އިންޓަނެޓް ބޭނުންކޮށްގެން ފުރޯޑް ހިންގަނީ--
27 ނޮވެމްބަރ 2018 - 13:27
5 comments
ތަފާތު ސްކޭމްތައް މެދުވެރިކޮށް މިދިޔަ އަހަރު ދިވެހި އެކި ކުންފުނިތަކުގެ އަތުން މިލިއަނެއްހާ ރުފިޔާ ގެއްލިފައިވާ ކަމަށް، މަރުކަޒީ ބޭންކް، އެމްއެމްއޭގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) ގެ އަހަރީ ރިޕޯޓުން ދައްކައިފި އެވެ.
ރާއްޖޭގެ މާލީ ނިޒާމުގެ ތެރެއިން މަނީ ލޯންޑަރިން އާއި ޓެރަރިޒަމަށް މާލީ ގޮތުން ވާ އެހީތައް ބަލާ އެފްއައިޔޫ އިން އާދިއްތަ ދުވަހު އާއްމުކުރި މިދިޔަ އަހަރުގެ ރިޕޯޓުގައިވާ ގޮތުން، ފުރޯޑް އަދި ސްކޭމްތަކާ ގުޅޭ ގޮތުން އެ ޔުނިޓަށް ލިބުނު މައުލޫމާތުތަކުގެ ތެރެއިން ބިޒްނަސް އީމެއިލް ކޮމްޕްރޮމައިސް (ބީއީސީ) އާ ގުޅޭ މައްސަލަތަކުގެ މިންވަރު ހަތަރު ޕަސެންޓަށް އަރަ އެވެ.
ބީއީސީ އަކީ ކުންފުނިތަކުގެ ވެރިންނާއި މުވައްޒަފުންނަށް އޮޅުވާލައިގެން ހިންގާ މާލީ މުއާމަލާތްތަކެވެ. ބައެއް ފަހަރަށް އެ މުއާމަލާތްތައް ހިންގަނީ އެ ކުންފުނީގެ ބަޔަކަށް ވެގެން ނުވަތަ އެ ކުންފުނިން މުއާމަލާތްކުރާ އެހެން ބަޔަކަށް ވެގެންނެވެ.
އެކަހަލަ އޮޅުވާލައިގެން ފޮނުވާ އީމެއިލްތައް މެދުވެރިކޮށް މިދިޔަ އަހަރު ދިވެހި ކުންފުނިތަކުން 303،290 ޑޮލަރު ހޯދަން ބޭރުގެ އެކި ހީލަތްތެރިން މަސައްކަތް ކޮށްފައިވާ ކަމަށް އެފްއައިޔޫގެ ރިޕޯޓުގައި ބުނެފައިވެ އެވެ. އަދި އެ އޮޅުވާލުމުގައި ޖެހިގެން ދިވެހި ބައެއް ކުންފުނިތަކުން 72،070 ޑޮލަރު (1.1 މިލިއަަން ރުފިޔާ)ގެ މުއާމަލާތް ހިންގާފައިވާ ކަމަށް ވެސް ރިޕޯޓް ބުނެ އެވެ.
ބީއީސީ ސްކޭމްގެ ތެރެއިން ރާއްޖެއިން މިހާތަނަށް އެންމެ ގިނައިން ފަޅާއަރާފައި ވަނީ ފޭކް އިންވޮއިސް ބޭނުންކުރުމުގެ މައްސަލަތައް ކަމަށް ރިޕޯޓުން އެނގެ އެވެ.
"މިގޮތަށް ސްކޭމް ހިންގާ ފަރާތްތަކުން ގެއްލުން ލިބޭ ކުންފުންޏާ ގުޅޭ ގިނަގުނަ މައުލޫމާތު އެކި ގޮތްގޮތަށް އެއްކުރޭ. އޭގެ ތެރޭގައި ކުންފުންޏަށް އާއްމު ގޮތެއްގައި ބޭރުން މުދާ ގަންނަ ފަރާތްތަކާއި އެ ވަގުތަކު ފައިސާ ދައްކަން ވެފައި އޮތް ބިލް ނުވަތަ އިންވޮއިސްތަކުގެ މައުލޫމާތު ހިމެނޭ،" ރިޕޯޓުގައި ބުނެފައިވެ އެވެ.
އެފްއައިޔޫގެ ރިޕޯޓު ބުނާ ގޮތުގައި ވަގު އިންވޮއިސްތަކަށް ފައިސާ ފޮނުވުނުކަން ކުންފުނިތަކަށް އެނގެނީ އެތައް ދުވަހެއް ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭމިތުރާ
27 November 2018
އޮޅުވާލުން އުފަންކުރީ މިގައުމަށް މިދިޔަސަރުކާރުން.....އޮޅުވާލުމަށް ހުރިހާ އެންމެނަށް ދަސްކޮށްދެމުން.
އަޙުމަދު
27 November 2018
އެކުޑަ ވަގުތުކޮޅުގެ ތެރޭގައި އެމުއާމަލާތްކުރި ނަންބަރުތަކުން އެހުރިހާފައިސާއެއް ބޭނުމެއްނުކުރެވޭނެ. ކަމާބެހޭފަރާތުން އެނަންބަރުތަށް ވަގުތުން ސަސްޕެންޑް ކުރުމަށްފަހު އެނަންބަރުތަކުގައި ހުރި ފައިސާ ނުވަތަ އެފައިސާ ދެވަނަ އަށް ޓްރާންސްފަރ ކުރިހުރިހާ ނަންބަރުތަށް ވެސް އެނގޭނޭ، އެކަމަކު ދިރާގު/ވަތަނިޔާ ފައިސާބޭނުންވާލެއް ބޮޑުކަމުން ނިކަމެތީ މީހާއަށް މިލިބުނު ގެއްލުމަށް ޓަކާ ސެންޓެއްގެ މިންވަރުވެސް ނުދޭ. ދެންބޭރުގެ ކުންފުނިތަކުގެވާހަކަށް މާތާހިރެއްނޫ
ހަކީމް
27 November 2018
އަހުމަދޫ މީ މޯޑިސް .. މޯޑިސް ގަ ފުލުހުންނަކީ ވަކި ކުންފުންޏެއް ގޮތަށް މަސަތްކަތް ކުރާ ނާގާބިލު ބައިގެނޑެއް. ބްލޮކް މޯޑަށް ޑިގްރީ ހަދައިގެން ހުރިހާ ފުލުހުން ތިބޭނީ ކޮނޑަށް މަހުމާ އަރުވައިގެން މުސާރަ ތަށް ބޮޑުކޮއްގެން. އެނގޭ އެއްޗެއް ނުއެނގޭ އެއްޗެއްވެސް ނޯންނާނެ. އެމީހުން މުޅި ދިރިއުޅުން އާރާސްތް އެކުރަނީ މިގޮތުގަ ރައްޔިތުންގެ ލާރީގަ. ތިބުނާ މަޅީގެ އެތައް ބަޔަކު ޖެހިފަވޭ ... ރިޕޯޓުވެސް ކުރޭ ، އެކަމަކު ކުރެވޭ ކަމެއް ހަރާން.
އަޙުމަދު
27 November 2018
(ކުރީގެ ކޮމެނޓާއި ގުޅޭ.) ދާން ޖެހޭ. ފޯނުކަނޑާނުލާ އަވަހަށް ފޯނުކާޑުގެ ނަންބަރު ބުނޭދީ އާން މިއތީ ނަންބަރު ، އާންކިޔާބަލަ .......... ބަރާބު ހާދަކުޅަދާނައޭ ދައްތަ/ބޭބޭ. އަނެއް އިނާމުދިވާވީ މިފަހަރު ޑްރިމް އާސައިކަލެއް، މިގޮތަށް ނިކަމެތި ރައްޔިތުން ހައްދައިގެން ކުޑަވަގުތުކޮޅެއްގެ ތެރޭގައި 4، 5 ހާސް ރުފިޔާ 5 މިނިޓެއް ހާއިރުގެ ތެރޭގައި އެބަ ދަމާގަނޭ، މިކަމަކީ ފޭކެއްކަން އެގުމުން ވަގުތުން ދިރާގަށް/ވަތަނިޔާ އެންގިއަސް ވާކަމެއް ހަރާން، ހަމަ ޔަގީނުންވެސް
އަޙުމަދު
27 November 2018
ތިޔަ ދެއްކެވީ ބޭރުގެކުންފުނި ތަކުން ކުރާކަމެއްގެ ވާހަކަ، ދެން ބާލާލަމާ ރާއްޖޭގައި ވަކިވަކިފަރުދުން ނުވަތަ ގުރޫޕް ތަކުން ކުރާކަމެއްގެވާހަކަ.ހަލޯ، މިގުޅާލީ ކޮކާކޯލާ ކަމްޕެނީން /ދިރާގުން/ސޮނީހާރޑްވެއަރ.ގަލްފުކުރާފްޓުން، އެސްޓީއޯ. އަޅުގަނޑުމެންހިންގާ ޕްރޯމޯސަނެއްގައި ތިބޭފުލާގެ ފޯނުގެ ނަންބަރު ވަނީ ހޮވިފައި، އިނާމަކަށް ލިބެނީ 55 އިަންޗި ޓީވީއެއް،ނަމަވެސް ކުޑަވިޔަފާރި އަކަށް އބަދާންގެހޭ، 500 ރުފިޔާގެ ފޯނުކާޑުގެ ނަންބަރު 10 މިނިޓްތެރޭގައި ފޮނުވާލަދީ.