އިބޫ އަދި އިދިކޮޅު ސަޕޯޓަރަކު ފޮޓޯއަކަށް ހުއްޓިގެން. - ފޮޓޯ: އެމްޑީޕީ
01 ސެޕްޓެމްބަރ 2018 - 08:31
12 comments
އިދިކޮޅު ކޯލިޝަންގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހް (އިބޫ) ގދ. ތިނަދޫ އަށް ގިނަ ވައުދުތަކެއް ވެ ވަޑައިގެންފި އެވެ.
ތިނަދޫއަކީ މި ސަރުކާރުގައި އެންމެ ބޮޑެތި މަޝްރޫއުތަކެއް ހިނގަމުން އަންނަ އެއް ރަށެވެ. އެގޮތުން، އެ ރަށުގައި ބޮޑު ބިމެއް ހިއްކައި، ބޮޑެތި މަގުތަކުގައި ތާރު އަޅާފައިވެ އެވެ. އަދި އެ ރަށުގައި އިސްލާމީ މަރުކަޒަކާއި މިއުޒިއަމް ޕާކެއް އެޅުމުގެ މަސައްކަތް ދަނީ ކުރަމުންނެވެ.
ތިނަދޫގައި ބޭއްވި ޖަލްސާގައި އިބޫ ވާހަކަ ދައްކަވަނީ. - ފޮޓޯ: އެމްޑީޕީ
މި މަހު 23 ގައި އޮންނަ ރިޔާސީ އިންތިހާބަށް ކެމްޕޭނު ކުރެއްވުމަށް ތިނަދޫ އަށް ވަޑައިގެން ރޭ ބޭއްވި ބޮޑު ޖަލްސާގައި އިބޫ ތިނަދޫ ރައްޔިތުންނަށް ވެވަޑައިގެންނެވި އެންމެ ބޮޑު ވައުދަކީ ޑރ. އަބްދުއްސަމަދު މެމޯރިއަލް ހޮސްޕިޓަލް، ޓާޝަރީ ހޮސްޕިޓަލަކަށް ބަދަލުކުރުމެވެ. އަދި ތިނަދޫގައި ރިހިބިލިޓޭޝަން ބޭނުންވާ 400 މީހުން ތިބި ކަމަށް ވިދާޅުވެ، އެ ރަށުގައި ޑްރަގް ރިހިބިލިޓޭޝަން ސެންޓަރަކާއި ޑިޓޮކްޓިފިކޭޝަން ސެންޓަރެއް ގާއިމުކޮށްދެއްވާނެ ކަމަށް އޭނާ ވިދާޅުވި އެވެ.
އިބޫ ވިދާޅުވި ގޮތުގައި ރިހިބިލިޓޭޝަން ސެންޓަރުތަކުން ޒުވާނުންނަށް ފަރުވާ ނުލިބޭތީ، އެމީހުން ނުކުންނަން ޖެހެނީ އިތުރު ގޮތެއް ނެތިގެން މަގުމައްޗަށެވެ. އަދި މިފަދަ ޒުވާނުން ސިޔާސީ ބޭފުޅުންގެ ސިޔާސީ ބޭނުންތަކަށް ގެންގުޅޭކަން ބައެއް ދިރާސާތަކުން އެނގޭ ކަމަށް ވެސް އިބޫ ވިދާޅުވި އެވެ.
ތިނަދޫގައި މިރޭ ބޭއްވި ޖަލްސާގައި ބައިވެރިވުމަށް ގޮސް ތިބި މީހުން. - ފޮޓޯ: އެމްޑީޕީ
ތިނަދޫން ފުރައިގެން ރާއްޖެއިން ބޭރަށް ދަތުރުކޮށް މުދާ ގެނައުމުގެ ފުރުސަތު ހަމަޖެއްސުމުގެ ވައުދު ވެސް އިބޫ ވެ ވަޑައިގަތެވެ. އެކަން މިހާރު ފަހި ނުވަނީ ކުރީގެ ސަރުކާރުތަކުން ގެނައި ސިޔާސަތުތަކެއްގެ ސަބަބުން ކަމަށް އޭނާ ވިދާޅުވި އެވެ.
"އަޅުގަނޑުމެންގެ ވެރިކަމެއްގައި ސީދާ މި ރަށުން ވެސް ރާއްޖެއިން ބޭރުން މުދާ ހިފައިގެން އައުމުގެ ފުރުސަތު ދޭނަން،" ގިނަ އަދަދެއްގެ ބަޔަކު ބައިވެރިވި ޖަލްސާގައި އިބޫ ވިދާޅުވި އެވެ.
އިބޫ އިއްޔެ ތިނަދު އަށް ވަޑައިގަތުމުން، އެތައް ސަތޭކަ ބަޔަކު ނުކުމެ، އޭނާ އަށް ހޫނު މަރުހަބާއެއް ދެންނެވި އެވެ. އަދި އޭނާ އަށް މަރުހަބާ ދަންނަވަން ދިގު ސަފެއް ހެދިއިރު، އެމީހުންނާ ސަލާމް ކުރައްވަން އިބޫ ވަނީ 40 މިނިޓަށްވުރެ ގިނަ އިރު ހޭދަކުރައްވައިފަ އެވެ. ގއ. އަދި ގދ. ގެ އަތޮޅުތަކަށް އިބޫ ކުރައްވަމުން ގެންދަވާ ދަތުރުގައި އިބޫ އަށް އެންމެ ހޫނު މަރުހަބާއެއް ދެންނެވީ ވެސް ތިނަދޫންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑިޓޮކްޓިފިކޭޝަން
02 September 2018
"ޑިޓޮކްޓިފިކޭޝަން ސެންޓަރެއް ގާއިމުކޮށްދެއްވާނެ ކަމަށް އޭނާ ވިދާޅުވި އެވެ." ޑިޓޮކްސިފިކޭޝަން. އިބޫއަށް ދޫ އޮޅުނީބާ ނުވަތަ ހަމަ މިބަސް ކިޔަން ނޭނގުނީބާ؟؟
ވިސްނާލާ
01 September 2018
ވައުދުވުމުގެ ކުރިން ވެރިކަމުގެ މުއްދަތު ބުނެދީ. ތިހުރިހާ ވައުދެ ދޮޅުއަހަރުން ކިހިނެފުއްދާނީ.. ފުއްދޭނެކަމަށްވަންޏާ 3އަހަރުތެރޭގަ ތިފަދަ އެއްމެކަމެ ނުކުރެވުނީކީއްވެ. ހޮސްޕިޓަލުގެ ވާހަކަ ދެއްކުމުގެކުރިން ފުރަތަމަބަލާ މޑޕގެ ވެރިކަމުގަ ތިނަދޫ ހޮސްޕިޓަލުގަ ބޭސްމަލަންކޮޅެވެސް ލިބެންހުރިތޯ މޑޕވެރިކަމުގަ.. ފަސްއަހަރުގެ ވެރިކަމެއްނަމަ އިންތިގާލީ ވެރިކަމެކޭ މޑޕ މެނިފެސްޓޯގަ އިންތިގާލީ ވެރިކަމެއްގެ ވާހަކައޮތީ ކީއްވެ.. އިބޫ ސާފުކޮއްދޭންޖެހޭ ވެރިކަން ކުރަންތިއަންނަނީ ކިހާދުވަހަކަށްކަން... ދޮޅުއަހަރަށް އަންނަމީހަކު ރައްޔިތުންނަ އޮޅުވާނުލާ.. 5އަހަރުގެ ވެރިކަމަކަށް އިންތިގާލީ ވެރިކަމެކޭ ކިޔާނެތަ. ދޮޅުއަހަރުން ކުރެވޭނެ ހަމައެކަނި ކަމަކީ ކުއްވެރިން މިނިވަންކުރުން.. އެވެސް ވެރިކަންލިބިއްޖެނަމަ ފުރަތަމަދުވަހު.. ވަރަށް ސަލާމް.
ތެނަދޫ
01 September 2018
ރައީސް ނަޝީދު ތިނަދޫ ތެކެ ވާ ލޯބިން، މާލޭ އިންޓަރނޭޝަނަލް އެއަރޕޯޓުގެ ނަން އިބްރާހީމް ނާސިރު އިންޓަރނޭޝަނަލް އެއަރޕޯޓަށް ބަދަލުކުރީ.
ސފސފ
01 September 2018
ތިމީހުން ހިތެއްނުފުރޭނެ މަގުތަކުގަ ބިއްލޫރި ޖެހިޔަސް
މީރާ
01 September 2018
މާތްﷲގެރަހުމައްފުޅުން%54އިންރައީސްޔާމިންކާމިޔާބްކުރައްވާނީއިންޝާﷲ
ބޮޑުހުޅު
01 September 2018
ހުޅުޖަހަން ވަރަށް ކުޅަދާނަވާނެ.
ޥަގުވޯ
01 September 2018
އިބޫ ބުނި ހަމަހަމަކޮށް ހުރިހާ ރަަށަކަށް ކަންތައްކޮށްދޭނަމޭ! މިހާރު ގިނަ ކަންތައް ތިނަދޫއަށް؟ ކީއްވެގެންތޯ؟ ސަލާމް ކުރީމަތޯ؟ 10،000 ވޯޓުތޯ؟
ރޮކެޓް ސައިންސް
01 September 2018
ތިނަދޫގެ ތަފާތަކީ ޕޕ އިން ބޭއްވި ޖަލަސާގަ ރައްރަށުން މީހުން އަރަވައިގެން 700. ކޯލިޝަނުން ބޭއްވި ޖަލްސާގަ ތިނަދޫއިން އެކަނި 900. 22 ވަނަ ދުވަހުގެ ހިގާލުމުގައި ޓާގެޓަކީ 1500 މީހުން. ތަރައްގީ ކޯންޗެއްކަމާއި ވައްކަމަކީ ކޯންޗެއްކަން ތިނަދޫމީހުންނަށްއެގޭ.
ހަސަނީ
01 September 2018
ރަށްރަށުން މީހުން ނުގެނެއޭ؟ ކާކަށް އޮޅުވާލަން ތިއުޅެނީ؟
ރޮކެޓް ސައިންސް
01 September 2018
އެހެން ރައްރަށުން ވެސް ވަޒީފާތަކުގަ އުޅޭ މީހުން ބިރުފަހަނައަޅާ ގޮސް ހަރަކާތުގައި ބައިވެރިވާންވީވަގުތު މިއޮތީ ޖެހިފައެވެ. އެއްފަހަރަކާ 10 މީހުނާއި 20 މީހުންނާއި ދޭތެރޭ އަދަދަކަށް އަތޮޅުތެރޭ އޮފީހަކުން ވަޒީފާއިން މީހުން ކަޑާލައިފިއްޔާ އެއޮފީހެއް ހުއްޓުމަކަށް އަންނާނެއެވެ. މިދުވަސް ވަރު ސިޔާސީ ހަރަކާތެއްގަ ބައިވެރިވެގެން ވަޒީފާއިން ކަޑަންވެސް ސަރުކާރަކަށް ނުކެރޭނެއެވެ. ބިރު ފަހަނައަޅާ ކުރިއަށް ދާންވީއެވެ
ެއިބްރަހިމް ހުސެން
01 September 2018
ކިތަންމެ ކަމެއް ސަރުކާރުން ކުރިޔަސް، އަނިޔާވެރިކަމަށް ތިނަދޫ ބުނާނީ ނޫނެކޭ.
ޢަލިބޭ
01 September 2018
ތިނަދޫ މީހުންނަކީ ތަރައްގީ ބޭނުންވާ ބައެއްނޫން، އެމީހުން ބޭނުންވަނީ އެމީހުންގެ ހީރޯ ބުނާހެން ދޮންމީހުން އުޅޭގޮތަށް އުޅެވޭނެގޮތެއް، އެބުނީއެއްނު 400 މީހުން ބޮއިބޮއި އެބަ ތިއްބޭ އެމީހުންނަށް ގިނައިން ބޮވޭގޮތް ހަދަންޖެހެއޭ. އިންޝާ ﷲ އެމީހުންގެ ހަމަމަގަށް އަޅުވާ އެންމެނަށް ވަޒީފާދީ އެއީ ގައުމަށް ފައިދާހުރި ކުދިންކަމުގައި ހަދާނީ ރައީސް ޔާމީނު، މިހާރުވެސް އެތައްކުދިންނަކަށް ވަޒީފާގެ ފުރުސަތު ހޯދައިދެވިއްޖެ. ކުރިއަށް ދައުރު ދެންތިބި ކުދިންނަށްވެސް ވަޒީފާ ލިބޭނެ ފުރުސަތު ހޯދައި ދިނުމަށް އިތުރު ރިސޯޓާ ގެސްޓްހައުސް ހެދުމަށް ބިންތައް ދިނުންއޮންނާނެ.