މައުމޫންގެ ސަޕޯޓަރުން އެމްއާރުއެމް ދިދަ ހިފައިގެން. -- ފޮޓޯ: އަހްމަދު ނިޝާތު/މިހާރު
26 ޖުލައި 2018 - 17:20
11 comments
ކުރީގެ ރައީސް މައުމޫން އަބްދުލްގައްޔޫމް ފެއްޓެވި އިސްލާހީ ހަރަކާތުގެ ސަޕޯޓަރުން، ކުރިއަށް އޮތް ރިޔާސީ އިންތިހާބުގައި، މައުމޫން ރިފޯމް މޫވްމަންޓު (އެމްއާރުއެމް)ގެ ނަމުގައި ހަރަކާތްތެރިވާން ނިންމައިފި އެވެ.
އިސްލާހީ މަސައްކަތްޕުޅު މައުމޫން، ފެއްޓެވީ، ވެރިކަން ކުރާ ޕީޕީއެމްގެ ރައީސްގެ ގޮތުގައި ހުންނަވައިގެންނެވެ. ސަރުކާރުން ކަންކަން ކުރަމުންދާ ގޮތުން ރައްޔިތުންނާއި ގައުމަށް ގެއްލުންވަމުންދާ ކަަމަށް ވިދާޅުވެ، ފެއްޓެވި އިސްލާހީ މަސައްކަތްޕުޅު ޕާޓީ ތެރެއިން ކާމިޔާބު ނުވުމުން، އިދިކޮޅު ފަރާތްތަކާ އެމަނިކުފާނު ވަނީ ގުޅިވަޑައިގެންފަ އެވެ.
މައުމޫނަށް ތާއީދުކުރައްވާ އާމިނަތު ނާދިރާ މިއަދު ވިދާޅުވީ އިސްލާހީ މަސައްކަތުގައި މައުމޫނާ އެކު ޕީޕީއެމްގެ ގިނަ މެމްބަރުންތަކެއް ތިބި ނަމަވެސް ޕާޓީ ހައިޖެކްކޮށް، ޕާޓީ ތަމްސީލްކުރުން ވެސް އެމަނިކުފާނަށް މަނާކޮށްފައިވާ ކަމަށެވެ. އެހެންކަމުން، މައުމޫނާ އެކު ތިއްބެވި ސަޕޯޓަރުން، ރިޔާސީ އިންތިޚާބުގައި އެމަނިކުފާނު ތަމްސީލްކުރާ ޕްލެޓްފޯމަށް ނަމެއް ބޭނުންވީ ކަމަށް ވެސް އޭނާ ވިދާޅުވި އެވެ.
"ވަރަށް ގިނަ ބަޔަކު ރިކުއެސްޓްކޮށްފައި ވަނީ ނަމެއް އުފައްދަން. އެހެންވެ، ރައީސް މައުމޫން ބޭނުންފުޅުވީ އެމަނިކުފާނު ފެއްޓެވި އިސްލާހީ ހަރަކާތަށް ނިސްބަތްކޮށް ނަމެއް ކިޔަން،" ނާދިރާ ވިދާޅުވި އެވެ
ރައީސް މައުމޫނާއި އެމަނިކުފާނުގެ އެއްބަފާ ކޮއްކޯފުޅު އަދި މިހާރުު ރައީސް އަބްދުﷲ ޔާމީނާ ދެމެދު ހިޔާލުތަފާތުވުން އުފެދި މައުމޫން ޕާޓީން ވަކި ކުރައްވައިފައި ވަނީ 2016 ގަ އެވެ.
ކުރީގެ ރައީސް މައުމޫން ޖަލު އޮފިސަރުންގެ ބެލުމުގެ ދަށުން ކޯޓަށް ހާޒިރު ކުރަނީ. -- މިހާރު ފައިލް ފޮޓޯ
އިސްލާހުގެ ނަމުގައި، އިދިކޮޅު ޕާޓީތަކާއެކު މަސައްކަތް ކުރައްވަމުން ގެންދެވި މައުމޫން ހައްޔަރުކުރީ މިދިޔަ ފެބްރުއަރީ މަހުގެ ތެރޭގައި ސުޕްރީމް ކޯޓުން ނެރުނު އަމުރާ ގުޅިގެންނެވެ. ބަންދުގައި ތިބި އިދިކޮޅު ލީޑަރުންތަކެއް މިނިވަންކުރަން ނެރުނު އެ އަމުރަކީ، މައުމޫން ވެސް ހިމެނިވަޑައިގަންނަވާ ގޮތުން ވެރިކަން ވައްޓާލަން ނެރުނު އަމުރެއް ކަމަށް ސަރުކާރުން ދެކެ އެވެ.
މައުމޫނަށް ދައުލަތުން ކުރަނީ ވެސް ގާނޫނާ ހިލާފަށް ވެރިކަން ވައްޓަން އުޅުއްވި ކަމުގެ ދައުވާ އެވެ. އެ ދައުވާ ސާބިތުވެއްޖެ ނަމަ އުމުރުފުޅުން 80 އަހަރުގެ މައުމޫނަށް 20 އަހަރުގެ ޖަލު ހުކުމެއް ތަންފީޒު ކުރައްވަން ޖެހިވަޑައިގަންނަވާނެ އެވެ.
މިހާރު ތަންފީޒު ކުރައްވަމުން ގެންދަވާ އެއް އަހަރާއި ހަތް މަހާއި ހަ ދުވަހުގެ ހުކުމް މައުމޫނުގެ މައްޗަށް ކޮށްފައި ވަނީ ތަހުގީގު މަރުހަލާގައި އެމަނިކުފާނުގެ މޯބައިލް ފޯނު ދެއްވަން އިންކާރު ކުރެއްވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
31 July 2018
30 އަހަރު ވެރިކަން ކުރިއިރު އިސްލާހުވާން ބޭނުން ނުވި، އިސްލާހު ކުރަން ބޭނުން ނުވި ބަޔަކު ރައްޔިތުންގެ ތާއީދު ހޯދަން އިސްލާހޭ ވިދާޅު ވިޔަސް ދެން އެއަށް ނުހެއްލޭނެ.
ރޫރޫ
27 July 2018
މައުމޫނު ރަނގަޅު ސިއްހީގޮތުން ރާއްޖެ މިސަރަހައްދުގެ ގައުމުތަކަށްޗުރެ ކާމިޔާބު. އަދި ތައުލީމީގޮތުންވެސް. ދެން ވެރިކަން ނިމިނުއިރު ބާބޮޑުދަރަންޏެއްނެތް. ފަރެއް ފަޅެއް ރަށެއް ވިއްކާފައެއްނެތް. ވަކިފަރާތަކަށް ނުޖެހޭ ގައުމެއްގެ ގޮތުގައި އޮވެ ބޭރުގައުމުތަކުގެ ގަދަރާއި ލޯބި ދިވެހިންނަށް ލިބޭ. ދެން މިހާރު މިނަގާވަރަށް ރައްޔިތުންއަތުން ޓެކްސްތަށް ނުނަގާތީ ދަެުލަތަށް ލިބޭއެއްޗެއް މާބޮޑުތަން މަދު. އެހެންވީމާ ތަރައްގީވާނީ ލަހުންތާ. ވިސްނާބަލަ މައުމޫނުގެ މުޅި ތިރީސް އަހަރު ލިބުނު އެއްޗަކަށްވުރެ މި ވެރިކަމުގެ 1 އަހަރުގެ ބަޖެޓްބޮޑު. އެހެންވީމާ އެފައިސާތަކުން އެންމެއެދެވޭ ތަރައްގީ އެބަލިބޭބާ.
ކަނބިލި
27 July 2018
އިޚްލާސްތެރި ކަމަކަށް ނުފެނޭ. ތިޔަ ހަރަކާތް މައުމޫނުގެ ވެރިކަމުގެ މެދެއްހާތާ ފެއްޓެވިނަމަވެސް ރާއްޖެ މިހާލަތަށް ނުދިޔައީސްކަން ކަށަވަރު
އެންމެގިނަންލިބުނުޕާޓީބައި
27 July 2018
ޑީއާރުޕީ، <ޒެޑްފެކްޝަން>، ޕީޕީއެމް، އެމްއާރުއެމް
ޢަލީ އަހުމަދު
27 July 2018
ޢެމް.އާާރު.ސުކޭން މެޝިނެއް ނުހޯދައި ކޮން އެމް.އާރު. މައުމނ އެއްތޯ ! ލަދުވެތިވާން ޖެހޭ
ސާދާސީދާ
27 July 2018
މަޖާނަމެއް. މާނައިން ދޭހަވަނީ ރައީސް މައުމޫން ރިފޯރމްކުރަންޖެހޭ ކަމަށް! ވ. ވެދުން.
ދިވެހިކޮހުން
26 July 2018
ޢެބަ ރަނގަޅުވޭ.
އަލީ ހަމީދު
26 July 2018
ހާދަ ގިނައޭދޯ އެމްއާރްއެމް ގެ ދިދަ މުޅިތަން ފިޔާތޮށިވެފާ
މޯލްޑިވިއަން
26 July 2018
މައުމޫނުގެ އިސްލާހީ އެޖެންޑާ އަޅުގަނޑުގެ އުމުރުން 13 އަހަރުން ފެށިެސެންވެސް އަޑުއަހަމެވެ. އުމުރުގެ 13 ވަނަ އަހަރު އެއީ މައުމޫނގެ ވެރިކަމުގެ 3 ވަނަ ދައުރެވެ. ވީކަމެއް ހަމަ "ހރމ" އެވެ.އަބަދުވެސް ފެންނަނީ މައުމޫނު ބޭނުންވާ ބާރުވެރިކަމެއް ނުލިބިގެން އުޅޭތަނެވެ. ޤައުމުގެ ވެރިކަން 30 އަހަރު ކުރި އިރު ރައްޔިތުންނަކަށް މާބޮޑު ކަމެއްކޮށްދެވިފައެއްނެތެވެ. އެއްމެ ދެރެވެގެން މިރާއްޖޭގެ ރައްޔިތުންނަށް ސާފު ބޯފެން ލިބޭނެ ނިޒާމެއް ރައްތަކުގައި ޤާއިމް ނުކޮސްދެވުނެވެ. ރަނގަޅު ފާހާނާ ނިޒާމެއް އަތޮޅު ތެރެއަށް ނުގެނެވި އަދި މާލޭގެ ކުނީގެ ނިޒާމުއަކަސް ހައްލެއް ނުގެނެވުނެވެ. ދެންކޮބާ ބާ ތިޔަ ބުނާ އިސްލާހީ މަސައްކަތަކީ؟ ވެރިކަމުގެ ބާރު ވެރިކަން ދަރިފަސްކޮޅަށް ދަމާލުންބާ؟ ނޫނީ ރައްޔިތުން ގުނބޯހެއްދުންބާ؟ ދެން ހުރީ އެމްޑީޕީގެ ނަޝީދެވެ. ވެރކަމަށް އައީ ކަރަޕްޝަނޭ އިންސާފޭ ކިޔާގެން ރައްޔިތުން އަތުން ވޯޓު ހޯދާގެންނެވެ. ވެރިކަން ލިބުނީމާ ކުރެވުނު ރަނަގަޅު ކަންތަކަށްވުރެ ކުރެވުން ގޮށްތައް ވި ގިނައެވެ.
ފަތައްސީލާ
27 July 2018
މޯލްޑިވިއަން ކަލޭ އަނދިރިވީމަ ނުފެންނަނީ . މައުމޫނު ވެރިކަމަށް ވަޑައިގެންނެވިއިރު މިގައުއޮތް ހާލަތު.
ދަރުމަވާނެ
27 July 2018
މައުމޫނުގެ ތިރީސްއަހަރުގެ ވެރިކަމުގައި ނުކުރެވިހުރި ބައެއް ކަންކަން މިދައުރުގައި ކޮށްފިކަމަށް ބުނާއިރު، މައުމޫނުގެ ކުރިން ރާއްޖޭގައި ވެރިކަންކުރެއްވި ބޭބޭފުޅުން ވެރިކަންކުރެއްވި އެތައް ސަތޭކަ އަހަރުތެރޭގައި ނުކުރެވިހުރި ކިތައް ކަންތައް މައުމޫން ކުރެއްވިކަން ފާހަގަނުކުރެވުނީމާ، އެއަށް މިކިޔަނީ ތައައްޞުބުގެ ސަބަބުން ލޯކަނުވެފައިވަނީއޭ.