ޔޫތު މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި ޔޫތު މިނިސްޓަރު މަހުލޫފު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
04 ޑިސެމްބަރ 2018 - 18:11
94 comments
ގޭންގުތަކުގައި އުޅޭ ޒުވާނުންނަށް ދިމާވާ މައްސަލަތަކާ ގުޅޭގޮތުން ވާހަކަދައްކައި އެކަންކަމަށް ހައްލެއް ގެނައުމަށް ޔޫތު މިނިސްޓަރު އަހުމަދު މަހުލޫފު މިއަދު ދައުވަތު ދެއްވައިފި އެވެ.
އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މިނިސްޓަރު ވިދާޅުވީ ގޭންގުތަކުގެ ޒުވާނުން ގޮސް މީހުން މެރުމާއި ގާނޫނާ ގަވާއިދާ ހިލާފު ކަންކަން ކުރުން އިތުރުވެގެން ގޮސްފައިވާ ކަމަށެވެ. އެހެންވެ ޒުވާނުންގެ މަސްއޫލިއްޔަތުތަކާ ހަވާލުވެވަޑައިގެން ހުންނެވި ވަޒީރެއްގެ ހައިސިއްޔަތުން އެކަންކަމާ ދެކޮޅަށް މަސައްކަތް ކުރަންޖެހޭ ކަމަށް ވިދާޅުވި އެވެ.
އޭނާ ވިދާޅުވި ގޮތުގައި ގްރޫޕުތަކުގައި އުޅޭ ޒުވާނުންގެ ސަބަބުން މި މުޖުތަމައުއަށް ވަރަށް ބިރުވެރި، ދެރަ އަދި ނާމާންކަމެއް ކުރިމަތިވެފައިވާ ކަމަށެވެ. އެހެންވެ މުޖުތަމައުގެ ތެރެއަށް އެ ޒުވާނުން ނެރެ ބަލައިގަންނަ ބަޔަކަށް ހަދަންޖެހޭ ކަމަށް ވިދާޅުވި އެވެ.
"މިކަމުގައި [ގޭންގުތަކުގައި] އެންމެ ބޮޑަށް ތާށިވެފައި މިތިބީ ޒުވާނުން. އެހެންވެ، މިއަދު އަޅުގަނޑު މި މަގާމުގައި ހުރީމަ އަޅުގަނޑުގެ ވަރަށް ބޮޑު ޒިންމާއެއްކަމަށް ދެކެން، މަސައްކަތުގައި އެންމެ އިސްކަމެއް ވެސް ދޭނެ އެއް ކަމަކީ ވެސް ރާއްޖެގައި މި ހިންގާ ގޭންގު މާރާމާރީތަކަށް ހައްލެއް ގެނެވޭނެ ގޮތެއް ހޯދުން،" މަހުލޫފު ވިދާޅުވި އެވެ.
މާރާމާރީއެއް ހިންގި ސަރަހައްދުގަައި ފުލުހުންތަކެއް ހަރަކާތްތެރިވަނީ.--
"ވަރަށް އޯޕަންލީ އިންވިޓޭޝަނެއް މި ދެނީ އަޅުގަނޑުމެންނާއެކީ ރީއްޗަށް އިށީންދެގެން ވާހަކަދައްކައިގެން އިތުރަށް އެއް ބަޔަކު އަނެއް ބަޔަކު ވަޅި ހަރައި މަރާ އެކަން ނުކޮށް، ކިހިނެއްތޯ އެކަން ހައްލުކުރާނީ."
އޭނާ ވިދާޅުވީ ގޭންގުތަކާ ގުޅޭ މައްސަލަތައް ހައްލުކުރަން ހޯމް މިނިސްޓަރު އިމްރާން އަބްދުﷲ އަދި ޕޮލިސް ކޮމިޝަނަރު ހަމްދޫން ރަޝީދާއި ވެސް މިއަދު ބައްދަލުކުރައްވައި މަޝްވަރާކުރައްވާފައިވާ ކަމަށެވެ.
"އަޅުގަނޑުމެން މި އުޅެނީ މި މައްސަލަ ހައްލުކުރަން... މިހާ ބޮޑު ރައްޔިތުންގެ ކަންބޮޑުވުމެއް އޮތް ކަމެއް ވީމަ އަޅުގަނޑު މިހުރީ ތައްޔާރަށޭ ގޭންގުތަކާ އެކީގައި ވާހަކަދައްކައިގެން މިކަމަށް ހައްލެއް ގެންނަން،" މިނިސްޓަރު ވިދާޅުވި އެވެ. "އެކަމުގައި އުޅޭ ފަރާތްތަކަށް، ފްރެންޑްލީ އަތެއް މި ދިއްކޮށްލަނީ އަޅުގަނޑުމެންނާއެކު ވާހަކަދައްކައި އެކަމަށް ހައްލުކުރަން،"
ގޭންގުތަކާ ގުޅޭ މައްސަލަ ހައްލުކޮށް ގައުމު އަމާންކުރާނެ ކަމަށް ވެރިކަމަށް ވަޑައިގަންނަވާ ކޮންމެ ބޭފުޅަކު ވެސް ވިދާޅުވެ އެވެ. ނަމަވެސް އެކަމަށް ހައްލެއް ނުލިބި އެއް އަހަރުން އަނެއް އަހަރަށް މާރާމާރީތަކާއި މީހުން މެރުން ވަނީ އިތުރުވެފަ އެވެ.
ނުރައްކާތެރި ކުށްވެރިންތަކެއް ފާހަގަކޮށް ކުރީގެ ރައީސް އަބްދުﷲ ޔާމީންގެ ސަރުކާރުން ޒުވާނުންތަކެއްގައި ފައިގައި ޓެގް އަޅުވާފައި ވެ އެވެ. އެކަން ވެސް އެކަށީގެންވާ ގޮތެއްގައި ކުރިއަކަށް ނުދިޔަ އެވެ.
ޒުވާނުންނާ ގުޅުންހުރި ތަފާތު ދާއިރާތަކުން މަސައްކަތް ކުރާއިރު، ރިސްކުގައި ތިބި މީހުންނަށް ހާއްސަ ސަމާލުކަމެއް ދޭން ޖެހެ އެވެ. އެކަމުގައި ބޭރުގެ އެހީތެރިކަން ހޯދާނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިހި
05 December 2018
ޔޫތު މިނިސްޓަރު ހިޔެއްނުވޭ ޤާނޫނު އެއްވެސް ވަރަކަށް ބަލާފަ ހުރިހެނެއް. އެންމެ ފުރަތަމަ ކަމަކަށް ގޭންގުތައް އުފައްދުމަކީވެސް ކުށެއް ނުބައި ކަންތައް ކުރަން. ޔޫތު މިނިސްޓަރު އެމީހުނާ ކުރާނެ އެއްވެސް މަޝްވަރާއެއް އޮންނާނެ ކަމަށް ޤަބޫލެއް ނުކުރެވޭ! އެމީހުންގެ ގޭންގު ތަކަށް ޤާނޫނުގައިވާ ގޮތަށް އަދަބު ދީ ޤާނޫޫނު ތަންފީޛު ކޮށްބަލަ ގަދައިއްޔާ. ތިއުޅުއްވަނީ ގޭންގު ތަކަށް މޯޓިވޭޝަންދީ ފަންޑު ކުރަންތަ؟؟؟
ވަދޫދު
05 December 2018
އިބޫ ސޯލިހައް ބުނެލަންއޮތީ އެބަ ފެނޭތޭ ދޮހޮއްކޮ އަކައް މިނިސްޓަރުކަން ދިނީމަ ވާގޮތް..؟
ހުސެން
05 December 2018
ކޮންގޭންގްތަކެއްތޯ؟ އަޅުގަނޑު ކިޔާނީ މަގުފުރެދި މަގުއޮޅިފައިވާ ކުއްވެރިން، މިބައިމީހުން އިސްލާހުވުމަށް އެޅިފައިވާ އެންމެ ބޮޑު ހުރަހަކީ މިބައިމީހުން ހިންގާ ޖަރީމާތައް ތަހުޤީގުނުކުރުމާ ކުއްކުރުމުން ދޭންއޮންނަ އަދަބުނުދިނުން، އެހެނީ އިސްލާމްދީނުގައި ކަންކަމަށް އަދަބު ކަނޑައަޅުއްވާފައިވަނީ މީހަކަށްނުވަތަ ބަޔަކަށް ދެރައެއްދިނުމަކަށް ނޫން، ނަމަވެސް ހިކުމަތަކީ ކުށްކުރާ ކުއްވެރިން އިސްލާހުކުރުވުން، މިނޫން އެއްވެސް ފޯމިއުލާއެއް ކާމިޔާބެއްނުވާނެ
އަލީކޮއެ
05 December 2018
ނުޖެހޭ މަޝްވަރާކުރާކަށް. ގޭންގުތައް ގާނޫނުގެ ކުރިމައްޗައް ގެނެސް ރުޅާލަންވީ. މިހާރު ތިބުނާ ގޭންގްތައް ތިބޭނީ އައިޑެންޓިޓީ ލިބި އުފަލުން ފޮޅިވަ. ތިއީ ސަރުކާރެއްގެ ވެރިން ދައްކަންވެސް ހެޔޮވާ ޒާތުގެ ވާހަކައެއްނޫން.
އެއްމިލިއަންދެރުފިޔާ
05 December 2018
ގައުމުގެ ހާލަތުގޯސްވެފަ އޮތްވަރު މިއެންގެނީ. ގޭންގަކީވެސް ގައުމުހިންގުމުގެ ބަޔަކަށްވެފަ މިއޮތީ... މިވަރުގެ މިނިސްޓަރުން ބޭނުމެއްނޫން!!
އަހުމަދުއަލޯ
05 December 2018
ވަރަށް ދެރަ ކަމެއް ސަރުކާރުން ގޭންގުތަކާއެކު އެއްބަސްވުންތައް ހަދަންޖެހޭ ހިސާބަށް ގައުމުގެ ހާލަތު ދިޔުން. މީއީ މެކްސިކޯ ނޫނީ ކޮލަމްބިއާއެއް ނޫން!
ޜިޒާ
05 December 2018
ހަމަހޭގަތޯ މަހުލޫފު ތިހުންނެވީ.. ތިއީ ޤާނޫނު ނަންބަރު 18/2010 ގޭންގު ކުށްތައް މަނާކުރުމާބެހޭ ގާނޫނާއި ޚިލާފުކަމެއް. އެޤާނޫނުގެ 1 ވަނަ މާއްދާގައި ގޭންގު ހެދުމަކީ މަނާކަމެކޭ އޮންނާނެ. 2 ވަނަ މާއްދާގައި "ގޭންގެއްގެ މެންބަރަކަށްވުމަކީ މަނާކަމެއް" 3 ވަނަ މާއްދާގައި "ގޭންގެއްގެ މެންބަރެއްކަން ދެއްކުމަކީ ކުށެއް" ދެން މަހުލޫފު ތިއުޅެނީ މިޤާނޫނާ ޚިލާފަށް ގޭންގުތައް ޕްރޮމޯޓުކުރަންތާ... ތިއީތޯ ފުންނާބުއުސް ޤާނޫނީ ވަކީލް ޝަމީމްގެ ޤާނޫނީ ލަފަޔަކީ...
ޢެޑްމުންޑޯ
05 December 2018
ހައިރާންވާ ވަރުގެ ކަންތައް ، ވަޅިޖަހާ މީހުންމަރާ ހަދާ ނުރައްކާތެރި ގޭންގޭ ކިޔާގެން އުޅޭ ބަޔަކާއި މަޝްވަރާ ކުރަނީޔޯ ، ކީކޭ ބުނާނީ ، ވަޅިނުޖަހާ ހެޔޮ ލަޓިބުރިން ތެޅިއަސް ، މިވަރުގެ ދިއުޅިއެއްނުވާ މީހުން މިނިސްޓަރުންނަށް މިލަނީ
ބީޖޭޕީ
05 December 2018
ގޭގް ކިޔާ ޒަމުޔާއެއް މިގައުމުގައި ރަޖިސްޓްރީ ކޮއްފައި އެބައޮށް އޮތްތޯ؟
ގޭންގްބޯއިސް
05 December 2018
ފުރަތަމަ ކަމަކަށް ގޭންގެއްގަ ބައިވެރިވުމަކީވެސް ކުށެއް، އެހެންވީމަ މަނިކުފާނު ބައްދަލުކުރަން ތިޔައުޅެނީ ހައްޔަރުކުރަންވެފަތިބި ކުށްވެރިންތަކަކާ. ހައްޔަރުކޮށްފަ ރިހެބިލިޓޭޓްކުރަން މަސައްކަތްކުރުން މައްސަލައެއް ނޫން. އެކަމަކު ހައްޔަރުނުކޮށް މަޝްވަރާކުރާކަށްނުޖެހޭ. ކުށްކުރާ މީހުންނާ ބައްދަލުކޮށް ކުށްކުރުން ހުއްޓުވަންޏާ އެހެން ކުށްތައްކުރާ މީހުންނާ މެދުވެސް ޢަމަލުކުރަންވާނީ އެގޮތަށް.