ކުޅުދުއްފުށީ މަގެއްގެ މަތިން ދެ މީހަކު ހިނގާފައި ދަނީ: ސިހުރު ހަދާކަމުގެ ތުހުމަތުގައި އެ ރަށުން ތިން މީހަކު މިއަދު ވަނީ ހައްޔަރުކޮށްފައި -- މިހާރު ފޮޓޯ: ޝައްފާހް
16 އޯގަސްޓް 2018 - 23:22
44 comments
އަންނަ މަހުގެ 23ގައި ބާއްވާ ރިޔާސީ އިންތިހާބުގައި އެމްޑީޕީ ވެރިކަމަށް ގެނައުމަށް، ސިހުރު ހަދާކަމުގެ ތުހުމަތުގައި ހދ. ކުޅުދުއްފުށީ ބަޔަކު ފުލުހުން މިއަދު ހައްޔަރުކޮށްފި އެވެ.
އެނގިފައިވާ ގޮތުގައި މި މައްސަލައިގައި ހައްޔަރުކޮށްފައިވަނީ އެ ރަށު ކައުންސިލްގެ ޒިންމާދާރުވެރިޔާ އިސްމާއީލް އިބްރާހިމާއި ސީނިއާ އެޑްމިން އޮފިސަރު ހުސެން އަލީގެ އިތުރުން، އެ ރަށުގެ އިތުރު އެހެން މީހެކެވެ.
އެ މީހުން ހައްޔަރުކޮށް، ދިރިއުޅޭ ގެ ބަލައި ފާސްކުރުމަށް ނެރުނު ކޯޓު އަމުރުގައި ބުނެފައިވަނީ 2018 ވަނަ އަހަރު އެމްޑީޕީ ވެރިކަމަށް ގެނައުމަށް، ސިހުރު ހަދައި އެކަން ކުރާ ތަކެތި ގެންގުޅޭ ކަމަށް ތުހުމަތު ކުރެވޭ ކަމަށެވެ. އެހެންވެ، އެ މީހުން ދިރިއުޅޭ ގެ ބަލައި، އެތަކެތި ހޯދުމަށް ކޯޓު އަމުރުގައި ބުނެފައި ވެ އެވެ.
އެ މައްސަލައާ ގުޅިގެން ހޯދަން ބޭނުންވާ ކަމަށް ކޯޓު އަމުރުގައި ވަނީ ޕެންޑްރައިވް އަކާއި ސިހުރު ހަދަން ބޭނުންކުރާ ތަކެއްޗާއި އެކަމާ ގުޅޭ ލިޔެކިޔުންތަކެވެ.
މިކަމާ ގުޅޭގޮތުން ފުލުހުންގެ ބަހެއް ނުލިބުނު ނަމަވެސް، މުވައްޒަފުން ހައްޔަރުކުރިކަން ކައުންސިލުން ވަނީ ޔަގީންކޮށްދީފަ އެވެ.
އެތަނުން ބުނިގޮތުގައި ސިހުރު ހަދާކަމުގެ ތުހުމަތުގައި މުވައްޒަފުން ހައްޔަރު ކުރީ، އެ މީހުން ދިރިއުޅޭ ގެ ބަލައި ފާސްކުރުމަށް ފަހު އެވެ. އަދި ހައްޔަރު ކުރުމުގެ ކުރިން އެ މީހުންގެ ފޯނު ހިފަހައްޓާފައިވާ ކަމަށް ވެސް ބުންޏެވެ.
ސިހުރު ހަދާކަމުގެ ތުހުމަތުގައި ދޭތެރެ ދޭތެރެއިން މީހުން ހައްޔަރުކޮށް، އެކަމަށް ބޭނުންކުރާ ސާމާނު ފުލުހުން ހޯދަ އެވެ. އެގޮތުން އެންމެ ފަހުން ސިހުރު ހަދާ ތަކެތި ހޯދާފައިވަނީ ރ. މާކުރަތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީނު
17 August 2018
ސިހުރު ހައިޓެކް ކޮށް މާރކެޓައް ނެރުނީމަ، މިހާރު ވިޔާފާރި ލީޑް ކުރާ ގޫގްލް، އެޕްލް ފަދަ ކުންފުނިތައް ބަނގުރޫޓްވެދާނެ. އެކަމަކު އެކަމާ އުޅޭނެ މީހަކުނުވޭ!؟؟
މަހުދީ
17 August 2018
ސިހުރު އާ ހިޖާމާ ގަބޫލުކުރާ މީހުން ރާއްޖޭގެ އުޅޭހާ ދުވަހަކު ދިވެހިން ތިބޭނީ ޖާހިލިއްޔަ ޒަމާނުގަ. ގަމާރު ވިޔަސް ބޮޑުވަރު.
ހަކީމް
18 August 2018
މަހުދީ ތިހުރީ ހިނދުކޮޅުގަތަ ...
އިހުމާލް
17 August 2018
ތިޔަޖެހުނީ ހަރުތާ، އަނެއްކާ ޕެންޑުރަވެއް ވިހައިފި...
އަޖީތު
17 August 2018
އަނެއްކާ އަނެއް ޕެންޑްރައިވް؟
އަލީ ނަސީމް
17 August 2018
ކަލޭމެން ސިހުރައް ޖޯކު ނުޖަހައްޗޭ!! އެއީ ޤުރުއާނުގވެސް އަދި ރަސޫލާގެ ހަދީޝް ފުޅުންވެސް އެގޭ، އޮންނަ އެއްޗެއްކަން!!!!
ޙިދުކޭތަ 3
17 August 2018
ސިހުރަކީ ހުސް ފޭކު
ބަރުބާަދު
17 August 2018
ތިޔަ ޕެންޑްރައިވް ތިޔައީ މިހާރުދެން ގެންގުޅެން ހެޔޮނުވާވަރުގެ އެއްޗަކައް އެބަވޭ، ތިޔަ ޕެންޑްރައިވެއް ފެނިއްޖެއްޔާ ނުކުރެވޭ ދައުވާއެއް ހިޔެއްނުވޭ މިހާރުއޮތްހެނެއް. ޓެރަރިޒަމް އިން ފެށިގެން ސިހުރުހެދުމާ ހަމައައްވެސް ޕެންޑްރައިވް.
ޓޮމް
17 August 2018
ހަހަ ތީ އަސޭލާމެން ކުރާ ކަންތައް އަޑު ކަނޑުވާލަން ކުޅޭސިޔާސީ ގޭމް
އީމަން
17 August 2018
ސިހުރުހަދާ ޕެންޑުރައިވް!
ގުޑް
17 August 2018
މޮބައިލް ފޯނެއް މެދުވެރިކޮށް ސިހުރު ސިގްނަލް ފޮނުވާލެވޭނެތަ ދުރު ހިސާބުތަކަށް؟ މިއުޅޭ ޓުރަމްޕައް ސިހުރެއް ހަދަން ބޭނުން.
ބޯގޯސްސް
17 August 2018
ލޮލް ޕްލީޒް. ސިހުރު ހަދާކަށް ނުޖެހެޔޭ. ޔާމީނޫ އާއި ސިހާމޫ ވޯޓުން ބަލިކޮއްލާނަން މިފަހަރު