މައުމޫނާއި ކުރީގެ ދެ ފަނޑިޔާރުންނާ މެދު ގޮތެއް ނިންމުން ފަސްކޮށްފި

މައުމޫން ކޯޓަށް ހާޒިރުކުރަން މިރޭ މާލެއަށް ބާލަނީ: އެމަނިކުފާނުގެ ބަންދުގެ މައްސަލަ އެހެން ދުވަހަކަށް ވަނީ ފަސްކޮށްފައި -- ފޮޓޯ: މުންތަގިމް/މިހާރު އައިރިޕޯޓަ

މުއިއްޒު އިބްރާހިމް، މިހާރު

24 ސެޕްޓެމްބަރ 2018 - 23:50

14 comments

ކުރީގެ ރައީސް މައުމޫން އަބްދުލްގައްޔޫމާއި ކުރީގެ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ކުރީގެ ފަނޑިޔާރު އަލީ ހަމީދުގެ ބަންދު ރިވިއު ކުރަން ކްރިމިނަލް ކޯޓަށް މިރޭ ހާޒިރު ކުރުމަށް ފަހު، އެކަން އެހެން ދުވަހަކަށް ފަސްކޮށްފި އެވެ.

މިދިޔަ ފެބްރުއަރީ މަހު ސުޕްރީމް ކޯޓުން ނެރުނު އަމުރަށް ފަހު ހައްޔަރުކޮށް، ޓެރަރިޒަމްގެ ދައުވާ އުފުލާފައިވާ މައުމޫނާއި އަބްދުﷲ ސައީދާއި އަލީ ހަމީދުގެ އިތުރުން ރައްޔިތުންގެ މަޖިލީހުގައި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މިއަދު ކޯޓަށް ހާޒިރު ކުރީ އެ ބޭފުޅުން ޝަރީއަތް ނިމެންދެން ބަންދުގައި ބައިތިއްބަން ކުރިން ނެރެފައިވާ އަމުރު ރިވިއު ކުރަން އެ ބޭފުޅުންގެ ފަރާތުން ހުށަހެޅުމުންނެވެ. އެ ބޭފުޅުންގެ އިތުރުން ކުރީގެ ޖުޑިޝަލް އެޑްމިނިސްޓްރޭޓާ ހަސަން ސައީދު ވެސް މިއަދު ކޯޓަށް ހާޒިރުކުރި އެވެ.

އެ ބޭފުޅުންގެ ބަންދު ރިވިއު ކުރުން އެހެން ދުވަހަކަށް ފަސް ކުރުމަށް ފަހު، އެ ހަތަރު ބޭފުޅުންނަކީ ވެސް ކުށްތަކެއް ސާބިތުވެ ހުކުމެއް އައިސްފައިވާ ބޭފުޅުން ކަމަށް ވާތީ އެވެ.

އެހެން މައްސަލައެއްގައި އެ ބޭފުޅުންގެ މައްޗަށް އެކި މުއްދަތުގެ ޖަލު ހުކުމްތައް އައިސްފައި ވަނިކޮށް، އެ ބޭފުޅުން ޝަރީއަތް ނިމެންދެން ބަންދުގައި ބަހައްޓަން ކުރި އަމުރު ބާތިލް ކުރިޔަސް، އެ ބޭފުޅުން ބަންދުން މިނިވަން ނުވާނެތީ އެކަން އެހެން ދުވަހަކަށް ފަސްކުރީ ކަމަށް ކޯޓުން ބުންޏެވެ.

މައުމޫން މިހާރު ވެސް ގެންދަވަނީ އަދުލު އިންސާފު ގާއިމް ކުރަން ހުރަސް އެޅުމުގެ ދައުވާއެއް ސާބިތުވެ، އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް ތަންފީޒު ކުރައްވަމުންނެވެ. އަބްދުﷲ ސައީދާއި އަލީ ހަމީދަށް ވެސް ތަފާތު ދެ މައްސަލައެއްގައި ދެ އަހަރަށް ވުރެ ދިގު ޖަލު ހުކުމެއް އިއްވާފައިވާއިރު، ޝަހްސު އޮޅުވާލުމުގެ ދައުވާއެއް ސާބިތުވެ، ފާރިސް ގެންދަވަނީ ހަތަރު މަހާއި 24 ދުވަހުގެ ޖަލު ހުކުމެއް ތަންފީޒު ކުރަމުންނެވެ.

މީގެ އިތުރުން ހަސަން ސައީދުގެ މައްޗަށް ވެސް ވަނީ އެހެން މައްސަލައަކާ ގުޅިގެން ހަތަރު މަހާއި 24 ދުވަހުގެ ޖަލު ހުކުމެއް އައިސްފަ އެވެ.

މައުމޫނާއި ކުރީގެ ދެ ފަނޑިިޔާރުންނާއި ފާރިސް އާއި ހަސަންގެ މައްސަލާގައި މިރޭ ގޮތެއް ނުނިންމިޔަސް، ބަންދުގައި ތިބި އިދިކޮޅު ތިން މެމްބަރަކާއި ކުރީގެ ޕޮލިސް ކޮމިޝަނަރު އަރީފް ވަނީ ކޯޓުން މިރޭ މިނިވަންކޮށްފަ އެވެ.

ރައީސް މައުމޫން އަބްދުލްގައްޔޫމް ކުށްކުރުން ކްރިމިނަލް ކޯޓް ފާރިސް މައުމޫން ކުރީގެ ފަނޑިޔާރު އަލީ ހަމީދު ކުރީގެ އުއްތަމަ ފަނޑިޔާރު އަބްދުﷲ ސައީދު

14 ކޮމެންޓް, 66 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާލުސޮރު

25 September 2018

އިންސާނެއްގެ ގައިގަ ހިންޏެއް ދައިގަތަސް އޯގާވަންތަ ރަޙްމާން ވަންތަ ﷲ ގެ ޙަޞްރަތުން އެކަމަށްޓަކާ ހެޔޮ ދަރުމައެއް އެމީހަކަށް ލިބޭ. ދެން ވިސްނާ އިންސާނުންގެ ފުށުން ނަޙައްޤުން އަނިޔާލިބޭ އަނެއް އިންސާނާ އަށް ލިބޭނެ ހެޔޮދަރުމައިގެ ގިނަކަން. ކެތްކޮށްލައްވާ ﷲ ވޮޑިގެންވަނީ ކެތްތެރީންނާއެކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާމުހައްމަދު މޯޑު

25 September 2018

ޢިބޫގެ ސަރުކާރަށް އެއްމެބޮޑު ޗެލެންޖަކަށް ވާނީ، ޖުޑިޝަރީ ރިފޯރމުކޮށް ރައްޔިތުން އިތުބާރުކުރާ ފަދަ ތަންތަނަށް ކޯޓުތައް ހެދުން. މިކަންކުރުމަށް އެންމެ މުހިއްމު ރޯލެއް އަދާކުރެވޭނީ، މަޖުލީހާއި ސްޕްރީމްކޯޓަށް. އިދިކޮޅަށް އަންނަ ޕީޕީ އެމް، އަމިއްލަ އެދުން އެއްކިބާކޮށް، ކުރިން އެމްޑީޕީ ސަރުކާރު އޮތްއިރު ކުރިފަދަ ޖެއްސުން ނުކޮށް، ގައުމަަަައްޓަކައި، މިކަމުގައި ފުރިހަމަ އެއްބާރުލުން ދެއްވާ، މަސައްކަތްކޮށް ދެއްވުން އެދި ޕީޕީއެމްގެ ލީޑަރޝިޕަށް ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނުކުރާތި

25 September 2018

އިބޫ ކުރަންބުނި ފުރަތަމަ ކަމަކީ ޖަލުގަ ތިބި ސިޔާސީ މީހުން ދޫކޮއްލުން އެހެންވީމާ އިބޫ އައް އެކަން ފުރިހަމަ ކުރުމަށް ފުރުސަތު ދޭން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބީފާނު

25 September 2018

އާނ ރަނގަޅު ދޫނުކުރާތި. ރަނގަޅު ފިލާވަޅެއް ލިބެންދެން ބާއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމަންނަ

25 September 2018

ރާއްޖޭގައި މި އޮންނަނީ އަޅެފަހެ ކުޅޭ ކުޅޭ ސަރުކާރެއްތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންގަލް ޕީސް

25 September 2018

މައުމޫނު ވިޔަސް، ނަޝީދު ވިޔަސް، ޔާމީނު ވިޔަސް، ގާޒީއެއް ވިޔަސް އުސޫލުން ބޭރުން މިނިވަން ކުރެވޭނަމަ، ނުވަތަ ޖަލަށް ލެވޭނަމަ، ޖުޑީޝަރީ ތެރެއަށް އަތްބޭނެނީ. ޕާޓީ ތަކުގެ ބޮޑުންވީމަ އޮންނަ ޕްރޮސީޖާ ފޮލޯ ނުކޮށް އަޑިއަޑިން ކަންކަން ނިންމާނަމަ އިބޫގެ ސަރުކާރާ ޔާމީނުގެ ސަރުކާރާ ބޭއިންސާފުކަން އެއްވަރުވީ. އިންސާފުގެ ކުރިމަތީ އެންމެން ހަމަހަމަ ކުރުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމް

25 September 2018

ޝަރީއަތް ނިމެންދެން ބަންދުކުރުމަށް އަމުރެއް ނެރެ، އޭގެ ފަހުން އެމީހަކު ބަންދުގައި ބަހައްޓައި އެހެން ކަމަކާ ގުޅޭ ދައުވާއެއްގެ ޝަރީއަތް ނިންމާ (ޖަލަށްލުން، އަރުވާލުން، ބަންދުކުރުން، ނޫނީ ޖޫރިމަނާ ކުރުން ފަދަ) ހުކުމެއް ޝަރުއީ ކޯޓަކުން ކޮށްފި ނަމަ، އެހާ ހިސާބުން ޖެހޭނީ ކުރި ހުކުމް ތަންފީޒު ކުރުމަށް. އަދި އެއާއެކު ކުރިން ދެންނެވި "ޝަރީއަތް ނިމެންދެން ބަންދު ކުރުމަށް ކުރި އަމުރު" އެއީ އެެހެން ދައުވާއެއް ކަމުގައިވީ ނަމަވެސް ވަގުތުން ބާތިލު ވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެހެހެެ

25 September 2018

ވެރިކަންލިބޭތާ 24 ގަޑިއިރު ތެރޭ ނެރޭނަމޯ ކިޔައިގެން ފޮނި ކެނޑި ގައިމު ޕެހެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާޒު

25 September 2018

ކަލޯ އަދި ވެރިކަމެއް ނުލިބޭ. ބޮޑުމީހާ އެބުނީނު ނޮވެމްބަރ 17 އަންނަންދެން ގޮނޑީގަ އިންނާނީ ތިމަންނާއޭ. އޭގެ ފަހުންތާ އަހަރުމެންނާ ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮހޮހޯ

25 September 2018

މީހަކާ އިންނަން ރަން ކިޔާއިރަށް އަންބަކަށް ނުވާހެން ރިޔާސީ އިންތިޚާބް ކާމިޔާބުވާ ދުވަހު އަދި ވެރިކަމެއް ނުލިބޭނެ. ވެރިކަމާ ޙަވާލުވާނީ ހުވާކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރުކަލޯ

25 September 2018

މައުމޫނު ދޫކޮށްފިއްޔާ އިބޫއާ ނުތޮޅޭނެބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަބުރު

25 September 2018

ދޫކޮށްގެން ތޮޅުނަދޭންޖެހޭނީ. ކޯޓުން ހުކުމެއް ކުރިއަސް އެއީ ކުށެއްނެތް ބޭފުޅެއްކަން ރައްޔިތުން ނިންމައިފި. ހިއެއްނުވޭ އެބޭފުޅާ ކުށެއްކުރަން އުޅުނަސް ކުރެވޭނެހެންނެއްވެސް.