ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

ތިނަދޫން 150 ގޯތި އަންނަ ހަފުތާގައި ދޫކުރާނެ: މުއިއްޒު

ރައީސް ޔާމީން ތިނަދު އަށް ވަޑައިގެންނެވިއިރު މަރުހަބާ ކިޔަން ނުކުތް މީހުންނާ ސަލާމް ކުރައްވަނީ. --ފޮޓޯ/ރައީސް އޮފީސް

ފަޒީނާ އަހުމަދު، މިހާރު

11 ސެޕްޓެމްބަރ 2018 - 16:07

ގދ. ތިނަދޫގެ ބިން ބޮޑުކުރަން ރައީސް އަބްދުﷲ ޔާމީންގެ ސަރުކާރުން ހިއްކި ސަރަހައްދުން އަންނަ ހަފުތާގައި 150 ގޯތި ދޫކުރަން ނިންމަވާފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ތިނަދޫގައި މި ސަރުކާރުން ހިންގި ހަ މަޝްރޫއެއްގެ ނިމުން ފާހަގަކުރަން ރައީސް ޔާމީނާ އެކު، އެ ރަށަށް ވަޑައިގެން މުއިއްޒު ވިދާޅުވީ ތިނަދޫ ރައްޔިތުންގެ އެއް ކަންބޮޑުވުމަކީ ބިމުގެ ދަތިކަން ކަމަށެވެ. ރައީސް ޔާމީންގެ ފުރަތަމަ ދައުރުގައި އެކަމަށް އިސްކަމެއް ދެއްވައިގެން އެ ރަށުގައި 50 ހެކްޓަރުގެ ބިން ހިއްކާފައިވާ ކަމަށް ވިދާޅުވި އެވެ.

"ރައީސް ޔާމީން އަޅުގަނޑަށް ދެންނެވީ، އެ ބިމުގެ އެންމެ ބޮޑު ބޭނުމަކީ ގެދޮރު ބިނާކުރުމާއި ބޯހިޔާވަހިކަމަށް ފުރުސަތު ދިނުން ކަމަށް. އެެހެންވެ އެ ބިމުން، ކުރިއަށް އޮތް ދުވަސްތަކުގެ ތެރޭގައި 150 ގޯތި ދޫކުރަން އިއުލާން ކުރެއްވުމަށް،" ރައީސް ޔާމީން، ތިނަދޫގައި ބޭއްވެވި ޖަލްސާގައި މުއިއްޒު ވިދާޅުވި އެވެ.

މިނިސްޓަރު ވިދާޅުވި ގޮތުގައި ތިނަދޫން ގޯތި ދޫކުރުމަށް މި ހަފުތާތެރޭގައި ހައުސިން މިނިސްޓްރީގެ ޓީމެއް އެ ރަށަށް ގޮސް ފުރުސަތު ހުޅުވައިލާނެ އެވެ.

ރައީސް ޔާމީން ތިނަދޫގައި: އެ ރަށުން އަންނަ ހަފުތާގައި 150 ގޯތި ދޫކުރަން ވަނީ ނިންމާފައި. --ފޮޓޯ/ރައީސް އޮފީސް

މުއިއްޒު ވިދާޅުވީ ރައީސް ޔާމީންގެ ފުރަތަމަ ދައުރުގައި އެކަނި ވެސް ބިލިއަނެއްހާ ރުފިޔާގެ މަޝްރޫއު ތިނަދު އަށް ވަނީ ހިންގަވައި ދެއްވާފައި ކަމަށެވެ. އޭގެ ތެރޭގައި އެ ރަށުގެ އިސްލާމީ މަރުކަޒާއި ތީމް ޕާކާއި މަގު ހެދުމާއި ބިން ހިއްކުން ހިމެނޭ ކަން ފާހަގަކުރެއްވި އެވެ.

އެ މަޝްރޫއުތައް ހިންގަން އެމްޑީޕީ އަށް ވެސް ފުރުސަތު ލިބުނު ކަމަށާއި އެކަމަކު އެ ވެރިކަމުގައި ތިނަދު އަށް ލިބުނު މޮޅެއް ނެތް ކަމަށް ވިދާޅުވި އެވެ. އެއާޚިލާފަށް ރައީސް ޔާމީންގެ ޒައާމަތުގައި ތިނަދޫގެ ތަރައްގީއަށް ބަލާލާއިރު، އޮތީ ދިގު ލިސްޓެއް ކަމަށް ވިދާޅުވި އެވެ.

މި މަހުގެ 23 ގައި އޮންނަ ރިޔާސީ އިންތިޚާބުގައި ރައީސް ޔާމީން ދެ ވަނަ ދައުރަކަށް އިންތިޚާބު ވެވަޑައިގެންފި ނަމަ، ތިނަދު އަށް ކުރަން ހުރި ކަންކަން އަދި މާގިނަ ކަމަށް ވިދާޅުވި އެވެ. ތިނަދޫ ރައްޔިތުން ތިބީ ރައީސް ޔާމީނާ އެކު ކަމަށާއި ކުރިއަށް އޮތް ވޯޓުގައި އެ ރަށުގެ ބޮޑު އަޣުލަބިއްޔަތެއް އެމަނިކުފާނަށް ލިބޭނެ ކަމަށް ވެސް މުއިއްޒު ވިދާޅުވި އެވެ.

ގދ. ތިނަދޫ ތަރައްގީގެ މަޝްރޫއުތައް ދިވެހި ސަރުކާރު ޑރ. މުހައްމަދު މުއިއްޒު، މާލޭގެ މޭޔަރު ރައީސް އަބްދުﷲ ޔާމީން ހައުސިން މިނިސްޓްރީ ހައުސިން މިނިސްޓަރު

17 ކޮމެންޓް, 179 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑާބެ

12 September 2018

މީހަވަރު ތިނަދޫ. އަހަރެމެން ހައްދަން ނޫޅޭތި. ހަމަ އެއްލަކިން ހަވަރަށް..................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒީމް

12 September 2018

އެތަށް އަހަރެއް ވަންދެން ބިންދޫނުކޮށް ރައްޔިތުންނަށް ޖެއްސުންކޮށް ނިކަމެތި ދަތިހާލުގަ ޖައްސާފަ، މައިން ބަފައިން އެތައް ގުރުބާނީތަކެއް ވެގެން ބޮޑުކުރި ދަރިން ކޮޅުގެ އެހީ އެމީހުން ނަށް ބޭނުން ޖެހޭ ދުވަސްވަރަށް އެޅުމުން އެ މުސްކުޅި މައިން ބަފައިން ދޫކޮށް މާލެއައުމަށް މަޖޫބޫރުކުވުމަށް ބިންދޫނުކޮށް ހިފަހަށްޓާފަ، ތީމާމެންގެ ވެރިކަން ވޯޓުން ނޮހޮވި ވެއްޓިދާނެ ކަން ޔަގީން ވާން ފެށީމާ، ވޯޓުހޯދަން ރިޝް ވަތު ތިދެނީ...ބިން ދިނަސް ވޯޓެއް ނުލިބޭނެ، ސބަބަކީ އެއީ ކަލޭގެ މުދަލެއް ނޫން ކަލޭބަހަނީ ހިތަށް އެރިމީހަކަށް ހިތަށް އެރިވަގުތަކު... އަހަރެމެން ވޯޓުން ކަލޭ ހޮވައިފިއްޔާ ކަލޭދޫކުރުމަށް ހުއްދަދިން ބިން ކަލޭ ނަގާނެކަމާއި ކަލޭ އަހަރެމެން ފެލާލާނެ ކަން ޔަގީން... މިދަރުގަވެސް މިހަމަސް ފިޔަވައި ދެން ފާއިތުވިތާގަ ކަލޭ އަހަރެމެން ފެލީ ކަރަންޓާއި ކާބޯތަކެތި ފަދަ އަސާސީ ތަކެތީގެ އަގުބޮޑުކޮށްގެން މާލޭ އުސް އިމާރާތްތައް އެޅުމަށް ފައިސާ ހޯދަން،،،،،،، ކަލޭ ދައްކަމުން އައީ ޖައްބާރު ކަމާއި ނުލަފާކަން......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލު

12 September 2018

އާބާދީ ބޮޑުރަށްތަކުގެ ތެރެެއިން މިފަހަރު މުއިއްޒު އަށް އެންމެ މަދުން ވޯޓް ލިބޭނެ ރަށަކަށް ތިނަދޫ ވާނެކަމުގެ ގެރެންޓީ މިދެނީ. ހަތެއް ސުމެއް ދޮންކަލޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބު

12 September 2018

"މި މަހުގެ 23 ގައި އޮންނަ ރިޔާސީ އިންތިޚާބުގައި ރައީސް ޔާމީން ދެ ވަނަ ދައުރަކަށް އިންތިޚާބު ވެވަޑައިގެންފި ނަމަ، ތިނަދު އަށް ކުރަން ހުރި ކަންކަން އަދި މާގިނަ ކަމަށް ވިދާޅުވި އެވެ." ވާއު. ތިނަދުއަށް އިތުރަށް އަންނަ ތަރައްޤީ ބަލަން ކެތް މަދުވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެފަށްރޯނު

12 September 2018

ތިޔައީ އިދިކޮޅުންގެ މަސައްކަތުން ދޫކުރާގޯތި އމޞާލލިހް ގޯތިދޫކުރާ ވާހަކަ ދެއްކީމަ ދެން ތި ތެޅިގަތީ ކާޑު އަގުބޮޑުކުރީމަ އެކަމާ ދެކޮޅަށް ގާސިމް އިބްރާހީމް ވާހަކަދެއްކީމަ ތެޅިގަތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަޖީބް

12 September 2018

ކިހާދެރަ ކަމެއް މީތަ ގޯތި ދޫކުރަން ހަމަ އެކަނި އޮތް ވަގުތަކީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

11 September 2018

ރަށު ރައްޔިތުންނަށް ރަށުން ގެވަޅު ދިނެއްކަމަކު ރ ޔާމީނަށް ވޯޓު ދޭކަށް ނުޖެހޭނެ، ނުވެސް ދޭނަން، ވަރަށް ސަލާމް. އެހެނެއް ނޫން ރ ޔާމީނުގެ ގެއިން އެޕާޓްމެންޓެއް ދޭނަމަ ދެން ތިކަމާ ވިސްނާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަވީދު

11 September 2018

ތިނަދޫ ގެ ގޯތި ދޫކުރުމަށް މާލޭގަ ހުއްނަ މިނިސްޓަރަކުގެ ހުއްދަ ހޯދަން ޖެހުމަކީ އަޅުވެތި ކަންނޫން ދެންކޮން ކަމެއްތޯ. ރާއްޖެތެރޭ މީހުން މިގޮތަށް މާލެ އަށް އަޅުވެތި ވެގެން ތިބޭނީ ކިހާދުވަހަކުބާ!