ޖޭޕީގެ ލީޑަރުގެ މަގާމަށް މިރޭ އިންތިޚާބު ވުމަށް ފަހު ގާސިމް ވާހަކަ ދައްކަވަނީ.---ފޮޓޯ: ޖޭޕީ
28 އޮކްޓޯބަރ 2018 - 23:19
46 comments
އަންނަ މަހު ވެރިކަމާ ހަވާލުވާ ކޯލިޝަން ރިޔާސީ ފަސް އަހަރު ނިމެންދެން ދަމަހައްޓަންޖެހޭ ކަމަށާއި އެ ކޯލިޝަން ހަލަބޮލިކުރަން އުޅޭ ބަޔަކަށް އަދި މީހަކަށް ޖާގައެއް ނެތް ކަމަށް ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް އިބްރާހިމް މިރޭ ވިދާޅުވެއްޖެ އެވެ.
ޖޭޕީގެ ކައުންސިލްގެ އިއްތިފާގުން އެ ޕާޓީގެ ލީޑަރުގެ މަގާމަށް އިންތިހާބުވެވަޑައިގަތުމަށްފަހު ކައުންސިލުގައި ވާހަކަ ދައްކަވަމުން ގާސިމް ވިދާޅުވީ ސަރުކާރެއް އުފައްދާފައި އެ ސަރުކާރާއެކީ ކުރިއަށް ދިއުމުގެ މުހިންމުކަން ވެއަތުވެދިޔަ ރިޔާސީ ދެ ދައުރުގައި ތަޖުރިބާ ކުރެވިއްޖެ ކަމަށެވެ.
"ސަރުކާރެއް އުފައްދާފައި އެ ސަރުކާރާއެކީ އަޅުގަނޑުމެން ކުރިއަށް ދިއުމުގެ މުހިންމުކަން މި ވެއަތުވެދިޔަ ދެ ފަހަރުގެ ތަޖުރިބާއިން އަޅުގަނޑުމެންނަށް ލިބިއްޖެ. އެހެންވީމަ އެ މިސްޓޭކް އަޅުގަނޑުމެން ހަދައިގެން ނުވާނެއޭ އަޅުގަނޑު ދަންނަވާނީ،" ގާސިމް ވިދާޅުވި އެވެ.
"އަޅުގަނޑުމެންގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހާއެކީ މި ސަރުކާރު ފަސް އަހަރަށް ސްމޫތު ކަމާއެކީ މި ކުރާ ފަހި ދަތުރަށް އަޅުގަނޑުމެން ވަރަށް ސާބިތުކަމާއެކީގައި ތިބެންޖެހޭނެ ކަމަށް އަޅުގަނޑު ދަންނަވާލަން."
ގާސިމް ވިދާޅުވީ ރިޔާސީ އިންތިހާބު ކާމިޔާބު ކުރެއްވި އިބްރާހިމް މުހައްމަދު ސޯލިހުގެ ފަސް އަހަރުގެ ދައުރުގައި ކޯލިޝަނަށް ހަލަބޮލިކަމެއް އަންނާނެ ފަދަ ކަމެއް ޖޭޕީން ކޮށްގެން ނުވާނެ ކަމަށެވެ. އަދި އެފަދަ ކަމެއް ކުރާ ބަޔަކަށް ރައްޔިތުން ޖާގަ ނުދޭނެ ކަމަށް ވެސް އޭނާ ވިދާޅުވި އެވެ.
"އެއްގޮތަކަށް ވެސް މި ދަތުރުގައި އަޅުގަނޑުމެންނަކީ އެއްވެސް ހަލަބޮލިކަމެއް ގެންނާނެ ބަޔަކަށް ޕާޓިއަކަށް ވެގެން ނުވާނެ އެއްވެސް ހާލެއްގައި. އިތުރު ހަލަބޮލިކަމެއް މި ކޯލިޝަނަށް ގެނައުމަށް މަސައްކަތް ކުރާ ބަޔަކަށް އަޅުގަނޑަށް ހީވާ ގޮތުން މާ ބޮޑު ޖާގައެއް ދިވެހި ރައްޔިތުންގެ ނެތް. އެއީ ކޮންމެ ބައެއް އަދި ކޮންމެ މީހަކަށްވި ނަމަވެސް،" ގާސިމް ވިދާޅުވި އެވެ.
އޭގެ އިތުރުން ގާސިމް ވިދާޅުވީ ދިވެހިން ބޭނުންވަނީ ކުރިއަށް އޮތް ފަސް އަހަރު އަމާންކަމާއި އޮމާންކަމާއެކު ނިންމުން ކަމަށެވެ. އެހެންކަމުން ގުޅިފައިވާ ޕާޓީތަކުން އެ ޖާގަ ދޭންޖެހޭ ކަމަށް އޭނާ ވިދާޅުވި އެވެ.
"ދިވެހި ރައްޔިތުން ބޭނުން ވަނީ އޮނަރަބަލް އިބްރާހިމް މުހައްމަދު ސޯލިހާއި ފައިސަލް ނަސީމްގެ މާލިމީ ކަމުގެ ދަށުގައި މި ފަށާ ފަސް އަހަރުގެ ދަތުރު ވަރަށް ބާއްޖަވެރި، އަމާން، އޮމާން ދަތުރެއްގެ ގޮތުގައި ނިންމުން،" ގާސިމް ވިދާޅުވި އެވެ.
ޖޭޕީގެ ލީޑަރަކު ހޮވާފައި މި ވަނީ ކުރިން ވެސް މަގާމު ފުރުއްވި ގާސިމަށް ސާބިތުވެފައި އޮތް ރިޝްވަތު ދިނުމުގެ ކުށް ހައި ކޯޓުން ބާތިލް ކުރުމުންނެވެ. މި ދުވަސްތަކުގައި ޕާޓީ ހިންގާފައި ވަނީ އެކްޓިން ލީޑަރު ޑރ. ހުސެއިން ރަޝީދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ..ކޮބާ
29 October 2018
ގާސިމަކީ، އަމިއްލަ އެދުމަށް ބަޣާވާތް ކުރުން ނޫން ކަމެއް ދަންނަ މީހެއް ނޫން..މަޖިލީހުގެ ރައީސް ކަމަށް ފެން ބޮވައިގަނެގެން އެ އުޅެނީ އެންމެ ބޭނުމެއްގަ.. ޖުޑިޝަލް ސަރވިސް ކޮމިޝަނަށް ވަދެ އިނދެގެން ޖުޑިޝަރީ އަށް އަތްބޭނުން..
އަމީލް
29 October 2018
ހެ ހެ ހެ. ތިޔަހެން އުޅެނިކޮށް ކަށިދާނީ.
އަޙުމަދު
29 October 2018
މިހާރު ޣަސިމް ތިހެން ބުނިނަމަވެސް މާދަން 3 ފަޅުރަށާ 2 ފަޅާ ނުދީގެން މަަގުމައްޗަށް ނުކުންނާނެ، މިއަދު ޤާސިމް ތިހެން ބުނިނަމަވެސް ޤަބޫލެއް ނުކުރަން، ޤައުމުގަ ޤާސިމަށް އޮތް މަގާމަކީ ވެރިކަން ވެއްޓުމާ ވެރިކަން އުފެއްދުން. ޤާސިމް ގައިގަ ނެތީ ކެތްތެރިކާ އިޙުލާށް ތެރިކަން، އޮތްހާވެސް ކަމަކީ އަމިއްލަ އެދުން. ހަތްހުތު ކައްކާފަ ރާހުތަށް ލިއަސް ގާސިމް ވާނީ ހަމަ ޤާސިމްށް، އަމިއްލަ އެދުން އެއްފަރާތް ކުރާނެމީހެއްނޫން ތިޔައީ
އައްޑޫ ބެއްޔާ
29 October 2018
މާ ގިނަ ވާހަކައެއް ދައްކާކަށް ނެތީން. ބަލަން ތިބޭތި އިބްރާހިމް މުޙައްމަދު ސޯލިޙްގެ ވެރިކަމަށް ކޮންމެ ބަޔަކު ކޮންމެ ދުއްޕާނެއްކުރިޔަސް އަހާލާތީ އެއީ ކާކުކުރި ކަމެއްތޯ، ޖަވާބަކަށް ތިޔަ ޤާސިމް ނޫން ނަމެއް އިވޭތޯ. ޤާސިމް ދިވެހި ޕޮލިޓިކްސް އިން ބޭރުކުރުން ވަރަށް މުހިއްމު. ކޯޓު ކުޅިގަނޑު މިއަށް ވެއްދީ ކާކުކަން ދިވެހިން ދަނޭ!
ސަމޭދާން
29 October 2018
ތިކަން ކުރަން ހުރީވެސް ތިކަން ނުކުރަން ހުރީވެސް ހަމަ ގާސިމު
ލިން
29 October 2018
އަހަރެމެން ވެސް އެދެނީ ތިގޮތް.ސޭޓު ބުރޯ ކިހާދުވަހަކު ތިޔަހެން ހުރެވޭނެތަ؟؟ ދުޢާ ކުރަން 5 އަހަރު ނިމެންދެންވެސް ސޭޓަށް ތިޔަ ގޮތުގަ ހުރުމުގެ ތަޢުފީޤު ދެއްވުމަށް.. ސޭޓު ވެސް އަސްލު ވަރަށް މުހިންމު.. މިހާތަނަށް ސޭޓު އެރި ފަޅިއަކަށް ކުޅިފަސް ލިބެނީ އާޚިރުގަ.. ސޭޓުގެ ފަރާތުން އަނބިގޮތްޔެ ކުރި މަސައްކަތުގެ އަގު ވަޒަންކުރަން ހެޔޮހިތުން..
ބޮސް
29 October 2018
ކޯލިޝަން ހަލަބޮލި ނުކޮށް ސޭޓަށް ކެއްވާނެބާ!
ބަކުރުބޭ
29 October 2018
އޭނާ! އެހެން އޭނާއަށް 1 އަހަރު ކެތްތެރިވެއްޖެ ނަމަ އެމެރިކާގެ ދެން ރައީސްކަން ކުރާނީ ކިނބިގަސްދޮށުގޭ މައުމޫނު އަބްދުލް ޤައްޔޫމުގެ ޔާމީން!
ނުރަބޯ
29 October 2018
ގާސިމް ތިހެން ބުންޔަސް ކަލޭ ދައުލަތަށް ދަރާފައިވާ ލާރިތައް ދައްކަންޖެހޭ ހިސާބަށް ދިޔައީމަ ތިކަން އިނގޭނީ. މީގެ ކުރިން 2 ފަހަރުވެސް ކަންވެގެން ދިޔައީ އެހެން.
އިސްތަފާ
29 October 2018
ޤާސިމް އިބްރާހީމް ބައިވެރި ނުވާ ބޮޑުއެއްވެސް ކަމެއް މިޤައުމަކު ނުހިނގައެވެ. އެއީ ސަރުކާރެއް ގެނައުން ނުވަތަ ވައްޓާލުން ނުވަތަ ކަޓުވާލުން ކަމުގައި ވީހެވެ.
މުހުންމަދު
29 October 2018
މަނިކުފާނު ހާދައިންސާފުވެރިވެއްޖެޔޭ!! މަނިކުފާނުގެ ހުކުމްތިއިއްވީ އަމިއްލައަށް. އަނެއްކާވެސްމަނިކުފާނުތިޔަކުރެއްވި ވަޢުދުމަތީމަނިކުފާނަށް ކެއްކުރެވޭނީ ކިހާ ދުވަހަކުތޯ އަޅުގަނޑުމެން މިތިބީ ބަަަލަން. އަދި އެކުށާޢި ޚިލާފުވެއްޖެއްޔާ އެއަށް އިންސާފުލިބޭތޯ!! މަނިކުފާނު ނިކަންހަނދާންހުންނަހަދީސްފުޅަކީ ހަމަ ސައްހަ ހަދީސްފުޅެކެވެ."މުސްލިމެއްގެ ގަޔަށް އެއްހަރަކުންދެފަހަރަކު ކަށްޓެއްނުޖެހޭނެއެވެ" މަނިކުފާނަށް ވަރަށް ސަލާމް.