ޒަހަމްވީ ބަންގްލަދޭޝްގެ ޑޮކްޓަރެއްގެ ދަރިއެއް

ސިމެންތި ބަސްތާ އިން ސިމެންތިތައް ކުއްޖާގެ ގަޔަށް އެޅެނީ

16 ޑިސެމްބަރ 2018 - 17:06

ހަދަމުން ދިޔަ އިމާރާތަކުން ވެއްޓުނު ސިމެންތި ބަސްތާއަކުން ޖެހި ސީރިއަސް އަނިޔާތަކެއް ލިބުނީ ރާއްޖޭގައި މަސައްކަތްކުރާ ބަންގްލަދޭޝްގެ އަންހެން ޑޮކްޓަރެއްގެ ދަރިއަކަށް ކަމަށް، މާލޭ ސިޓީ ކައުންސިލުން މިއަދު ބުނެފި އެވެ.

މ. ނަލަހިޔާ މަންޒިލްގެ ފަސް ވަނަ ބުރިން ވެއްޓުނު ސިމެންތި ބަސްތާ އިން ޖެހި ޒަހަމްވި އުމުރުން ހަތް އަހަރުގެ އަންހެން ކުއްޖާއަށް އައިޖީއެމްއެޗުގައި މިހާރު އަންނަނީ ފަރުވާދެމުންނެވެ. އެންމެ ފަހުން އެ ހޮސްޕިޓަލުން ބުނީ ކުއްޖާގެ ހާލު ސީރިއަސް ކަމަށެވެ.

މި ހިމާތަވެރި ހާދިސާއާ ބެހޭ ގޮތުން ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމެއްގައި މާލޭ ސިޓީ މޭޔަރު ޝިފާ މުހައްމަދު ވިދާޅުވީ ފ. އަތޮޅުގެ ރަށެއްގައި މަސައްކަތްކުރަމުން އަންނަ ޑޮކްޓަރާއި އޭނާގެ ދަރިފުޅު މާލެ އައިސް އުޅުނީ ޗުއްޓީއެއްގައި ކަމަށެވެ.

ޝިފާ ވިދާޅުވި ގޮތުގައި އަނިޔާ ލިބުނު ކުއްޖާއަށް، އެތަން އިމާރާތްކުރަމުން ދިޔަ ޑަބްލިޔު ކޮންސްޓްރަކްޝަންގެ ފަރާތުން އެހީތެރިކަން ފޯރުކޮށްދެމުން އަންނަކަމުގެ މައުލޫމާތު ވަނީ ލިބިފަ އެވެ. އަދި އެ ކުއްޖާގެ ހާލަތާއި އެ އާއިލާއަށް ބޭނުންވާ އެހީތެރިކަން ސަރުކާރުގެ އިދާރާތަކާއި ރައީސް އޮފީހުން ވެސް ވަރަށް ކައިރިން ބަލަމުން އަންނަ ކަމަށް އޭނާ ވިދާޅުވި އެވެ.

ޝިފާ ވިދާޅުވީ އިމާރާތްކުރަމުން ދިޔަ ތަނުގައި މަސައްކަތް ކުރުމުގެ ހުއްދައިގެ ބޯޑު ބަހައްޓާފައި ހުއްޓަސް އެއީ އެވަގުތު ކުރަމުން ދިޔަ މަސައްކަތަށް ނަގާފައިވާ ހުއްދައެއް ނޫން ކަމަށެވެ. އަދި އެތަން ސުޕަވައިޒްކުރުމުގެ ކަންކަން ވެސް ދިޔައީ ވަރަށް ފަރުވާ ކުޑަކޮށް ކަން ފާހަގަކުރެވިފައިވާ ކަމަށް ވެސް މޭޔަރު ވިދާޅުވި އެވެ.

"އެހެންވީމަ އަޅުގަނޑުމެން އެދެނީ ކުރިއަށް އޮތް ތަނުގައި މާލެ ސިޓީގައި ކުރެވޭ މަސައްކަތަކީ ބެލުންތެރިކަމާ އެކު، ކުރެވޭ މަސައްކަތަށް ހެދުން...މާލެ ސިޓީއަށް ޒިޔާރަތްކުރާ ބޭފުޅުން ކަމުގައި ވިއަސް ބިދޭސީ، ދޭސީއަކު ކަމުގައި ވިއަސް އެ ރައްޔިތުންގެ ރައްކާތެރިކަން އެއީ ފުރަތަމަ ކަމަކަށް ވާން ޖެހޭނެ،" ޝިފާ ވިދާޅުވި އެވެ.

ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ ޑަބްލިއު ކޮންސްޓްރަކްޝަން ކުންފުނިން އެ މަސައްކަތް ކުރަމުން ދަނީ އެއްވެސް ޒިންމާދާރުކަމެއް ނެތި ކަމަށެވެ.

ބަންގްލަދޭޝް ކޮންސްޓްރަކްޝަން ދާއިރާ އައިޖީއެމްއެޗު މާލެ ސިޓީ ކައުންސިލް މާލޭގެ މޭޔަރު ޝިފާ މުހައްމަދު

15 ކޮމެންޓް, 377 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބައިރޯގަލަން

17 December 2018

މާލެއަކީ ވެރިރަށްތަކުގެ ތެރޭގަ ރޭވުންތެރިކަން ދަށް އެންމެ ދޯހޮޅިކޮށް އޮތްތަނެވެ ކިތަންމެ ވަރަކަށް ވާރު ނެގިޔަސް އޭގެރާހަތު ރައްޔިތުންނަކަށް ނުލިބެއެވެ މަދިރި ގިނަކަމުން މާލެއެކޭ ކަނޑޫފަލެކޭ އެއްގޮތެވެ ރަސްފަންނުވިޔަސް ސަލްޓަންޕާރކްވިޔަސް ހަމަ ކަނޑޫފަލެވެ މަގުތަކުގެ ކަންތައް ނުބެލެހެއްޓިދަނީ ބަލަހައްޓަން ބޭނުންނުވާތީއެވެ މަގުމަތީ ތަކެތި ބެޖެއްޓުމުގަ ހުރި ކަންތައްތައް ސިޓީ ކައުންސިލުން ބެލެހެއްޓޭ ބާވައެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެޔޮލަފާ

16 December 2018

މާތް الله ގެއިރާދަފުޅުން އެ ތުއްތު ކުއްޖާއަށް އަވަސް ޝިފާއެއް މިންވަރުކިރައްވާށި. ޢާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދު

16 December 2018

މާލޭގެ އިމާރާތް ކުރާސައިޓްތަކުން އާންމުކޮށް މިފަދަ ތަކެތި ވެރެެެއެވެ. ހަމަގައިމުވެސް ގަށައިފައި ހުންނަ ސިމެންތިއާއި ގާކޮޅުތައް ބޮލަށް އެޅެއެވެ. ނުރައްކާތެރި ބައެއްތަކެތި ވެއްޓިފައިވެސް ހުރެއެވެ. ކަމެއްނުވާތީ ނޭނގެނީއެވެ. އެފަދަ ކަމެއް ދިމާވެގެން އެއްޗެއްބުންޏަސް އެއަށް ރައްދު ފުރަތަމަ ދޭނީވެސް ބަންގާޅީއެކެވެ. ގިނަފަހަރަށް ބުނާނީ ކަލެޔަށް ކޮންކަމެއްޔޭ ފަދަ ޖެއްސުމުގެ ބަހެކެވެ. ނުވަތަަ ކަލެޔާ ބެހޭކަމެއް ހެއްޔޭފަދަ ބަހެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޓް

16 December 2018

ވަރަށް އުފާވެއްޖެއް. ސިޓީ ކައުންސިލް ގެ މޭޔަރ ދެއްކެވި ވާހަކަ ފުޅަށް. ބިދޭސިއެއް އެއް ނުވަތަ ދިވެއްސެއްކަމުގައި ވިޔަސް ބޭނުންވަނީ ރައްކާތެރިކަން. މިކަން ކަށަވަރުކުރެވޭނީ ސައިޓް ތަކުގައި މަސައްކަތް ހިގާ ވަގުތު ސްޕަރވައިޒެއް ހުރެގެން. ހަމަ އެކަނި ރައްކާތެރިފިޔަވަޅު އެޅުމަކުން ނުފުދޭނެ.