އެމްޕީއެލް ކޮންޓެއިނާ ބޯޓެއް: ވިޔަފާރި ބަނދަރު ތިލަފުއްޓަށް ބަދަލުކުރަން ވޭތުވެދިޔަ ސަރުކާރުތަކުން ވެސް މަޝްވަރާކުރި.
05 ޖެނުއަރީ 2019 - 17:08
18 comments
މާލޭ ވިޔަފާރި ބަނދަރު، ތިލަފުއްޓަށް ބަދަލު ކުރުމުގެ މަޝްވަރާތައް ފަށައިފި އެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މެނޭޖިން ޑިރެކްޓަރު ޝާހިދު އަލީ މިއަދު ވިދާޅުވީ ވިޔަފާރި ބަނދަރުގެ ޖާގައިގެ ދަތިކަމަށް ދިމާވެފައިވާ މައްސަލަ އަށް އަވަސް ހައްލެއް ހޯދަން ސަރުކާރުގެ އެންމެ މަތީ ފަންތީގައި މަޝްވަރާ ކުރަން ފަށާފައިވާ ކަމަށެވެ. ތިލަފުއްޓަށް، ވިޔަފާރި ބަނދަރު ބަދަލުކުރުމުގައި އަމަލުކުރާނެ ގޮތްތަކެއް އެ މަޝްވަރާގެ ތެރެއިން ކަނޑައެޅޭނެ ކަމަށް ވިދާޅުވި އެވެ.
ތިލަފުއްޓަށް ވިޔަފާރި ބަނދަރު ބަދަލު ކުރުމަކީ ހުރިހާ ސަރުކާރަކުން ވެސް ވިސްނުން ގެންގުޅުނު ކަމެކެވެ. އެކަމަކު މިހާތަނަށް ކާމިޔާބުވެފައެއް ނުވެ އެވެ.
ޝާހިދު ވިދާޅުވި ގޮތުގައި އެމްޕީއެލްގެ ބަނދަރު، ތިލަފުއްޓަށް ބަދަލު ކުރުމުގެ މަސައްކަތް ކުރިއަށްގެންދާ އިރު މިހާރުން މިހާރަށް ވެސް ޖާގައިގެ ދަތިކަމަށް ހައްލު ހޯދަން ކުރެވޭނެ ކަންތައްތައް ބަލައި އެ ބަދަލުތައް ގެންނާނެ އެވެ.
"ވަގުތީ ގޮތުން ބަނދަރުގެ މައްސަލަ އަށް ހައްލެއް ގެނައުމަށްޓަކައި ހަލާކުވެފައިވާ އިކުއިޕްމެންޓްތައް މަރާމާތު ކުރުމުގެ މަސައްކަތް ދަނީ ކުރަމުން. މީގެ އިތުރުން ބަނދަރުގެ މެކްސިމަމް ސްޕޭސް ބޭނުން ކުރެވޭނެ ގޮތައް ރީއެޖޭންޖް ކުރުމުގެ މަސައްކަތް ވެސް ދަނީ ކުރަމުން،" އޭނާ ވިދާޅުވި އެވެ.
ޝާހިދު ވިދާޅުވީ، ބަނދަރުން ހުސްކުރާ ކޮންޓެއިނާތައް ބެހެއްޓުމަށްޓަކައި ހުޅުމާލޭގައި ހެދިފައިވާ ޖާގަ ވެސް އިތުރަށް ބޮޑު ކުރުމުގެ ގޮތުން އިތުރު ޔާޑެއް ތައްޔާރު ކުރަމުން އެބަދާ ކަމަށެވެ.
އެމްޕީއެލް އިން ބުނިގޮތުގައި ތިލަފުއްޓަށް ވިޔަފާރި ބަނދަރު ބަދަލު ކުރުމުގެ އަމަލީ މަސައްކަތް ފެށޭނެ ދުވަހެއް އަދި ނޭނގެ އެވެ.
ބަނދަރުން މުދާ ނުނެރެވި، ގިނަ ވަގުތު ނަގާތީ ވިޔަފާރިވެރިންނަށް ބޮޑެތި ގެއްލުންތަކެއް ލިބޭ ކަމުގެ ޝަކުވާ ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
06 January 2019
އަޅަންވީ ހަމައެކަނި ތިލަމާލޭ ބްރިޖް އެކަންޏެއްނޫން. ހުރިހާ ގުދަންތަކެއްވެސް ތިލަފުއްޓަށާއި ގުޅީފަޅަށް ބަދަލުކޮއް ރޭގަޑު 12 ން ފަތިހު 4 އަކަށް ފިހާރަތަކަށް ދުވަހު މުދާ ގެންނަގޮތަށް ހަމަޖައްސަންވީ. ބޮޑުސިޓީގައި ދިރިއުޅޭ މީހުނަށް ޚަރަދު ބޮޑުވުން އެއީ އެންމެ ރަގަޅުކަމެއް.
އަސްތާ
06 January 2019
ތިކަން އުޅޭ އިރަށް ލޮރީ ޑްރައިވަރުން ބުނާނެ މާލެ ނޫން ތަނެއްގަ ތިމަންމެން ނުކުރަަނަމޭ މަސައްކަތެއް. އާއިލާއާ ދުރުވަނީ އޭ. ކާރާއި ލޮރީ ދްރައިވަރުން މީ ޖެހިފައޮތް އުނދަގުލެއް!
ލޮލްޓް
06 January 2019
ތިލަފުއްޓާ ގުޅީފަޅު ގުޅާލާ ޕޯޓް ތިލަފުއްޓަށް ބަދަލުކޮށް މާލެ އާއި ވިލިގިއްޔާ ތިލަފުށި ގުޅާލެވިގެން ނޫނީ ތިޔަކަން އެންމެ އެދެވޭ ގޮތަަކަށް ނުދާނެ. ޕޯޓް ތިލަފުއްޓަށް ބަދަލުކޮށް މުދާ އޮޑި ދޯނޮ ފަހަރުގަ އުފުލަން ވެއްޖިއްޔާ މުދަލުގެ އަގު އިންތިހާއަށް ބޮޑުވެގެންދާނެ. އޭރުން މުދާމާލެއަށް ގެނައުމުގެ ތަކުލީފު ޖެހޭނީ ދޯނިފަހަރު ނުލިބިގެންނޭ ކިޔާފަ. ވިޔަފާރިވެރިން އަބަދުވެސް ބަލާނީ ބަހާނާދައްކައިގެން އަވަހަށް މުއްސަނދިވާން
ޥަރައް ސަލާމް
06 January 2019
ދައުރު ނިމެންވާއިރަށް ކަޅުވަކަރު މިސްކިއް ބެހެއްޓުން މިފަސް އަހަރު އޮތީ
އައްފާން
06 January 2019
މިއީ ރައީސް ޔާމީންގެ ގުރޭޓަރ މާލޭ ރީޖަންގެ ދެވަނަ މައި ޕުރޮޖެކްޓު.. އެޕުރޮޖެކްޓުގައި ތިލަފުށިން މާލެ އާއި ހަމައައް އަޅާ ބުރިޖްގެ ފައިނޭންސިންވެސް ވަނީ އޭޑީބީ އާއިއެކު މަޝްވަރާކުރެވި އެޕްލައި ކުރެވިފަ. މިފަދަ މަޝްރޫތަކެއް ހިންގާކުމައް ބޭނުންވާ ހިންގުމުގެ ވައްޓަފާޅިއެއް އަދި ގާބިލުކަމެއް މިސަރުކާރަކުއެއް ނެތް. މިއީ ހަގީގަތް.
ހިޔާލެއް
06 January 2019
ކޮންމެވެސް އަވަސް ހައްލެއް ބޭނުން. ދަންވަރު ތިކުރާ މަސައްކަތުން ނިދި ހަރާބު، އެއީ ކިހާ އަސާސީ ހައްގެއް ނިގުޅާވެނީ މިހިސާބު ރައްޔިތުން އަތުން. ކުދިބޮޑު އެންމެންގެ
އަބްދޫ
05 January 2019
ވިހާތަނަށް މައުމޫނުގެ ވެރިކަމުގަ 2004 ންފެށިގެން ތިޔަ ވާހަކައެއް ދަނީ ދައްކަމުން ނަމަވެސް އެކަން ނުކުރެވިގެން އުޅެނީ ސަބަބެއްނެތިގެނެއްނޫން . މުދަލުގެ އަގަށް އަްނާނެ ބަދަލު ބޮޑުކަމުން . މުދާ އަގުބޮޑުވެގެން ދާނެތީ ކަނޑުމަގުން ފިހާރަކުގެ މުދާ ފަިހާރަޔަށް ގެނައުމާ ކަސްޓަމުންނެރެވޭ ކޮންޓެއްިނާތަކަށް ހިގާ ހަރަދު ބޮޑުވެއްޖެ ނަމަ މުދަލުގެ އަގު ބޮޑުވެ ރައްޔިތުންނަށް ތަކުލީފު އުފުލަންޖެހިދާނެތީ. އަދި ވިސްނަވާ. ބްރިޖް އަވަސް ކުރައްވާ
އެމްސް
06 January 2019
ލޮރީ ޑްރައިވަރުންނާއި ޓެކްސީ ޑްރައިވަރުން ކިބައިން ޤައުމު މިނިވަން ނުވައެއް ތިކަންކަމެއް ނުވާނެ
އިބިރިހިންބެއްޔާ
06 January 2019
އަދި މާލެއިން ދިރިއުޅުމަށް ދީފައިވާ ބިންތަކުގައި ހެދިފައިވާ ގުދަންތައް ހުސްކުރެވި އެބޭފުޅުންނަށް ލިބޭއާމްދަނީ އިން އެތަކެއް ލޭންޑްލޯޑުން މަހުރޫމްވެދާނެތީވެސްމެ، އެހެންނޫންނަމަ ހަވީރުފިންޏަށް ދުއްވާލަން ބޭނުންކުރަން ހުޅުމާލޭ ބްރިޖް ހެދުމުގެ ކުރިން ހެދުނީހީ "ތިލަމާލޭ" ބުރިޖު.
ފަރީޝާ
05 January 2019
ޝާހިދު ސައިޒަށް ވުރެ ބޮޑު ވާޙަކަ ނުދައްކާ! ޙެޔުނުވާނެ.4 ރިސުޓީކާ މެނޭޖު ނުކުރެވި ކޮން ޕޯޓެއް!
ދާދޭ
05 January 2019
މާލޭގައިވެސް. ޢެމްޕީއެލްގެ ވިޔަފާރި ބަނދަރު، ތިލަފުށީގައިވެސް އެމްޕީއެލްގެ ވިޔަފާރި ބަނދަރު، ހުޅުމާލޭގައިވެސް އެމްޕީއެލްގެ ވިޔަފާރި ބަނދަރު. ދުނިޔޭގެ ގައުމުތަކުގައި މައި ބަނދަރު ބޭނުން ކުރުމަށްފަހު އެއްގަމު މަގުން މުދާ އުފުލަނީ ކަމެއްވެގެންތާ. އަކަކިލޯމީޓަރެއް ހަމަނުވާތަނެއްގައި 3،4 ބަނދަރު އޮޕަރޭޓްކުރުމަކީ ކެޕިޓަލް އަދި ރިކަރެންޓް ޚަރަދު އިތުރުވާކަމެއް ހުޅުމާލެއަށް މިހާރު އެއްގަމުން މުދާ ގެންދެވޭތީ ކޮންމެހެން އެތާގައި ކަޑުގެ ބަދަރެއް މުހިންމުތ؟
މުޖައްރިބޫ
05 January 2019
ޝާހިދުގެ ގާބިލްކަމާ ދޭތެރޭ ޝައްކެއް ނުކުރަން. ސަރުކާރުން ޝާހިދާށް ޖާގަދޭނެ ކަމަށް އުއްމީދުކުރަން...