ގާނޫނާ އެއްގޮތަށް ހިންގާ ހަރަކާތްތަކަށް ހުރަސްނާޅާނެ ކަމުގެ ޔަގީންކަން ފުލުހުން ދިން: އީސީ

ޖުމްހޫރީ ޕާޓީގެ ޖަގަހަ، ކުނޫޒުގައި ބޭއްވި ބައްދަލުވުމެއް: އިދިކޮޅު ފަރާތްތަކަށް ސިޔާސީ ހަރަކާތްތައް ހިންގަން ފުރުސަތު ނުދޭތީ ދަނީ ކަންބޮޑުވުން ފާޅުކުރަމުުން -- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

27 ޖޫން 2018 - 11:39

7 comments

ގާނޫނާ އެއްގޮތަށް ހިންގާ ސިޔާސީ އެއްވެސް ހަރަކާތަކަށް ހުރަސްނާޅާނެ ކަމުގެ ޔަގީންކަން ފުލުހުން ދީފައިވާ ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.

ސިޔާސީ ޕާޓީތަކުން ހަރަކާތްތައް ހިންގަން ފުރުސަތު ދިނުމާ ބެހޭ ގޮތުން އީސީން އިއްޔެ ވަނީ ފުލުހުންނާ ބައްދަލުކޮށްފަ އެވެ. ސިޔާސީ ފަރާތްތަކަށް ހަމަހަމަކަމާ އެކު ހަރަކާތްތެރިވުމުގެ ފުރުސަތު ދިނުމާ ގުޅޭ ގޮތުން އެ ބައްދަލުވުމުގައި މަޝްވަރާކުރި ކަމަށް އީސީން ބުނެ އެވެ.

އެކަމަކު އިއްޔެ ވެސް އެމްޑީޕީން ބާއްވަން އުޅުނު ޕޯސްޓަރު ހިއްޕުމުގެ ހަރަކާތަކަށް ފުލުހުން ވަނީ ހުރަސްއަޅާފަ އެވެ.

Siyaasee harakaiythakah furusathu dhinumah Fuluhunnaa mashvaraa koffi

The most trusted news source in the Maldives

Mihaaru

"ފުލުހުން ދިން ޔަގީންކަމަކީ، ގާނޫނީ އިމުގެ ތެރެއިން ހިންގާ އެއްވެސް ހަރަކާތަކަށް ހުރަސްނާޅާނެ ކަން. އެކަންކަމާ ބެހޭ ގޮތުން އިއްޔެ މަޝްވަރާކުރެވިގެން ދިޔައީ،" އީސީގެ މެމްބަރު އަހުމަދު އަކްރަމް ވިދާޅުވި އެވެ.

ރިޔާސީ އިންތިހާބަށް ތިން މަސް ދުވަސް ވެފައިވާއިރު، އިދިކޮޅު ފަރާތްތަކަށް ސިޔާސީ ހަރަކާތްތައް ހިންގަން ފުރުސަތު ނުދޭކަމުގެ ޝަކުވާ ދަނީ ކުރަމުންނެވެ.

އިދިކޮޅު ޕާޓީތަކަށް މަގުމަތީގެ ހަރަކާތެއް ނުހިންގޭ އިރު ޖަލްސާއެއް ބާއްވަން ވެސް މާލެއިން އެއްވެސް ތަނެއް ސަރުކާރަކުން ދުލެއް ނުކުރެ އެވެ.

އެކަމަކު ވެރިކަން ކުރާ ޕީޕީއެމުން ރައީސް އަބްދުﷲ ޔާމީންގެ ކެމްޕެއިންގައި ހިންގާ ޑޯ ޓު ޑޯ ފަދަ އެއްވެސް ހަރަކާތަށް ފުލުހުން ހުރަހެއް ނާޅަ އެވެ. އަދި ޕީޕީއެމްގެ ޖަލްސާތައް ބާއްވަން ސަރުކާރުގެ ކޮންމެ ތަނެއް ވެސް ލިބޭ ކަމަށް، އިދިކޮޅު ފަރާތްތަކުން ބުނެ އެވެ.

އެމްޑީޕީ މުޒާހަރާ ސިޔާސީ ޕާޓީ ފުލުހުން އަދާލަތު ޕާޓީ އިލެކްޝަންސް ކޮމިޝަން ޖުމްހޫރީ ޕާޓީ ޕީޕީއެމް

7 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާތިރިބެ

27 June 2018

ކޮބާތަ ގާނޫނީ އިމަކީ ؟ ފެހި ގާނޫނުތަ ކަޅާއި ހުދުން ލިޔެފައޮތް ދިވެހިންނައް ކިޔައް މާނަ ނޭގޭ ފަހުމުނުވާ ފޮތް ތަ ނުވަތަ ޔަާނު ބުނާގޮތްތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނިބޯ

27 June 2018

ގާނޫނުއޮންނާނީ ޕީޕީއެމަށް އެކަނި އެހިނގާނީވެސް އެމީހުން ބޭނުންވާބަޔަކަށް އެކަނި އެއަށް މިސަރުކާރުން ގާނޫނުކިޔަނީ ދިވެހިންނަށް އެކަން އެނގޭ އޮޅިގެންނެނޫން މިއުޅެނީ ވޯޓުކަރުދާސްކޮޅުގެ އިންތިޒާރުގައި މިތިބީ ވޯޓުން ތަޅާ ބަލިކޮށްލާނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނިޔަ

27 June 2018

ޤާނޫނާ އެއްގޮތަށް ހިންގާ ހަރަކާތަކީ ޕީޕީއެމުން ހިންގާ "ކޮންމެ" ހަރަކާތެކެވެ. އެހެންބަޔަކު ކުރާ ކޮންމެ ކަމަކީވެސް ޣައިރު ގާނޫނީ ހަރަކާތެކެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

27 June 2018

ފުލުހުން ގެންގުޅޭ ގާނޫނާއި ރައްޔިތުން ގެންގުޅޭ ގާނޫނާއި ވަރަށް ތަފާތު! ވަރަށް ސާފުކޮށް ލިޔެފަ ހުންނަ އެއްޗެއްވެސް ފުލުހުން މާނަކުރާގޮތް ހަމަ ނޭގޭ! " ޖަޒީރާ ރާއްޖެ" ޖަހާފަ ހުންނަ ޕޯސްޓަރެއް ފޮތިގަނޑެއް ފުލުހުން ފުއްޕާފަ ގޮސް ނަގަނީ ކޮން ގާނޫނަކުންތޯ!؟ ޖަޒީރާ ރާއްޖެ ވެސް ވީ ޖަލުގަތޯ؟ ފުޓްބޯޅަ ބަލަން ތިބޭޖަގަހަ އަކަށް ޖަޒީރާ ވޯލްޑްކަޕް ޖަގަހަ ޖަހާ ރީދޫ ފޮތިގަނޑެއް ހަރުކުރީމަވެސް ފުލުހުން ގޮސް ނެގި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް

27 June 2018

ގާނޫނާ އެއްގޮތައް އެއް ވުމެއް ބާއްވާނަމަ ދާން މިޖެހެނީ ތޮށިގަންޑުން ބޭރަށް މޫދަށެވެ. އެއްގަމު ވަނީ ވަށައިގެން ހިސޯރު ކޮށްފައެވެ. އެންމެ މިނިވަންކަމާއެކު ސިޔާސީ ވާހަކަ ދައްކާލެވެނީ މަހައް ގޮސް އުޅޭއިރު އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫމް

27 June 2018

ގާނޫނާ އެއްގޮތަށް ހަރަކާތް ހިންގޭނީ ހަމަ އެކަނި ޔާމީނަށްނޫންހެއްޔެވެ؟ ސަނާ ނުކިޔާނަމަ ގާނޫނާ ޚިލާފެވެ. ފާޑުކިޔާނަމަ ގާނޫނާ ޚިލާފެވެ. ދެން އޮތީ އިނދިކޮޅު މީހުންނަށް ހަރަކާތް ހިންގާނެ ބިމެއް / ތަނެއް ސަރުކާރުން ނުދޭނެއެވެ. އޭރުން ހުއްދަ ނުދޭތީ ގާނޫނާ ޚިލާފުވެ ހުއްޓުވާނެއެވެ. ތިޔަކިޔާ އެތި އޮޅިގެން އުޅޭބަޔަކު މިގައުމަކު ނޫޅެއެވެ. ކޮމެންޓު ލިޔާ ކޯޑިނޭޓަރުން ފިޔަވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށެން

27 June 2018

ތީކީ މަޝްވަރާކުރަންޖެހޭ ކަމެއްވެސް ނޫނެވެ. ފުލުހުން ހުއްޓުވަނީ ޤާނޫނާ ޚިލާފުވާކަމަށް އެމީހުން ބުނާ ކަންކަމެވެ. މައްސަލައަކީ ޚިލާފުވާކަމަށް ބަލާގޮތެވެ. ނުވަތަ ވަކި ބަޔަކަށް އަމާޒުކޮށް ޤާނޫނާއި ގަވާއިދުތައް ހަދައި އެވެރިން ދެކޭގޮތަށް ޚިލާފްނުވެ ކަމެއް ކުރެވޭނެ ދޮރުތައް ބަންދުކުރެވޭތީއެވެ.