ފުވައްމުލަކަށް ކުރެއްވި ކެމްޕޭން ދަތުރުގައި އިބޫ ސަޕޯޓަރަކާއެކު ސެލްފީ ނަންގަވަނީ
23 ޖުލައި 2018 - 12:19
27 comments
އަންނަ ސެޕްޓެމްބަރު 23 ގައި ބާއްވާ ރިޔާސީ އިންތިހާބު އިންސާފުވެރިވާނެ ކަމަށް އަދިވެސް ގަބޫލު ނުކުރައްވާ ކަމަށް، އިދިކޮޅު ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) މިއަދު ވިދާޅުވެއްޖެ އެވެ.
އިނގިރޭސި ވިލާތަށް ކުރެއްވި އަމިއްލަ ދަތުރަކަށް ފަހު މިއަދު މާލެ ވަޑައިގެން އެއާޕޯޓްގައި ނޫސްވެރިންނާ ބައްދަލު ކުރައްވައި އިބޫ ވިދާޅުވީ ގިނަ ރިިސޯޓުތަކެއްގައި ވޯޓު ފޮށި ނުބަހައްޓަން ނިންމުމާއި، ނުކުޅެދުންތެރިކަން ހުންނަ މީހުންނަށް ވޯޓުލުމުގައި އިލެކްޝަންސްގެ އޮފިޝަލުން އެހީ ވާ ގޮތަށް ހަމަޖެއްސުމަކީ ގިނަ ބައެއްގެ ވޯޓުލުމުގެ ހައްގަށް އަރައިގަތުމަށް ރޭވި ކަންކަން ކަމަށެވެ. އަދި ކުރިމަގުގައި އެ ފަދަ ގިނަ ކަންކަން ފެންނާނެ ކަމަށާއި އެހެންވެ، އިންތިހާބު އިންސާފުވެރިވާނެ ކަމަށް ގަބޫލު ނުކުރައްވާ ކަމަށް އޭނާ ވިދާޅުވި އެވެ.
ސަރުކާރުގެ މުވައްޒަފުންގެ ތެރެއިން ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލާން ބޭނުންވާ މީހުން އެކަމަށްޓަކައި ރަޖިސްޓްރީ ކުރުމުގެ މަސައްކަތް، މިނިސްޓަރުންނާއި ކުންފުނިތަކުގެ ވެރިން ކުރައްވާތީ ވެސް އިބޫ ކުރިން ވަނީ ކަންބޮޑުވުން ފާޅުކުރައްވާފަ އެވެ.
"އެކަމަކު އަޅުގަނޑުމެންގެ މަސައްކަތް ހުއްޓައެއް ނުލާނަން. ރައްޔިތުން ހޯދަން ބޭނުންވާ ހައްގުތަކެއް އެބަހުރި. ފެންނަނީ ވަރަށް ރަނގަޅަށް،" އޭނާ ވިދާޅުވި އެވެ.
އިބޫ ވިދާޅުވި ގޮތުގައި އިންތިހާބުގައި އިދިކޮޅުން ކުރިމަތި ލަނީ ވައްކަމާއި ފަސާދައާ އެވެ. އެހެންވެ، އުނދަގޫވާނެ ކަމަށާއި އެކަމަކު އިންތިހާބު ކާމިޔާބު ކުރައްވާނެ ކަމަށް ވިދާޅުވި އެވެ.
ކުރިން އޭނާ ވިދާޅުވި ގޮތުގައި ރައީސް އަބްދުﷲ ޔާމީން އުޅުއްވަނީ ރައްޔިތުންގެ ވޯޓުން ކާމިޔާބު ހޯއްދެވުމުގެ ބަދަލުގައި ވޯޓު އޮޅުވާލައިގެން ނަތީޖާ ނެރޭށެވެ. އަދި މިހާރު މިއޮތް އިލެކްޝަންސް ކޮމިޝަން އޮވެގެން މިނިވަން އިންސާފުވެރި އިންތިހާބެއް ނުބޭއްވޭނެ ކަމަށް ވެސް ވިދާޅުވެފައި ވެ އެވެ.
ފަސް ދުވަހުގެ ދަތުރަކަށް ފަހު އިބޫ މާލެ ވަޑައިގަތުމާއެކު، ކެމްޕޭން ހަރަކާތްތަކުގައި އަނެއްކާ ވެސް ބައިވެރިވެ ވަޑައިގަންނަވާނެ ކަމަށް އޭނާ ވިދާޅުވި އެވެ.
އިނގިރޭސި ވިލާތަށް ވަޑައިގަތުމުގެ ކުރިން ނޫސްވެރިންނާ ވާހަކަ ދައްކަވައި އިބޫ ވިދާޅުވީ ދެން ރަށަކަށް ވަޑައިގެންނެވޭނީ ސެޕްޓެމްބަރު 23 ވަނަ ދުވަހުގެ ފަހުން ކަމަށާއި އެކަމަކު އިންތިހާބުގެ ކުުރިން ރާއްޖޭގެ ހުރިހާ ރަށަކަށް ވަޑައިގަތުމަށް މަސައްކަތް ކުރައްވާނެ ކަމަށެވެ.
"ސަތޭކަ އަށްޑިހަ ހަތް ރަށް އެބައޮތް ދަތުރު ކުރަން. އެކަމަކު އަޅުގަނޑުމެންގެ އަމާޒަކީ ކޮންމެ ރަށަކަށް ވެސް ދިއުން. އިރާދަކުރެއްވިއްޔާ ކޮންމެ ރަށެއްގެ ރައްޔިތުންނާ ބައްދަލު ކުރުމުގެ އުންމީދު އެބައޮތް. އެ ތަސައްވުރު އެބަ އޮތް،" އިބޫ ވިދާޅުވި އެވެ.
އޭނާ އިނގިރޭސި ވިލާތަށް ވަޑައިގެންނެވީ އައްޑު އާއި ފުވައްމުލަކަށް ދަތުރު ކުރައްވައި، ގިނަ ބަޔަކާ ބައްދަލު ކުރެއްވުމަށް ފަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
19 August 2018
އެމްޑީޕީ މީހުންނަކަށް އިންސާފު ނޭގޭނެ . ޕާޓީގެ ދިދަޔަށް ތލަފަތެއްޖަހާފަ ހަދާފަ އިންސާފު ދައްކަނީ މުޅިންވެސް އޮޅުވާލުން. އެމްޑީޕީ އަށް ވލުނު ވެރިކަމުގާ ބޮޑެތި ހިޔާނާތް ހިންގުމާ އިންސާނުން ވަގަށްނެގުމާ ގައުމުގެ އާމަދަނީ މެނޭޖް ކުރަންނޭގުމާ މުސާރަ ކުޑަކުރުމާ ކޮމިޓީތަކާ ކައުންސިލް ތަކުގެ ފައިސާ ނަގާ ބޭނުންކުރުމާ ޑޮލަރުގެ ކަޅުބާޒާރެއް އުފެއްދުމާ ފެނާކަރަން ޓް އަގު ބޮޑުކުރުމާ ދިރާގަ ފެންކުންފުންޏާ އެއާޕޯޓް ވިއްކާލުމާ މި އީ އެމްޑީޯޕީން މިގައުމަށް ދިން ބޮޑެތި ގެއްލުން ދެކް ކޮންވެރިކަމެއްކުރާނީ
ކޮލެޖް
16 August 2018
އިބޫ ހޮވިއްޖެއްޔާ އިންތިޚާބް އިންސާފްވެރި ނުހޮވިއްޖެއްޔާ ރއިންސާފްވެރި އިނތިޚާބެއްނޫން މީ ލާދީނީ މީހުންގެވިސްނުން އިންތިޚާބް ދާނީ ވަރށް އިންސާފްވެރިކޮށް އިބޫއެއްނުހޮވޭނެ ގަުމެއް ހިންގޭވާރުގެ ތައުލީމެއް ތަޖްރިބާއެއްނެތީމާ އަހަރެންވެސް މިފަހަރު ވޯޓް ދޭނީ މިހާރުހުރި ރައީސްއަށް.
ޜޯބޯ
23 July 2018
ތި ހަމަ ކޯޓު ތަކޭ ކިޔައިގެން ވެސް ކިޔާ އެއޗެހި. މި މީހުން ކޮޅައް ނިމިއްޖެއްޔާ އެވަރެއް ނެތް
މުރާސިލް
23 July 2018
ދެން މިހާރު ތިހެން ކިޔާށެވެ. ކަލޭމެނަށް ރައްޔިތުންގެ ތާޢީދު ނެތިގެން އިންތިޚާބު ކާމިޔާބު ނުކުރެވޭނެހެން ހީވުމަކީ އެއީ އިންތިޚާބު އިންސާފުވެރި ނުވާނެ ސަބަބެއް ނޫނެވެ. އެހެން ނޫނަސް އިންތިޚާބުގައި އެންމެ މުހިއްމު ދުވަސްކޮޅައި ދިމާކޮށް ތިޔަ ދިޔައި އަމިއްލަ ދަތުރުފުޅެއްގައި ފުރާއިގެންނެވެ. ތިވަރަށް އަމިއްލަ އެދުމުން ފޯވެފައިވާ ފަރާތަކަށް ރައްޔިތުންނަށް ކޮށްދެވޭނީ ކޮން ވެރިކަމެއް ހެއްޔެވެ؟
ގުރައިދޫ ސެންޓަރު
23 July 2018
ދުވަހަކުވެސް ކަލޭމެން ގަބޫލެއް ނުކުރާނެ. ނުކުރިޔަސް ހެޔޮ. ފުއާދު ތައުފީގު ނަމަ އޯކޭ ވާނެ. ކާމިޔަބު ވާނޭކަމުގެ ޔަގީންކަން ނެތުނީމާ ވާނޭ ތިޔަހެން.
މުހައްމަދު ނަސީދު
23 July 2018
އަހަރެން ގަބޫލްކުރަން މިނިވަން ވާނެކަމަށް. ދެންކީއްވެ އިބޫ އަށް ވަކި ގަބޫލް ނުކުރެވިގެން މިއުޅެނީ
މުފީދު
23 July 2018
އިންތިހާބުން މޮޅުވީމަނޫނީ ކަލޭމެނަކަށް ގަބޫލެއްނުކުރެވޭނެ
އާދަނު
23 July 2018
ތިހެން ކީ ކައުންސިލް އިންތިހާބުގައިވެސް. ސިޔާސީ ލީޑަރުން ކަމަށް ކިޔާ އެންމެން އެއްކޮޅަކަށް އަރައިގެން ޔާމީނަށްވުރެ ކުޑަތަންކޮޅެއް ގިނައިން ވޯޓް ލިބުނީމަ މިގައުމުގައި ދުވަހަކުވެސް ނުބާއްވާވަރުގެ އިންސާފުވެރި އިންތިހާބަކަށް އެއިންތިހާބު ވެގެން ދިޔެއީ.
އާދަނު
23 July 2018
ވޯޓުލާ ނީމޫނީމާ ނަތީޖާ އިނގޭނީ. ބަލަންތިބެމާ
ބޭބެ
23 July 2018
އިންތިޚާބު މިނިވަން ނުވާނެކަމަށް ތިބުނަނީ އިންތިޚާބު ކާމިޔާބު ނުވާނެކަން މިހާރުވެސް ކަށަވަރުވާތީ!! ބަހަނާތައް ދެއްކުމުގެ ބޭނުމުގައި!! ދެން އިންތިޚަބް އޮންނަ ދުވަހު މާލެއަރާ މުޒާހަރާކުރަން ގޮވުމާއި ބޭރުގައުމުތަކުން ފިޔަވަޅުއަޅަން އެދުންފަދަ ނާއުއްމީދު ވާހަކަތަކެއް މެނުވީ އަޑެއް ނީވޭ!! ރައްޔިތުންނަށްޓަކައި ހެޔޮ ވެރިކަމެއް ކުރަން އެދޭނަމަ އުއްމީދީ ވާހަކަތަކަކާއި ބިނާކުރަނިވި ސިޔާސަތުތަކެއް ހާމަކުރަން ޖެހޭ!! އަބަދު ޕްރޮގުރާމުކޮށްފައި ހުންނަހެން އެއްލަވައެއް ނުވަތަ އެއް ބަނދިވަރެއް އަމުނާލަ އަމުނާލަ ތިބުގެ ބަދަލުގައި!!
ޤާދިރު
23 July 2018
އިބޫއަކީ ވަކި މީހަކު ޕްރޮގްރާމު ކޮށްފައި ހުރި ރޮބަޓެއް ވިއްޔާ.. ދެން ކިޔޭނީ އަބަދު އެކައްޗެއްނުން.. އެނޫން އެއްޗެއް ކިޔަން އުޅެން ހަދައި ބޮލާފޮށާ އެޅޭނީ ވިއްޔާ..