ރައީސް އޮފީހުގެ ތަރުޖަމާން މުއާޒް ނޫސްވެރިންނާ ވާހަކަ ދައްކަވަނީ: ހިޔާލު ފާޅުކުރުން ހުއްޓުވުމުގެ ބޭނުމުގައި ހެދި ގާނޫނުގެ ދަށުން ސަރުކާރުން މީޑިއާތަކަށް ޖަވާބުދާރީވާން ތައްޔާރުވެފައިވާ މިންވަރާ މެދު ސުވާލު އުފެދޭ.---މިހާރު ފޮޓޯ
14 އޯގަސްޓް 2016 - 13:10
24 comments
ހިޔާލު ފާޅުކުރުން ހުއްޓުވުމުގެ މަގުސަދުގައި ހެދި އާ ގާނޫނުގެ ދަށުން ސަރުކާރުން މީޑިއާތަކަށް ޖަވާބުދާރީވާން ތައްޔާރުވެފައިވާ މިންވަރާ މެދު ސުވާލު އުފެދިއްޖެ އެވެ.
މިދިޔަ ބުރާސްފަތި ދުވަހު އަމަލުކުރަން ފެށި ގާނޫނުގައިވާ ގޮތުން ޖަލްސާތަކާއި ފޯރަމްތަކާއި ޕޯޑިއަމްތަކުގައި ދައްކާ ވާހަކަތައް ރިޕޯޓުކުރަން ޖެހެނީ މާނަ ނުގެއްލޭ ގޮތަށް، ޚަބަރު ރައްދުވާ ފަރާތްތަކުގެ ބަހެއް ހޯދުމަށް ފަހު އެވެ. އެ ގޮތުން، ރައްދުވާ ފަރާތްތަކާ ގުޅަން އެކަށީގެންވާ މަސައްކަތެއް ކުރަން ޖެހޭނެ ކަމަށް ގާނޫނުގައިވެ އެވެ. އެކަށީގެންވާ މަސައްކަތް ކަމަށް މާނަކޮށްފައި ވަނީ ޚަބަރު ރައްދުވާ ފަރާތާ ފޯނުން ގުޅަން މަސައްކަތް ކުރުމާއި ފޯނުން ނުގުޅިއްޖެ ނަމަ މެސެޖަކުން އެ ފަރާތެއްގެ ބަސް ހޯދަން މަސައްކަތް ކުރުމެވެ.
އެ ގާނޫނަށް އަމަލުކުރަން ފެށި ދުވަހުގެ ރޭ އިދިކޮޅު ފަރާތްތަކުން ބޭއްވި ޖަލްސާގައި ސަރުކާރަށް ވަރަށް ބޮޑަށް ފާޑުކިޔެވެ. ހާއްސަކޮށް، ރައީސް އަބްދުﷲ ޔާމީނާއި އެ މަނިކުފާނުގެ އަނބިކަނބަލުން ފާތިމަތު އިބްރާހިމަށް ކުރާ ތުހުމަތުތައް ހަމަ ކުރިއެކޭ ވެސް އެއްގޮތަށް ބައެއް ބޭފުޅުން ކުރެއްވި އެވެ. އަދި ރައީސް ޔާމީނާއި އެ މަނިކުފާނުގެ ބޭބޭފުޅު، ކުރީގެ ރައީސް މައުމޫން އަބްދުލްގައްޔޫމާ ދެމެދު ޖެހިފައިވާ މައްސަލަތައް ފާހަގަކޮށް އެއީ ރައީސް ޔާމީންގެ ސަބަބުން އުފެދިފައިވާ ކޯޅުންތަކެއް ކަމަށް ވެސް ވިދާޅުވި އެވެ.
އެ ވާހަކަތަކާ ގުޅިގެން "މިހާރު"ން މިއަދު ސުވާލު ދެންނެވުމުން ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ ވިދާޅުވީ އެއީ "ބަޔަކު ދައްކާ ބޭކާރު ވާހަކަތަކަކަށް" ވާތީ އޮތީ "ނޯ ކޮމެންޓް" ކަމަށެވެ. އެފަދަ ކަންކަމުގައި ވަގުތު ނަގާލަން ބޭނުން ނުވާ ކަމަށް އޭނާ ވިދާޅުވި އެވެ.
"ސަރުކާރުގެ ހުރިހާ ވިސްނުމެއް އޮތީ ތަރައްގީގެ މަސައްކަތްތަކަށް،" އެސްއެމްއެސް މެދުވެރިކުރައްވާ ތަރުޖަމާނު ދެއްވި ޖަވާބުގައިވެ އެވެ.
ރާއްޖެ ޓީވީން ވެސް ވަނީ ތަރުޖަމާނަށް އެކި ފަހަރު މަތިން މެސެޖުކޮށް، ސަރުކާރުގެ ބަހެއް ހޯދަން އެދިފަ އެވެ. މުޅި ޖަލްސާގައި ދެއްކި ވާހަކަތަކަށް ނިސްބަތްކޮށް، އެ ވާހަކަތަކުގައި ރައީސް ޔާމީންގެ އަބުރުފުޅަށް އަރައިގަނެފައިވޭތޯ ސުވާލުކުރި އެވެ. އަދި ޕީޕީއެމްގެ ތެރޭގައި ޖެހިފައިވާ މައްސަލަތަކުގެ ޒިންމާ ރައީސް ޔާމީން އުފުއްލަވަން ޖެހިވަޑައިގަންނަވާނެ ކަމަށް ވިދާޅުވެ، އެމްޑީޕީގެ ނައިބު ރައީސް މުހައްމަދު ޝިފާޒް ދެއްކެވި ވާހަކަތަކަށް ސަރުކާރުގެ ރައްދަކަށް ވެސް އެދުނެވެ.
ރައީސް އޮފީހުގެ އިމާރާތް: އެންމެ ބޮޑަށް ޖަވާބުދާރީ ވާން ޖެހޭ އޮފީހުގެ ތަރުޖަމާނު މިހާތަނަށް ދެއްވާފައި ވަނީ "ރުންކުރު" ޖަވާބުތަކެއް.-- މިހާރު ފައިލް ފޮޓޯ
ވައިބާ މެދުވެރިކޮށް ކުރި އެ މެސެޖާ ގުޅިގެން ތަރުޖަމާނު މުއާޒް ދެއްވީ ކަމާ ނުގުޅޭ ޖަވާބެކެވެ. އެ ގޮތުން އޭނާ ވިދާޅުވީ ރާއްޖެ ޓީވީން އަހާހާ ސުވާލަކަށް ނުވަތަ ބަޔަކު ދައްކާހާ ވާހަކައަކަށް ޖަވާބުދާރީ ނުވާ ކަމަށެވެ.
"ރައީސާއި ސަރުކާރުގެ ހުރިހާ ވަގުތެއް ހުސްވެފައި އޮތީ ތަރައްގީގެ މަސައްކަތްތަކާއި ވިސްނުންތަކަށް،" މުއާޒްގެ މެސެޖުގައިވެ އެވެ.
ރާއްޖެ ޓީވީގެ ނޫސްވެރިއަކު ފޮނުވި މެސެޖަށް ރައީސް އޮފީހުގެ ތަރުޖަމާނު ދެއްވި ޖަވާބު.
މިކަމާ ގުޅޭ ގޮތުން ކަންބޮޑުވުން ފާޅުކުރައްވައި ސަން މީޑިއާ ގްރޫޕުގެ ޗީފް އެޑިޓަރު އަހުމަދު ޒާހިރު (ހިރިގާ) މިއަދު ވިދާޅުވީ ރައްދުވާ ފަރާތުގެ ބަސް ހޯދަން އެދުމުން އެ އެދޭ ކަމަކާ ގުޅޭ ގޮތުން ޖަވާބު ދޭން ޖެހޭނެ ކަމަށެވެ. އޭގެ ބަދަލުގައި ކަމާ ނުގުޅޭ، "ހެއްވާ" ޖަވާބުތަކެއް ދިނުމަކީ ޒިންމާދާރު ގޮތެއް ނޫން ކަމަށް އޭނާ ވިދާޅުވި އެވެ.
"ގާނޫނީ ވެރިކަމެއް ކުރާ ނަމަ، ގާނޫނަށް ތަބާވުމަކީ ވަކި ބަޔަކު ކުރަން އޮންނަ ކަމެއް ނޫން. މީޑިއާތަކުން ގާނޫނުގައިވާ ގޮތަަށް އަމަލުކުރަން ހެޔޮ ނިޔަތުގައި އުޅޭއިރު، އެކަމަށް ކަމާ ބެހޭ ހުރިހާ ފަރާތްތަކުން ވެސް އެއްބާރުލުން ދޭންޖެހޭނެ،" ޒާހިރު ވިދާޅުވި އެވެ.
ރާއްޖެ ޓީވީގެ ސީއޯއޯ ހުސެން ފިޔާޒު މޫސާ ވެސް ވިދާޅުވީ ސަރުކާރުގެ އެ ރައްދު ވަރަށް ބޮޑަށް ކުށްވެރި ކުރާ ކަމަށެވެ. ރައްދުވާ ފަރާތުގެ ބަސް ވަގުތުން ވަގުތަށް ހޯދަންޖެހޭ ފަދަ ގޮތަކަށް ގާނޫނު ބައްޓަންކޮށްފައި ވާއިރު، އެ އުސޫލުން، ހަމަ އެ ހަލުވި މިނުގައި ޖަވާބުދާރީ ވެވޭނެ އުސޫލެއް ސަރުކާރުން ވެސް ހޯދަން ޖެހޭނެކަން އޭނާ ފާހަގަކުރެއްވި އެވެ. އަދި ބްރޯޑްކާސްޓިން ކޮމިޝަނުން ވެސް އެކަމާ ފިޔަވަޅު އަޅަން ފިޔާޒު ގޮވާލެއްވި އެވެ.
"އިންސާނުންނަށް ތަންފީޒު ނުކުރެވޭ ވަރުގެ ގާނޫނު ހެދީމަ ތަރުޖަމާނު ވެސް އޭގައި ބެދިގެން އުޅޭ ތަން މި ފެންނަނީ،" އޭނާ ވިދާޅުވި އެވެ.
ރައްދުވާ ފަރާތްތަކުގެ ބަހެއް ނުހޯދާ ޚަބަރު ގެނެސްދީފި ނަމަ އަބުރުގެ ދައުވާގެ ޝަރީއަތްތަކުގައި ދިފާއުވާން ލިބޭ ފުރުސަތު މި ގާނޫނުގައި ހަނިކޮށްފައި އޮތުމުން އެކަމާ މީޑިއާތަކުން ވަރަށް ބޮޑަށް ކަންބޮޑުވުން ފާޅުކުރި އެވެ. މި ބިލު ދިރާސާ ކުރި މަޖިލީހުގެ ކޮމިޓީ އަށް ގެންދިޔަ ހުރިހާ މީޑިއާތަކަކުންހެން ބުނީ އެ ގޮތަށް އޮތުމުން ނޫސްވެރިކަން ކުރަން ވަރަށް ބޮޑަށް ހުރަސް އެޅޭނެ ކަމަށެވެ. އެކަމުގެ މަގުސަދަކީ ސަރުކާރަށް ފާޑުކިޔުން ހުއްޓުވުން ކަމަށް އިދިކޮޅު ފަރާތްތަކުން ވެސް ބުންޏެވެ.
މީގެ އިތުރުން ވެސް، ލައިވްކޮށް އެއްޗެހި ގެނެސްދިނުމަށް ވެސް މި ގާނޫނުން ވަރަށް ބޮޑަށް ހުރަސް އަޅަ އެވެ. އެ ގޮތުން، އަބުރާ ބެހެފައިވާ ކަމަށް މީހަކަށް ގަބޫލުކުރެވިއްޖެ ނަމަ ލައިވް ފީޑު ކަނޑާލަން އެދުމުގެ ހައްގު އެ މީހަކަށް އޮވެ އެވެ. މިފަދަ ކަންކަމަށް މީޑިއާތަކުން ބޯނުލަނބައިފި ނަމަ އެ މީޑިއާއަކާ މެދު ފިޔަވަޅު އަޅައި އެ މީޑިއާއެއް ބަންދުކުރުމުގެ ބާރު ވެސް އޮވެ އެވެ.
ނޫސްވެރިންނާއި އަމިއްލަ ޖަމާއަތްތައް ހިމެނޭ ގޮތަށް ރާއްޖޭގެ އެކި ފަރާތްތަކުގެ އިތުރަށް އދ. އާއި އީޔޫ އާއި އިނގިރޭސިވިލާތާއި އެމެރިކާ ފަދަ ބޭރުގެ ބައެއް ޖަމާއަތްތަކާއި ގައުމުތަކުން މި ގާނޫނާ މެދު ކަންބޮޑުވުން ފާޅުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައްތު33
15 August 2016
ސަރުކާރުނަމަވެސް ޖަވާބުދާރީ ވާން ޖެހޭ....ޖަވާބުދާރީ ނުވެވޭނަމަ އެފަދަ ނޭއްގާނީ ގާނޫނުތައް ނުހަދަނީ އެވެ. އެހެން ނޫނީ ޖަވާބުދާރީ ވަނީއެވެ ނުވަތަ ޖަބާބުދާރީ ނުވެވޭފަ ފަރާތްތައް އެފަދަ މަގާނުތަކުގައި ނުބަހައްޓާނީއެވެ. ދިވެހިރައްޔިތެއްގެ ހައި ސިއްޔަތުން އަބުރާއި ހިޔާލުފާޅުކުރުން ހުއްޓުވާ ބިލާ އަޅުގަނޑު ދެކޮޅުކަމުގައި ދަންނަވަމެވެ.
ވޯލް
14 August 2016
މޮޅެތި ޤާނޫނު ހަދާގެން ތީގައި ބެދޭނީވެސް ހަމަ ހެދި މީހުން. މިހާރު ޤާނޫނީ ގޮތުން މީހުން ކުރާތުހުމަތުތަކަށް ސަރުކާރާއި ސަރުކާރުގެ އިސްވެރިން ޖަވާބުދާރީވާންޖެހޭނީ، އެކަން ނުކުރާކަމުގައިވަންޏާ ރައްޔިތުންބަލާނީ އެއީ ތެދު ތުހުމަތު ތަކެއް ކަމުގައި. ލޮލް
ފިޔާތޮށި ރީދޫ އަސުރުމާ
14 August 2016
ކޮންޖަބާބެއްތޯ ދެނީ. ކޮންމޫނެއްތޯ ދައްކާނީ.
އަލީޝާކިރު
14 August 2016
ޕޕމ ގެސަރުކާރަކީ ހަޖަމުވާ ސަރުކާރެއް ނޫން
އ މުއާޒް އަލީ
14 August 2016
ހުރިހާ ފަރާތްތަކައް ގޮވައިލަން... އެމް ޑީ ޕީ ޖަލްސާގައި ދެއްކެވި ހުރިހާވާހަކަތައް އަޅުގަނޑުމެން ވަނީ ރެކޯރޑްކޮށްފައި... ރާއްޖެ ޓީ ޥި ކޮންމެހެން ކަމުން ރެކެވޭނެކަމައް ބިރުން ރޯމަހެއް މަރައްތެޅޭހެން ތެޅުނަކަސް ސަރުކާރުން ފުކެއްވެސް ފަހަތަކައް ނުޖެހި އަބުރާއިބެހުނު ފަރާތުގެ ކަންތައް ކުރިޔައް ދާނެކަމުގެ ޔަގީންކަން އެއްމެހައި ފަރާތްތަކައް އަންގަން... ކޮންމިހެން ވައިބަރ އަދި އެސް އެމް އެސް ގެ ޒަރިއްޔާ މެދުވެރިކޮށް ސަކަރާއްގަތުމަކުން ވަކި ކަމުން ރެކެވެވޭނެކަމައް ހީކޮށްގެންނުވާނެ ... ފައިސާ އަދަު ތައްޔާރައް ބެހެއްޓުން ބުއްދިވެރީ.!!!
ޕިންކް ޕޭންތަރ
14 August 2016
ކޮން ފައިސާއެއް؟ ލޯ ލާރިއެއްވެސް ނުލިބޭނެވާހަކަ ބުނެފައެއްނު އޮތީ. ރާއްޖެ ޓީވީ އަނދާ އަޅިއަށްވިތާ މަދު ވަގުތުކޮޅެއްގެތެރޭ އެމީހުން އަނެއްކާވެސް ޚިދުމަތްފެށި. ދެންވެސް ހަމަ އެހެންކަންނޭގެވާނީ.
މެެންޓަލިސްޓް
14 August 2016
ގާނޫންއަކީ ވަރަށްފާޑެއްގެ އެއްޗެއް އެކަންއޮންނާނީ މިސްކިތުވަޅަށް ބަަަކަރި ވެއްޓުމަށް ،، އެއީ ކުރީގައި މާލޭގައި ބަކަރި ގެންގުޅޭނެ އާންމުންނާއި ސަރުކާރުން ، މިހެއްއޮއްވައި އާންމުންގެ ބަކައްޓެއްވެއްޓުނީ މިސްކިތުވަޅަށް ދެން ސަރުކާރުން ނެރުނީ ގަވާއިދެއް ، ހުރިހާ ބަކަރިއެއް ގެންގުޅެއްޖެހޭނީ ބަންދުކޮއްގެން ކޮށީގައިކަމަށް ، މިހެންއުޅެނިކޮށް ސަރުކާރުން ގެންގުޅުނު ބަކައްޓެއްވެއްޓުނީ މިސްކިތު ވަޅަށް ދެން ވީގޮތަކީ މިސްކިތު ވަޅުބަންދުކުރީ ،، އެއްކަލަ ސަރުކާރު ބަކައްޓެއްނުޖެހުނު ކޮއްޓަށްލައިގެން ބަންދުކޮއްގެން ގެންގުޅޭކަށް ،،، މިއުސޫލުން ރާއްޖޭގައި ގާނޫންތަށް ހިނގާނީ ،، ވަރަށް ސަލާމް ،
ދޮންދީނި
15 August 2016
ތިޔައީ އަދި ނޭގޭ ކަމެއް....ސަރުކާރުން ދެން ހާދަ އަމިއްލަ އެދުން ބޮޑޭދޯ!
ނޭގުނު
14 August 2016
ތިގާނޫނު ފާސްކުރިޔަސް ހަމަ ކުރިއެކޭ އެތް ގޮތަށް ސަރުކާރަށް ފާޑު ކިޔާމީހުން ބޭނުންހާ އެއްޗެއް އެދަނީ ކިޔަމުން. ދެން ކޮންކަމަކާ ނޫސް ވެރިން ތިހާ ކަން ބޮޑު ކޮއްލައިގެން ތިއުޅެނީ؟!
މިހާރު އެނގިއްޖެ؟
14 August 2016
އެއީ އެ ގާނޫނު އޮތް ގޮތުން އެއިދިކޮޅު ފަރާތުން އެވާހަކަ ދެއްކިކަން ނޫސްވެރިޔާއަށް ނޫހުގައި ލިޔެވޭނީ އެވާހަކަ ރައްދުވާ ފަރާތުގެ ބަސްލިބިގެންކަމަށް ވާތީ. އެބަސް ނުލިބުނީމަ ނޫހުގައި އިދިކޮޅު ފަރާތް އެބުނި ބުނުމުގެ ޚަބަރު ނުލިޔެވެނީ..
ނިހާން
14 August 2016
އަދި ހަމަ ވާނުވާ ނޭގެނީ
ދޮންދީނި
15 August 2016
އަސްލުވާގޮތަކީ ކޯސެސް އެންޑް އިފެކްޓް އަށް ވިސްނާލުމެއްނެތި، ދެފަޔަށް ހިނި އަރައިގެން އުޅޭ ބައެއްހެން ކޮންމެ ކަމެއް ކޮށްލަނީ.... މި ސަރުކާރުގެ ހުރިހާ ކަމެއްވެސް ހުންނަނީ ހަމަ މިބުނި އުސޫލުން....އާޚިރުގައި ތިމާމެން ފޭހުނު އިލޮށިގަނޑު ތިމާމެންގެ ލޮލަށް....ހެހެހެހެ
ފަނަސް
14 August 2016
ތަރައްޤީއަކީ ހަަމައެކަނި އުސް ޢިމާރާތްތަކާ ދިގު ބުރުޖުތަކުން ފުރިހަމަވާ އެއްޗެއް ނޫން....އަދި ރައްޔިތުންނަށް އޮތް ހިތްހަަމަޖެހުމަކީވެސް އެޔެއްނޫން..ރައްޔިތުންނަށް އޮތް އެންމެބޮޑު ހިތްހަމަޖެހުމަކީ ޤައުމުގެ އިސްވެރިންނާ ތަންފީޒީ ބާރުތަކުން ޢަދުލުވެރިކަމާ ހަމަހަމަ ކަމާ ތެދުވެރިކަމާއެކު ރައްޔިތުންނަށް ޚިދްމަތްދޭތަން ފެނުން..މިބީދައިން ވިސްނާއިރު މިސަރުކާރާމެދު މާޔޫސްވެ ދެލޯ ކަރުނުން ފުރާލަން ޖެހޭ ޙާލުގަ ރައްޔިތުން ތިއްބަ ސަރުކާރުގެ ތަރުޖަމާނު މާބޮޑު ތަރައްޤީއެއްގެ ވާހަކަ ދެއްކުމަކުން ރައްޔިތުންނަށް ލިބޭނެ އުފަލެއް ނެތް...
ސިންތިލީ ވޫމް
14 August 2016
ހިތުހުރިހާ ގޮތަކައް ގާނޫ "ގަދަ ބާރުން" ހެދީމަ ތިޔަ މަޅިއަރާނެ. ކޮއްމެ ސަރުކާރަކައްވެސް. ދެން ހަދަން ޖެހޭނޫ ހުސް ދޮގު މީހުން ރުއްސަން.
އޯކޭޑް
14 August 2016
އަބުރާއި ބެހޭ ގާނޫނުގެ ދަށުން މީޑިއާ އަށް ޖަވާބުދާރީވާން ސަރުކާރު ފުރަތަމަ ދުވަސް ކޮޅު ތައްޔާރު ނުވެދާނެއެވެ. އެއީ އެއްވެސް މައްސަލަ އެއް ނޫނެވެ. އެކަމަކު އަބުރާއި ބެހޭ ގާނޫނު ތަންފީޒު ކުރާތާ ތިން މަސް ދުވަސް ވާއިރު ހުންނާނީ މުޅި ސަރުކާރު މިކަމަށް ހޭނިފައެވެ. އެހެން ވީއިރުން މީ އަބުރާއި ބެހޭ ގާނޫނުގެ މައްސަލަ އެއް ނޫނެވެ. މީ ސަރުކާރުގެ ކަމާއި ބެހޭ މީހުން އަދި ގުޑް ގަވރނެންސްގެ ކޯރޑް އޮފް ޕްރެކްޓިސް އަށް ނުފެތެނީ އެވެ. އިޓް ވިލް ބީ ފައިން އެން އޯލް ރައިޓް. ޖަސްޓް ގިވް ދެމް އަ ޗާންސް ޓު ބްރީދް..
ހަތާ / މެދު ޕްރޮވިންސް
14 August 2016
ޤާނޫން ހެދީވެސް ނޭވާ ނުލާ އޭރު އެހެން މީހުންވެސް އެދުނު ފޯ އަ ޗާންސް ޓު ބްރީދް ބަޓް ދޭ ޑިޑިންޓް ލިޒިން އިޓް އެހެންވީމާ އެދަފަ ޤާނޫނެއް ހަދައި ނިމުނުއިރު ސަރުކާރަށް ތައްޔާރު ނުވެވޭކަމީ ލަދުގަންނަންޖެހޭކަމެއް.
މާލި
14 August 2016
އެހެންކަމަށްވާނަމަ ކީއްވެގެންބާ އެހާ އަވަހައް ބިލް ފާސްކޮށް ތަސްދީގުކުރީ.. ރަނގަޅަށް ޓްރޭނިންގް ދީފައި އެސެސްމަންޓް ހެދުމަށްފަހު ބިލްތަސްދީގުކުރިނަމަ އެވާނީ ބެސްޓް ޕްރެކްޓިސްއަށް ދެއްތޯ؟؟
މުޙައްމަދު
14 August 2016
އަމިއްލަޔަށް ހެދި އެއްޗަަކަށް ޖަވާބުދާރީނުވެވުމަކީ ބޮޑު ޖޯކެއް !!!
ރިޔާޒޫ
15 August 2016
ކުޅަނދެއް މަދުހެން ހީވަނީ.
ދޮންދީނި
15 August 2016
މި ބޭފުޅުން ލަދުފުޅު ނުގަނޭތޯ މިމޭރުމުން ވާހަކަ ދައްކަން... ސަރުކާރަކުން ޖެހޭނީ ކޮންމެ ވަގުތެއްގައިވެސް ޖަވާބު ދާރީވާން...އެކަމަށް ނުކުޅެދި ތިމާމެންނަށް ޒިންމާއަދާނުކުރެވޭނަމަ އިސްތިއުފާ ދީފައި ގެއަށް ވަޑައިގަންނަވާ!!!!!