ޑަބްލިއު ކޮންސްޓްރަކްޝަން ކުންފުނިން މަސަައްކަތް ކުރާ ސައިޓެއް. މިހާރު ފައިލް ފޮޓޯ
07 ޖެނުއަރީ 2019 - 11:53
17 comments
ސިމެންތި ބަސްތާއެއް ވެއްޓި ރަވްޝާން ޖިއާން މަރުވި ހާދިސާއާ ގުޅިގެން ޑަބްލިއު ކޮންސްޓްރަކްޝަންގެ ހުރިހާ މަސައްކަތެއް ހުއްޓުވުމަށް ފަހު އެކުންފުންޏަށް އަލުން ހުއްދަދީފި އެވެ.
ޕްލޭނިން މިނިސްޓްރީގެ ސްޓޭޓް މިނިސްޓަރު އަހުމަދު އަލީ "މިހާރު"އަށް ވިދާޅުވީ ޖިއާން މަރުވި ހާދިސާ ހިނގި ސައިޓް ނޫން އެހެން ސައިޓްތަކުގައި މަސައްކަތް ކުރިއަށް ގެންދަން ޑަބްލިއު ކޮންސްޓްރަކްޝަނަށް މިދިޔަ ޑިސެމްބަރު މަހުގެ ފަހުކޮޅު ހުއްދަ ދީފައިވާ ކަމަށެވެ.
އެކަމަކު މ. ނަލަހިޔާ މަންޒިލްގައި އެ ކުންފުނިން ކުރަމުން ދިޔަ މަސައްކަތްތަކަށް ހުއްދަ ނުދީ އޮތީ، އެ ހާދިސާގެ ތަހުގީގު ނުނިމޭތީ ކަމަށް އަހުމަދު ވިދާޅުވި އެވެ.
"އެ ސައިޓަށް ހުއްދަ ނުދީ އޮތީ އެ ތަހުގީގުގެ ރިޕޯޓާ، އެފަދަ ހާދިސާއެއް ދެން ހިނގިޔަ ނުދިނުމަށް އެޅި ފިޔަވަޅުތަކާ ބެހޭ ރިޕޯޓެއް ލިބެންދެން. އެ ރިޕޯޓެއް އަދި ނުލިބޭ،" އޭނާ ވިދާޅުވި އެވެ.
ޖިއާން މަރުވި ހާދިސާއާ ގުޅިގެން ޑަބްލިއު ކޮންސްޓްރަކްޝަނާ ދެކޮޅަށް އަދި އެއްވެސް ފިޔަވަޅެއް ނާޅާ އޮތީ ވެސް ތަހުގީގު ނުނިމޭތީ އެވެ.
އަހުމަދު ވިދާޅުވީ ޑަބްލިއުގެ އެހެން ސައިޓްތަކަށް ހުއްދަ ދިނީ ތަހުގީގަށް ހޭދަވާ މުއްދަތުގެ ދިގުކަމުން، އެ މަސައްކަތްތައް ހުއްޓުވާފައި ނުބާއްވަން ވެގެން ކަމަށެވެ.
ރާއްޖޭގައި މަސައްކަތްކުރަމުން އަންނަ ބަންގްލަދޭޝްގެ ދެ ޑޮކްޓަރެއްގެ ތިބި ދެ ކުދިންގެ ތެރެއިން ދޮށީ ކުއްޖާ، ޖިއާން، ޑިސެމްބަރު 16 ގައި މަރުވީ ނަލަހިޔާ މަންޒިލްގެ ފަސް ވަނަ ބުރިން ވެއްޓުނު ސިމެންތި ބަސްތާ އިން ޖެހި ލިބުނު ޒަހަމްތަކަށް، އައިޖީއެމްއެޗުގެ އައިސީޔޫގައި ފަރުވާދެމުން ދަނިކޮށެވެ.
ޖިއާން މަރުވި ހާދިސާއާ ގުޅިގެން މާލޭގެ ވަރަށް ގިނަ ތަންތަނުގެ މަސައްކަތް މާލޭ ސިޓީކައުންސިލާއި ޕްލޭނިން މިނިސްޓްރީން ހުއްޓުވި އެވެ. އެކަމަކު އެ ފިޔަވަޅު އެޅުމުން މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) އިން އޭރު ބުނީ މަސައްކަތް އެގޮތަށް ހުއްޓުވުމަކީ ހައްލެއް ނޫން ކަމަށެވެ.
އެ އެސޯސިއޭޝަންގެ އެގްޒެކެޓިވް ބޯޑު މެންބަރު މުހައްމަދު އަލީ ޖަނާހު ވިދާޅުވެފައި ވަނީ ރާއްޖޭގެ ކޮންސްޓްރަކްޝަން ދާއިރާގައި ވަރަށް ރަނގަޅަށް މަސައްކަތް ކުރާ ކުންފުނިތައް ވެސް ހިމެނޭ ކަމަށާއި އެންމެ ކޮންޓްރެކްޓަރެއްގެ މައްސަލަޔަކުން އެންމެން ކުށްވެރިވާން ނުޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާރަދުން
07 January 2019
ޑަބްލިޔު އަށް ހުއްދަ ނުދޭންވީ ކީއްވެ މަގު ތަކުގެ ކާނުން ވާ އަނިޔާ މާގިނަ، އަޑިގުޑަންތަކުން ވެހިކަލް ތަކަށް ލިބޭ ގެލުން އިންތިހާ ޒިއްމާ ވާ މުއައްސަސާ އެއް ނެތް، ތިޔޮއް ތިލަފުށީ އިންޑަސްޓްރިއަލް އޭ ކިޔާފަ ނަގާ ކުލި ދަނީ ބޮޑު ކުރަމުން އިންތިހާ އަށް ދޭ ހިދުމަތެއް ހަރާމް. މަގެއް ނެއް ކަރަންޓެއް ފެނެއް ނެތް ނަގާ ކުއްޔަކަށް ބަދަލެއް ނެތް، އަސްލު ސަރުކާރަށް ވެސް އެނަގާ ފައިސާ ހަލާލު ނުވާނެ ނުދޭ ހިދުމަތަށް ނަގާ އަގުން، މި ދެއްކީވެސް ހަމަ އަނިޔާގެ ވާހަކަ
ކުނިކަހާދައްތަ
07 January 2019
މޮޅުމީހާއަށް މޮޅުގޮތް....
ތިމާވެށި
07 January 2019
މަރުވި ކުއްޖާގެ އާއިލާ އަށް ބަދަލު ދިންތޯ ބަލާލަން ބޭނުމެވެ.
އަސްތާ
07 January 2019
އަނާރާ ރުޅިދުރުވެދާނެތީ ފިޔަވަޅު އަޅާކަށް ނުކެރޭނެ؟؟؟
އެޗް.ކޭ
07 January 2019
މި ކުންފުނިން ހަދަމުންދާ އިމާރާތެއް ހެންވޭރު އަބަދަށްފެހި މަގުގައި ވެސް ހަދަމުން އެބަދޭ. ވަރަށް ފަރުވާ ކުޑަކޮށް މި ފަރާތުން އިމާރާތް ހަދަމުންދަނީ. މި އިމާރާތުގެ އޭސީ އައުޑް ޑޯ ތަކުގެ ހޮޅިން އަންނަ ފެންތަށް ފައިބާ ގޮތަށް ހުންނަނީ ސީދާ ޕޭމަންޓް މައްޗަށް ދެން މިޖެހެނީ ޕޭމަންޓުން ފައިބައިގެން މަގުމަތީގައި އަޅާފައި އޮންނަ ޕަރެެޓް ތަކުގެ މަތިން ދާން. ޕޮލިހުގެ ނެއިބަ ހުޑަށް ނަންބަރަށް ގުޅާ ރިޕޯޓްވެސް ކުރެވިއްޖެ އަދިވެސް ހައްލެއް ނުލިބޭ.
މަ މިއު މަ
07 January 2019
ތިތަނަށް ހުއްދަ ދިންތާ 24 ގަޑި އިރު ހަމަ ނުވަނީސް އަނެއްކާ އަނެއް ތަނުން އެއްޗެއް ވެއްޓި މީހެއްގެ ބޯ ފަޅައިގެން ގޮއްސި.! ކީއްތަ ތި ކުރަނީ؟
ގޫގުލާ
07 January 2019
މި މީހުންނަށްވެސް ހަމަ ރަނގަޅު ކަޓެއް ވައްޓާލާ އިރަށް ވީ ކަމެއް ނުވާ ކަމަކަށް ހަދާލާނެ.. މިހާރު އެ ކުއްޖާ އެ ނިޔާވީ ގަވައިދާ އެއްގޮތަށް މަސައްކަތް ކުރަނިކޮއް ކަމަށްވާނަމަ ތި ގަވައިދު ތިހުރީ ރައްޔިތު މީހާ ހަފުސްވާގޮތަކައްނުން..
ޙިނި
07 January 2019
ކޮބާ ހައުސިން މިނިސްޓަރާ އަދި މޭޔަރު. ދިވެހިން ހަންދާނެތޭހާ ދުވަސް ކޮއްލާފަ ހުއްދަދިނީދޯ
ވެށި މިތުރު.
07 January 2019
ހުރިހާ އިމާރާތެއްގެ ޙުދަތަށް ހިފެހެއްޓުމީ އެންމެ ރަނގަޅު ގޮތެއްނޫ. މިހާރު އިމާރާތްކުރާ ގިނަ ތަންތަނަކީ ބެންކުތަކުން ލޯނުނަގައިގެން ހެދޭ ތަންތަން.ގަވައިދުތަށް ތަންފީޒުމިކުރެވެނީ ކަމެއްދިމާވީމަ.އަހެންނޫނިޔާ މަސަލައްހުއްޓަސް އޯކޭ. އިހުމާލު ވަރަށް ގިނަ .ބަލާލިކޮންމެދިމާލަކުންވެސް.ކޮންމެ ކަމެއްގަވެސް.
ސައިމާ
07 January 2019
ތިކުންފުނި ގަވައިދާ ހިލާފަށް މަސައްކަތް ކުރިކަމަށް މާލެގެ މޭޔަރު ވިދާޅުވި. އެހެންވީ އިރު އެމައްސަލަ ފުލުހުންނަށް ހުށަހެޅިތަ؟ އަދި މިމައްސަލައިގަ ކުންފުނީގެ ވެރިން ފުލުސް އޮފީހަށް ހާޒިރުކޮށް ސުވާލުކޮށް ތަހުގީގު ކުރި ތަ؟ މިހާރު ނޫހުގެ މުރާލި ނޫަސްވެރިޔެއް މިކަންވެސް ބަލާލަ ދީބަލަ
އެކޮޅު
07 January 2019
ހައުސިންގ މިނިސްޓަރ އޭރު ބުނީ ގަވައިދުންނޭ އެމީހުން މަސައްކަތްކުރީ. އެހެންވީމަ ގަވައިދުން ބަސްތާ ވެއްޓި ގަވައިދުން ކަންނޭގެ ކުއްޖާވެސް މަރުވީ. ގަވައިދުންވީމަ ދެން ބުނާނެ އެއްޗެއް ނޯންނާނެނު. މި ސަރުކާރަށް ނިސްބަތްވާ މީހަކަށްވީމަ ނުވާނެ އެއްކަމެއްވެސް.