އަދީބުގެ ޕާޓީ ރަޖިސްޓަރީކޮށްދީފި

އެމްޓީޑީގެ ރަޖިސްޓްރީ ހަވާލު ކުރުމުގެ ރަސްމިއްޔާތުގެ ތެރެއިން: އެންމެ ފުރަތަމަ އޮންނާނީ ޕާޓީ ކައުންސިލްގެ ބައްދަލުވުމެއް ކަމަށް ވަނީ ބުނެފައި -- އަހުމަދު ނިޝާތު / މިހާރު ފޮޓޯ

ހަސަން މުހައްމަދު، މިހާރު

27 ޑިސެމްބަރ 2018 - 15:32

23 comments

ކުރީގެ ނައިބު ރައީސް އަހުމަދު އަދީބުގެ މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) އިލެކްޝަންސް ކޮމިޝަނުން މިއަދު ރަޖިސްޓްރީ ކޮށްދީފި އެވެ.

އެމްޓީޑީގެ ރަޖިސްޓްރީއާ ހަވާލުވުމަށް ފަހު، އެ ޕާޓީގެ ކައުންސިލް މެންބަރު އަދި ވިޔަފާރިވެރިންގެ ޖަމިއްޔާގެ ނައިބު ރައީސް އިސްމާއިލް އާސިފް ވިދާޅުވީ ކުރިއަށް އޮތް ތަނުގައި ޕާޓީން ހިންގާނެ ހަރަކާތްތައް ވަރަށް އަވަހަށް އާންމު ކުރާނެ ކަމަށެވެ.

"މިއީ އަޅުގަނޑުމެންގެ ފުރަތަމަ ހަރުފަތް ކަމަށް މި ބަލަނީ. އިތުރު ހަރަކާތްތަކާއި ސިޔާސަތުތައް ހާމަ ކުރާނަން ކުރިއަށް އޮތް ތަނުގައި. އެންމެ ފުރަތަމަ އޮންނާނީ ޕާޓީގެ ކައުންސިލްގެ ބައްދަލުވުމެއް،" އާސިފް ވިދާޅުވި އެވެ.

އެމްޓީޑީގެ ރަޖިސްޓްރީ ހަވާލު ކުރުމަށް ބޭއްވި ރަސްމިއްޔާތުގައި އިލެކްޝަންސް ކޮމިޝަންގެ މެންބަރު އިސްމާއިލް ހަބީބު ވަނީ ގައުމީ މަސްލަހަތު އިސްކޮށްގެން ސިޔާސީ ހަރަކާތްތައް ހިންގުމަށް ގޮވާލައްވައިފަ އެވެ.

"ސިޔާސީ ޕާޓީތަކުން ސިޔާސީ ހަރަކާތްތައް ހިންގާއިރު އެންމެ އިސްކަން ދޭންވާނީ ގައުމީ މަސްލަހަތަށް. އަދި ކޮމިޝަނުން ޔަގީން ކުރަނީ ސިޔާސީ ޕާޓީތަކުގެ ގާނޫނާ އެއްގޮތްވާ ގޮތުގެ މަތިން ސުލޫކީ މިންގަނޑުގެ ތެރެއިން ކަމަށް،" ހަބީބް ވިދާޅުވި އެވެ.

އެމްޓީޑީ ރަޖިސްޓްރީވުމާއެކު އެ ޕާޓީ ވެފައި ވަނީ ރާއްޖޭގެ ހަތް ވަނަ ސިޔާސީ ޕާޓީއަށެވެ. އެ ޕާޓީ އުފެއްދުމަށް ބޭއްވި ޖަލްސާ މިދިޔަ ހޯމަ ދުވަހު ބާއްވާފައި ވަނީ ދަރުބާރުގޭގަ އެވެ.

ވެލިދޫ ދާއިރާގެ މެންބަރު މުހައްމަދު ޔާމީނަކީ އެމްޓީޑީގެ މެންބަރެކެވެ. އަދި ޕާޓީއަށް މިވަގުތު ސޮއި ނުކުރެއްވި ނަމަވެސް ދިއްދޫ ދާއިރާގެ މެންބަރު އަބްދުއްލަތީފް މުހައްމަދު ވަނީ ޕާޓީ އުފެއްދި ޖަލްސާގައި ވާހަކަ ދައްކަވައިފަ އެވެ.

އެމްޓީޑީއަށް އެންމެ ފުރަތަމަ ސޮއި ކުރައްވާފައި ވަނީ ކުރީގެ ރައީސް އަބްދުﷲ ޔާމީން އަވަހާރަކޮށްލަން އުޅުނު ކަމުގެ ކުށާއި ހިޔާނާތުގެ ކުށް ސާބިތުވެ 33 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ އަހުމަދު އަދީބެވެ.

އަދީބު އެ ޕާޓީއަށް ސޮއި ކުރައްވާފައި ވަނީ ބަލި ހާލަތު ހުންނެވި ގޮތުން ގޭ ބަންދަށް ބަދަލު ކުރެއްވި ފަހުންނެވެ.

ސިޔާސީ ޕާޓީ އިލެކްޝަންސް ކޮމިޝަން ކުރީގެ ނައިބު ރައީސް އަދީބު އަހުމަދު އަދީބު މޯލްޑިވްސް ތާޑްވޭ ޑިމޮކްރަޓްސް (އެމްޓީޑީ)

23 ކޮމެންޓް, 62 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓައި

27 December 2018

ކާކުތަ ކަލެއައް ޓައި ހޯދައިދެނީ !!!!! ހީވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

27 December 2018

ޔާމީނަށާއި އަދީބަށް މިނިވަންކަން އަދި ފައިސާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

27 December 2018

ކޮންމެ ފަހަރަކު ކޯލިޝަނޭ ކިޔައިގެން ސިޔާސީ މީހުން މިޖަހާ ސަަކަރާތުގެ ގެއްލުން މިލިބެނީ ރައްޔިތުންނަށް. ދެން ފެންނާނީ އަދީބު އާ ޔާމީން އިސްވެ ތިބެ އިދިކޮޅު ކޯލިޝަން ހަދައިގެން ސަރުކާރު ރޫޅާލާތަން. އެކަމަށް ތަމްރީނުކުރި ބަޔަކުއެތިބީ އެންމެ ބޮޑު ބާގަނޑުން ކޯލިޝަނަށްވަދެ ސަރުކާރުގެ ބަލިފައިގަ ބައްދައިގެން ހިރިލިޔަވެސްނުދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބާ

27 December 2018

ރައްޔިތުންގެ ލާރި ރައްޔިތުންނަށް ރައްދު ކޯށްދޭން އަދީބު ހެދި ޕާޓިއެއް.. ޕާޓީގެ ޖަލްސާއަށް މީހުން ހާޒިރުކުރަންވެސް އެވަރަށް ވަނީ ޚަރަދު ކުރެވިފައި.. ވިޔަފާރި އުސޫލުން ހިނގާ ހަމައެކަނި ޕާޓީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުންތަރި

27 December 2018

ރައީސް އިބޫ ސޯލިހް އުފެއްދެވި ދެ ކަމިޝަނުން މަސައްކަތް ނުފެށިގެން އުޅެނިކޮށް އެކަމިޝަނަށް ބޭނުންވާ 2 ޗެމްޕިއަނުން ސިޔާސީ ޕާޓީ އުފަދައި މިހާރު ޒުވާނުން ގޮވައިގެން އެދަނީ ހަނގުރާމައަށް ނިކުންނަން ތައްޔާރުވަމުން، އަހަރުމެން ހީކުރީ ޔާމީނުގެ ވެރިކަން ނިމުނީމަ އަދީބުއަށް ކެރޭނެކަމަށް ޔާމީނުގެ މައްސަލަތަކުގެ ބަޔާންތަށްދޭން، އަދީބުއަށް ނާޒިމް ކުރިވަރުވެސްނުވި، ދެންތިބޭ މަޖިލިހުގެ އިންތިހާބަށްފަހު އަނެއް ހަނގުރާމަ ފަށަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތާ

27 December 2018

ގައުމު ލޫޓުވާ މީހުންވެސް އެންމެފަހުން ބަތަލުންނަށްވެ ނިމިއްޖެ. ހިތާމައިގެ ކޮޅެއްނެތް. އެހެންގައުމެއްނަމަ ސިޔާސީ ސަފުގައި ތިބި ބައެއް މީހުން ތިބޭނީ ޖަލުގައި.