14 ޖެނުއަރީ 2019 - 18:17
9 comments
ރާއްޖެއާ ޔުނައިޓެޑް އަރަބް އެމިރޭޓްސް (ޔޫއޭއީ) އާ ދެމެދު އެއްބާރުލުން އިތުރު ކުރަން "ޖޮއިންޓް ކޯޕަރޭޝަން ކޮމިޓީ"އެއް އުފައްދަން ދެގައުމުން އެއްބަސްވެއްޖެ އެވެ.
ޖޮއިންޓް ކޯޕަރޭޝަން ކޮމިޓީއެއް އުފެއްދުމުގެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ރައީސް އިބްރާހީމް މުހައްމަދު ސޯލިހްގެ އަރިހުގައި އެގައުމަށް މިހާރު ވަޑައިގެން އުޅުއްވާ ފޮރިން މިނިސްޓަރު އަބުދުﷲ ޝާހިދެވެ. ޔޫއޭއީގެ ފަރާތުން އެ ގައުމުގެ ފޮރިން މިނިސްޓަރު ޝައިޚް އަބްދުﷲ ބިން ޒައިދް އަލް ނަޙްޔާން އެވެ.
ޔޫއޭއީގެ އަބޫ ދާބީ ގައި ހުންނަ އަބޫ ދާބީ ނެޝަނަލް އެގްޒިބިޝަން ސެންޓަރުގައި އޮތް އެ ރަމިސްޔާތުގައި ރައީސް އިބްރާހީމް މުހައްމަދު ސޯލިހު ބައިވެރިވަޑައިގެންނެވި އެވެ. ރަސްމީ ދަތުރުފުޅެއްގައި ރައީސް އެގައުމަށް ފުރާވަޑައިގެންނެވީ ރޭގެ ވަގުތެއްގަ އެވެ. ރައީސް، ޔޫއޭއީ އަށް ވަޑައިގެންނެވީ އެ ގައުމުގެ ޑެޕިއުޓީ ސުޕްރީމް ކޮމާންޑާ އޮފް އާމްޑް ފޯސަސް މުހައްމަދު ބިން ޒައިދު އަލް ނަހްޔާންގެ ދައުވަތަކަށެވެ.
ރައީސްގެ ދަތުރުފުޅުގައި "ޒައިދު ސަސްޓެއިނިބިލިޓީ އެވޯޑްސް" އާއި "އިނޯގްރޭޝަން އޮފް ދަ އަބޫދާބީ ސަސްޓެއިނަބިލިޓީ ވީކް" ގައި ބައިވެރިވެވަޑައިގަންނަވާނެ އެވެ.
ފޮރިން މިނިސްޓްރީން ބުނީ ޖޮއިންޓް ކޯޕަރޭޝަން ކޮމިޓީ އުފައްދަން މިއަދު ސޮއިކުރި އެއްބަސްވުމުގެ ސަބަބުން ދެގައުމުގެ ދެމެދުގައި މިހާރު ވެސް އޮތް ގާތްގުޅުން އިތުރަށް ބަދަހިވެގެން ދާނެ ކަމަށެވެ. އަދި އެކި ދާއިރާތަކުން ފަންނީ އެހީތެރިކަން ފޯރުކޮށްދީ ތަރައްގީގެ ލަނޑުދަނޑިތައް ހާސިލުކުރުމުގައި ދެގައުމުގެ ދެމެދު އެއްބާރުލުން އިތުރުވެގެންދާނެ ކަމަށް ވެސް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިބޭ
15 January 2019
ތި ވާނެ މިޤައުމުގެ ހަލާކަށް. ނަމުން އިސްލާމީ ޤައުމަކަށް ވިޔަސް ތީ އެމެރިކާއާއި އިސްރާއީލުންގެ އަޅުވެތިވެފައިވާ ޤައުމެއް.
ގުޑުގުޑާ
15 January 2019
ވަރައްވެސްވިސްނާތި.މީނާކޮއްފާނެކޮއްމެފަޑަކަމެއްވެސްމިފަހަރުބިއްގައްނަނީކޮތާކުއްބާ?
މާރަނގާ - އައްޑޫ ސިޓީ
15 January 2019
ދިވެހިރާއްޖެއަށް ބޭނުންވާ ޑީސަލާއި ޖެޓްފިއުލް ސަޕްލައިކޮށް 6 މަސްދުވަހުގެ ސްޓޯރޭޖް ރާއްޖޭގެ އުތުރު މެދުރާއްޖެ އަދި ދެކުނުގައި ޤާއިމް ކުރުމަށާއި މާލޭ އެއަރޕޯޓްގައިހުރި ސްޓޯރޭޖްގެއިތުރަށް ގޭން އެއަރޕޯޓްގައި އެއަދަދަށް ނުވަތަ އަދަދު އިތުރުކޮށް 800 މެޓްރިކްޓަނުގެ ޖެޓްފިއުލް އަދި ހަނިމާދޫ އެއަރޕޯޓްގައި ވެސް ބޭނުންވާވަރަށް ތެޔޮރައއކާކުރެވޭނެގޮތް ހެދުމަށް ޑްބާއީ ކުންފުންޏަކަށް ދިނުމަށް އެއްބަސްވާންޖެހޭ.
ސީދި
14 January 2019
މަބުނީ ކޮންމެސްމީހަކު ރައީސް އިބޫ އަރިހު ބުނެދީބަލަ މިކޮޅުގަ ކޮލެޖުތަކުން މިމަހުވެސް އެބަފީނަގައޭ...
ގައުމީ ލޯބީގާ
15 January 2019
މީހަކު ނުބުންޏަސް ރައިސަށް މިހާރު އަޑު އިވިއްޖެ .ވެވުނު ވައުދެއް ނުފުއްދުނު ކަމަށް ވެސް ގަބޫލު ކުރާނެ .ހިލޭ ކިޔެވުމުގެ ފުރުސަތު ރައިސްގެ ސަރުކާރުން ލިބިގެން ދާނެ ކަމަށް ވެވުނު ވައުދު ތާޒާ ކަމާ އެކު އަދި ހުރީ .
ދާދޭ
14 January 2019
ރާއްޖެއަށް ފައިދާކުރާނޭ އުސޫލުގެމަތިން ގައުނުތަކާ ގުޅުން ބަދަހިކުރަންވީ.
ދެކެމޭ
14 January 2019
މަމެން އުއްމީދު ކުރަން މާލޭގެ ކޮމާރޝަލް ހާރބަރ ތިލަފުއްޓަށް ބަދަލު ކޮށް އަދި ތިލަފުށި ހިއްކާލާ އަދި މާލެ އާއި ތިލަފުއްޓާއި ދެމެދު ބްރިޖް އެޅުމަށް ޓަކައި ބޭނުންވާ ލުއި ލޯން ކަމަށްވާ 10 ބިލިއަން ޑޮލަރުގެ ލުއި ލޯން ޔޫއޭއީގެ ބޭންކް އިން ހަމަޖައްސާ ދެއްވާނެ ކަމަށް %1 އިންޓަރެސްޓް ރޭޓް ގައި...
ހޯދާތި
14 January 2019
ޔޫއޭއީ އަކީ މުއްސަނދި ފުދިގެން އުޅޭ ގައުމެއް މަމެން އުއްމީދު ކުރަން މާލެ އާއި ވިލިގިލި އާއި ދެމެދު ބްރިޖް އެޅުމަށް ބޭނުންވާ ފަންޑް ހިލޭ އެހީއެއްގެ ގޮތުން 1 ބިލިއަން ޑޮލަރު ލިބިގެން ދާނެ ކަމަށް އެއިރުން ދެން ގުޅިފަޅު ވެސް ހިއްކާލެވޭނީ އަދި ގުޅިފަޅުން ބިން ވެސް ދޫކުރެވޭނެ އެއް ނޫންތޭ މާލެ ސަރަހައްދުގައި ވިޔަފާރި ކުރާ އަމިއްލަ ކޮންމެ ކުންފުންނަކަށް 10 ހާސް އަކަފޫޓްގެ ބިމެއް...
ޖެނެރަލް އަންދަރޭ
14 January 2019
ކޮބާ ޤަތަރުގެ ގުޅުން އިޔާދަނުކުރެވިގެން އުޅެނީ ކީއްވެ