މާލޭގައި ޓެކްސީއެއް ހުޅުމާލޭގައި ދުއްވާފައި ދަނީ. މާލެއިން ހުޅުމާލެ ދަތުރަކަށް 150ރ. އާއި 200ރ. ނަގާ.
08 ސެޕްޓެމްބަރ 2018 - 17:10
79 comments
ސިނަމާލެ ބްރިޖު، އާންމު ދަތުރުފަތުރަށް އިއްޔެ ހުޅުވައިލުމާ އެކު، މާލޭގެ ބައެއް ޓެކްސީ ޑްރައިވަރުންނަށް ބޮޑު ހިނިތުންވުމެއް ގެނެސްދީފި އެވެ: ބުރިޖް ހުރަސްކޮށް މާލެ އިން ހުޅުމާލެ އަށް ކުރާ "މަންޒަރު ބަލައިލުމު"ގެ ދަތުރެއްގެ އަގު މިހާރު ވަނީ، ކޮޅަކަށް، 150ރ. އާއި 200ރ. އަށް ޖައްސާލައިފަ އެވެ.
ސިނަމާލެ ބްރިޖު އާންމުކޮށް ހުޅުވައިލިތާ 24 ގަޑިއިރު ވީއިރު، ގިނަ އަދަދެއްގެ ޓެކްސީތައް މާލެ އިން ހުޅުމާލެ އަށް ދަނީ ދަތުރުކުރަމުންނެވެ. ބްރިޖު މަތިން ދަތުރުކުރުމުގެ ފީ، ސަރުކާރުގެ ކަމާ ބެހޭ އިދާރާތަކުން އަދި ހާމަނުކުރާތީ، މާލެ/ހުޅުމާލެ ދެމެދު ބޭނުން އަގެއްގައި ޓެކްސީ ދަތުރުކުރުމުގެ ފުރުސަތު ވަނީ ހުޅުވިފަ އެވެ.
މާލޭގައި ފުޅާ ދާއިރާއެއްގައި ޓެކްސީގެ ޚިދުމަތް ދޭ ރަސަލް ޓެކްސީން ވާހަކަ ދެއްކި މީހަކު ބުނީ ޓްރާންސްޕޯޓް އޮތޯރިޓީން ހުޅުމާލެއަށް ކުރާ ދަތުރުތަކަށް އަގު ކަނޑައަޅާފައި ނުވާތީ، ޑްރައިވަރުން އަމިއްލައަށް 200ރ. ނަގަމުންދާ ކަމަށެވެ.
"އަޅުގަނޑުމެން ޓެކްސީ ސެންޓަރަކުން ނާންގަން ވަކި އަގެއް ނަގަކަށް. ބައެއް ޑްރައިވަރުން އަމިއްލަ އަށް އަގެއް ހަދައިގެން އުޅެނީ،" އެ ސެންޓަރުން ވާހަކަ ދެއްކި މީހާ ބުންޏެވެ.
މާލޭގައި ޓެކްސީކުރާ މީހަކު ބުނިގޮތުގައި މާލެ އިން ހުޅުމާލެ އަށް ދަތުރުކުރާ އަގެއް ޓްރާންސްޕޯޓް އޮތޯރިޓީން ކަނޑައަޅަންދެން ދަތުރެއް ކުރަން ނިންމާފައި ވަނީ ކޮޅަކަށް 200ރ. އަށެވެ.
"ހުޅުމާލެ އަށް ގޮސްފައި އެނބުރި ހުސްކޮށް އަންނަން ޖެހެނީ. އެހެންވެ، އަޅުގަނޑުމެން އަމިއްލަ އަށް އަގެއް ކަނޑައެޅީ، މީހުން ޓެކްސީގައި ވެސް ދަތުރުކުރަން ބޭނުންވާތީ،" އެ ޑްރައިވަރު ބުންޏެވެ.
މާލޭގައި ޓެކްސީގެ ހިދުމަތް ދޭ ކާރެއް ހުޅުމާލޭގައި ދުއްވާފައި ދަނީ: މާލެއިން ހުޅުމާލެ އަށް ކުރާ ދަތުރުތަކަށް ނަގާނެ އަގެއް ޓްރާންސްޕޯޓު އޮތޯރިޓީން އަދި ކަނޑައެއް ނާޅާ.
ޑައިލް ކެބް ސެންޓަރުން ވާހަކަ ދެއްކި މީހަކު ބުނީ އެ ސެންޓަރުގެ ބައެއް ކާރުތައް ހުޅުމާލެ އަށް 150ރ. އަށް ދަތުރެއް ކުރާ ކަމަށެވެ.
"މިއީ އެއްގޮތަކަށް ވެސް އަޅުގަނޑުމެން ސެންޓަރުން ކަނޑައެޅި އަގެއް ނޫން. ޓްރާންސްޕޯޓުން އަގެއް ކަނޑަނާޅާތީ ބައެއް ޑްރައިވަރުން 150ރ. އަށް ދަތުރުކުރޭ،" އޭނާ ބުންޏެވެ.
ހުޅުމާލެ އަށް އިއްޔެ ކުޑަ ޕިކަޕެއްގައި މުދާ ހިފައިގެން އައި މީހަކު ބުނި ގޮތުގައި އެ ދަތުރަށް 300ރ. ނެގި އެވެ. އަދި ބޮޑެތި ޕިކަޕްތަކުން ދަތުރަކަށް 500ރ. ނަގާ ކަމަށް ވެސް އޭނާ ބުންޏެވެ.
"މީހުންނަށް ތަކުލީފަކަށް ނުވާ ވަރަށް ޓެކްސީކުރާ ކާރުތަކާއި ޕިކަޕްތަކުން އެބަ ޖެހޭ އަގު ކަނޑައަޅަން. ނުވަތަ މީޓަރަށް ދަތުރުކުރާނެ އަގުތަކެއް ސަރުކާރުން ކަނޑައަޅަން އެބަ ޖެހޭ،" އެ މީހާ ބުންޏެވެ.
ސިނަމާލެ ބްރިޖާ އެކު، ހުޅުމާލެ އަށް ދާ މީހުންގެ އަދަދު ވަނީ ވަރަށް ބޮޑަށް އިތުރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރަންވީރް ޑޮގްރާ
10 September 2018
ބްރިޖު އެޅުއްވީތީ ޔާމީން އަށް ވަރަށް ބޮޑަށް ޝުކުރުވެރިވަމެވެ. ސަބަބަކީ ބްރިޖު އެޅުމުގެ ސަބަބުން ދަތުރު ކުރާ މީހުންނަ ވަރަށް ބޮޑު ލުއިފަސޭހައެއް ލިބޭތީ އެވެ.
އައްޑޫ ބެއްޔާ
10 September 2018
ތި ރަން ޒަމާން އައްޑުގައި އޮންނަތާ 20 އަހަރު މިވަނީ. ހަންކެޑެ ބްރިޖް ހުރަސްކޮށް 150 ރުފިޔާއަށްވުރެ މަދުން ނުދެވޭ. ގަަމަށް ރޭގަނޑު ދަނީ ކޮޅަކަށް 300 ދީފަ.
ފުތު
10 September 2018
ޙައްލަކީ އޫބަ ކަހަލަ ސާވިސް އެއް އުފަންވުން. ޢާމު ރައްޔިތުމީހާވެސް ދަތުރު ކޮއްދެވޭގޮތައް. ޢޭރުން ތިކުނި ޓެކްސީތައް ސައިޒްވާނެ. ހަމަ ގައިމުވެސަ މަ ކޮންޑިސަން ރަގަޅު އަގުހެޔޮ ޓެކްސީ އެއް ހިޔާރުކުރާނަން.
ރީތި މޫސަ
10 September 2018
މީހާރުމިއޮތީ ސައިކަލް ޓެކްސީ ދުއްވަން ރަނގަޅު ފުރުސަތެއް އޭރުން އަގުހެޔޮކޮން ދެވޭނެ ނަމަވެސް މީހާރުވެސް ރަނގަޅު ޓެކްސީ ޑްރައިވަރުން އުޅޭ ބްރިޖްދަތުރަކަށް ސާޅީސް ރުފިޔާނަގާ ޑުރައިވަރާދިމާވި އޭނާބުނީ ހެންވޭރުން އައިޖިއެމްއެޗްއަށް ދިޔުމަށްވުރެ ފަސޭހަވެފަ ޕެޓްރޯލް ޚަރަދުވެސް ކުޑަކަށް އެހެންވެ އޭނަނަގާނީ ސާޅީސް ރުފިޔާކަމަށް
ޝައުކަތު
10 September 2018
އަނެއްކާ އެބުނާހެން ހުސްކޮށް އަންނާކަށް ނުޖެހޭނެ މާލެއަކަށް. މިއީ އެއް ސިޓީއެއްގެ ދެފަޅި. މާލެ ފަޅިއަށް ދަތުރެއް ލިބެންދެން ހުޅުމާލެ ފަޅީގަ އުޅުނީމަ ވީ. ޓެކްސީ ދުއްވާ މީހުން މިއޮތްހާ ދުވަހުވެސް ފެލީ. އަދިވެސް ފެލަނީ. ސަރުކާރަކަށް، ޕާޓީއަކަށް މީޑިއާއަކަށް ނުކެރޭ މިމީހުންނާ ދެކޮޅަށް ތެދުވަން
ދަބަރުޓެކްސީ
09 September 2018
ބަލަ މިގައުމުގަ އުޅެނީ މަސްވެރިންނާ ޓެކްސީ ޑްރައިވަރުން އެކަނިތަ ބޭނުން އަގެއް ކިޔާފަ ހިދުމަތްދޭން ނުވަތަ ތަކެތި ވިއްކާ މުއްސަދިވާން...ކުޑަކުޑަ ރާގޮޑިއެއް އައްޑޫން 200ރ އަށް....އެންމެ 02 ކިލޯމީޓަރު ދުއްވާލަން 150ރ ނުވަތަ 200ރ ތިއީ ފުކެއް ބޮޑުވަރު...ކަމާއިބެހޭ ވުޒާރާތަކުން މިކަންކަމަށް ހަރުދަނާ އުސޫލަކާއި އަގުތަކެއް ކަނޑައަޅައިދިނުމަށް ގޮވާލަން....ސާބަސް ގައުމުގެ ޓެކްސީ ޑްރައިވަރުން ލާރިހޯދަން ތިއީ ފުކެއް ބޮޑުވަރު
ދަބެރު
10 September 2018
ދިރާގުންވެސް ނަގާ އިންޓަރނެޓަށް ވަރަށް ބޮޑު އެއްޗެއް. ސްޕީޑް ވެސް އެހާ ސްލޯ. ބޮޑެތި ކޯޕަރޭޓް ބިޒްނަސް ތަކުން ނެގީމަ އޯކޭ ވާންވީ ދޯ؟
ޓަކި މޫނާ
09 September 2018
ކޮން ބައެއްތަ މޮޔަ ވެގެން ތިއަގަށް ދަތުރު ޖުރަނީ؟ ދެން ފީ އަގުބޮޑުކުރީމަ ޝަކުވާ ކުރާނީ ވެސް ހަމަ ކަލޭމެން.
ދީދީ
09 September 2018
ޓެކްސީ ތައް މުއްސަންދިވާނެތާ
ރަންބުއްދި
09 September 2018
ޓެކްސީ ކުރާމީހުންވެސް ވަނީ އެއްފަހަރާ މަހުޖަނުންނަށް ވާން.ތިޔަ ދުއްވާ ޓެކްސީ ކާރުތަކުގެ ފިއުލަ އެވްރެޖް އުޅެނީ ލިޓަރަކުން 10- 14-ކިލޯމީޓަރު ގަ.ޕތްރޯލް ލީޓަރެއް 10.77ރ ދެން އެހެންވީމަ ތިޔަ ޓްކްސީ އާއި ޕިކަޕް ދަތުރު ތައް އިންތިހާއަށް ބޮޑު.މިގައުމުގަ ހުރިހާކަމެއްވެސް މިދަނީ މިހެން.ރައްޔިތުން ފެލާލަނީ އިންތިހާއަށް
އެމްސް
09 September 2018
ޓެކްސީ ޑްރައިވަރުންގެ ނުފޫޒުންވެސް މި ޤައުމު ސަލާމަތްވާން ޖެހިއްޖެ. ޑިކީ އަށް ވަކިން، ސީޓަށް ވަކިން ލާރި ނަގާ މިނޫން ޤައުމެއް ދުނިޔޭގަ އެބައޮތް ބާ؟ އެއަރޕޯޓް ފެރީ ދޮށުންވެސް ދަތުރެއް މި ކޮށްދެނީ ހިތުހުރި ގޮތަކަށް ހިތުހުރި އަގެއްގަ
ފަސެންގަރު
09 September 2018
ސަރުކާރުން އެމްސްގެ ތި ކަންބޮޑުވުންތަކަށް އޮތީހައްލު ގެނައްސަ .. އަހަރެމެން ފިސާރި އަހަރެމެން ތަކަކަށްވެ ، ކުޑަމަސައްކަތަކުން އެފަދަ ޑުރައިވަރުންގެ އެ މުޑުދާރު އަމަލުތަށް ކަމާބެހޭފަރާތް ތަކަށް ހުށަހަޅާ .. މިހާތަނަށް ވަރަށް ކާމިޔާބު ، އެފަދަ ޑުރައިވަރުންނަށް އަދަބުދީފަ ހުރީވެސް .. ހަމައެކަނި މިވާހަކަ މަޖަލެއްގެތެރޭގަ ނޫނީ މިކަލަކޮމެންޓަކުން އެކަނި ނުވާނެ ..
ޖާފެ
09 September 2018
ކީއްތަ ވާނީ ޓެކްސީ ތަކުގަ މީޓަރު ހަރުކުރަން! މިއީ އިންސާފެއް ނޫން!!!
ޝަފް
09 September 2018
މީވަރަށް ރަގަޅުކަމެއް! އޭރުން ވަރަށް ކުޑައަގެއްގަ ދަތުރުކުރެވޭނެ.
ކުރޮޅިޓެކްސީ
09 September 2018
މަށަށް ފެންނަނީ ކުރޮޅި ނުވަތަ ޓުކްޓުކް ގެ ހިދުމަތް މިރާއްޖޭގަ ފެށުމަށް ހުއްދަދޭން...އޭރުން ގައިމު އަހަރުމެން ޗީޕްކޮށް ދަތުރުކޮށްދޭނަން...24ގަޑިއިރު ހިދުމަތުގަ..ވިއްސާރަވިއަސް ފަސޭހައިން ދެމިލެވޭނެ...ހާސްވާކަށްނުޖެހޭނެ....އަހަރުމެންނަށް ހުއްދަދީ....އަގުހެޔޮކޮށް ދަތުރުކޮށްދޭނަން