އިދިކޮޅު ރިޔާސީ ކެންޑިޑޭޓް އިބޫއަށް ލ. ގަމުން މަރުހަބާ ދަންނަވަނީ.-- ފޮޓޯ: އިބްރާހިމް އަސަދު
07 އޯގަސްޓް 2018 - 23:15
23 comments
އުމުރުން 65 އަހަރުން މަތީގެ މީހުންނަށް ދެމުން އަންނަ އެލަވަންސް އިދިކޮޅު ކޯލިޝަންގެ ސަރުކާރެއްގައި ކުޑަ ނުކުރާނެ ކަމަށް ކޯލިޝަންގެ ރިޔާސީ ކެނޑިޑޭޓް އިބްރާހިމް މުހައްމަދު ސޯލިހް(އިބޫ) މިރޭ ވިދާޅުވެއްޖެ އެވެ.
ލ. ގަމުގައި އެތައް ސަތޭކަ ސަޕޯޓަރުންނާއެކު އިދިކޮޅު ކޯލިޝަންގެ ލީޑާޝިޕުން ބޭއްވި ޖަލްސާގައި ވާހަކަ ދައްކަވަމުން އިބޫ ވިދާޅުވީ ދުވަސްވީ މީހުންނަށް މިހާރު ދެމުން އަންނަ 5،000 ރުފިޔާގެ އެލަވަންސް އިތުރު ކުރެވޭތޯ ދިރާސާ ކުރަމުން އަންނަ ކަމަށެވެ.
"ދުވަސްވީ މީހުންނަށް ދެމުން އަންނަ 5،000 ރުފިޔާގެ އެލަވަންސަށް އުނި ކަމެއް ނުގެންނާނެ ކަމުގެ ޔަގީންކަން ދެން. އަޅުގަނޑުމެން ސިޔާސަތު އެކުލަވާލާ ފަރާތްތަކުން މިގެންދަނީ އެއަށް ރަނގަޅު ގޮތެއް ހެދޭތޯ ބަލަމުން،" ދުވަސްވީ ގިނަ ބޭފުޅުންތަކެއް ވެސް ބައިވެރި ޖަލްސާގައި އިބޫ ވިދާޅުވި އެވެ.
އިދިކޮޅު ރިޔާސީ ކެންޑިޑޭޓް އިބޫއަށް ލ. ގަމުން މަރުހަބާ ދަންނަވަނީ.-- ފޮޓޯ: އިބްރާހިމް އަސަދުްް
ރައީސް އަބްދުﷲ ޔާމީން ވަނީ ދެވަނަ ދައުރަކަށް އިންތިހާބުވެ ވަޑައިގެންފިނަމަ ދުވަސްވީ މީހުންނަށް ދޭ އެލަވަންސް ބޮޑު ކޮށްދެއްވާނެ ކަމަށް ވައުވެވަޑައިގެންފަ އެވެ.
އިބޫ ވިދާޅުވީ އިންފްލޭޝަނަށް އަންނަ ބަދަލުތަކާއެކު ދައުލަތުން ދޭ އެލަވަންސްތަކަށް ބަދަލު އަންނަން ޖެހޭ ކަމަށެވެ.
ސަޕޯޓަރުންގެ ފޯރިގަދަ ޖަލްސާގައި އިބޫ ވަނީ އޭނާގެ ސަރުކާރެއްގައި ގިނަ ކަންތައްތަކެއް ކޮށްދެއްވާނެ ކަމުގެ ވައުދުވެވަޑައިގެންފަ އެވެ.
އިބޫގެ ވައުދުތައް:
• ރާއްޖޭގެ އުތުރާއި ދެކުނުގައި އާބަން ސިޓީތަކެއް ގާއިމް ކުރުން
• ބިން ހުރި ރަށްތަކުން ގޯތިއެޅުމަށާއި ޓޫރިޒަމަށް ބިން ދޫކުރުން
• ނުހެދި ހުރި ގެތައް ހެދުމަށް ދިގު މުއްދަތަކުން ދައްކާގޮތަށް ލޯނު ދިނުން
• ލ. އަތޮޅާއި ހުވަދު އަތޮޅާ ދެމެދުގައިވާ ކަނޑުން ބައިނަލްއަގުވާމީ ދަތުރުތައް ކުރާއިރު އެކަމުން ނަފާ ހޯދުން
• އިންޑިއާ ކަނޑުގެ ސަލާމަތައް ނުރައްކާތެރި އެއްވެސް ކަމެއް ނުކުރުން
"އަޅުގަނޑުމެން މިކަން ކުރާއިރު ވިސްނަން ޖެހޭ ކަންކަން އެބަހުރި. އެއީ އިންޑިއާގެ ކަނޑުގެ ރައްކާތެރިކަމަށް ހުރަސް އެޅޭނެ އެއްވެސް ކަމެއް އަޅުގަނޑުމެން ނުކުރާނަން. އަދި ރާއްޖޭގެ މިނިވަން ކަމާއި އިސްތިގުލާލަށް ބުރޫ އަރާނެ ކަމެއް އަޅުގަނޑުމެން ނުކުރާނަން،" އިބޫ ވިދާޅުވި އެވެ.
މިއަދު ހަވީރު ކޯލިޝަންގެ އިސް ބައެއް ބޭފުޅުންނާ އެކު އިބޫ ގަމަށް ވަޑައިގަތުމުން ގިނަ އަދަދެއްގެ ރައްޔިތުން ވަނީ މަރުހަބާ ދެންނެވުމަށް ބަނދަރަށް ޖަމާވެފަ އެވެ. މިއަދު ލ. އަތޮޅުގެ ހަ ރަށަކަށް ދަތުރުކުރެއްވި އިރު މާދަމާ ވެސް މިއަތޮޅުގެ ބައެއް ރަށްތަކަށް ވަޑައިގަތުމަށް ވަނީ ނިންމަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދުބެ
08 August 2018
ޜާއްޖޭގެ އުތުރާ ދެކުނު އެކަންޏެއްނޫން. މެދުރާއްޖެތެރެއިންވެސް އަތޮޅެއް ތަރައްގީ ކުރަން ވެއްޖެ. ޢެކަމަށް އެންމެ ރަނގަޅީ ތ. ޢަތޮޅު.
ރާޑޯ
08 August 2018
ކުޑައެއް ނުކުރާނެ. އެލަވަންސް ދިނުން ހުއްޓާލާނީ. އޭކުރެވޭނެ ކަމަކީ އިބޫ އަށް.
ހަބީބާ
08 August 2018
މިހާރު އެލިބޭ 5000ވެސް ދެން ނުލިބޭނެތޯއްޗެ.. މިވެރިންްގެ ދުލުން ތެދެއްނުބުނާނެ..
ސަލާމަތް
08 August 2018
މުސްކުޅިންގެ ފައިސާއަށްވުރެ ކުރިޔަށް އަހަރެންގެ ލޮލުގަ އޅައިގަތީ އިންޑިޔާ ކަނޑުގެ ސަލާމަތާ ރައްކާތެރިކަމަށް އަސަރެއް ކޮއްފާނެކަމެ ތިމަންނަ ނުކުރާނެކަމަށް ބުނެފައޮތީމަ... މިއީ ލައްކަވާހަކަ... ވިސްނާ މިއީ ދިވެހިންއެދޭ ދިވެހިރާއްޖޭގަ ދިވެހިންގެ މިނިވަންކަމާ ސުވާލުކުރެވޭ ޖުމްލައެއް.. މިތަނުގަ ތަރައްގީއަށް ހިންގާ މަޝްރޫއެއްވެސް އިންޑިޔާކަނޑުގަ މިރާއްޖެ އޮތމުން އަވައްޓެރި ގައުމުތަކުން ނުރުހުންވާތީ ނުކުރެވޭ ކަމަށް ވަންޏާކޮބާ މިރާއްޖޭގެ މުސްތައްގިލުކަން... ވަކިބަޔަކު ރުހޭކަމެއްނޫނިއްޔާ މިރާއްޖޭގަ ނުކުރާނެކަމަށް ބުނާމީހަކު ވެރިކަމުގަ ބެހެއްޓުމަށް ގައުމުދެކެ ލޯތްބެވާމީހަކު ހެޔޮނުވާނެ އާބަސްބުނަން... މިއީ ނުރައްކާތެރި މަކަރުވެރި ރޭވުމުއްގެތެރޭގަ މިވެރިން ބެދިފަތިބީމަ މަޖުބޫރުން ބުނާވާހަކައެއް... ވެރިކަމަށް އަންނަމީހަކީ ނަފުސުގެ މިނިވަންކަންނެތް މީހަކު ވެރިކަމުގަ ހުރުމަކީ ކިހާނުރައްކާތެރިކަމެއްކަން ސިފަކުރޭ.... އިންޝާﷲ މިމީހުންގެ ކިބައިން ސލާމަތްކުރައްވާށި...
އުނބުށެން
08 August 2018
މުސްކުޅި ކުރެވޭ އުމުރު 74 ނުވަތަ 75 އަހަރަށް ބަދަލުކުރާނެކަން މިހާރު އެއްފަރާތުން ވަނީ ހާމަކޮށްފައެވެ. އެހެންކަމުން މިވަގުތު ދޭ އެއްޗަކާމެދު ބަހެއް ބުނުމަށްވުރެ މުހިންމީ އުމުރު މަތިކުރާނެތޯ ނުވަތަ ނޫންތޯ އެނގުމެވެ. މަތިކޮށްފިނަމަ އެއީ އަހަރެމެން މިއޮއްހާ ދުވަހު ކުރި އުންމީދުތައް ފެނަށްވެގެންދާނެ ކަމެކެވެ.
މަކަރޭ
08 August 2018
ތިކަން ކުރާނީ ކިހިނެއް. ތިމީހުންގެ ސަރުކާރުގައި އެންމެ ފަހުން ތިތިބީ ސިވިލް ސަރވިސް މުވައްޒަފުންގެ މުސާރަކޮޅުވެސް ނުދީ
ބަލާ
08 August 2018
ކިޔޭނުކިޔެ ނީނގޭ
ނައިބް
08 August 2018
އަޅެފަހެ މީނަ އެއްވެސް އަމިއލަ ހިޔާލެއް ގެންގުޅޭތަ؟ ކޮޕީދޯ ކުރަނީ
އަބުޅޯ
08 August 2018
ދިވެހިރާއްޖޭގެ ލޮބުވެތި ރައްޔިތުންނަށް ވަރަށް އާދޭހާއެކު ދަންނަވަން. މިބައިމީހުގެ އަވާގައި ނުޖެހުމަށް. މިހެން މިބުނީ މިމީހުންގެ ޙަޤީޤަތް ވަރަށް ރަނގަޅަށް އެނގި ހުރީމާ. މިމީހުން ދުވަހަކުވެސް ނުބުނާނެ ތެދެއް. އަބަދުވެސް އުޅޭނީ މީހުން ހައްލައިގެން އަމިއްލަ ބޮނޑި ބޮޑުކުރަން. މިކަން ދިވެހީންނަށް މިހާރުވާނީ ވަރަށް ރަނގަޅަށް ތަޖުރިބާ ކުރެވިފާ.
ޢިބަ
08 August 2018
މީގެދުވަސްތަކެއްގެ ކުރިން ސިއްހީދާޢިރާ އަށް ގިނައަދަދެއްގެ ޑޮކްޓަރުން ބޭނުންވެގެން މެދުތެރޭ އިންޑިޔާއިންވަޒީފާ އަށް އެދުނު ގިނަ ޑަކްޓަރުން ސާފުކުރަން ބޭނުންވި މައުލޫމާތަކީ ލިބޭމުސާރަ ހިހާވަރެއްތޯ.ފެމިލީ އެކަމަޑޭޝަން އަށް ކިހާވަރެއް ކުއްޔަށް ހަރަދު ކުރަން ޖެހޭނެތޯ އަދި ދުވަހުން ދުވަހަށް ކުރަންޖެހޭ ހަރަދު ކިހާވަރެއްތޯ.މިމައުލޫމާތުތައް ކިޔައިދިނުމުން ބުނީ ރާއްޖެތީ މަސައްކަތްކުރަން ހެޔޮވާވަރު ތަނެއްނޫނޭ.މުޅިއުމުރު މަސައްކަތްކޮށް ދެއަތްތަޅާލާފަ އަނެއްކަވެސް ސަލަންޖަހާށޭ ޖެހޭނީ.ތިގައުމުގަ މަސައްކަތް ކޮއްގެން ސޭވް ކުރެވޭނެ އެއްޗެއް ނުއޮންނާނޭ.އަހަރެން ބުނިން ބޭރުމީހުން ނަށް ހިލޭ އެކަމަޑޭޝަން ލިބޭ.އަހަރެމެން ވަޒީފާ އަދާކުރާ ނިކަމެރި ދިވެހިންގެ ހާލޭ ތީ.