ސްރީލަންކާގެ ވެރިރަށް، ކޮލަމްބޯގެ މަގެއް: ލަންކާގެ އިދިކޮޅު ފަރާތްތަކުން މިހާރު ދަނީ ބޮޑު މުޒާހަރާއަކަށް ތައްޔާރުވަމުން --ފޮޓޯ/މިހާރު
04 ސެޕްޓެމްބަރ 2018 - 11:17
10 comments
ސްރީލަންކާގެ އިދިކޮޅު ސިޔާސީ ޕާތީތަކުން މާދަމާ ބޮޑު މުޒާހަރާއަކަށް ތައްޔާރުވަމުން އަންނާތީ، ލަންކާގައި ދިރިއުޅޭ ދިވެހިން ސަމާލުވުމަށް ލަންކާގައި ހުންނަ ރާއްޖޭގެ އެމްބަސީން އިލްތިމާސް ކޮށްފި އެވެ.
ލަންކާގެ ކުރީގެ ރައީސް މަހިންދަރާޖަ ޕަކްސަގެ ދަރިކަލުން ނަމާލް ރާޖަޕަކްސަ އިސްކޮށް ހުންނަވައިގެން އެ ގައުމުގެ އިދިކޮޅު ފަރާތްތަކުން މިހާރު ގެންދަނީ ވެރިރަށް ކޮލަމްބޯގައި މާދަމާ ބާއްވާ ބޮޑު މުޒާހަރާއަކަށް ތައްޔާރުވަމުންނެވެ. މި މުޒާހަރާގައި ހަމަނުޖެހުން ހިނގުމުގެ ފުރުސަތު އޮތް ކަމަށް ލަންކާ ސަރުކާރުން ބުންޏަސް، އިދިކޮޅު ޕާޓީތަކުން އެކަން ދޮގު ކުރެ އެވެ.
ލަންކާގައި ހުންނަ ރާއްޖޭގެ އެމްބަސީން ނެރުނު ބަޔާނެއްގައި ބުނެފައި ވަނީ މާދަމާ އިން ފެށިގެން ހުކުރު ދުވަހާ ހަމަ އަށް ކޮލަމްބޯގެ މަގުތަކަށް ދިވެހިން ނުކުމެ އުޅުމުގައި ސަމާލުވާން އެދޭ ކަމަށެވެ. އަދި ކޮންމެހެން ބޭނުމެއް ޖެހިގެން ނޫނީ މީހުން ގިނަ ތަންތަނަށް ނުދިއުމަށާއި އަދި ދަތުރު ކުރާ އިރު ޓްރެފިކް ބާރު ބޮޑުވާނެ ކަމަށް ބެލެވޭތީ އެކަމަށް ވެސް ސަމާލުވާން އެދޭ ކަމަށް އެ ބަޔާނުގައިވެ އެވެ.
މީގެ އިތުރުން އެމްބަސީގެ އެހީތެރިކަން ބޭނުންވެއްޖެ ނަމަ، އެމްބަސީގެ ހޮޓްލައިނަށް ގުޅުމަށް ވެސް އެދިފައިވެ އެވެ.
ލަންކާއަކީ ސިއްހީ އަދި ތައުލީމީ ކަންކަމުގައި ގިނަ އަދަދެއްގެ ދިވެހިން ދިރިއުޅޭ އަދި އާންމުކޮށް ދިވެހިން ދަތުރުކޮށް އުޅޭ ގައުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަތްނެތްކުއްޖާ
04 September 2018
ހާޖަރާ އަށް މި ޙަބަރު ކިޔާލުމުން ދޭހަވީ ލަންކާގައި ވެރިކަން ކުރަނީ ޕީ ޕީ އެމްގެ ސަރުކާރުންކަން. އަދި އެތާގައި އިދި ކޮލު ޕާރޓީ އެއްގެ ގޮތުގައި އޮތީ އެމް ޑީ ޕީ ކަން. ހާޖަރާ އަށް ދަންނަވާލަން ބޭނުންވަނީ މިހާރު ތިހުރި ހާލަތުން މިހާ އަރައިގަތުމަށް އަވަހަށް ޑޮކްޓަރެއްގެ އެހީ ތެރިކަން ހޯދުން ބުއްދިވެރިވާނެކަމަށް. އަދި ޙާއްސަކޮއް ނަފްސާނީ ބަލި ތަކުގެ ޙާއްސަ ޑޮކްޓަރަކަށް ދައްކައިގެން އަވަސް ފަރުވާ އެއް ހޯދަވާށެވެ. ވ ސަލާން.
މުޒާފީ
04 September 2018
ލަންކާގެ އިދިކޮޅު ޕާޓީ އަކުން ބާއްވަން އުޅޭ މުޒާހަރާއެއް އެއީ
ރކއ
04 September 2018
ރަގަޅަށް ހަބަރު ކިޔާލަބަލަ
ދިވެހިން ދިވެހިންގެ ގޮތުގައި
04 September 2018
މިޚަބަރުގަ އެބުނަނީ ލަންކާގަ އެޤައުމުގެ އިދިކޮޅު ފަރާތްތަކުން މުޒާޚަރާއެއް ކުރާ ވާހަކަ. ދިވެހިންނެއް ނޫން. މިތިބަ ބައެއް ދެން. ގަމާރަސް ބޮޑުވަރު.
ލޮލް1
04 September 2018
ޖަލަށް ލައިފިއްޔާ ބުނާނެ ޖަލަށް ލައިފިޔޭ..
ހާޖަރާ
04 September 2018
ސަމާލުވާށޭ؟....؟ ބަލަ މިތަނުގާ މިހާރު މުޒާހަރާ ނުކުރެވޭތީ އެތަނަށްގޮސް މުޒާހަރާކުރަން އެއުޅެނީ ދިވެހިންނޭ. ލަންކާގެ އާންމު ރައްޔިތުންގާތު ތިކަމަށް އެދިބަލަ.
ޚަލޫ
04 September 2018
ޙާޖަރާ މީގަ ލިޔެފަ އޮތް އެއްޗެއް ކިޔާބަލަ .މީގަ މިއޮތީ ލަންކާގެ އިދިކޮޅު ފަރާތް ތަކުގެ ވާހަކަ .ދިވެހިން މުޒާހަރާ ކުރާ ވާހަކަ އެއް ނޫން.
ހާޖަރާނީ
05 September 2018
ހާޖަރާއަށް އެކަހަލަ ކަމެއް ވެދާނެ! ހިހި
ނަޝީދު
05 September 2018
މިހާރު ތިހުރި ހާލަތުން މިހާ އަރައިގަތުމަށް ތިރީގައިވާ ގޮތަށް އަމަލުކުރާށެވެ. 1. ހަބަރުތަކުގެ ސުރުހީކިޔާފައި ނޫނީ ފެންނަ ފޮޓޯއެއް ބެލުމަށްފަު ކޮމެންޓް ކުރުމުގެ ބަދަލުގައި ހަބަރު އެއްކޮށް ކިއުމަށްފަހު ވާނުވާއެނގިގެން ކޮމެންޓްކުރުން 2. އަވަހަށް ނަފްސާނީ ޑޮކްޓަރެއްގެ އެހީ ތެރިކަން ހޯދުން 3. ނޫނީ އަލުން ގްރޭޑް 1 އަށް ގޮސް ލިޔަންކިޔަން ދަސްކުރުން. އާން އެހެންޔާފަހް އަހަރުން މިތިބެނީ މިކަހަލަ ކޮމެންޓެއް ކޮއްލަން ނުލިބިފަ ބަލަބަލަ. ތިއްބާ ތިކަހަލަ ގަޅިޖެހުނީމަ ކަޑަދޮ
ފަލަޑޭ
04 September 2018
މުޒާހަރާ ކުރަން އެމީހުން ފުރުސަތު އެބަދޭދޯ؟ މިތާނގަ ނުކުރެއޭ ފުރުސަތެއްދޭކަށް...ތިމަންނަމެންގެ ސައިޒު ކުޑަވީމަ ހަޖަމް ނުވަނީ