ޕީޕީއެމުން ސައިޒް ދައްކައިލަން މާލޭގައި ބާއްވާ ޖަލްސާ އަށް އައްޑޫންދާ ބައެއް މީހުން ފްލައިޓްގައި. ފޮޓޯ/ ޕީޕީއެމްގެ ސަޕޯޓަރެއް
17 ސެޕްޓެމްބަރ 2018 - 13:56
54 comments
ޕީޕީއެމްގެ ރަސްމީ 'ސައިޒް' ދައްކައިލުމަށް މާދަމާ ރޭ މާލޭގައި ބާއްވާ ބިޔަ ޖަލްސާ އަށް އެ ޕާޓީގެ އައްޑޫ ސަޕޯޓަރުން ގެނައުމަށް ޓަކައި މޯލްޑިވިއަންގެ އެންމެ ބޮޑު މަތިންދާބޯޓު ޗާޓަރުކޮށްފި އެވެ.
މޯލްޑިވިއަންގެ އޭ320 ގެ މަތިންދާބޯޓުން އައްޑޫ ސަަޕޯޓަރުންނާ އެކު ދެ ދަތުރު ބާއްވާއިރު، ފުރަތަމަ ދަތުރު މިއަދު ހެނދުނު ވަނީ ބާއްވައިފަ އެވެ. ޕީޕީއެމްގެ ސަޕޯޓަރުން ގޮވައިގެން ދެވަނަ މަތިންދާބޯޓު މާލެ ދާނީ މިއަދުގެ މެންދުރު ފަހެވެ.
ހެނދުނު މާލެއަށް ދިޔަ މަތިންދާބޯޓުގައި ދަތުރުކުރި މީހުންގެ ތެރޭގައި، އައްޑޫގައި މަސައްކަތް ކުރާ ޕީޕީއެމްގެ ބައެއް އެކްޓިވިސްޓުންނާއި ކެމްޕޭނުގައި އިސްކޮށް ހަރަކާތްތެރިވާ ބައެއް މީހުންނާއި ސަރުކާރުގެ ބައެއް ކުންފުނިތަކުގެ މަތީފަންތީގެ ބައެއް މުވައްޒަފުން ހިމެނެ އެވެ.
މީގެ ކުރިން ވެސް، ޕީޕީއެމުން މާލޭގައި ބޭއްވި ޖަލްސާއަކަށް މަތިންދާބޯޓު ޗާޓަރުކޮށްގެން އައްޑޫން މީހުން މާލެ ގެންގޮސްފައި ވެ އެވެ.
ޕީޕީއެމްގެ ބޮޑު ޖަލްސާ ކުރިން ބާއްވަން ހަމަޖައްސާފައި އޮތީ މިރެ އެވެ. އެކަމަކު، ރަށްރަށުން ގިނަ އަދަދެއްގެ ބަޔަކު އެ ޖަލްސާ އަށް އަންނަން ބޭނުންވާއިރު ދަތުރުފަތުރުގެ ކަންކަން ހަމަޖެއްސުމަށް ދަތިތަކެއް ކުރިމަތިވުމުން މާދަމާ ރެ އަށް ފަސްކުރީ ކަމަށް އެ ޕާޓީން އިއްޔެ ވަނީ ބުނެފަ އެވެ.
"ލިބެން ހުރި ހުރިހާ އުޅަނދެއް ހޯދައިގެން ވެސް މި އުޅެނީ އަތޮޅުތަކުން އަންނަން ތިބި ބޭފުޅުންގެ ޓްރާންސްޕޯޓް ހަަމަނުޖެއްސިގެން މާދަމާ އަށް،" ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ އިއްޔެ ވިދާޅުވެފައިވެ އވެ.
ބޮޑު ޖަލްސާއެއް ޕީޕީއެމުން މާލޭގައި ބާއްވަން ނިންމާފައި ވަނީ ދާދިފަހުން އިދިކޮޅު އިއްތިހާދުން މާލޭގައި ބޮޑު ޖަލްސާއެއް ބާއްވާފައި ވަނިކޮށެވެ. އެ ޖަލްސާގައި ގިނަ އަދަދެއްގެ މީހުން ބައިވެރިވެފައިވާތީ، ޕީޕީއެމުން ވަނީ އެ ޕާޓީގެ އަސްލު ސައިޒު ދައްކައިލާނެ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަޒީރާ ޢެވިއޭޝަން
18 September 2018
އިންތިޚާބަށް އައިލޭންޑް އޭވިއޭޝަނުން ޕޕމ އަސް ދޫކުރާ ކްރެދިޓްގެ ސަބަބުން އެކުންފުނި ބަނގުރޫޓް ވެދާނެކަމުގެ ބިރު އެބަ އޮތެވެ.
މައިމޫނު
18 September 2018
މި ޖަލްސާގައި އިތުރު ބޭޒާރެއް ވާނެ ، އެއީ މުޅި ރާއްޖެއިން ޕީޕީއެމަށް ވޯޓް ލިބޭނެ ބަރާބަރު ޢަދަދު އެނގިގެން ދާނެ . މިތަނުން ނުފެންނަ އެކެއްގެ ވޯޓް ވެސް ނުލިބޭނެ، އަދި މިތަނުން ފެންނާނީ ހުސް ވޯޓް ދޭނެ މީހުނެއްވެސް ނޫން . މިކަހަލަ ކޮސް ކަންތައް މިހާ އިރި ތިރި ވެފާ ހުއްޓާ ކުރުމަކީ ވަރަށް މޮޔަ ކަމެއްނު . ލާރި ދެކެ އެހާ ލޯބިވާ ބަޔަކު އަތުގައި އޮތް ލާރި ކޮޅު ތިޔަހެން ބޭކާރު ކޮށްލުމަކީ ހަމަ ހިތާމަ ހުރި ކަމެއް .
ހެވޭ
17 September 2018
ތިޔަށްވުރެ ރަގަޅުކަމަކަށް ތިފައިސާ ޚަރަދުނުވާނެބާ. ކޮރަޕްޝަނާއި ކަންދެއްކުމުން ހައްދުފަހަނަޅާފައިވާ މީހުން އެމީހުންގެ ޖީބުން އެންމެ ފައިސާފޮއްޗެއްވެސް ހޭދަނުކުރާނެ. ކޮންމެވެސް ސިފަޔެއްގައި ނަހަމަގޮތުގައި ލިބޭލާރިން މިކަހަލަ ޚަރަދުކުރަން ފަހެއް ނުޖެހޭނެ. މިފަދަ އިސްރާފުނުކޮށް ރައްޔިތުންނަށް ފައިދާ ކަންކަމަށް ފައިސާޚަރަދު ކުރަން އެނގޭ ބަޔަކު ވެރިކަމަށް ގެނެވޭތޯ ހެޔޮވިސްނޭ މީހުން މަސައްކަތްކުރަންވީ.
ލިވާ
17 September 2018
ސާބަހޭ ރައީސް ޔާމިން އިރާދަ ކުރެވިއްޔާ ހޮވޭނެ މިފަހަރު
އަޑު
18 September 2018
ހަމަ ރަނގަޅަށްތަ ހަހަހަހަ
ސާބަސް!
17 September 2018
ތިޔަ ޖަލްސާއަށް ހިލޭ ދެވޭއިރު ޓޮޕްޓެން ޖަލްސާއަށް ދާން ޖެހެނީ އަމިއްލަ ހަރަދުގައި އެކި ކުދިން އެކި ފްލޭޓްތަަކުން އެކުދިން ރިސީވް ކުރާ ކުދިން އަވީގައި އެތައް އިރަކު ތިބެން ޖެހުނު...
ކަބުލޮ ރ އަތޮޅު
17 September 2018
ސާބަހޭ ސާބަހޭ ރައީސްޔާމީން
ޢިފަ
17 September 2018
ޢެމްޑީޕީން ބޮޑު ޖަލްސާ ބޭއްވީ އެކަނި މާލެ އަތޮޅުންއެކަނި ލަދެއް ނުގަންނަ ޕީޕީ
ކާކުގެ ލާރީގަ
17 September 2018
ކާކުގެ ލާރީގަ
ހޮނުގުގުރި
17 September 2018
އާ ރައްޔިތުންގެ ބައިތުލުމާލު އެބައޮތްވީޔަ ހިތުހުރިގޮތަކަށް ހަރަދުކުރަން ލިބިފަ މިކަންތައްތަ ބަލާނެ މުއަށްސަސާއެއް ނެތް ހުރިހާ މިނިވަން މުއަށްސަސާއެއް އޮތީ ނަގޫ ފިތިފަ
ހާސަރު
17 September 2018
ސަރުކާރު 100% ހިއްސާ އޮންނަ އައިލެންޑް އޭވިއޭޝަނުން މިދަތުރުތައް ދަރަންޏަށް ކޮށްދީފާވާނަމަ އެކަމަށް ހުއްދަ ދިންމީޙުންގެ އަތުން އެފައިސާ ޖެހޭނީ ހޯދަން ކުންފުނީގައި ކޮންމެ ބަޔަކަށްވެސް ދަރަނި ދެވޭނެ މިންވަރު އޮންނާނެ އެއަދަށްވުރެ ޔަގީނުންވެސް އިތުރުވެ މިލިއަން މިލިއަނުން މިހާރު ވާނީ އަރާފަ! ވެރިކަން ގެއްލުނީމަ މިފައިސާ ޕީޕީއެމަކުން ނުދައްކާނެ.