ރައީސް ޔާމީން ވާހަކަފުޅު ދައްކަވަނީ-- ފޮޓޯ: ރައީސް ޔާމީން
10 ސެޕްޓެމްބަރ 2018 - 21:45
58 comments
ރައީސް އަބްދުﷲ ޔާމީންގެ އަބުރާ ބެހުނުކަމަށް ބުނެ އިދިކޮޅު އެމްޑީޕީ އާއި ރާއްޖެ ޓީވީއާ ދެކޮޅަށް ކުރާ އަބުރުގެ މައްސަލަ އަންނަ ބުދަ ދުވަހު ކޯޓަށް ހުށަހަޅާނެ ކަމަށް އެމަނިކުފާނުގެ ވަކީލުންގެ ޓީމުން މިއަދު ބުނެފި އެވެ.
ޕީޕީއެމްގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން، މި މަހުގެ 23 ގައި ބާއްވާ ރިޔާސީ އިންތިޚާބުގައި ޕީޕީއެމްގެ ޓިކެޓުގައި ދެވަނަ ދައުރަކަށް ކުރިމަތިލައްވާފައިވާ ރައީސް ޔާމީންގެ ވަކީލުންގެ ޓީމުގައި ހިމެނިވަޑައިގަންނަވާ އައްބާސް ޝަރީފް ވިދާޅުވީ، އަބުރުގެ ދައުވާ ކުރަން ކޯޓަށް ހުށަހެޅުމަށް ބޭނުންވާ ލިޔެކިޔުންތައް މިހާރު ތައްޔާރު ކުރަމުން އަންނަ ކަމަށެެވެ. އިދިކޮޅު އެމްޑީޕީގެ އިތުރުން އެ ނޫސްވެރިންގެ ބައްދަލުވުމުގައި ވާހަކަ ދެއްކެވި ބޭފުޅުންނަށް ދައުވާ ކުރާނެ ކަމަށް ވެސް އައްބާސް ވިދާޅުވި އެވެ.
ރާއްޖޭން ބޭރުގައި ގަވައިދާ ހިލާފަށް ތެލުގެ ވިޔަފާރި ކުރަމުންދާ ދިވެހި ކުންފުންޏަކާއި ރައީސް ޔާމީނާ ގުޅުން އޮންނަ ކަމަށް ތުހުމަތުކޮށް، އެ މައުލޫމާތު އާންމު ކުރުމަށް މި މަހުގެ ތިންވަނަ ދުވަހު އެމްޑީޕީން ބޭއްވި ނިއުސް ކޮންފަރެންސްގައި، އެ ޕާޓީގެ ޗެއާޕާސަން ހަސަން ލަތީފް (ވ) އަދި ސެކްރެޓަރީ ޖެނެރަލް އަނަސް އަބްދުއްސައްތާރު ބައިވެރިވެވަޑައިގަންނަވަނީ.---ފޮޓޯ: ހުސައިން ވަހީދު/މިހާރު
މި މަހުގެ ތިންވަނަ ދުވަހު އެމްޑީޕީގެ އޮފީހުގައި ބޭއްވި ޕްރެސް ކޮންފަރެންސްގައި ބައިވެރިވެވަޑައިގަތީ، އެ ޕާޓީގެ ޗެއާޕާސަން ހަސަން ލަތީފާއި އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރެވެ.
އަބުރު ރައްކާތެރިކުރުމާއި ހިޔާލުު ފާޅުކުރުމުގެ މިނިވަންކަމުގެ ގާނޫނުގެ ދަށުން، ރާއްޖެ ޓީވީގެ މައްސަލަ މިހާރު ވަނީ ބްރޯޑްކާސްޓިން ކޮމިޝަން (ބްރޯޑްކޮމް) އަށް ހުށަހަޅައިފަ އެވެ. މީގެ ކުރިން ވެސް ރައީސް ޔާމީންގެ އަބުރަށް އަރައިގެން ކަމަށް ބުނެ ރާއްޖެ ޓީވީ ވަނީ ބޮޑެތި އަދަދުތަކުން ޖޫރިމަނާކޮށްފަ އެވެ.
އެންމެ ފަހުން ކުރި ދެ މިލިއަން ރުފިޔާގެ ޖޫރިމަނާ ފައިސާ އިއްޔެ ވަނީ ދައްކައިފަ އެވެ.
އެމްޑީޕީއާ ދެކޮޅަށް ދައުވާ ކުރައްވަން ރައީސް ޔާމީން ނިންމެވީ، ރާއްޖޭން ބޭރުގައި ގަވައިދާ ހިލާފަށް ތެލުގެ ވިޔަފާރި ކުރަމުންދާ ކަމަށް ބުނާ ދިވެހި ކުންފުންޏަކާ، އެމަނިކުފާނާ ގުޅުން އޮންނަ ކަމަށް ތުހުމަތުކޮށް އެމްޑީޕީގެ އިސް ބައެއް ބޭފުޅުން ބޭއްވި ޕްރެސް ކޮންފަރެންސްގައި ވާހަކަ ދެއްކެވުމުންނެވެ. ރާއްޖެ ޓީވީއާ ދެކޮޅަށް ފިޔަވަޅު އަޅަނީ އެ ޕްރެސް ކޮންފަރެންސް ދެއްކުމާ ގުޅިގެންނެވެ.
އެ މައްސަލައިގައި ޖިނާއީ ތަހުގީގެއް ހިންގަންޖެހޭ ކަމަށް ރައީސް ޔާމީން ގަބޫލުފުޅުކުރައްވާ ކަމަށާއި އެހެންވެ އެކަން ފުލުހުންނަށް ހުށަހަޅާފައިވާނެ ކަމަށް، ހައިކޯޓުގެ ކުރީގެ ފަނޑިޔާރުކަން ކުރެއްވި އައްބާސް މިއަދު ވިދާޅުވި އެވެ. އޭގެ އިތުރުން އެމަނިކުފާނުގެ އިންތިޚާބީ ހައްގަށް އަރައިގެންފައިވާތީ، އެ މައްސަލަ ތަހުގީގުކޮށް ފިޔަވަޅު އަޅަން އިލެކްޝަންސް ކޮމިޝަން (އީސީ) އަށް މިރޭ ހުށަހަޅުއްވާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ްއަޙުމަދު
20 September 2018
އެހެން މީހުންގެވެސް އަބުރު އޮވެއެވެ. ހަމަ އެކަނި އަބުރު އޮންނަނީ މަނިކުފާނުގެ އެކަންޏެއް ނޫނެވެ.
ސުލްޠާން
11 September 2018
ބިރު ދައްކައިގެން ކަންކަން ކުރަން އުޅުމަކީ އިންސާނީ ތަބީއަތު ގަބޫލުކުރާ ކަމެއްނޫން. ރައްޔިތުންގެ ލޯބި ހޯދޭނީ ހިތްތިރި މަޑުމައިތިރި މިޒާޖުގެ މީހުނަށް. އެއުޅޭ ގަދަބަސްބުނާ އަދުރޭ އާއި ނިހާން ދެކެ މައަންނަނީ ހާދަ ރުޅިއެކޭ.
އަހުމަދުބޭ
11 September 2018
ހެޔޮނަސޭހަތެއް، އިއްޒަތްތެރި ރައީސުލްޖުމްހޫރިއްޔާ ޔާމީން އަބްދުލް ގައްޔޫމް އެވެ، މިވަގުތަކީ ތިމާގެ ބާރުހުރިކަން ދައްކަންވީ ވަގުތެއްނޫނެވެ، މަނިކުފާންގެ ބާރުވެރިކަމުގެ ދަށުން މިލިއަނުން ޖޫރިމަނާކުރުމުން މިނާޒުކުވަގުތުގައިވެސް ގެއްލޭނީ އިތުރުވޯޓެވެ، މިއީ ގަދަބާރުވެރިކަން އިސްކުރުންދޫކޮއް ރައްޔިތުންގެ ލޯބިހޯދަންވީ ވަގުތެވެ، ރާއްޖޭ ޓީވީ އަނެއްކާވެސް ޖޫރިމަނާކުރެވިދާނެއެވެ، ނޫނީ ލައިސަންސް ހިފެހެއްޓިދާނެއެވެ، އެކަމަކު ލިބޭނެ އިތުރު މޮޅެއްނެތެވެ، އެމް ޑީ ޕީ ޖޫރިމަނާ ކުރެވިދާނެއެވެ، ހޯދޭނެ އިތުރުވޯޓެއް ނޯންނާނެއެވެ، މިފަދަ ނާޒުކު ދަޑިވަޅެއްގައިވެސް ތިފެށީ ތިމާގެ ބާރުވެރިކަން ދައްކާށެވެ، އަވަހަށް ތިފަދަ ކަންކަން ހުއްޓައިލައި ޕޯޑިއަމްގައި މިހާރުތިޔަދޭ ސްޕީޗް ތަށްވެސް ހުއްޓައިލައި މަޑުމައިތިރިކަން އިސްކުރާށޭވެ. މިއީ ހެޔޮނަސޭހަތެކެވެ.
އަހުމަދުބެއަށް.
11 September 2018
އަހުމަދުބެ ހާދަ މޮޅުވާހަކަ ދައްކާމީހެއް. އަހުމަދުބެޔައް ހީވަނީ ވެރިކަމާއި ބާރަކީ ރައްޔަތުނަގެ 'ރުހުމުން' ހޯދާ އެއްޗެކޭ. ނޫން. ނޫން.ނޫން. ނޫން.ނޫން. ނޫން. ނޫން. ނޫން. ނޫން. ނޫން.ނޫން. ނޫން. އަހުމަދުބޭ އެވެ. ގަދަބާރުން ވެސް ވެރިކަން ހޯދަންވީއެވެ. ޢޭރުން ހުދު އަހުމަދުބެވެސް ބުނާނީ ހާދަ މޯލޭ' ކެރެޔޭ' އޯގާތެރިޔޭ..
ޒިންދަގީ
11 September 2018
އަބަދުވެސް އަބުރާބެހިގެނޯ!!! އެމީހުން އެކިއާ އެއްވެއްވެސް ތަހުގީގު ކޮށްލަބަލަ.. ކެރޭނެ؟؟؟
ހަމް
11 September 2018
މިހާރުމާ ލަސްވެސް ވެއްޖެ.......
ސޭކުސްތާނު
11 September 2018
މިތާގަ ވާއެއްޗަކީ އަދި ނުވާއެއްޗަކީ ކޮބާ؟ ޖަވާބު: މިބޭފުޅާގެ އަބުރު
ްއަފްރާދު
11 September 2018
އަސްތަޣްފިރުﷲ ! ދުނިޔޭގެ ހުރިހާ ޤައުމުތަކެއްގެ ޤާނޫނާ އެމް ޑީ ޕީން ތިޔަ ޚިލާފުވެ އަދި މިހާތަނަށް ދުނިޔޭގައި ބަޔަކު ކުރި އެންމެ ބޮޑު ހަރާމް ކުށް ތިޔަކުރީ ތިޔަ ކަމުގެ އަދަބަކަށް ހުރިހާ ޤައުމެއްގެ ޤާނޫނުތަކުގެ ދަށުން އިބޫގެ ކެންޑިޑެންސީ ބާޠިލްކޮށް އެމް ޑީ ޕީގެ ހުރިހާ ސަޕޯޓަރުން މުޅި އުމުރަށް ޖަލަށް ލާންޖެހޭނެ
ކޭބީ
11 September 2018
ރާއްޖޭގެ ރައީސުލްޖުމްހޫރިއްޔާގެ އަބުރަށް ޔާބެ ބެހި އަރާއިގެންފއިވާތީ ޔާބެ އާއިދިކޮޅަށް މައްސަލަ ހުށަހަޅަންވީ ނޫންތޯ
އަބްދުއްالله
11 September 2018
ރަގަޅު
ވެދުން
11 September 2018
އެކަނިވެ، ބަލިކަށިވީއެވެ. މެޗު ކުޅެން ފެށުމުގެ ކުރިން މެޗުން ބަލިވާ މަންޒަރު އެހެން މީހުނަށް އެބަފެނެއެވެ. ކަން މިގޮތަށް ވާން ފެށީމާ ދެން ފެންނާނީ މާޔޫސް ވުމާއި ގޮތް ހުސްވެގެން އުޅޭ މަންޒަރެވެ. ގައިވެސް ކަހާނެއެވެ. ބޮލުގަ އަތްވެސް އަޅާނެއެވެ. ދަތްވެސް ބޯނެއެވެ. ގޮތްގޮތަށް ތުންވެސް އަނބުރާނެއެވެ. ކަންފަތް ކޮއްޓާނެއެވެ. އަތްފައި ފިނިވެ، ހަދާނެގޮތް ހުސްވެ، ރަކިވެސް ކޮއްޓާނެއެވެ. ކިޔޭނުކިޔޭ އެއްޗެއް ނޭގޭ ހިސާބަށް ދާނެއެވެ. ރާއްޖޭގެ ރިއާސީ އިންތިޚާބު މިހާ ކައިރިވެފައި ވަނިކޮށް އަހަރެމެންނަށް ފެންނަމުން މިދަނީ އެ މަންޒަރިތަކެވެ. ހަމަ އެންމެ ޖުމްލައަކުން ބުނެލަމެވެ. "ފުދިއްޖެ"އެވެ.