ސިއްރު ފެންފުށީގައި ބެހެއްޓި ބުދުތައް ފުލުހުން ލައްވާ ނަގަނީ

ސިއްރު ފެންފުށީގައި ހުޅުވި ދުނިޔޭގެ ފުރަތަމަ ސްކަލްޕްޗާ މޫދު އާޓް ގެލަރީ މަތިން ފެންނަ ގޮތް -- ފޮޓޯ: ކެޓް ވިންޓަން

އާމިނަތު ޝިފްލީން، މިހާރު

11 ސެޕްޓެމްބަރ 2018 - 12:54

ސިއްރު ފެންފުށި ރިސޯޓުގެ ފަޅުތެރޭގައި ހެދި ގެލެރީގައި ބެހެއްޓި ބުދުތައް ނެގުމުގެ މަސައްކަތް ފުލުހުން ކުރަމުން އަންނަ ކަމަށް އެތަނުން މިއަދު ބުނެފި އެވެ.

ފުލުސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ސުޕްރިންޓެންޑެންޓް އޮފް ޕޮލިސް އަހުމަދު ޝިފާން ވިދާޅުވީ އިންސާނުންނާއި ކަނޑުގެ ދިރުން ދައްކުވައިދިނުމަށް ސިއްރު ފެންފުށީގައި ގެލެރީ ހެދީ، އިސްލާމްދީންގެ އަސާސަކަށް ބުރޫނާރާ ގޮތަކަށް އެކަން ކުރުމަށް ޓޫރިޒަމް މިނިސްޓްރީގެ ހުއްދަ ލިބިގެން ކަމަށެވެ.

ޝިފާން މިއަދު ނޫސްވެރިންނާ ވާހަކަ ދައްކަވަނީ. -- މިހާރު ފޮޓޯ: ނިޝާން އަލީ

އެކަމަކު، އެގޮތާ ހިލާފުވެ، އިންސާނުން ސިފަވާ ގޮތަށް ރިސޯޓުން ބުދުތަކެއް ހަދާފައިވާތީ އެކަން ހައްލުކުރުމަށް މިނިސްޓްރީ އާއި ރިސޯޓާ ދެއްކި ވާހަކަތަކުން ހައްލެއް ނުލިބުނު ކަމަށާއި އެހެންވެ، ބުދުތައް ނެގުމުގެ މަސައްކަތް ފުލުހުން ކުރަމުން އަންނަ ކަމަށް އޭނާ ވިދާޅުވި އެވެ.

އެ ބުދުތައް ނަގައި، މިނިސްޓްރީ އާއި ރިސޯޓާ ދެމެދު ވެފައިވާ އެއްބަސްވުމާ އެއްގޮތަށް ކަންކަން ގެނައުމަށް މަސައްކަތް ކުރަމުން އަންނަ ކަމަށް ޝިފާން ވިދާޅުވި އެވެ.

ށ. އަތޮޅުގައި ހިންގާ އެ ރިސޯޓުގައި ބުދުތައް ބެހެއްޓި މައްސަލަ ހޫނުވުމާއެކު، ރިސޯޓުގެ މެނޭޖްމެންޓާ ވާހަކަ ދައްކައިގެން އެތަކެތި ނަގާނެ ކަމަށް ޓޫރިޒަމް މިނިސްޓްރީން މިދިޔަ ޖުލައި މަހު ވަނީ ބުނެފަ އެވެ.

"ކަނޑު އަޑީގެ މިއުޒިއަމް" ގައި، އަޅުކަން ކުރާ ޒާތުގެ ބުދު ބަހައްޓަން ހުއްދަ ނުދޭ ކަމަށާއި އިސްލާމް ދީނުގެ އަސްލަކާއި އަދި ރާއްޖޭގެ ގާނޫނާ ޚިލާފު ކަމެއް ނުކުރާނެ ކަމުގެ ޔަގީންކަން ރިސޯޓުން ދީފައިވާ ކަމަށް އެ މިނިސްޓްރީން ވަނީ ބުނެފަ އެވެ.

Sirru fenfushi ge "Gallery" gai behetti budhuthah nagan sarukaarun angaifi

The most trusted news source in the Maldives

Mihaaru

އިނގިރޭސި ވިލާތުގެ އާޓިސްޓެއް ކަމަށްވާ ޖޭސަން ޑިކެއާސްގެ ޚިޔާލާ އެއްގޮތަށް އުފެއްދި މި ގެލަރީ ނުވަތަ އެގްޒިބިޝަން ގާއިމް ކޮށްފައި ވަނީ ސިއްރު ފެންފުށީގެ ފަޅުތެރޭގަ އެވެ. މޫދުގެ ދިރުންތަކާއި އިންސާނުންނާ އޮތް ގުޅުން މިތަނުގައި ދައްކުވައިދީފައި ވަނީ އިންސާނުންނާ ވައްތަރު ގޮތަށް ހަދާފައި ހުރި ބުދުތަކާއި އޭގައި ހަރުކޮށްފައިވާ މުރަކަތަކުންނެވެ. އެ ބުދުތައް ނެގުމަށް ސަރުކާރުން އެންގިއިރު، އެ ތަކެތި ބެހެއްޓި މައްސަލާގައި ދީނީ އިލްމުވެރިންނާއި ބައެއް ސިޔާސީ މީހުންގެ ފާޑުކިޔުން ސަރުކާރަށް ވަނީ ވަރަށް ބޮޑަށް އަމާޒުވެފަ އެވެ. އެގޮތުން، އެއީ ރައީސް އަބްދުﷲ ޔާމީންގެ ސަރުކާރުން ހުއްދަ ދީގެން ގަސްދުގައި ކޮށްފައިވާ ކަމެއް ބުނެ ވެސް ބައެއް މީހުން ފާޑުކިޔާފައި ވެ އެވެ.

ފުލުހުން ޓޫރިޒަމް ޓޫރިޒަމް މިނިސްޓްރީ ރިސޯޓްތައް ސިއްރު ފެންފުށި

41 ކޮމެންޓް, 146 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙ×ގގގ

12 September 2018

ހައްތަހާވެސް ސުރުހީއަޅަނީ. ނަގާކަށްނޫޅެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިކަން ވާނޭބާ

12 September 2018

ތަޔަކަމަށް އެހާ ގިނަދުވަސް ވާނީ ނަމަ މާނަޔަކީ އެ އެއްޗެތި އެތަނުން ނުނެގޭނޭ ކަމެވެ. ދެން އަޅެފަހެ ކޯޓް އަމުރު ދުވަހުން ދުވަހަށް ލިބޭއިރު މިކަމަށް 3 މަސް ނުވަތަ 4 މަސް ވާންޖެހޭތަ؟ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމަހުގެ ބަނޑު

12 September 2018

އަހަރެންދެކޭ ގޮތުގައި ތިޔައީ ބުދުފައްޅިއެއްނޫން. ތިޔައީ ބުދުފައްޅިއަކަށް ވާނަމަ ފިހާރަތަކުގައި ބަހައްޓާފައި ހެދުން އަޅުވާފައި ހުރި މެނަކުއިންސް ތަށް ވެސް ނަދަން އެބަޖެހޭ. އެކަމަކު ސާކު ސަމިޓް އާގުޅިގެން ބެހެއްޓީ ހަމަ އަސްލު ބަޔަކު އަޅުކަންކުރުމަށް ބޭނުންކުރާ ބުދު. އެވެސް ދިވެހިރާއްޖޭގެ ރައްޔިތުން ދިރިއުޅޭމުންދާ ރަށެއްގައި. ސިއްރު ފެންފުށީގެ ވެރިން އެއީ މޑޕ އާގުޅުންހުރި ބޭފުޅުން. އެބޭފުޅުން މި ސަރުކާރުގެ އަގު ވެއްޓުމަށް އެއްޗެއް ކިޔުމަށް ތިތަން ތިބެހެއްޓީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ 77777777

12 September 2018

ތިޔަކަމެއް ނުކުރާނެ. ޢިލެކްޝަނަށް ޖަހާ މަޅިއެއްތީ. ސަރުކާރުން ތިޔަ ބުދުތައް ނަގަންބޭނުންނަމަ މިހާރު ނަގައިފ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތާ

12 September 2018

ސިފައިންނާއި ފުލުހުން ލައްވައި ނަގުވާގަށް ނުޖެހޭ. އެކަންކުރި ބަޔަކު ލައްވައި ނަގުވަންވާނީ. ސަރުކާރުން އަންގައިގެން އަމަލު ނުކޮށްފިނަމަ ހުއްދަތައް ބާތިލްކޮށްބަ ނުވަތަ ފިޔަވަޅު އަޅާބަ. ސިފައިންނާއި ފުލުން ލައްވައި ކުރުވައިފިނަމަ އެމަސައްކަތުގެ އަގު ރިސޯޓުގެ ފަރާތުން ދޭންޖެހޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

12 September 2018

މިކަމާއި ގުޅިގެން އެމް ޑީ ޕީ ގެ އިންޓަރނޭޝަނަލް ސްޕޯރކްސް ޕާރސަން ހާމިދު ކޮށްފައިވާ ޓްވީޓް ބައްލަވާފައިތޯ ތި ކޮމެންޓް ކުރައްވަނީ. އެ އޮތީ އެ ނެގުން ހުއްޓުވުމަށްއެދި ސަރުކާރަށް ގޮވާލައިފަ