މި މަހުގެ އަށް ވަނަ ދުވަހުގެ ރޭ އިދިކޮޅު ފަރާތްތަކުން ކާނިވާ ސަރަހައްދުގައި ބޭއްވި ބޮޑު ޖަލްސާ.---ފޮޓޯ: ނިޝާން އަލީ/މިހާރު
13 ސެޕްޓެމްބަރ 2018 - 16:56
10 comments
ރިޔާސީ އިންތިޚާބުގެ ކެމްޕެއިން ހަރަކާތްތައް ހިންގުމަށް ހަ ދުވަހުގެ މުއްދަތަށް އާޓިފިޝަލް ބީޗް ސަރަހައްދު ހޯދުމަށް އެމްޑީޕީން އެދިފައިވީ ނަމަވެސް އޭގެ ބަދަލުގައި އަންނަ ހޮނިހިރު ދުވަހަށް ކާނިވާ ސަރަހައްދު އެ ޕާޓީ އަށް ދޫކުރަން ހައުސިން މިނިސްޓްރީން މިއަދު ނިންމައިފި އެވެ.
އެ މިނިސްޓްރީގެ މީޑިއާ ކޮންސަލްޓަންޓް އަހުމަދު ފަޒާލް ވިދާޅުވީ، ހޮނިހިރު ދުވަހުގެ ހަވީރު 4 އިން އެ ރޭގެ ދަންވަރު 12 ޖަހަންދެން ކާނިވާ ސަރަހައްދު އެމްޑީޕީއަށް ދޫކުރަން ނިންމައި އެކަން އެ ޕާޓީއަށް އަންގާފައިވާ ކަމަށެވެ.
ފަޒާލް ވިދާޅުވި ގޮތުގައި، ހެންވޭރު އާޓިފިޝަލް ބީޗް ސަރަހައްދު އަލުން ތަރައްގީ ކުރުމުގެ މަސައްކަތް އެމްޓީސީސީއާ ހަވާލުކޮށްފައިވާތީ، އެ ތަން އެއްވެސް ހަރަކާތަކަށް ދޫނުކުރަން ވަނީ ހަމަޖައްސައިފަ އެވެ.
"އެހެންވެ އެމްޑީޕީއަށް ވެސް އާޓިފިޝަލް ބީޗް ސަރަހައްދު ދޫކުރެވެން ނެތީ،" ފަޒާލް ވިދާޅުވި އެވެ.
މި މަހުގެ 23 ގައި ބާއްވާ ރިޔާސީ އިންތިޚާބުގެ ކެމްޕެއިންގެ ބޮޑު ޖަލްސާއެއް އިދިކޮޅު އިއްތިހާދުން ވަނީ ކާނިވާ ސަރަހައްދުގައި މިދިޔަ ހޮނިހިރު ދުވަހުގެ ރޭ ބާއްވައިފަ އެވެ.
އެމްޑީޕީގެ އިތުރުން، ވެރިކަން ކުރާ ޕާޓީ ޕީޕީއެމުން ވެސް އަންނަނީ މާލޭގައި ބޮޑު ޖަލްސާއެއް ބޭއްވުމަށް ތައްޔާރުވަމުންނެވެ. އެގޮތުން އެ ޕާޓީގެ ބޮޑު ޖަލްސާއެއް އަންނަ ހޯމަ ދުވަހުގެ ރޭ ބާއްވާނެ ކަމަށް ވަނީ އިއުލާން ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޅި
15 September 2018
އާދީއްތަދުވަހު ވޯޓުލުން އޮންނާނެތީ، ހޮނިހިރު ދުވަހުގެ ހަވީރު ހައެއްގެފަހުން ކެމްޕޭނުގެ އެއްވެސް ހަރަކާތެއް ހިންގުމަކީ މަނާކަމެއް. ދެން ކީއްކުރަން ދަންވަރު ބާރަޖަހަންދެން ލާރިދީފަ ހިފަންވީ.
ހުއްޓޭބެ
14 September 2018
އޭރުންތާ މީހުން ގިނަވެ އޮބިނޯވެގެން އެ ހިސާބުން ބޭރަށް ދާއިރަށް އެއްވުން ރޫޅާލެވޭނީ. ނޫނީ ކުރީރޭ ފެނުނު މަންޒަރު ބޮޑުމީހާއަށް ދެއްކުމަށް ހުރަސްއެޅޭނީ. މިވަރުންވެސް އެބަބުނޭ ރަސްމީ ސައިޒާ އަސްލު ސައިޒާ ދައްކާވާހަކަ މިކަންކަމުންވެސް ވިސްނާމީހަކަށް އެނގޭ ހަގީގީ ސައިޒަކީ ކޮބައިކަން.
falaku ain
13 September 2018
ކީއްވެ އާޓިފިޝަލް ބީޗް ދޫނުކުރެވުނީ. ކުރީރޭވެސް މީހުންނަށް ޖެހުނީ މަގުމަތިވެސް ބޭނުންކުރަން. ބްރިޖް ހޯދަން އަލުން އެދެން ފެންނަނީ.
ހިންދުކޮޅު
15 September 2018
ބުރިޖުމަތީބޭއްވިދާނެ
ހަވާ
13 September 2018
ޕީއެމްއަށް ލިބޭ ހެދުނުން ފެށިގެން
އިންދުމާ
13 September 2018
ތިއީ ފެެންބޯން ބޭނުންވެފައި ހުރި މީހަކަށް ހުސްތަށި ދިނުންކަހަލަ ކަމެއް ފެންބޯށޭކިޔާފަ!
މެސީ
13 September 2018
މިފަހަރު މާބޮޑުކޮށް މާގަދަކޮށް
މޮޑަރިޗް
13 September 2018
މެސީ ކަލޭ މިފހަރުވެސް ލަނޑެވެސް ޖެހީކީނޫން ދެން ކޮންގަދައެ ކުރެވޭނީ އަނގަދަ ކުރެވޭނީ. މިފަހަރަކީ ތަރައްގީގެ ފަހަރެ މިފަހަރު ތިހެން ސަމާސާކުރަން ދޫނުކުރެވޭނެ. މިއީ އައްޑޫގެ ފަހަރެ. މިފަހަރުމީ އައްޑޫގެ އުއްމީދު ފުރިހަމަކުރަން ލިބޭފުރުސަތެ. އެހެންވީމަ ވަރުގަދަ ފޯވަޑަކަށް ނޫނީ އާއެކޭ ނުބުނެވޭނެ. މެސީމެންނަކީ އަބަދުވެސް ބޯޅައެއް މީހަކު މަސައްކަތުން ފައިދަށަށް ލާދިނީމަ ގޯލުޖަހާމީހުން މިހާރު ތިގޮތްކަމަކުނުދޭ އަމިއްލަ މަސައްކަތުން ބޯޅަހޯދާއިގެން ގޯލުޖެހ
ޠަޔާޠީޞް
13 September 2018
މޮޑްރިޗް ބުނި އެއްޗަކާ މަވެސް އެއްބަސް. މިފަހަރު ސަމާސާކުރާކަށް ޖާގައެއް ނުދެވޭނެ، ރައްޔިތުންދަރުވާ ގައުމުގެ ޚަޒާނާ ދޮވެލާކްށް ފުރުޞަތެއް ނުދެވޭނެ. ދިރިއުޅުމުގެ އަގު އިންތިހާއަށް ބޮޑުކޮށް ލިބޭ މުސާރައިން ދެކޮޅޮ ނުޖެހޭ ވަރަށް އިންފުލޭޝަން މައްޗަށްޖެހުމަށް ގައުމުގެ އިޤްތިޞާދު ދީލާލި ވެރިޔަކަށް ރައްޔިތުން ނުކުމެ ބޮޑުތަނުން ނޫނެކޭ ބުނާނެ.
ނެސްކެފޭ ބޯޅަ
14 September 2018
ބޯޅަ ޖަހާ ކަމައް ނަން ވާނީ ލަންކާ އޮރިން....