ޕިއްޒާ ބޯނާގެ އީދު ހަދިޔާ، ޕިއްޒާއެއް 99ރ. އަށް

ޕިއްޒާ ކެއުމަށް މޮޔަވެފައިވާ މީހުންނަށް މިއީ ޚާއްސަ ތިން ދުވަހެވެ. މިއަދުން ފެށިގެން އަންނަ ބުރާސްފަތި ދުވަހުގެ ނިޔަލަށް ޕިއްޒާ ބޯނާ ނޫން ތަނަކުން ޕިއްޒާގެ ރަހަ ބަލަން އުޅޭނެ ކަމެއް ނެތެވެ. ސަބަބަކީ އާދައިގެ ދުވަސްތަކަށް ވުރެ މާ ބޮޑަށް ވެސް އަގުހެޔޮކޮށް، ކޮންމެ ވައްތަރެއްގެ ޕިއްޒާއެއް ވެސް ޕިއްޒާ ބޯނާއިން ލިބޭނެތީ އެވެ. އެއީ ޕިއްޒާ ބޯނާގެ އީދު ހަދިޔާ އެވެ.

ކޮންމެ މީހަކަށް ވެސް 99ރ. އަށް ޕިއްޒާ ބޯނާއިން ޕިއްޒާއެއް ލިބޭނެ އެވެ.

އެތަނުން، 30 އަށް ވުރެ ގިނަ، ތަފާތު ވައްތަރުގެ ޕިއްޒާ ވިއްކާއިރު، އެއް އަގެއްގައި އެއިން ކޮންމެ ވައްތަރެއްގެ ޕިއްޒާއެއް ލިބުމަކީ ކުޑަ ހަދިޔާއެއް ނޫނެވެ.

ޕިއްޒާއާ އެކު ކޯކް ފުޅިއެއް ހިލޭ ލިބޭނެ އެވެ. އަދި މާލޭގެ ކޮންމެ ތަނަކަށް ވެސް ހިލޭ ޑެލިވަރީ ކޮށްދެ އެވެ.

ޕިއްޒާ ބޯނާއިން އާންމުކޮށް ޕިއްޒާއެއް ވިއްކަނީ 110ރ. އާއި 150ރ. އާ ދެމެދުގެ އަގުތަކެއްގަ އެވެ.

މި އީދު ބަންދުގެ ތެރޭގައި ޕިއްޒާ ބޯނާ ހުޅުވާފައި ހުންނާނީ މިއަދުގެ މެންދުރު 2:00 އިން މިރޭ 12:00 އަށް، މާދަމާ އާއި ބުރާސްފަތި ދުވަހުގެ ހެނދުނު 10 އިން ރޭގަނޑު 12 ޖަހަންދެނެވެ.

އާންމުންގެ ތަރުހީބު ބޮޑު ޕިއްޒާ ބޯނާގެ އައުޓްލެޓެއް ހުޅުމާލޭގައި ވެސް ވަރަށް އަވަހަށް ހުޅުވާނެ އެވެ.