ފަސްޓްލޭޑީގެ މައިންބަފައިންގެ ހަނދާނުގައި ހެދި މިސްކިތް ރައީސް ހުޅުއްވައި ދެއްވައިފި

އަލަށް ހެދި މިސްކިތުގައި ރައީސް ޔާމީން މިއަދު އަސުރު ނަމާދު ކުރެއްވުމަށް ފަހު، ކުޑަކުދިންތަކަކާ ސަލާމް ކުރައްވަނީ. - ފޮޓޯ: މިހާރު

މުހައްމަދު ޔާމީން، މިހާރު

20 އޯގަސްޓް 2018 - 16:46

12 comments

ރައީސް އަބްދުﷲ ޔާމީންގެ އަނބިކަނބަލުން ފާތުމަތު އިބްރާހިމްގެ ބާއްޕާފުޅު އިބްރާހިމް މުހައްމަދު ދީދީ އާއި މަންމާފުޅު އައިޝަތު މޫސާގެ ހަނދާނުގައި ހުޅުމާލޭގައި ހެދި މިސްކިތް ރައީސް ޔާމީން މިއަދު ހުޅުއްވައި ދެއްވައިފި އެވެ.

"މަސްޖިދުލް ވާލިދައިން" ހުޅުއްވައި ދެއްވުމަށް ފަހު، ރައީސް އެ މިސްކިތުގައި މިއަދުގެ އަސުރު ނަމާދު ކުރެއްވި އެވެ.

އަލަށް ހުޅުވި މިސްކިތުގައި މިއަދު ކުރި އަސުރު ނަމާދުގައި އާންމުން ބައިވެރިވަނީ.

މިސްކިތް ހުޅުވުމަށް ހުޅުމާލޭގައި ބޭއްވި ރަސްމިއްޔާތުގައި ފަސްޓްލޭޑީ ފާތުން އާއި ބައެއް ވަޒީރުންނާއި އިސްލާމިކް މިނިސްޓްރީ އާއި އެޗްޑީސީގެ އިސް ބައެއް ބޭފުޅުން ބައިވެރިވެވަޑައިގެންނެވި އެވެ. އަދި ގިނަ އަދަދެއްގެ އާންމުން ވެސް އަސުރު ނަމާދުގެ ޖަމާއަތުގައި ބައިވެރިވި އެވެ.

ފަސްޓްލޭޑީ ފާތުންގެ މަންމާފުޅާއި ބައްޕާފުޅުގެ ހަނދާނުގައި ހެދި މިސްކިތް. - ފޮޓޯ: މިހާރު

ރެހެންދި ސްކޫލް ކައިރީގައި ހުންނަ މަސްޖިދުލް ވާލިދައިންގެ އެތެރެ އާއި ބޭރާ އެއްކޮށް 700 އަށްވުރެ ގިނަ މީހުންނަށް ނަމާދު ކުރެވޭނެ ޖާގަ އޮންނާނެ ކަމަށް އެޗްޑީސީން ބުންޏެވެ.

ރައީސް ޔާމީންގެ އަނބިކަނބަލުން ފާތުން މިއަދު އާންމުންނާ ސަލާމް ކުރައްވަނީ.

ދެ ބުރިއަށް ހެދި މިސްކިތުގައި އަންހެނުން ނަމާދުކުރަން ހާއްސަ ބައެއް ވެސް ހިމެނެ އެވެ. އަދި އަންހެނުންނާއި ފިރިހެނުންނަށް ފާހާނާ ބަރިއަކާއި ވުޟޫ ކުރާނެ ތަން ވެސް ވަކިން ހަދާފައިވެ އެވެ.

މިއަދު ހުޅުވި މިސްކިތާއެކު، ހުޅުމާލޭގައި މިހާރު އަށް މިސްކިތް ހުރެ އެވެ.

ހުޅުމާލެ މިސްކިތްތައް އިސްލާމިކް މިނިސްޓްރީ ރައީސް އަބްދުﷲ ޔާމީން ކުރީގެ ފަސްޓް ލޭޑީ ފާތުމަތު އިބްރާހީމް

12 ކޮމެންޓް, 285 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސީނު

22 August 2018

އިބަ ރަސްކަލާނގެ އީ ކަންކަން މޮޅަށް ދެނެވޮޑިގެންވާ ކަލާނގެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

22 August 2018

މިސްކިތް އެޅުމަށް ފައިސާ ޙަރަދު ކުރީ ކޮން ފަރާތަކުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Mohamed Ihsaan Ibrahim

21 August 2018

އަލްޙަމްދުލިﷲ!!! ހާދަހާ ވާބޮޑު ހެޔޮކަމެކޭ، ތިޔަފަދަ އިތުރު މިސްކިތް ބިނާކުރާނެ ދަރުމަވެރިން ގިނަކުރައްވާށި. މެޑަމް ފާތިމަތު އިބްރާހީމް ގެ މައިންބަފައިންގެ ފާފަފުއްސަވައި ހެޔޮ ދަރުމައާއި ސަވާބު ދެއްވާށި. ޢާމީން