މާލީ ބަޔާން ހުށަހަޅާ މުއްދަތަށް ބަދަލު ގެންނަން ފުރުސަތެއް ނުދެން: އޮޑިޓް އޮފީސް

އެކައުންޓެންޓް ފޯރަމް ފެށުމުގެ ރަސްމިއްޔާތުގައި އޮޑިޓާ ޖެނަރަލް ޒިޔަތު ވާހަކަ ދައްކަވަނީ.-- ފޮޓޯ: ހުސައިން ވަހީދު/މިހާރު

މުހައްމަދު ޔާމީން، މިހާރު

31 އޮކްޓޯބަރ 2018 - 22:29

16 comments

މާލީ ބަޔާން ހުށަހެޅުމަށް އޮންނަ މުއްދަތަށް ބަދަލެއް ގެނައުމަށް އެއްވެސް ބޭފުޅަކަށް އޮޑިޓަ ޖެނެރަލް ހަސަން ޒިޔަތު ފުރުސަތު ދެއްވާފައި ނުވާ ކަމަށް އެ އޮފީހުން މިއަދު ބުނެފި އެވެ.

އޮޑިޓަ ޖެނެރަލް އޮފީހުން މިގޮތަށް ބުނީ، ރައީސް އަބްދުﷲ ޔާމީންގެ ވެރިކަމުގެ ދައުރު ނިމުމުގެ ކުރިން އެމަނިކުފާނުގެ މާލީ ބަޔާންތައް ހުށަހަޅަން އޮޑިޓާ ޖެނެރަލް ދާދި ފަހުން ފުރުސަތު ދެއްވާފައިވާ ކަމަށް ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ (މުއާ) ވިދާޅުވެފައިވަނިކޮށެވެ.

Dhauru nimumuge kurin Maalee bayaan husha halhan Audit in othee furusathu dheefai: Raees office

The most trusted news source in the Maldives

Mihaaru

އޮޑިޓަ ޖެނެރަލް އޮފީހުން ނެރުނު ބަޔާނެއްގައި ބުނީ މާލީ ބަޔާން އޮޑިޓަ ޖެނެރަލަށް ހުށަހެޅުމަށް ގާނޫނުއަސާސީގައި ނުވަތަ ގާނޫގައި ކަނޑައަޅާފައި އޮންނަ ވަގުތު ނުވަތަ މުއްދަތަށް ބަދަލު ގެނެސް، އެ މުއްދަތު ކުރުކޮށް، ނުވަތަ ދިގު ކޮށްދިނުމަކީ އޮޑިޓަ ޖެނެރަލް ގާނޫނުން ލިބޭ ބާރެއް ނޫން ކަމަށެވެ.

މީގެއިތުރުން، އޮޑިަރ ޖެނެރަލް މާލީ ބަޔާން ހުށަހަޅުއްވަން ޖެހޭ ބޭފުޅުންނާ މުއާމަލާތް ކުރަމުން ދަނީ އެބޭފުޅު ނިސްބަތްވާ އިދާރާގެ މުވައްޒަފުން މެދުވެރިކޮށް ނޫން ކަމަށް އެ ބަޔާނުގައިވެ އެވެ. އަދި އެ މުއާމަލާތްތައް ހިންގަވަނީ ސީދާ އެ މާލީ ބަޔާން ހުށަހަޅުއްވާ ބޭފުޅަކާ އެކުގައި ކަމަށް ވެސް ބަޔާނުގައިވެ އެވެ.

"އޮޑިޓަ ޖެނެރަލަށް މާލީ ބަޔާން ހުށަހަޅަމުންދާ ގޮތާ ބެހޭ ގޮތުން ގާނޫނީ ބާރު ލިބިގެންވާ ތަހުގީގީ އިދާރާއެއް ފިޔަވައި އެހެން އެއްވެސް މީހަކާއެކު އޮޑިޓަ ޖެނެރަލްގެ އޮފީހުން މައުލޫމާތުތައް ހިއްސާކޮށްފައި ނުވާނެ،" އޮޑިޓަ ޖެނެރަލްގެ އޮފީހުން ނެރުނު ބަޔާނުގައި ބުނެފައިވެ އެވެ.

ދައުލަތުގެ މަގާމުތަކުގައި ތިއްބަވާ ބޭފުޅުން ގާނޫނުއަސާސީގައި އާއި ގާނުނުގައި ކަނޑައަޅާފައިވާ ގޮތަށް އެބޭފުޅެއްގެ މިލްކިއްޔާތުގެ މުދަލާއި ފައިސާގެ ހިސާބުތަކާއި ވިޔަފާރީގެ މަސްލަހަތުތަކާއި އަރަންޏާއި ދަރަނި ހާމަކޮށް، ތައްޔާރުކުރާ މާލީ ބަޔާނެއް ކޮންމެ އަހަރަކު އޮޑިޓަ ޖެނެރަލަށް ހުށަހަޅަން ޖެހެ އެވެ.

އޮޑިޓަ ޖެނެރަލްގެ އޮފީހުން ބުނި ގޮތުގައި، މާލީ ބަޔާންތައް ހުށަހަޅުއްވަން ޖެހޭ ބޭފުޅުން ހޯދުމަށް އެ އޮފީހުން ކެނޑިނޭޅި ދަނީ މަސައްކަތް ކުރަމުންނެވެ.

ރައީސް ޔާމީންގެ މާލީ ބަޔާން ހުށަނާޅުއްވާ ކަމަށް ބުނެ އިދިކޮޅު ފަރާތްތަކުން ފާޑު ކިޔަން ފެށުމުން ރައީސް އޮފީހުން ކުރިން ބުނެފައިވަނީ އެމަނިކުފާނު މަގާމާ ހަވާލުވެ ވަޑައިގަތުމަށް ފަހު މާލީ ބަޔާން ހުށަހެޅުއްވި ކަމަށެވެ. އެކަމަކު މާލީ ބަޔާނުގެ އާ ފޯމެޓެއް އޮޑިޓް އޮފީހުން ނެރެފައިވާތީ އެ ފޯމެޓާ އެއްގޮތަށް އެމަނިކުފާނުގެ މާލީ ބަޔާން ހުށަހަޅުއްވާނެ ކަމަށް ރައީސް އޮފީހުން ކުރިން ބުނެފައިވެ އެވެ.

އޮޑިޓާ ޖެނެރަލް ހަސަން ޒިޔަތު ސޮއި ކުރައްވައި، އެންޓި ކޮރަޕްޝަން ކޮމިޝަން (އޭސީސީ) އިން މިމަހު ފޮނުއްވި ސިޓީއެއްގައި ވަނީ ރައީސްގެ މާލީ ބަޔާން 2013 ގެ ފަހުން ލިބިފައިނުވާ ކަމަށް ބުނެފަ އެވެ.

ރައީސް އޮފީސް އޮޑިޓާ ޖެނެރަލް އޮފީސް މާލީ ބަޔާން އޮޑިޓާ ޖެނެރަލް ރައީސް އަބްދުﷲ ޔާމީން އިބްރާހިމް މުއާޒް އަލީ (މުއާ)

16 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކައުންޓަރު

01 November 2018

އެކަމަކު ރައީސް އޮފީހުގެ ތަރުޖަމާނު ބުނަނީ ފުރުސަތު ވަނީ ދެވިފައޭ! މި ވެރިން އެކަކު އަނެކަކު ބޮލަށް ކަނޑާލުން ދޯ މިހާރު މި އޮންނަނީ! ނިމޭއިރު ތިޔަ ބަޔާނެއްވެސް ހިއެއްނުވޭ ހުށަހެޅޭނެ ހެންނެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރެހެންދި

01 November 2018

ކުޑަ ކުދިން ދައްކާ ކަހަލަ ވާހަކަ. ފޯމެޓު ބަދަލުވީޔޯ؟ ދެން ހުރި މީހާ މި ބުނަނީ 5 އަހަރު ވެއޖެޔޯ ޔާމީނު ހޯދާތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެލާ

01 November 2018

ވަރުގަދަ ފޯމެޓެއްތާ! ހުރިހާ އެންމެންވެސް ވަޒީފާގަނޑަކާހެދި އެތައް ރައްޔިތުންގެ ހައްގުތަކަށް ފައިން އަރަން ޖެހިލުން ނުވާތީ ވަރަށް ދެރަވޭ. އަދި ހަމަ ހައިރާންވޭ! އިގޭބާ މިކުރެވެނީ ކިހާ ވަރެއްގެ ކަމެއްކަން؟ ފަޚުރުވެރިކަމާއެކު ނިކުމެ އަމިއްލަ ވިޔަފާރިއެއް ކުރެވޭތޯ އުޅުނަސް މާ ރަގަޅެއްނު؟ އިޚްލާސްތެރި ކަމާއެކީ މަސައްކަތް ކުރެވޭނެކަމުގެ ޔަގީންކަމެއް ނެތިއްޔާ ރަގަޅުވާނީ ވަޒީފާއަށް ނުނިކުތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

01 November 2018

ޤާނޫނުއަސާސީގެ 120 ވަނަ މާއްދާ އާއި ޚިލާފުވުމުން އެކަމަށް ޒިންމާދާރު ކުރެވެންޖެހޭނެ. އެއީ ދެން އަންނަ ވެރިޔަކަށް ވެސް ދެވޭ މެސެޖެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުލޮގު

01 November 2018

އެއޮށް އޮޅުކޮށްގެން ގެންގުޅުނު ޒިޔަތުވެސް ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Dhaadhey

01 November 2018

"އޮޑިޓަ ޖެނެރަލްގެ އޮފީހުން ބުނި ގޮތުގައި، މާލީ ބަޔާންތައް ހުށަހަޅުއްވަން ޖެހޭ ބޭފުޅުން ހޯދުމަށް އެ އޮފީހުން ކެނޑިނޭޅި ދަނީ މަސައްކަތް ކުރަމުންނެވެ." މާލީ ބަޔާން ހުށަހަޅުއްވަންޖެހޭ ބޭފުޅުން ގެއްލިގެންތޯ ނުވަތަ އެއީ ކޮން ބައެއްކަން ނޭގޭތީތޯ ހޯއްދަވަން 5 އަހަރުވަންދެން މަސައްކަތް ކުރެއްވީ. ދެން ކުއްލިއަކަށް އެމީހުން ތިފެނުނީ އެއީ ޖިންނީންގެ ބައިގަނޑެއްތޯ؟ ދައުލަތުގެ މަތީ މަގާމު ތަކުގައި ތިބޭތީ އެބޭފުޅުން އަރިހު ދަންނަވަން ނުކެރުނީއޭ ބުނިނަމަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު

01 November 2018

ފޯމެޓް ބަދަލުވުމަކީ މާލީ ބަޔާން ހުށަހެޅުމަށް އޮތް އުޒުރެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮނުގުގުރި

01 November 2018

2013 ފެށިގެން މާލީ ބަޔާން ހުށަނާޅާއިރު ކޮބާތަ ޒިޔަތުގެ ޒިންމާ!! މަޤާމުގެ ދަހިވެތިކަމުގައި އެވާހަކަ ނުދައްކާ ތިޔަހުރީ 2018 ނިމެންދެން ކުފޫ ހަމަނުވަންޏާ ގޭގަ އޮވެބަލަ. މި ޖަރީމާތަކުން މީނަވެސް ބަރީއަ ވީދީގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާތަ

01 November 2018

ތި މާލީ ބަޔާންތައް އެބަ ޖެހޭ ތިތާ ވެބްސައިޓަށްވެސް ލާން. އާންމުންނަށް ފެންނަންޖެހޭ އެބަ ސަރުކާރުގެ އިސް ވެރިންގެ މާލީ ބަޔާންތައް. އެހެން ފެންނަން ހުންނަންޏާ މަގާމުތަކަށް އަންނަން ބޭނުންވާނީވެސް ތެދުވެރި މީހުން. ޑީލުތައް ހަދައިގެން ނުހައްގު މުއްސަދިކަން ހޯދަން އުޅޭ މީހުން ޖެހިލުންވާނެ އެހެން ހުރިއްޔާ. އޮޑިޓަ ޖެނެރަލްގެ ގަޓެއް ހުރިއްޔާ މިކަން ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު

01 November 2018

ތާއީދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެ

01 November 2018

މާލީ ބަޔާންތައް ހޯއްދަވަން ކުރެއްވި މަސައްކަތްތައް ތަންކޮޅެއް ތަފްސީލުކޮށް ކިޔާދެއްވަފާނަންތޯ؟ ސީދާ ގުޅުއްވަނީ އެބޭފުޅުންގެ މޯބައިލަށްތޯ؟ ނޫނީ ފޮނުއްވަނީ ސިޓީއެއްތޯ؟