އަމީނިއްޔާ ސްކޫލުގެ ދަރިވަރުންތަކެއް މަޑުކޮށްލައިގެން: ނާސްތާ ދޭން ފަށާ ސްކޫލުތަކުގެ ތެރޭގައި އަމީނިއްޔާ ވެސް ހިމެނޭ.-- މިހާރު ފައިލް ފޮޓޯ
10 ޖެނުއަރީ 2019 - 17:00
23 comments
ސްކޫލުތަކުގައި ނާސްތާ ދޭނެ ބަޔަކު ހޯދައި އާ އަހަރުގެ ކިޔެވުމާއެކު ހެނދުނުގެ ނާސްތާ ދިނުން ފަށާނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ މިއަދު ވިދާޅުވެއްޖެ އެވެ.
ދިރާސީ އާ އަހަރުގެ ކިޔެވުން ފަށަނަނވަމުންދާ ތައްޔާރީތަކާ ގުޅޭ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ ނާސްތާ ދިނުމުގެ ކަންތައްތައް މިއަދުގެ ހެނދުނާ ހަމައަށް 22 ސްކޫލެއްގައި ހަމަޖެހިފައިވާ ކަމަށެވެ. އަނެއް ތިން ސްކޫލުގެ މަސައްކަތްތައް މިއަދު ނިމޭނެ ކަމަށް ވިދާޅުވި އެވެ.
"[ނާސްތާ ދިނުމުގެ] އެ ޕްރޮގްރާމް ޕައިލެޓްކުރުން ހަމަ އެ ދުވަހު، 13 ޖެނުއަރީގައި ފެށިގެންދާނެ،" އެޑިއުކޭޝަން މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި އޭނާ ވިދާޅުވި އެވެ.
އާދިއްތަ ދުވަހު ދިރާސީ އާ އަހަރުގެ ކިޔެވުން ފަށައި ހެނދުނުގެ ނާސްތާ ޕްރޮގްރާމް ފުރަތަމަ ފަށަން ނިންމާފައިވަނީ 25 ސްކޫލެއްގަ އެވެ. އޭގެ ތެރޭގައި ދަރިވަރުންގެ އާބާދީ މަދު ސްކޫލުތަކާއި މެދު ފަންވަރެއްގައި އާބާދީ ހިމެނޭ ސްކޫލުތަކާއި ދަރިވަރުން ގިނަ ސްކޫލުތައް ހިމެނެ އެވެ. އެ ޕްރޮގްރާމް ފެށުމަށް މާލެ ސަރަހައްދުން ފަސް ސްކޫލަކާއި ކޮންމެ އަތޮޅަކުން އެއް ސްކޫލު ވަނީ ހަމަޖައްސައިފަ އެވެ.
ޔުނިސެފްގެ އެހީއާ އެކު މިނިސްޓްރީން ވަނީ ނާސްތާއަށް 10 މެނޫއެއް ވެސް ތައްޔާރުކޮށްފަ އެވެ. އޭގެ ތެރޭގައި ރޮއްޓާއި ބިސްގަނޑާއި ކިރާއި ތަރުކާރީ މަސްހުންޏާއި ބަރަބޯ މަސްހުންޏާއި ސޭންޑްވިޗް ފަދަ ތަކެތި ހިމެނެ އެވެ. ދަރިވަރުންނަށް ކޮންމެ ދުވަހަކު ވެސް އޭގެ ތެރެއިން ތިން މެނޫއެއް އޮންނާނެ އެވެ.
ނާސްތާ ދޭން ފަށާ 25 ސްކޫލުގެ ޖުމުލަ އާބާދީ އަކީ 14،720 އެވެ. އޭގެ ތެރެއިން ވެސް ނާސްތާ ދޭން ހަމަޖައްސާފައިވަނީ ހެނދުނުގެ ދަންފަޅީގައި ކިޔަވާ ދަރިވަރުންނަށް އެކަންޏެވެ. އެ ދަރިވަރުންނަށް ނާސްތާ ދޭނީ ކިޔެވުން ފެށުމުގެ ކުރިން ކްލާސްރޫމުގަ އެވެ. ސްކޫލް ކުދިންނަށް ނާސްތާ ދިނުމަށް ބަޖެޓުގައި 50 މިލިއަން ރުފިޔާ ވަނީ ހިމަނައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާނި
17 January 2019
ފޮތްތައް ހަމަ ނުވިޔަސް ވަރިހަމަ ނާސްތާ ދެވެނިކޮން..... އެއް ހަފުތާ މި ނިމުނީ އަދިވެސް ދިވެހި އިސްލާމު ފޮތެއް ނުލިބޭ
އަބްދޫ
11 January 2019
މިކަހަލަ ވައުދު ދަވްލަތަކުން ނުފުއްދޭނެ. މިވައުދު ފުއްދަންވާނީ އަމިއްލަ ހަރަދުގާ
މަރޭމިތުރާ
11 January 2019
[ހެޔޮކަމަކަށް ހެޔޮކަމެކޭ ބުނެލާށޭ! ކެޔޮދޮން ރޮއްޓާއިއެކު މީރޭބުނެލާށޭ!]............... ހެޔޮކަމެއް ކޮންމެ ބައަކު ކޮށދިނަސް އެކަމުގެ އަގުވަޒަންކުރަންޖެހޭނެ. ބަޔަކުދެކެ އަންނަ ރުޅިން ކޮށްދޭ ހެޔޮކަމެއް ނުގެއްލޭނެ.
އެކަމު
11 January 2019
މިދިޔަ ސަރުކާރު ދެކެ ބަޔަކު އައި ރުޅީގައި އެ ސަރުކާރުން ކޮށްދިން އެއްވެސް ރަގަޅުކަމެއް އޮތްކަމަކަށް ނުވޭ.
ޕޮކަޑިމޭން
11 January 2019
ބަންދު ދުވަސްތައް ނުލާ ގުނީމަ ރާއްޖޭގަހުރީ 25 ސްކޫލް، ޖެނުއަރީ 13ގަ ކިޔަވަން ފަށަނީވެސް 25 ސްކޫލްގަ، ނުވާވަރުން ކަންކަން ކުރަން ނޫޅެ ކުރެވޭވަރުގެ ކަންކަމާ އުޅުނިއްޔާ މާތާހިރުވާނެ
.ނާސްތާ
11 January 2019
.ސުކޫލުގެ އެއްކަނެއްގާ ކުނާ ގަނޑެއް އަޅާ ކުދީންތައް އަތުރައިގެން ކަޅުސައި ތައްޓެއް ބަހައްޓާ ފޮޓޯ ނަގައިގެން ރާއްޖޭން ބޭރަށް ފޮޓޯ ދައްކައިގެން ލާރި ހޯދަން ތައްޔާރު ވަނީ.
އަބްދޫ
11 January 2019
ދަރަންޏަށް ނަގައިގެން ކުރާ މި ބޭކާރު ހަރަދު ހުއްޓާލަން ގޮވާލަން . މިފައިސާ ގައުމުގެ ތަރައްގި އަށް ހަރަދުކުރަންގޮވާލަން . މިހަރަދު ކްލާސްތައް ފިނިކުރުމަށް އެއާކޯން ހަރުކުރަންގޮވާލަން .މިކުރާހަރަދަކީ ގައިރު ގާނޫނީ ހިޔާނާތެއް. ގާނޫނުއަސާސީގެ 97 އާ 250 އާހިލާފު ހަރަދެއް އަދި 17 އާ 20 ވަނަ މާއްދާގެ ހަމަހަމަކަން ނަގާލާ ހަރަދެއް.
ހަމަަ
11 January 2019
ހަގީގަތުގަވެސް ބޭކާރު ޚަރަދެއް. ވަރަށް ނިކަމެތިކޮށް އުޅޭ ޢާއިލާތަކަށް އެމީހުން އެދުމުން މިކަން ހިންގުން ރަގަޅު. ދިވެހިންނަކީ އާއްމުކޮށްވެސް ލިބޭތާ ލިބިގަންނަ ބަޔަކަށްވާތީ، ނާސްތާ ދެވޭނެފަދަ ފޯރާ އެތައް ބަޔަކުވެސް މި ޚިދުމަތުގެ ބޭނުން ހިފީމާ މިކަން ބޭކާރު ޚަރަދަކަށްވެގެންދާނީ. އާސަންދައިން މުއްސަނދިންވެސް ބޭސްކުރާހެން ކުރާ ކަމަކަށް މިކަންވީމަ ކޮންތާކު އެޖެހުނީ؟
ލަކި ކަނބުލޮ
10 January 2019
އަމީނިއްޔާ ސްކޫލުގެ ޔުނިފޯމް ބަދަލުކުރަން ގޮވާލަން.
ސަމީ
13 January 2019
ކަލޭގެ ވިސްނުން ބަދަލުކުރަން ގޮވާލަން.
ޟަރި
10 January 2019
ސްކޫލަށް ދަރިންމި ފޮނުވަނީ ކިޔަވަން! ނާސްތާ ކުރާކަށް ނޫން! މިހާރުވެސް ސްކޫލްތަކުގެ ފެންވަރު އެހާ ދެރަ، އަނެއްކާ ކިޔަވާނުދީ އަނެއް ސަކަރާތްތި ފެށީ!
ޏަކި
10 January 2019
ކުރީގަވެސް ސުކޫލުގަ ދަރިވަރުން އިންޓަވަލް........
ނާއިލާ
10 January 2019
ކިޔަވާވާކުދިންނައް ދޭނެ ރަގަޅު ފޮތްކޮޅެއްނުލިބިގެން އުޅޭ ބަޔަކު ކީއްކުރަންދޭ ނާސްތާއެއް .އެކުދިން އެއީ ބިސްގަޑާ ކިރު ނުބޯ ބަޔަކީ ތަ .މަންމަ މޮޑޭހާ މީރުކޮށް އެހެންމީހަކަށް ނޭގޭނެ މަސްހުނި މޮޑޭކަށް ހުރިހާ ކުދިން ނަކަށް މަސްހުނި މީރެއް ނުވާނެ އަދި ހެދުނު ހޭލާގޮތައް މަސްހުނި ޔާ އެކު ރޮށި ނުކާ ކުދިން ވެސް އުޅޭނެ މައިން ބަފައިން ނަކީ އެމީހުން ގެ ދަރިން މިޒަމާނުގަ އެބައެއްގެ ފެން ވަރުގަ ކޮލިޓީގަ ގެންގުޅޭ ދަރިން ގިނަ ކުދިން ކާނީ ޕާނާ ކުރަމްޕީ .
ރާޔާތު
10 January 2019
ޕާނާއި ކްރަމްޕީ އަކީ ކޮލިޓީ؟ ތިމީހާގެ ކޮލިޓީ މިހާރު އެނގިއްޖެ..
ނާއިލާ
11 January 2019
މަގޭ ކޮލިޓީ އަންގަން ރާޔާތު އަށް ދިން ރައްދު ކޮބާތަ .؟
ނިކަމެތިމީހާގ
10 January 2019
ކިހިނެއްވާނެތޯ މާލެއިން ސްކޫލްތައް ކަނޑައަޅާއިރު ދަތިހާލުގަ ކުލިދައްކާގެންއުޅޭ، އަދި ޙ ކާއްސައެހީއަށް ބޭނުންވާ ކުދިން ގިނަ ސްކޫލްތައްބަލައިގެން މިނާސްތާގެ ޕްރޮގްރާމް ހިންގިއްޔާ!