އޮފީސް އިމާރާތަކާ އެކު، ޒިކުރާ މިސްކިތް 10 ބުރިއަށް ހަދަނީ

ޒިކްރާ މިސްކިތުގެ މަޝްރޫއު އެސްޖޭ ކޮންސްޓްރަކްޝަނާ ހަވާލުކުރުމުގެ ރަސްމިއްޔާތުގައި މިނިސްޓަރު ޑރ. ޒިޔާދު (ވ) - ފޮޓޯ: ހުސެއިން ވަހީދު/މިހާރު

ލަމްޔާ އަބްދުﷲ، މިހާރު

09 ޖުލައި 2018 - 15:04

24 comments

އޮފީސް ބައިތަކެއް ވެސް ހިމެނޭ ގޮތަށް، ޒިކުރާ މިސްކިތް 10 ބުރި އަށް ހަދަން އެސްޖޭ ކޮންސްޓްރަކްޝަނާ، އިސްލާމިކް މިނިސްޓްރީން މިއަދު ހަވާލުކޮށްފި އެވެ.

ޒިކުރާ މިސްކިތް ހުންނަ ތަނުގައި، "ދާރުލް ޒިކްރާ"ގެ ނަމުގައި ހަދާ އިމާރާތަށް ހިނގާ ހަރަދުގެ ބޮޑު ބައެއް ކޮންޓްރެކްޓަރު އަމިއްލައަށް ކުރާ ގޮތަށް ހަވާލުކުރި މަޝްރޫއުގެ އަގު 130 މިލިއަން ރުފިޔާއަށް އަރަ އެވެ. މީގެ ތެރެއިން 30 މިިލިއަން ރުފިޔާ ދެނީ ސަރުކާރުންނެވެ.

ދާރުލް ޒިކުރާގެ ފުރަތަމަ ތިން ބުރި ހާއްސަކުރަނީ މިސްކިތަށެވެ. އަނެއް ހަތް ބުރި ހަދާނީ އޮފީހެއްގެ ގޮތުގައި ކަމަށް އިސްލާމިކް މިނިސްޓަރު ޑރ. ޒިޔާދު ބާގިރު ވިދާޅުވި އެވެ.

މިނިސްޓަރު ވިދާޅުވީ އިމާރާތުގެ ބޭސްމެންޓް ބޭނުންކުރާނީ ޕާކުކުރާ ތަނެއްގެ ގޮތުގައި ކަމަށެވެ.

ޒިޔާދު ވިދާޅުވި ގޮތުގައި އޮފީހަށް ހާއްސަކުރާ ބައިތައް ދޫކުރާނީ އިސްލާމިކް މިނިސްޓްރީން ކަނޑައަޅާ އުސޫލްތަކެއްގެ ދަށުންނެވެ.

"އެހެން ނަމަވެސް އެއީ އިސްލާމްދީނާ ތައާރުޒު ނުވާ ކަންކަމަށް... ދޫކުރާނީ،" ޒިޔާދު ވިދާޅުވި އެވެ.

ކުރީގެ ރައީސް މައުމޫން އަބްދުލްގައްޔޫމާއި މިހާރުގެ ރައީސް އަބްދުﷲ ޔާމީންގެ ބައްޕާފުޅު އަބްދުލްގައްޔޫމް ސީދީގެ ހަނދާނުގައި 1980 ގެ އަހަރުތަކުގެ ކުރީކޮޅު ހެދި ޒިކުރާ މިސްކިތުގެ އާ އިމާރާތް އެސްޖޭ ކޮންސްޓްރަކްޝަނާ ހަވާލުކުރީ 25 މަސްދުވަހުގެ ތެރޭގައި ނިންމާ ގޮތަށެވެ. ނަމަވެސް އަންނަ އަހަރުގެ ރޯދަމަހު ނަމާދުކުރެވޭ ވަރަށް ފުރަތަމަ ތިން ބުރި ނިންމާލެވޭނެ ކަމަށް އުންމީދުކުރައްވާ ކަމަށް ޒިޔާދު ވިދާޅުވި އެވެ.

ދައުލަތުގެ ބަޖެޓް މިސްކިތްތައް އިސްލާމިކް މިނިސްޓްރީ އެސްޖެ ކޮންސްޓްރަކްޝަން އިސްލާމިކް މިނިސްޓަރު ކުރީގެ މިނިސްޓަރު ޑރ. އަހުމަދު ޒިޔާދު ބާގިރު

24 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާޖަރާ

10 July 2018

ގޯހެއްނެތް. ކުރިޔަށް ގެންދަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަރީ

10 July 2018

އަރާފާނެ ކުދިންނޭ. އެގްރީމެންޓްވެސް އެއޮތީ ، ސިންގަޕޫރުން ރަނުން ޖަރީކޮށްގެން ޗާޕް ކޮށްގެން ގެނެއްސަ. އެއަށް ކޮފީ އެޅިދާނެތީ ތޯއްޗެ. އަނެއްކާ އިންތިޚާބުވެސް އެއޮތީ ބޯމަތިވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްސޭ

10 July 2018

މައްސަލައަކީ މިސްކިތައް އަރާލާނެ ވަގުތެއްނުވާ، ޕާޓީޖަލްސާތަކުގަ އެންމެކުރީސަފަށް ބަރާބަރަށް އަރާ، އަތްޖަހާމީހުން ގިނަވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޖޭ

09 July 2018

ސުބްހާނަﷲ 130މިލިއަން ރުފިޔާއޭތޯ 10ބުރިއަށް... މިވަރުގެ ބިމެއްގައި ރެސިޑެންޝަލް ބްލޮކެއް ހަދަން ހެސްކިޔާފަ ފާހާނަ + ފަރު ތައް ލިމަ ވެސް 75މިލިއަން... އޮފީހެއްގޮތުގައި ހޯލެއް + މަދު ފާހާނާ އާއި އެކު 130މިލިއަން ވީމަ ކަޓް އަށް ދާވަރު ވިސްނާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭނާ

09 July 2018

10 ބުރިއަށް ކަން ޔަގިންތަ...އަދި ހަނދާން ނުނެތޭ ރޯދަމަހު ކަންތައްވިގޮތް. ލަންކާގަ ތިބި ދިވެހިންނަށް 28 ރޯދަ ހިފުނުތަނުން އަނެއްދުވަހަކީ އީދުދުވަސް ކަމަށްވެސް ބުނިވިއްޔާ!