އިސްކަންދަރު ސްކޫލު ދަރިވަރުންތަކެއް، އޯ ލެވެލް އިމްތިހާނު ހެދުމަށް އެ ސްކޫލު ކައިރީގައި މަޑުކޮށްލައިގެން.-- ފޮޓޯ: ހުސެއިން ވަހީދު/ މިހާރު
05 ޖުލައި 2018 - 14:56
12 comments
މަތީ ސާނަވީ އަށް ކިޔެވުމުގެ ފުރުސަތު ނެތް ރަށްރަށުގެ ކުދިންނަށް އަމާޒުކޮށް، ކޮންމެ އަތޮޅެއްގައި ޖޫނިއާ ކޮލެޖެއް ގާއިމު ކުރަން އެމްޑީޕީގެ މި އަހަރުގެ ރިޔާސީ މެނިފެސްޓޯގައި ހިމަނައިފި އެވެ.
އެމްޑީޕީން އެކުލަވައިލި މެނިފެސްޓޯގައި ބުނެފައިވަނީ އެކި ކަންކޮޅުތަކުގައި ގާއިމު ކުރާ ކޮލެޖުތަކުން ޓެކްނިކަލް ވޮކޭޝަނަލް އެޑިއުކޭޝަނަށް ޝައުގުވެރިވާ ދަރިވަރުންނަށް ފުރުސަތު ހުޅުވާލެވޭނެ ކަމަށެވެ. މެނިފެސްޓޯގައި އެންމެ އިސްކަމެއް ދީފައިވާ އެއް ކަމަކީ ތައުލީމީ ދާއިރާ އަށް ބޮޑެތި ކުރިއެރުންތަކެއް ގެނައުމެވެ.
އެމްޑީޕީން ބުނި ގޮތުގައި ތައުލީމީ ދާއިރާގައި ޓީޗަރުން ދެމިތިބުމަށް ބާރު އެޅުމުގެ ގޮތުން ޓީޗަރުންގެ މުސާރަ އާއި އިނާޔަތްތައް ބޮޑު ކުރެވޭނެ އެވެ. ހާސްކަމެއް ނެތި ކިޔަވައިދޭނެ މާހައުލު ޓީޗަރުންނަށް ތަނަވަސްކޮށްދީ، އިތުރަށް އުނގެނެވޭނެ ފުރުސަތުތައް ޓީޗަރުންނަށް ފަހިކޮށްދޭނެ ކަމަށް އެމްޑީޕީން ބުންޏެވެ.
އެމްޑީޕީގެ މެނިފެސްޓޯގައި ހިމެނޭ މުހިންމު ކަންކަން:
- ހުރިހާ ސްކޫލްތައް އެއް ދަންފަޅި އަށް ބަދަލު ކުރެވިގެންދާނެ.
- ފުދުންތެރިކަން ކުޑަ އާއިލާތަކުގެ ކުދިންނަށް ހިލޭ މަތީ ތައުލީމު ފޯރުކޮށްދޭނެ.
- ބޯޑިން ސްކޫލްތަކާއި ސަރަހައްދީ ދަނާލުތައް އުފައްދައި ކުރިއަރުވާނެ.
- އިސްލާމް ދީނާ ފުށުނާރާ ގޮތަށް ޕްރައިވެޓް ސްކޫލްތައް ހިންގުމަށް ހުއްދަ ދޭނެ.
- ކިޔަވާ ކުދިންނަށް ސްކޮލަޝިޕްގެ ފުރުސަތުތައް ހޯދައިދޭނެ.
މީގެ އިތުރުން، ޓޫރިޒަމް ދާއިރާ އަށް ޕްރޮފެޝަނަލް މީހުން އުފެއްދުމަށް ހަތް ސަރަހައްދެއްގައި ޓްރެއިނިން ސެންޓަރުތައް ގާއިމު ކުރުމަށް އެމްޑީޕީން ވަނީ ނިންމައިފަ އެވެ. އަދި އާޓިސްޓުން ތަމްރީން ހޯދުމަށް ލޯން ސްކީމެއް ތާއާރަފް ކުރެވޭނެ ކަމަށް ވެސް އެމްޑީޕީން ބުންޏެވެ.
"ހަމަ އެހެންމެ ބޮޑު އަގު ދީގެން ބޭރުން ގެނައުމުގެ ބަދަލުގައި ޕްރޮފެޝަނަލް ފޮޓޯގްރާފަރުންނާއި ދިވެހި ޑްރައިވަރުން އުފެއްދުމަށް މާލީ އެހީތެރިކަން ފޯރުކޮށްދެވޭނެ އެވެ. މިކަމަށްޓަކައި ހަތް ސަރަހައްދެއްގައި ޓްރެއިނިން ސެންޓަރުތައް ގާއިމު ކުރެވޭނެ އެވެ،" އެމްޑީޕީގެ މެނިފެސްޓޯގައިވެ އެވެ.
އެމްޑީޕީން ބުނި ގޮތުގައި މާލެ އާއި ބޮޑެތި ރަށްރަށުގައި ސްކޫލް ބަސް ތައާރަފްކޮށް، "ގޭގެ ކަންމައްޗާ ހަމައަށް" ސްކޫލް ކުދިން އުފުލައި ދޭނެ އެވެ. އެއީ ސްކޫލުތަކާއި ގެ އާއި ވަޒީފާ އަދާކުރާ ތަނާ ދެމެދު ބެލެނިވެރީން އުފުލަން ޖެހޭ ތަކުލީފުތަކަށް ލުއިކަން ގެނެސް ދިނުމަށް ކަމަށް އެ ޕާޓީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިއްލޫރި މޫސާ
07 July 2018
މިސިޔާސަތަށް ލިބުނީ އެންމެ 10 ކޮމެންޓް، ހީވަނީ ރައްޔިތުންގެ އެހާ ތާއިދެއް މިކަމަށް ނެއްހެން
މަހަށްދަގަ.
06 July 2018
ތީ އަތޮޅު ވެރިކަން ކުރާ ރަށްރަށއ ތަރައްޤީކުރަން މެނިފެސްޓޯ ހަދައިގެން އުޅޭ ބައިގަނޑެއް.. މަ ސަލާން
އަސްލުހާލަތު
06 July 2018
ތި ބޮޑު ދުއްޕާނެއްކަހަލަ ބައެއް..ހުރިހާކަމެއް އަތޮޅު ވެރިކަން ކުރާ ރަށުގަ ކުރަން ޕުލޭނު ގެންގުޅެނީ.. ބަލަ އަތޮޅު ވެރިކަން ކުރާ ރަށް ރަށް އެބަތިބި 1000 ވެސް ހަމަ ނުވާ ބިން ނެތް އެއްފަސްކުރެވެން ނެތް ރަށްރަަށްވެސް.. އެކަމު އަތޮޅު ވެރިކަން ކުރާތީ ހޮސްޕިޓަލާ އަނެއް ތަނަކާ އަނެއްތަނެއް އަޅަނީ.. މި ސިޔާސަތިގެ ސަބަބުން އާބާދީ ބޮޑު ގިނަ ރަށް ތައް ބާކީވޭ އެބަތިބި އަތޮޅަކަށް ވުރެއް އާބާދީ ބޮޑެތި ރަށްރަށް ވެސް.. މި ސިޔާސަތިގެ ސަބަބުން 3000 ހަމަ ނުވާ ވ އަތޮޅުގަ ވެސް އެއް ހޮސްޕިޓަލް 30000 ހާސް މޯހުންނަށް ހދ ގަ ވެސް އެއް އަތޮޅު ހޮސްޕިޓަލް..އާ ބާދީ ބޮޑު އަތޮޅުތަކުގަ އެބަޖެހޭ ތި ހުރިހާކަމެއް 2 ގުނަ ކުރަން.. މިސާލަކަށް 2 އަތޮޅު ހޮސްޕިޓަލް..
އަބްދުއްލާ
06 July 2018
ތިޔަ ކަހަލަ ކޮލެޖެއް ފ.އަތޮޅުގާ ވެސް 2009ގަ ގާއިމުކުރިންދޯ ކޮބާ އތަން ތިޔައީބޭކާރު ކޮލެޖް .
ހަބީބާ މާން
05 July 2018
އަނެއްކާ ފަޅުރަށެއްދީފައި ބަސްދަތުރު ފަށަންތޯ ތިޔައުޅެނީ؟ ތިޔަ ބަސް އޮންނާނީ އެމްޑީޕީގެ ކައުންސިލަރުގެ ގޭގައި، ކައުންސިލްތަކަށް ބާރުދޭއިރު ކައުންސިލަރުންގެ ފެންވަރު މަތިކުރުމަށް އެއްވެސް ހިޔާލެއްނެއް އެކަމަކު އެއިން ކޮންމެ މީހަކަށް ބޮޑު ސަރުކާރެއް ދިނުމަށް އެމްޑީޕީން ތައްޔާރުވަނީ، އެކަހަލަ ބައެއް ތިޔަ އެމްޑީޕީއަކީ
ބައްޓު މޫސާ
05 July 2018
ކޮން ޖޫނިއާ ކޮލެޖެއް، ޓެކްނިކަލް ކޯސްތަށް ހިންގާ ތަންތަނަށް ކިޔާނީ ޕޮލިޓެކްނިކް، އެކަމަކު ދުނިޔޭގެ ތަންތަނުގައި ޕޮލިޓެކްނިކް ހިންގައިގެން ކުދިންނަށް ދަސްކޮށްދޭ އެއްޗެއް ބޭނުންކޮށްގެން އެކުދިންނަށް ބޮޑެތި މުސާރަލިބޭ ވަޒީފާ ހުންނާނީ ހަމަޖެހިފައި، ރާއްޖޭގެ ތިޔަ ކޯސް ހަދައިގެން ކޮންތާކުންތޯ ވަޒީފާއޮތީ، އެހެންކަމުން ފުރަތަމަ ވަޒީފާ އިތުރުވާނެގޮތް ހޯދާ، ދެން އެވަޒީފާތަކަށް ޓައިކޮށްފައި މީހުން ބިނާކުރޭ،
ޝީލަމް
05 July 2018
އަހަރުމެން ބޭނުންވަނީ ވަޒީފާ، އަހަރުމެން ބޭނުންވަނީ ހަރަދު ކުޑަ ކަރަންޓާއި ސާފް ބޯފެން، އަހަރުމެން ބޭނުންވަނީ ރަނގަޅު ފެންވަރުގެ ޓީޗަރުން، ސްކޫލުތަކުގައި އެކަށީގެންވާ ފެސިލިޓީސް އަދި އެއާކޮންޑިޝަން ކޮށްފައިހުރި ސްކޫލުތަކެއް، އަހަރުމެން ބޭނުމެއްނޫން ޖޫނިއާ ކޮލެޖެއް، ފުރަތަމަ ސްކޫލުތަށް ރަނގަޅުކޮށްފައި ތިޔަކަމާއި ވިސްނަންޖެހެނީ، އަހަރުމެން ބޭނުމެއްނޫން ބަސްތަކެއް، މިހާރު ސައިކަލުން ކުއްޖާ ސްކޫލައް ވައްޓާލެވޭނެ ސްކޫލުތަކަކީ އެހާދުރުގައި ހުރި ތަންތަނެއްނޫން
66666
05 July 2018
1 އަހަރުން 2000 ޑޮކްޓަރުކަން ކިޔަވައިދީގެން މަސައްކަތަށް ނެރެން ބުނި މީހުން. ކޮންމެ ރަށެއްގަ ސްކޫލެއް ހިންގޭ ވަރަށްވެސް ކުދިން ނެތް. އިގްތިސާދީ ގޮތުން ސުމެއްގެ ވައުދެއް. ވ ކަޑަ.
އަބްދުއްލާ
05 July 2018
ކުރިން އެމްޑީޕީން ކޮށްގެންވެސް މިކަންވަނީ ފެއިލް ވެފާ އަދިވެސް ފެއިލްވާނެ ، މިއީކުރެވޭނެކަމެއްނޫން.
އެޑްމުންޑޯ
05 July 2018
އެމްޑީޕީގެ މެނިފެސްޓޯ އަބަދުވެސް ވަރަށް ފުރިހަމަ އިގޭތޯ ، ނަމަވެސް ހިތާމައަކީ އެމެނިފެސްޓޯގައި ވާކަންތައް ތަންފީޒްނުވެ ރައްޔިތުންގެ ހާލަތު ނިކަމަތި ވާކަން ، ކުރިންވެސް ވަނީ ތަޖްރިބާ ކުރެވިފައި ،
ދިއުމާން
05 July 2018
ކަލޭމެންނަށް ފުރިހަމަވާނެ އެމްޑީޕީން ކުރާ ކޮންމެކަމެއްވެސް، ކަލޭމެން ތިޔަތިބީ އެމްޑީޕީއާއި ހެދި މޮވަވެފައި، އެހެންތިބޭތީ އެމްޑީޕީގެ ކަޑަކަން ނުފެންނަނީ