މ. މުލީ ހޮސްޕިޓަލުގައި އޮތް މީހާ އެމެޖެންސީގައި މިއަދު ގެނެސް މާލެ ބާލަނީ: އެގްރިމެންޓް އާ ކުރި ކަމަށް އެމްއެންޑީއެފުން ބުނީ ރޭގަ -- ފޮޓޯ / މޯލްޑިވްސް ނެޝަނަލް ޑިފެންސް ފޯސް
05 ޖެނުއަރީ 2019 - 10:50
71 comments
ބަލި މީހުން އުފުލާއި ވައިގެ މަގުން ކަނޑުގެ ސަރަހައްދު ބަލަން އިންޑިއާ ސިފައިން ރާއްޖޭގައި ދުއްވާ ދެ ހެލިކޮޕްޓަރުގެ އެގްރިމެންޓް އާކޮށް އޮޕަރޭޝަންތަކުގައި އަލުން ބޭނުން ކުރަން ފަށައިފި އެވެ.
އިންޑިއާ ސިފައިން ރާއްޖޭގައި ދުއްވާ ދެ ހެލިކޮޕްޓަރާއި އެ ދޭ ތި ދުއްވާށާއި ބަލަހައްޓަން އިންޑިއާ ސިފައިން ތިބޭތީ އެ މައްސަލާގައި ިދިވެހިންގެ މެދުގައި ހިޔާލު ތަފާތުވުން ބޮޑެވެ.
ނަމަވެސް އެގްރިމެންޓް އާކޮށް، ހެލިކޮޕްޓަރު ބޭނުންކުރަން ފަށާފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް އިން ރޭ ވަނީ ބުނެފަ އެވެ.
އެއްބަސްވުން އާކުރުމާ އެކު ރާއްޖޭގެ ބައެއް ހިސާބުތަކުން އިއްޔެ އާއި މިއަދު ވެސް ވަނީ ބަލިމީހުން މާލެ ގެނެސްފަ އެވެ. އެގޮތުން މ. މުލީ ރީޖަނަލް ހޮސްޕިޓަލުގައި އޮތް 81 އަހަރުގެ ބަލި އަންހެނަކު މިއަދު ހެނދުނު ހެލިކޮޕްޓަރުގައި ގެނަ އެވެ. އަދި އިއްޔެ ދެ ރަށަކުން ދެ މީހަކު ވަނީ ގެނެސްފަ އެވެ.
M.Muli Regional Hospital gai Faruvaadhemundhiya Umurun Dhuvasvee haalubodu bali meehaku MNDF Helicopter gai miadhu hendhunu Male' genesdheefi https://t.co/zpCmcUgPOu pic.twitter.com/naiWOYFhIy
— Maldives National Defence Force (@MNDF_Official) January 5, 2019
ހެލިކޮޕްޓަރު ރާއްޖޭގައި ބޭނުން ކުރުމުގެ އެގްރިމެންޓް އާ ސަރުކާރުން އާކުރިއިރު ކުރީގެ ރައީސް އަބްދުﷲ ޔާމީންގެ ވެރިކަމުގައި އިންޑިއާއާ އެކު އޮތް ގުޅުން ހީނަރުވެ އެ ދެ އުޅަނދު ގެންދަން ވެސް އޮތީ އަންގައިފަ އެވެ.
އިންޑިއާގެ ދެ ހެލިކޮޕްޓަރު ރާއްޖޭގައި އޮޕަރޭޓް ކުރުމުގައި ދިމާވާ އެންމެ ބޮޑު މައްސަލައަކީ އެ ގައުމުގެ ސިފައިންގެ ބެލުމުގެ ދަށުގައި ދެ އުޅަނދު އޮތުމެވެ. ހެލިކޮޕްޓަރު އޮޕަރޭޓްކުރާނެ ދިވެހި ސިފައިން ތަމްރީންކޮށްފައެއް ނުވެ އެވެ.
ބަލި މީހުން އުފުލާށާއި ސާޗް އެންޑް ރެސްކިއު މިޝަންތަކުގައި ބޭނުން ކުރުމަށް ދެ ހެލިކޮޕްޓަރު ފުރަތަމަ ގެނެސްފައި ވަނީ ކުރީގެ ރައީސް މުހައްމަދު ނަޝީދުގެ ސަރުކާރުން 2010 ވަނަ އަހަރެވެ. އޭގެ ފަހުން ރައީސް މުހައްމަދު ވަހީދު ހަސަން މަނިކާއި ރައީސް ޔާމީން ވެސް ވަނީ އެ އެއްޗެހި ރާއްޖޭގައި އޮޕަރޭޓް ކުރުމުގެ އެއްބަސްވުމުގައި ސޮއިކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިންނަވަރު މޯޑް
06 January 2019
ހެލިކޮޕްޓަރުގެ އެއްބަސްވުން އެއް ގަރުނައްވެސް އިތުރުކުރަންވީ. އެހެނީ، ރާއްޖެ އަކީ ޖަޒީރާ ގައުމެއް. އެހެންކަމުން މޫސުމް ބޮޑަށް ގޯސްވާ ވަގުތެއްގައި ބަލި މީހެއްގެ ހާލު ބޮޑުވެއްޖެނަމަ އެމީހަކަށް ރަނގަޅު އަވަސް ފަރުވާ ދިނުމަށް މާލެ ގެނެވޭނެ ގޮތެއްވެސް ނޯވޭ. އަދި، މިހެން ވުމުގެ ސަބަބުން ވޭތިވެދިޔަ ދުވަސް ތަކުގައި ބައެއް ބަލިމީހުން މަރުވެފައިވެސް އެބަހުރި. މި ގައުމަށް ބޭނުންވަނީކީ އެންމެ ހެލިކޮޕްޓަރެއްވެސް ނޫން . ހައެެއްކައެތި ބޭނުން.
އިބުރާހީމް-
06 January 2019
ހެޔޮނުވާނެ، ތިބައިގަޑު ވެވެންއޮތް ގޮތަކުން ބޭރުކުރޭ. އެހެންނޫނީ މިރާއްޖެ އެމީހުންގެ ހަންފެތުރުމުގަ އޮންނާނީ.
އިބުރާހީމް-
06 January 2019
ތިއޮތީ ރާއްޖެ އިންޑިއާއަށް ވިކިފަން ދޭހަވޭ
ޖަރީމާ
05 January 2019
ހެލިކޮޕްޓަރ މައްސަލައިގައި ރާއްޖޭގެ އެއްވެސް ސީނައަރ ނޫސްވެރިއެއް މިކަން ހިނގަމުން އޮންނަ ގޮތް އޮޅުން ފިލުވާ ރިޕޯޓެއްގެ މިންވަރުވެސް ގެެނެސް ނުދީ ތިބެނީ މާލޭގަ ހުންނަ އިންޑިއާ އެމްބަސީއިން އެމީހުންނަށް ސުޕާރީ ދީފަ ގަނެފަ ތިބޭތީ. މިކަމަކީ ރާއްޖޭގެ %99 މީހުން ދެކޮޅު މައްސަލައެއް.
ހާހުންގާނު
06 January 2019
ވޯޓަކަށް ދާންވީނު؟ އޭރުންތާ އެގޭނީ
ލޯމާފާނު
05 January 2019
ދުނިޔޭގެ އެންމެ ބޮޑު ސީ ޕްލޭން ފްލީޓް އޮތް ގައުމުގަ ބަލިމީހުން އުފުލުން އެހެން ގައުމަކުން ބާ ދަނގަޑު ހެލިކޮޕްޓަރެއް މިލިޓަރީ ސިފައިންނާއި އެކު ގެންނާކަށް ނުޖެހޭނެ.
އަރޫ
06 January 2019
ސީޕްލޭން ފްލީޓު އެއީ މަހުޖަނުންގެ ބިޒްނަސް ކުރިއަރުވަން އެމީހުން ގެންގުޅޭ އެއްޗިހި، ނިކަމެތި ރައްޔިތުންނަކަށް ނޫން
ޙައްގުބަސް
05 January 2019
އިންޑިޔާގެ ދެ ހެލިކޮޕްޓަރާ އެކު މިގައުމުގައިތިބި އިންޑިޔާގެ 60 ސިފައިން މިގައުމުން ފޮނުވާލާ!! އަޅުގަނޑު ވަރަށް ހަރުކަށިކަމާއެކު ސަރުކާރަށްގޮވާލަން ދެ ހެލިކޮޕްޓަރާއެކު ފޮނުވާލާ ފޮނުވާލާ!!
ސަމްވަން
05 January 2019
ރައީސް އިބޫގެ ފުރަތަމަ ނިއުސް ކޮންފަރެސްގަ ބުނި ހެލިކޮޕްޓަރަށް ތެޔޮ އެޅުމާ މެއިންޓެނެންސްގެ ހުރިހާ ކަމެއް ކުރާނީ އިންޑިއާ ސަރުކާރުންނޭ.
އަހުމަދުބާއި
05 January 2019
ރަނގަޅު ގޮތަކީ އިންޑިޔާގެ ދެހެލިކޮޕްޓަރު ރާއްޖޭގަ އިންޑިޔާ މީހުން ދުއްވާ ވާހަކަ ލިޔުމެވެ.
ތިމާވެށި
05 January 2019
ދެ ހެލިކްޕްޓަރު ބޭނުންކުރުމުން ސަރުކާރުން އަހަރަކު ހަރަދު ކުރަން ޖެހޭ ވަރު ރައްޔިތުން އެނގެން ބޭނުން ވެއެވެ. ތެޔޮ ހަރަދުވެސް ދެނީ ކޮން ބައެއް ހެއްޔެވެ؟
ޗިއްލޫ
06 January 2019
ހަރަދު ބަލާކަށް ބޭނުމެއްނުވޭ، ބޭނުންވަނީ އެމީހުން މިތާތިބީ ކީއްކުރަންތޯބަލަން>>
ގައުމީ ލޯބީގާ
05 January 2019
ތިހެން ހާލަކުން ފަހަރަކު ބަލިމީހުން އުފުލަން ށޭ ކިޔައިގެން މިތާގަ ފައިހަރުކުރާނެ ގޮތެއް ހޯދަންވެގެން ތިއިންޑިޔާ މީހުން ބައިތިއްބައިގެން ތިއުޅެނީ. ތިހާ ހެއުފުޅިއްޔާ ހެލްކޮޕްޓަރ ބާއްވާފަ ރަށަށްދޭ ބަލަ .