06 ޑިސެމްބަރ 2018 - 11:33
7 comments
މާލެ އަށް އިއްޔެ ކުރި ވިއްސާރައިގައި ގެއަށް ފެންވަނުމުގެ ސަބަބުން ގެއްލުންތަކެއް ލިބުނު ދެ އާއިލާއެއްގެ 20 މީހުންނަށް ބީ ހައިވް ހޮޓަލުން އެކޮމެޑޭޝަނާއި ކެއުން ރެއިން ފެށިގެން ހަމަޖައްސާ ދީފައިވާ ކަމަށް ނެޝަނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްސީ) އިން މިއަދު ބުނެފި އެވެ.
އާދަޔާ ޚިލާފަށް ބޯކޮށް ވާރޭވެހި މުޅި މާލޭގައި އިއްޔެ ފެންބޮޑުވުމުން 117 ގެއަކަށް ފެންވަދެ ވަނީ އެކި ވަރުގެ ގެއްލުންތައް ލިބިފަ އެވެ. އޭގެ ތެރެއިން ދެ ގެއެއްގައި ދިރިއުޅުނު ދެ އާއިލާއެއްގެ މީހުން ރޭ ވަނީ ވަގުތީ ހިޔާތަކަށް ބަދަލުކޮށްފަ އެވެ.
އެންޑީއެމްސީގެ ޕްރޮޖެކްޓް ކޯޑިނޭޓާ ހިސާން ހަސަން "މިހާރު" އަށް ވިދާޅުވީ ބީ ހައިވް ހޮޓަލުން ރޭ އެކޮމެޑޭޝަނާއި ކެއުންބުއިން ހަމަޖައްސާފައި ވަނީ ބޮޑު 11 މީހުންނަށާއި ނުވަ ކުޑަކުދިންނަށް ކަމަށެވެ. އެ މީހުންގެ ގެތަކަށް އަވަހަށް ނުވަދެވޭނެ ވަރުގެ ގެއްލުންތަކެއް ނުވާ ކަމަށް އޭނާ ވިދާޅުވި އެވެ.
"އެ މީހުން ވަރަށް އަވަހަށް ގެތަކަށް ބަދަލު ކުރެވޭނެ. މިހާރު އަޅުގަނޑުމެންގެ ޓީމުތައް ދަނީ އެ ގެތަކަށް ގޮސް ހާލަތު ބަލަމުން. އެކަމަކު މިއަދަށް އެމީހުންގެ ތިބުމާއި ކެއުމުގެ ކަންކަން ވާނީ ހަމަޖައްސާފައި،" ހިސާން ވިދާޅުވި އެވެ.
ކާރިސާއާ ގުޅޭ މައުލޫމާތު ހިސާން މިހާރު އަށް ދެއްވަނީ-- ފޮޓޯ: ނިޝާތު އަލީ/މިހާރު
ފެން ބޮޑުވި ހުރިހާ ގެއަކުން ފެން ހިއްކައި ރޭ ނިންމާލާފައިވާއިރު އެގޭގެ ހިފާގެންގުޅޭ ބައެއް ތަކެއްޗަށް ވަނީ ގެއްލުންތައް ލިބިފަ އެވެ. ތަފްސީލް ބެލުމަށް އެންޑީއެމްސީން މިހާރު އަންނަނީ މަސައްކަތް ކުރަމުންނެވެ.
ވިއްސާރައިގެ ސަބަބުން 168 ގެއަކުން ކަރަންޓު ކެނޑުނު ކަމަށާއި ނަމަވެސް ރޭ 1:00 ޖަހަން ވާއިރަށް ސްޓެލްކޯ އިން އެ މައްސަލަ ހައްލުކޮށް އަލުން ކަރަންޓް ދީފައިވާ ކަމަށް ހިސާން ވިދާޅުވި އެވެ.
ފެން ހިއްކުމުގެ މަސައްކަތުގައި ދިފާއީ ބާރުތަކާއި ދަރުމައަށް މަސައްކަތް ކުރާ ބައެއް ޖަމިއްޔާތަކާއި ސަރުކާރުގެ މުއައްސަސާތަކުން ބައިވެރިވި އެވެ. އެ މަސައްކަތް ނިންމާލާފައި ވަނީ ރޭ ދަންވަރު 2:45 ހާއިރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާލުގަ ޖެހުނު ކުރީގެ މީހެއް
06 December 2018
ޙަގީގަތުގަވެސް ހިސާން ވަރެއް ނެތް. އަދި ކުރީގެ ޑިފެންސް ގެ ސްޓޭޓް މިނިސްޓަރ ޒުހައިރުވެސް. ޢަޅުގަނޑުމެން ހާލުގަ ޖެހުނު ރޭ ވެސް ވަރަށް ހެލްޕްފުލް. ޕާސަނަލީ އައިސް ހާލު ބަލާ ބޭނުންތައް ފުއްދަދެއްވި. މިހާރުގެ ޑިފެންސް މިނިސްޓަރ މާރިއާ ވެސް ވަރަށް ސަޅި. ދިވެސެއްގެ ހަސިއްޔަތުން ތި 3 ބޭކަލުންނަށް ޝުކުރު އަދާ ކުރަން.
ހެޔޮއެދޭ
06 December 2018
ހިސާންއަށް އަށްސަރިބަހާސާބަސް
ތިމާވެށި
06 December 2018
ސަރުކާރުން އެމީހުންނަށް ވާ އެހީ ތަކުގެ ތަފްސީލް ނޫސްވެރީން އަޕްޑޭޓް ކޮށް ދެމުން ގެން ދިއުން އެދެމެވެ. އަދި ގެއްލުން ލިބުނު ފަރާތް ތަކުގެ ބަހެއްވެސް ބޭނުމެވެ.
ފޮސްކަލޯ
06 December 2018
ސުކޫލްތައް އެއޮތީބަންދުވެފަ...ކޮންމެހެން ހޮޓާތަކުގައި ބާއިތިއްބަންޖެހޭތޯ؟ ލާރިގިނަވެގެން ދޯ މިއުޅެނީ؟ ނުވަތަ ރާއްޖޭގެ ރައްތައް މަދުވެގެންތޯ. ފޮސްކަލޯރަށުމީހުން ކައިރީބުނެލިނަމަވެސް ވަގުތުން ބޯހިޔާވަހިކަންދީ ހިލޭ ކާންދޭނަން
ފަސްކަލޯ ބޭބެ
06 December 2018
ތިހެން ތިކަން ކޮއްފިޔަާ ގޯސްވާނީ ސަރުކާރު ކޮއްކޯ ދިވެހިންނަކީ ރަގަޅު އެތްގޮތެއްވެސް އޮންނަ ބައެނޫން
ކެންޑްރިކް
06 December 2018
އަދި އެވެސް ބީހައިވް ކަހަލަ އަގުބޮޑު ހޮޓެލް ތަކުގަ. ހަމްދަރުދީ ނުވަނީއެއް ނޫން. އެކަމު ތީ ވޭސްޓްހެން މަށަށް ހީވަނީ.
ޔާތަ
06 December 2018
އާ ހޮޓާ ތަކުގަ ބެހެއްޓީއަސް މައްސަލައެއް ނެތް. މިކިޔަނީ އެންމެ 20 މީހުންގެ ވާހަކަ.