ހުޅުލޭގެ އާ ރަންވޭއަށް ޖެއްސި އެއާ އިންޑިއާގެ ބޯޓު ފުރުމުގެ ހުއްދަ އަދިވެސް ނުދޭ

ވެލާނާ އިންޓަނޭޝަނަލް އެއާޕޯޓުގެ އާ ރަންވޭއަށް ޖެއްސި އެއާ އިންޑިއާގެ މަތިންދާބޯޓު ރަންވޭ މަތީގައި. އެ ބޯޓަށް އަދިވެސް ފުރުމުގެ ހުއްދައެއް ސިވިލްއޭވިއޭޝަނުން ނުދޭ.

އަބްދުﷲ ޖަމީލު، މިހާރު

11 ސެޕްޓެމްބަރ 2018 - 16:15

16 comments

ހުޅުލޭގެ އާ ރަންވޭ އަށް މިދިޔަ ހުކުރު ދުވަހު އޮޅިގެން ޖެއްސި ކަމަށް ބުނާ އެއާ އިންޑިއާގެ މަތިންދާބޯޓަށް އަދިވެސް ފުރުމުގެ ހުއްދަ ރާއްޖޭގެ ސިވިލް އޭވިއޭޝަން އޮތޯރިޓީން ނުދޭކަން އެނގިއްޖެ އެވެ.

އިންޑިއާގެ ޓްރިވެންޑްރަމުން 136 ފަސިންޖަރުންނާ އެކު ރާއްޖެ އައި އެއާ އިންޑިއާގެ އެއާބަސް އޭ 320 ނިއޯ މަރުކާގެ މަތިންދާބޯޓު ވެލާނާ އިންޓަނޭޝަނަލް އެއާޕޯޓުގެ އާ ރަންވޭ އަށް ޖެއްސީ އޮޅިގެން ކަމަށް ބުނެފައިވެ އެވެ. އަދި ބޭނުން ކުރަން ނުފަށައި އޮތް އާ ރަންވޭ އަށް އެ މަތިންދާބޯޓު ޖެއްސި އެ މައްސަލައިގައި ބޯޓު ދުއްވި ޕައިލެޓުން ސަސްޕެންޑްކޮށްފައިވާ ކަމަށް އިންޑިއާގެ ނޫސްތަކުގައި ރިޕޯޓް ކޮށްފައިވެ އެވެ.

އެ މައްސަލައާ ގުޅިގެން ރާއްޖޭގެ ސިވިއޭވިއޭޝަން އޮތޯރިޓީގެ ބަހެއް މިއަދު ލިބޭ ގޮތެއް ނުވި އެވެ.

"މިހާރު" އަށް އެނގިފައިވާ ގޮތުގައި އެ މައްސަލައާ ގުޅިގެން، މަތިންދާބޯޓު ދުއްވަން ތިބި ޕައިލެޓުން ރާއްޖޭގެ ސިވިލްއޭވިއޭޝަން އޮތޯރިޓީއަށް ހާޒިރުކޮށް ބަޔާން ނަގާފައިވެ އެވެ. އަދި އެއާ އިންޑިއާ އިން ވަނީ އެ ބޯޓުގައި އެ ވަގުތު ތިބި ދެ ޕައިލެޓުން ސަސްޕެންޑްކޮށް، ފްލައިން ޑިއުޓީސްތަކުން ވަނީ އުނިކޮށްފަ އެވެ.

ރާއްޖޭގެ ސިވިލްއޭވިއޭޝަން އޮތޯރިޓީން ނެރުނު ބަޔާނެއްގައި ބުނެފައި ވަނީ އެ މައްސަލައާ ގުޅިގެން އިންޓަނޭޝަނަލް ސިވިލް އޭވިއޭޝަން އޮގަނައިޒޭޝަން (އައިކާއޯ)ގެ ހަމަތަކުގެ މަތިން އަޅަން ޖެހޭ ފިޔަވަޅު އަޅާނެ ކަމަށެވެ. އަދި، އެ ތަހުގީގަށް ފަހު ދައުވާކުރަން ޖެހޭ ބަޔަކު ވާ ނަމަ އެކަމާ ގުޅޭ މުއައްސަސާއަކަށް ހުށަހަޅައިގެން، އަޅަން ޖެހޭ ފިޔަވަޅު އަޅާނެ ކަމަށް ވެސް އެ އޮތޯރިޓީން ބުނެފައިވެ އެވެ.

އާ ރަންވޭގައި ޖެއްސުމުން އެ ބޯޓުގެ ދެ ފުރޮޅު ފެޅި، ބޯޓުގެ ދުވެލި ހުއްޓުވާ ނިޒާމަށް ގެއްލުންތަކެއް ލިބިފައިވާ ކަމަށް އިންޑިއާގެ ނޫސްތަކުން ބުނެފައިވެ އެވެ. އެހެންވެ އާ ރަންވޭ އިން އެ ބޯޓު އޭޕްރަންއަށް ގެންދިޔައީ ޓޯ ކޮށްގެން ކަމަށް ވެސް އިންޑިއާގެ މީޑިއާތަކުން ބުނެފައިވެ އެވެ.

އެއާ އިންޑިއާގެ ބޯޓުގެ މައި ދެ ފުރޮޅު ފެޅި ބްރޭކް ސިސްޓަމަށް ގެއްލުންވީ، ބޯޓު ޖެއްސީ ނުބައި ރަންވޭއަކަށް ކަމަށް ޓަވަރުން އެންގުމާ އެކު، ކުއްލިއަކަށް މަޑުކުރަން ހަދައިގެން ކަމަށްވެ އެވެ.

އެއާ އިންޑިއާގެ އެ ބޯޓު އާ ރަންވޭއަށް ޖެއްސި މައްސަލަ ތަހުގީގު ކުރަމުން އަންނަ ނަމަވެސް، އެ އެއާލައިންގެ ދަތުރުތައް އަދިވެސް ރާއްޖެއަށް ކުރަމުން ގެންދެ އެވެ.

އެމްއޭސީއެލް އެއާ އިންޑިއާ ސިވިލް އޭވިއޭޝަން ވީއައިއޭގެ އާ ރަންވޭގެ މަޝްރޫއު ވެލާނާ އިންޓަނޭޝަނަލް އެއާޕޯޓް ވައިގެ ދަތުރުފަތުރު އިންޑިއާ ރާއްޖެ-އިންޑިއާ

16 ކޮމެންޓް, 91 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިނީ

12 September 2018

ނާހަަމަ... ހިތުއެދޭ ކަންކަމަށް އިންޓަނޭޝަނަލް ފަރާތްތަށް ވަރިހަމަ. އެހެންނޫނީ މުޅިންވެސް ލާދީނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީ ދިއްލޭ

12 September 2018

އާރަންވޭގަ ބޯޓް ޖެއްސި މައްސަލައިގަ ކުއްވެރި ވަނީ ވެލާނާ އެއާޕޯރޓް / އެމްއޭސީއެލް. ސަބަބަކީ އާރަންވޭގަ ބައިނަލްއަޤްވާމީ މިންގަނޑު ތަކާއި އެއްގޮތަށް އާރަންވޭއެއްކަން އަންގައިދޭ ގޮތަށް ކުރަންޖެހޭ ކަންކަން ނުކޮށް ހުރުމުގެ ސަބަބުން ޕައިލެޓަށް އޮޅުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ މިއު މަ

12 September 2018

ކުޅި ދައްކާލާތި މިފަހަރު. މިއީ މޯލްޑިވިއަން އިން އިންޑިއާގަ ވީކަމެއް ނަމަ މިހާރު އެމީހުން ހޭނުކެނޑިގެން އުޅޭނެ. އެންމެ ދުލެއްވެސް ނުދޭތި އަދަބު ފިޔަވަޅު އެޅުމުގަ. ހަމަ އެންމެ ހަރުކާށި އުސޫލުން ކަންކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިއްޕެ

12 September 2018

ތިކަން ވެސް ރަނގަޅަށް ގެންގޮއްސިއްޔާ ރަނގަޅު. އިންޑިއާއަށް ހީވަނީ ރާއްޖެ ކުޑަވީމަ ބޭނުން ގޮތެއް ހެދޭނެއޭ. އެފުރުސަތު ދީފިއްޔާވެދާނެ. މިކަހަލަ ކަންކަމުގަ އޮންނަ އުސޫލާ އެއްގޮތައް ގެންދިޔައިމަ ރަނގަޅުވާނެ. ކޮންމެހެން އިންޑިޔާ ވީމަ ބިރު ގަންނާކަށް ނުޖެހޭނެ. ސިޔާސީ ނުކުޅެދުންތެރިކަން ހުންނާތީ ބައެއް މީހުން ބެނުންވާކަން ނުވީމަ އެހެން ޤައުމުތަކުގެ އެހީއަށް އެދި ހޭރިގަންނަނީ... އަމިއްލަ ޤައުމުގެ ކަންކަން ނިންމާނީ ގައުމުގެ ރައްޔިތުން އެދޭގޮތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަޖީބް

12 September 2018

ބޯޓްތަ ކުއްވެރިއަކީ ކޮބާ މީހުންކޮޅު ..؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރިއާ

11 September 2018

އިދިކޮޅު އިއްތިހާދުގެ ކެންޑިޑޭޓަށް ވެރިކަން ލިބިއްޖެނަމަ އެއަރ އިންޑިއާގެ ބޯޓު ދޫކޮށްލާނެ ކަމަށް ބުނެ ބަޔާނެއް ނެރޭކަށް ނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީކޭކޭ

11 September 2018

ހީވަނީ އެއުޅެނީ އެބޯޓު ކާލަންހެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ބަރާބަރު އ އަޒީޒް

11 September 2018

‫މީގެ އަހަރުތަކެއްކުރިން އެއްވެސް އަސްލެއްނެތް ތުހުމަތުތަކެއްގައި ދިވެހި 2 އަންހެނަކު އިންޑިއާގައި ހައްޔަރުކޮށް އެތައް އަހަރެއް ވަންދެން ތެޅުވިހެން ތަޅުވާލަން ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައިލެޓް ބޯކޭ

11 September 2018

ފުރޮޅު ފަޅައިގެން ދިޔައީ ހަމައެކަނި ބްރެކިޖައްސައިގެނެއްނޫން. ރަންވޭ މަތީ ރަންވޭ ބޭނުން ނުކުރާކަން އަންގަދޭން ރަސްގެ ފާހަގަ ޖަހަން އަޅާފައި އޮތް 200 ފޫޓެއްހާ ފޮތިގަނޑު ލޭންޑިން ވީލްގައި އޮޅި ތާށި ވެގެން. އެ ރަސްގެ އަކީ 1800 ފޫޓައްވުރެ މަތިން ސާފްކޮށް ފެންނަން އޮންނާނެ ރަސްގެއެއް. މި ވަރުން ތުހުމަތު ކުރެވެނީ ޕައިލެޓުން ގަސްތުގައި ކުރިކަމެކޭ، ހުރިހާގެއްލުމެއް އެއަރ އިންޑިޔާ އަށް. ރަންވޭ ހަލާކުވިނަމަ މިލިއަން ރުފިޔާގެ ގެއްލުން ދިވެހި ދައުލަތަށް ވިސް.