ކުރީގެ ނައިބު ރައީސުންނަށް އިނާޔަތް ލިބޭ ބިލެއް ހުށަހަޅައިފި

މަޖިލީހުގެ ޖަލްސާއެއް ކުރިޔަށް ދަނީ -- ފައިލް ފޮޓޯ

މުހައްމަދު ޔާމީން، މިހާރު

16 ޑިސެމްބަރ 2018 - 10:23

ކުރީގައި ރާއްޖޭގައި ނައިބު ރައީސްކަން ކުރެއްވި ބޭފުޅުންގެ ތެރެއިން ކުށްވެރިނުވެ، އެ މަގާމުން ވަކިވެއްޖެނަމަ، ރައްކާތެރިކަމާއި އިނާޔަތް ދިނުމުގެ ބިލެއް ރައްޔިތުންގެ މަޖިލީހަށް ހުށަހަޅައިފި އެވެ.

އޭދަފުށީ ދާއިރާގެ ޕީޕީއެމްގެ މެމްބަރު އަހުމަދު ސަލީމް ބިލް ހުށަހެޅުއްވި ސަބަބެއްގެ ގޮތުގައި ވިދާޅުވީ ކުރީގެ ނައިބު ރައީސުންނަކީ އިއްޒަތާއި ގަދަރާއި ސަލާމަތާއި ރައްކާތެރިކަން ކަށަވަރުވެގެންދާ ބަޔަކަށް ވާތީ މިފަދަ ބިލެއް އޮތުމަކީ މުހިންމު ކަމެއް ކަމަށެވެ. ކުރީގެ ނައިބު ރައީސުންނަކީ އަބަދުމެ، ގައުމާއި ރައްޔިތުންގެ ލާބަ އާއި މަންފާއަށް މަސައްކަތް ކުރައްވާ ބޭފުޅުން ކަމަށް ވެސް ސަލީމް ވިދާޅުވި އެވެ.

ކުރީގެ ނައިބު ރައީސުންނަށް އިނާޔަތާއި ރައްކާތެރިކަން ލިބޭ ބިލެއް މަޖިލީހަށް ހުށަހެޅި އިރު، ނައިބު ރައީސްކަން ކުރެއްވި ފަސް ބޭފުޅަކު މި ވަގުތު ދުނިޔޭގައި އެބަތިއްބެވި އެވެ. އޭގެ ތެރެއިން ކުރީގެ ނައިބު ރައީސް އަހުމަދު އަދީބުގެ މައްޗަށް ޖިނާއީ ކުށެއް ސާބިތުވެފައިވާތީ އޭނާ އަށް އިނާޔަތާއި ރައްކާތެރިކަމެއް ނުލިބޭނެ އެވެ. އަދި ކުރީގެ ނައިބު ރައީސް ޑރ. މުހަންމަދު ވަހީދު ފަހުން ރައީސްކަން ކުރައްވާފައި ވާތީ، އެމަނިކުފާނަށް ލިބިވަޑައިގަންނަވާނީ ކުރީގެ ރައީސުންގެ އިނާޔަތްތަކެވެ.

ބިލް ފާސްވެ، ރައީސް ތަސްދީގު ކުރައްވައި، ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެން އިނާޔަތާއި ރައްކާތެރިކަން ލިބިވަޑައިގަންނަވާނީ މުހައްމަދު ވަހީދުއްދީނަށާއި ޑރ. މުހައްމަދު ޖަމީލް އަހުމަދަށާއި އަބްދުﷲ ޖިހާދަށެވެ.

އަދި މިހާރު ހުންނެވި ނައިބު ރައީސް ފައިސަލް ނަސީމަށް ބިލުން އިނާޔަތާއި ރައްކާތެރިކަން ލިބޭނީ ކުށްވެރިނުވެ، މަގާމުން ވަކިވެ ވަޑައިގަންނަވާ ހިސާބުންނެވެ.

ސަލީމް ހުށަހެޅުއްވި ބިލްގައި ވަނީ ރައީސުލްޖުމްހޫރިއްޔާގެ ނައިބުގެ މަގާމުގައި ހުރި މީހަކު، ކުށްވެރިނުވެ، އެ މަގާމުން ވަކިވެއްޖެ ނަމަ، ދައުލަތުގެ އެންމެ މަތީވެރިޔާގެ ނައިބަށް ދޭން ޖެހޭ އިއްޒަތާއި ގަދަރާއި އެކަށީގެންވާ ފަދަ ރައްކާތެރިކަމާއި އިނާޔަތްތައް އެބޭފުޅުންނަށް ވެސް ލިބެން ވާނެ ކަމަށެވެ.

ބިލްގައިވާ ގޮތުން، ނައިބު ރައީސްކަން ކޮށްފައިވާ މީހަކަށް ދައުލަތުގެ ސަލާމަތީ ބާރުތައް މެދުވެރިކޮށް، ހިމާޔަތާއި ރައްކާތެރިކަން ދައުލަތުން ފޯރުކޮށްދޭން ޖެހެ އެވެ.

ދައުލަތުގެ ބަޖެޓުން މިހާރު އިނާޔަތް ދެނީ ރައީސްކަން ކުރައްވާފައި ތިއްބެވި ބޭފުޅުންނަށެވެ. އެގޮތުން، އޮފީސް ހިންގުމުގެ ޚަރަދާއި ދިރިއުޅުއްވާ ތަނުގެ ޚަރަދު ހަމަޖެއްސުމަށާއި މާލީ އިނާޔަތުގެ ގޮތުގައި އެތައް މިލިއަން ރުފިޔާއެއް ދިނުމަށް ބަޖެޓުގައި ކޮންމެ އަހަރަކު ވެސް ހިމަނަ އެވެ.

ބިލްގެ ފުރަތަމަ ކިއުން އިއްޔެ އޮތް މަޖިލީހުގެ ޖަލްސާގައި އިއްވި އިރު، ބިލަށް އަމަލު ކުރަން ފަށާނީ ބިލް ފާސްވެ، ރައީސް ތަސްދީގުކޮށް، ސަރުކާރުގެ ގެޒެޓްގައި ޝާއިއުކުރުމުންނެވެ.

ރައްޔިތުންގެ މަޖިލިސް މަޖިލީހުގެ މެމްބަރުން ޑރ. މުހައްމަދު ޖަމީލް އަހުމަދު މުހައްމަދު ވަހީދުއްދީން އަހުމަދު ސަލީމް (އޭދަފުށި ދާއިރާ) ރައީސް މުހައްމަދު ވަހީދު ނައިބު ރައީސް ފައިސަލް ނަސީމް ކުރީގެ ނައިބު ރައީސް އަދީބު ކުރީގެ ނައިބު ރައީސް އަބްދުﷲ ޖިހާދު

29 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތޮޅޭބަކުޑި

24 December 2018

މިވެރިންނަށް ފައިސާނޫން އެއްޗެއް ނުކިޔޭނެވިއްޔަ. ތިމާގެ އަމިއްލަ މުހުތާދަށްނޫންގޮތަކަށް ފިޔަވަޅެއް އޮޅިގެންވެސް ހަމަ ނޭޅެނީބާ؟ ... އަޅެ ފަހެ، އެބުނާ ފައިސާވެރި މީހުނަށް ބޮޑު ޢަދަދުން މަންފާ ހޯދަދޭން ބިލު ހުށަހެޅުމަށްވުރެ ޤައުމުގަ އުޅޭ ނިކަމެތި ބަޔަކަށް މަންފާއެއް އޮތް ކަމެއް ކުރަން އުޅުނިއްޔާ މާ ރަނގަޅުވާނެނޫންބާ؟ ... މި މަޖިލީހަށް ވަދެވުނީމަ މިވެރިންނަށް މިތިބެނީ ކީތްތަވެފަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭނާ

17 December 2018

ތިއީ ކާކުގެ ކަމެއްކަން ވަރަށް ސާފު. މިހަމަޔަށް މިރާއްޖޭގައި ވޕ ކަން ކުރި އެއްވެސް މީހަކީ ދައުލަތުން ހަރަދުތަކެއް ކުރުން ފިއަވާ ފެންނަންހުރި އެއްވެސް މިންވަރެއްގެ ހިދުމަތެއް މި ގައުމަށް ކޮށްދިން ބައެއްނޫން. އެހެން އެކަން އޮށްވަ މުޅި ހަޔާތުގައި ދައުލަތުން ކާންދީ ބޯންދީ ބަލަހައްޓަން މި ޖެހުނީ. މިއީ ދެމެހެއްޓެނިވި ނިޒާމެއްނޫން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު

16 December 2018

ރައީސެއް ނައިބު ރައީސެއް ކިޔާނެ ކަމެއް ނެތް..މި ގައުމުގެ ކޮންމެ މީހަކައް ވެސް މަހުން މަހައް އިނާޔަތް ދޭންވީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޫގުލާ

16 December 2018

އެމީހުނަށް ހިމާޔަތް ދިނަސް އެލަވަންސްއެއް ދޭކަށް ނުޖެހޭ.. ފައިބާ ކޮންމެ ރައީސަކާ ނައިބު ރައީސަކަށް ދޭންވީ ކީއްކުރަން؟ ކޮންމެ މީހަކުވެސް މަހުޖަނަކަށްވެފަ ހުންނަނީ ފައިބާއިރު.. މިހާރުވެސް އޮތީ ބޮޑު ޑެފިސިޓް ބަޖެޓެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

16 December 2018

މިއުޅެނީ މުސާރަ ނުދެވިގެންނެވެ. ސިޔާސީ މީހުންގެ އަދިމަޖްލިސް މިނިވަން މުވައްސަސާ ތަކުގެ މުސާރަ ކުޑަކުރަން ވީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާމް194

16 December 2018

ކުރީގެ ރައީސުން، ކުރީގެ ނައިބު ރައީސުން، ކުރީގެ މެމްބަރުން، ކުރީގެ ފަނޑިޔާރުން، މިހެން ގޮސް ކުރީގެ އެއްވެސް ބޮޑު މަޤާމެއްގައި ހުރި މީހަކަށް، މަޤާމުން ވަކިވުމަށްފަހު ބޮޑެތި އިނާޔަތްތައް ދިނުމާއި އަހަރެން ދެކޮޅު. މަޤާމުތަކަށް ހޮވަނީ ރައްޔިތުންނަށް ޙިދުމަތްކުރުމަށް ރައްޔިތުންގެ ޚާދިމުންގެ ގޮތުގައި. ވަކިވުމަށްފަހު އެއީ ހަމަ އާދައިގެ ރައްޔިތެއް. އުމުރު ދުވަހަށް ރައްޔިތުންގެ ޚަޒާނާ އެމީހުންނާއި އެމީހުންގެ ޢާއިލާއަށް ހޭދަކުރުމަކީ އިންސާފެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދެކޮޅެ

16 December 2018

ރެޑްވޭވުގެ ފައިސާގެ ވާހަަކަތަ މީނަ މިދައްކަނީ. އަހަރެމެން ރައްޔަތުންގެ ލާރި ކަލޭމެން ހިތަށް އެރިގޮތަކަށް ތަޅައި ބުރުއްސައި ނުލެވޭނެ. ނައިބު ރައީސްކަން ދީފާނެދުވާލަކު މީހަކަށް ދެންއެހުރިހާ މީހުންނަށް އުމުރު ދުވަހަށް މުސާރަދޭންވީތަ. 5 އަހަރުގެ ޓާމެއް ފުރިހަމަނުކުރާ މީހަކަށް އިނާޔަތްދިނުމާ މަދެކޮޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވިސްނޭ

16 December 2018

ޕެންޝަން ގެ އިތުރުން އެއްވެސް އެއްޗެއް ލިބެން ޖެހޭކަމަކައް ނުދެކެން، ވަރައް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު

16 December 2018

ދެން ދުވަސްކޮޅަކުން މަޖިލީސް ރައީސްވެސް ދެން އޭގެ ފަހުން މައިނޯރިޓީ ލީޑަރުންވެސް އަދި ޕާޓީ ލީޑަރުންވެސް. ބުރަމަސައްކަތްކުރާ ދިވެހި ރައްޔިތުން ހޯދާހާ ފައިސާއިން ޓެކްސްނަގައިގެން މިމީހުންތަކަށް ހުރިހާ އެއްޗެއް ނުދެނީސް ހިތް ނުފުރޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެން

16 December 2018

އެކަމް ބަޖެޓެއް ނެތޯ.. އަޅެ ކީއްތަ ވާނީ ތިޔަ ރުފިޔާ ތައް ގުދާރު ބިންދައިގެން މަސައްކަތް ކުރާ މުވައްޒަފުން ނަށް ދިނިއްޔާ.. ހައްތާވެސް މި ބައިމީހުން ނަށް މަންފާ ވާ ގޮތަށް.