވެރިވެވަޑައިގަތުމަކީ އެ ރަށްތަކުގެ ރައްޔިތުން އެދޭ އެދުމެކެވެ. އެހެންވެ ވަގުތު ދެއްވުނު މިންވަރަކުން ރަށްތަކަށް ވަޑައިގަންނަވާނެ ކަމަށް ވެސް ވިދާޅުވި އެވެ.

ރައީސް ރަށްތަކަށް ދަތުރުފުޅުތައް ފެއްޓެވި އިރު، އެ މަނިކުފާނުގެ ފަރާތްޕުޅުން ކެބިނެޓުގެ ވަޒީރުންނާއި ރައްޔިތުންގެ މަޖިލީހުގެ މެމްބަރުން ގެންދަވަނީ މާލޭގައި ދޮރުން ދޮރަށް ހިންގަވަމުންނެވެ. ޕީޕީއެމުގެ ކެންޑިޑޭޓެއްގެ ގޮތުގައި ވެރިކަމުގެ ދެ ވަނަ ދައުރަކަށް ރައީސް ޔާމީން އިންތިހާބުގައި ވާދަކުރައްވަން ނިންމަވާފައިވާއިރު، އިދިކޮޅުން ވާދަކުރާނެ ކެންޑިޑޭޓަކު އަދި ކަނޑައެއް ނާޅަ އެވެ.

ގުޅިފައިވާ ކޯލިޝަނުން އެއް ކެންޑިޑޭޓަކު ނެރެ ރައީސް ޔާމީން ބަލިކުރާނެ ކަމަށް ބުނެފައިވީ ނަމަވެސް އެ ކެންޑިޑޭޓަކު އަދި ކަނޑައެއް ނާޅަ އެވެ.

ދިވެހި ސަރުކާރު ޕީޕީއެމް ޕީޕީއެމް ކެމްޕޭން ރައީސް އަބްދުﷲ ޔާމީން ކ. އަތޮޅު ށ. އަތޮޅު ކ. ތުލުސްދޫ ކ. މާފުށި ކ. ގުރައިދޫ

35 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންރީދޫ ޓުވިޓަރޭ

24 June 2018

ކޯޑިނޭޓަރޫ...ތަމެން ވޯޓުންވެސް ކުރާނީ ވައްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްހާނު

24 June 2018

ބަޑި ހިފައިވެން ދޯ...ޕަކާސް ޕަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކަންޑިމޭން

24 June 2018

ރަށްރަށުގައި ތިބި ދިވެހި ރައްޔިތުންތިބީ ރައީސް ޔާމީންއާ ބައްދަލުކޮށް ސަލާންގަލާންކޮށް ގެނެސްދެއްވި ތަރައްގީއަށް ޝުކުރުއަދާކުރަން ކެތްމަދުވެފައި. ނަމުން ޖަޒީރާ ރައީސްގޮތަށް ދުވާލުދެއިރަށް ސިޔާސީ ތާއީދުހޯދާ ނުފުއްދުނު ތަރައްޤީގެ އަވާމެންދުރެއް ދައްކަން ވެރިކަމުގެ ދައުރު އެއްކޮށް ރަށްރަށަށް ދަތުރުކުރިނަމަ ރައީސް ޔާމީންއަށްވެސް ޖަޒީރާ ރަށްތަކަށް ގެނެސްދެވުނު ތަރައްޤީއެއް ނޯންނާނެ. މިތަރައްގީ ލިބުނީ އެކަމަށް ވަގުތުދީގެން ރައްޔިތުންގެ ހައްގުގައި ކުރި މިންނެތް ބުރަ މަސައްކަތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

24 June 2018

ތިވާހަކަ ގޯހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޅި

24 June 2018

އާދައިގެ މަތިން ވޯލްޑް ކަޕް މެޗްތަކުގެ ކުރިންނާއި ފަހުން އިސްތިހާރުގެ ކުރިން ކެމްޕޭންއެބަކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިބޭތި

24 June 2018

ތަމެން ރަންރީނދުލޭ މެން ބަލަން ތިބޭތި ތަމެން ބޮޑު ތަނުން ބަލި ކުރާނަން މިފަހަރު ރިޔާސީ އިންތިޚާބުގައި މަމެން ލޮނުލައިގެން ބަތެއް ނުކާނަން ވޯޓް ލާމީހުންގެ %85 އިން ތަމެން ބަލި ގަންނުވާނުލައިފިނަމަ އިނގޭތޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސޯޓް ބޯއީ

24 June 2018

ރިސޯޓް ހިއްސާ ކޮބާ؟ ދައުރު މިއޮއް ނިމެނިއްޔޭ. ނިކަން އަތްމަތި އަވަސް ކޮށްލަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭލާ

24 June 2018

"ރައީސްގެ މި ދަތުރުފުޅުތަކަކީ އާދައިގެ މަތިން، ރަށްރަށުގައި ކުރިއަށް ގެންދާ އުމްރާނީ މަޝްރޫތަކުގެ ނިމުން ފާހަގަކުރެއްވުމާއި ރައްޔިތުންނާއި ކައުންސިލްތަކާ ބައްދަލުކުރެއްވުން. އެއީ، ރިޔާސީ އިންތިހާބުގެ ކެމްޕޭން ދަތުރުފުޅެއް ނޫން،" މުއާޒް ވިދާޅުވި އެވެ. ގައުމީ ޓީވީ އިން ޕްރޮޕެގެންޑާ ފަތުރާލުމަށް ފުރުސަތު ހޯދުން. އިންސާނާގެ ބަހާ އަމަލާއި ނިޔަތް އެންމެ މޮޅަށް ދެނެވޮޑިގެންވަނީ މާތްﷲ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ހުމާ

24 June 2018

‫ކެމްޕެއިން ދަތުރުތަކެއް ނޫންކަން އެނގޭނީ ރައްޔިތުންނާ މުޚާޠަބުކޮށް ދައްކާ ވާހަކައިން. މި ވަގުތާ ދިމާނުކޮށް ވެސް ތިރަށްރަށުގެ ތަރައްގީގެ ރިބަން ކެނޑިދާނެ. އޮޅުވާލުމުގެ ވެސް ހައްދެއް ނެތް.